Atlantic Airways tekur flugið í Kauphöllinni

Gengi bréfa í færeyska flugfélaginu Atlantic Airways tók flugið í Kauphöll Íslands í dag og hækkaði gengi þeirra um 11,8 prósent. Þetta er langmest hækkun dagsins skráðra félaga eftir afhroð í vikunni. Gengi einungis tveggja félaga lækkaði á sama tíma. Í Icelandic Group og 365.

Nokia keyrir fram úr öðrum

Nokia, stærsti farsímaframleiðandi í heimi, hagnaðist um tæpa 1,8 milljarða evra, jafnvirði 172 milljarða íslenskra króna, á síðasta ársfjórðungi nýliðins árs. Þetta er 44 prósenta aukning á milli ára.

Tap Ford minnkar milli ára

Bandaríski bílaframleiðandinn Ford tapaði 2,7 milljörðum dala, jafnvirði 178,6 milljörðum íslenskra króna, á síðasta ári. Þrátt fyrir tapið er þetta talsverður bati frá þarsíðasta ári þegar fyrirtækið tapaði 12,6 milljörðum dala.

Storebrand og Sampo taka stökkið

Norski fjármálarisinn Storebrand og finnska tryggingafélagið Sampo, sem Exista og Kaupþing eri stærstu hluthafar í, tóku sprettinn í norrænu kauphallarsamstæðunni þegar viðskipti hófust í dag.

Citigroup mælir með sölu á Kaupþingsbréfum

Samkvæmt frétt í sænska viðskiptablaðinu Dagens Industri mælir bandaríski stórbankinn Citigroup nú með sölu á hlutabréfum í Kaupþingi. Fyrir skömmu mældi bankinn með því að fjárfestar héldu bréfunum.

Skuldabréfatryggingar tífalt dýrari hér en í Svíþjóð

Skuldabréfatryggingar íslensku bankanna eru nú tífalt dýrari en hjá stærstu bönkunum í Svíþjóð. Þetta kemur fram í grein í viðskiptablaðinu Dagens Industri um erfiðleika íslenskra fjármálafyrirtækja þessa stundina.

Kaupþing með viðskiptavakt á hlutum í Landsbanka

Kaupþing hefur, fyrir eigin reikning, hafið viðskiptavakt með hlutabréf Landsbankans í viðskiptakefi OMX Nordic Exchange á Íslandi samkvæmt tilkynningu um viðskiptavakasamning.

Sprettur í Kauphöllinni

Exista og SPRON tóku sprettinn ásamt öllum bönkum og fjármálafyrirtækjum í fyrstu viðskiptum dagsins í Kauphöll Íslands í dag en gengi þeirra rauk upp um fimm prósent. Gengi jafnaði sig fljótlega um eitt prósent að meðaltali en ekkert félag hefur lækkað enn sem komið er.

Hlutabréf taka sprettinn í Evrópu

Gengi hlutabréfa í Kaupþingi hefur hækkað um tæp 4,5 prósent í kauphöllinni í Stokkhólmi í Svíþjóð í dag en sprettur hefur verið á hlutabréfamörkuðum í Asíu og Evrópu í dag eftir mikla lækkun í gær.

Risastórt fjármálahneyskli í Frakklandi

Viðskipti með hluti í einum stærsta banka Frakklands, Société Générale, voru stöðvuð í morgun.

Exista lækkaði mest

Straumur ræður þrjá á skrifstofu sína í Stokkhólmi

Straumur hefur ráðið til starfa á skrifstofu bankans í Stokkhólmi þá Mats Ericsson forstöðumann sölusviðs markaðsviðskipta í Svíþjóð, Peter Bengtsson sölustjóra í markaðsviðskiptum og Peter Näslund yfirmann greiningar.

Exista fellur um tíu prósent

Gengi bréfa í Existu hefur fallið um rúm tíu prósent í Kauphöll Íslands í dag. Á eftir fylgir SPRON líkt og fyrri daginn, sem hefur fallið um rúm 8,7 prósent en gengi beggja félaga hefur aldrei verið lægra.

Buffett kaupir hlut í Sviss Re

Hlutir í svissneska endurtryggingarfélaginu Sviss Re hafa hækkað verulega í morgun eftir að auðjöfurinn Warren Buffett keypti 3% hlut af því.

Lottó til að minnka veikindadaga hjá danska póstinum

Forráðamenn dönsku póstþjónustunnar hafa gripið til þess ráðs að nota lottó til að draga úr fjölda veikindadaga meðal starfsmanna sinna.

Illa unnin greining á Existu, segir stjórnarformaðurinn

„Þessar hugleiðingar greiningarmanns Enskilda eru illa unnar og fjarri öllum veruleika. Greiningarmaðurinn þekkir greinilega ekki vel til Exista og gerir sig þar að auki sekan um rangfærslur í útreikningum,“ segir Lýður Guðmundsson, stjórnarformaður Existu.

Töluverð lækkun í kauphöllinni

Úrvalsvísitalan hefur lækkað um 1,75% frá opnun markaðarins í morgun og stendur nú í 5.195 stigum.

Gengi Existu og SPRON aldrei lægra

Gengi bréfa í Existu féll um 5,3 prósent og SPRON um tæp 3,5 prósent skömmu eftir að viðskipti hófust í Kauphöll Íslands í dag en gengi félaganna hefur aldrei verið lægra. Fallið kemur í kjölfar greiningar sænska bankans Enskilda um finnska tryggingafélagið Sampo. Þar segir að eiginfjárstaða Existu sé verri en af sé látið. Nemi hún jafnvirði um 35 milljörðum króna og geti svo farið að félagið verði að losa um eignir, jafnvel með afslætti.

AppliCon kaupir sænskt ráðgjafarfyrirtæki

AppliCon AB í Svíþjóð, sem er í eigu Nýherja hf., skrifaði í dag undir samning um kaup á öllum hlutabréfum í sænska fyrirtækinu Marquardt & Partners AB. Kaupin eru í samræmi við þá stefnu AppliCon að útvíkka þjónustu sína á sviði hugbúnaðarlausna fyrir fjármálafyrirtæki í Norður-Evrópu.

Seðlabankarnir eru kjölfestan

Jean-Claude Trichet, bankastjóri evrópska seðlabankans, segir fjármálamarkaði víða um heim ganga í þessar mundir í gegnum harkalega leiðréttingu. Hann segir hræringarnar undanfarið minna fólk á að efnahagsástand í einu landi geti haft áhrif í öðru.

Hækkanir á mörkuðum í Asíu

Hlutbréf á mörkuðum í Asíu hækkuðu töluvert í morgun í kjölfar ákvörðunnar Seðlabanka Bandaríkjanna í gær að lækka stýrivexti verulega.

Forstjóri Baugs í Bretlandi sér möguleika í stöðunni

Gunnar Sigurðsson forstjóri Baugs Group í Bretlandi óttast ekki ástandið á fjármálamörkuðunum í dag heldur þvert á móti því hann telur ýmsa möguleika í stöðunni.

Óvarlegt að draga of víðtækar ályktanir

Hlutabréfamarkaðir lækkuðu skarpt um heim allan í byrjun vikunnar. Sérfræðingur Kaupþings varar við of mikilli svartsýni, teikn séu á lofti um að botni kunni að vera náð.

Hráfæði og bjúgu geta farið saman

Sólveig Eiríksdóttir, athafnakona og einn eigenda Himneskrar hollustu, hefur verið hér fremst í flokki við að kynna og koma á framfæri heilsufæði hvers konar.

Japanar taka sprettinn

Hlutabréf tóku sprettinn upp á við eftir að viðskipti hófust í kauphöllinni í Tókýó í Japan í dag en Nikkei-hlutabréfavísitalan hækkaði um tæp 3,9 prósent í byrjun dags.

Vélmenni raðar lyfjum og sækir

Vélmenni afgreiðir í apótekinu sem hefur verið opnað í nýju verslunarmiðstöðinni í Holtagörðum í Reykjavík. Vélmennið sér um að skipuleggja og raða lyfjum inn á lager og sækir lyf fyrir lyfjafræðing og skilar til afgreiðslumanns á örskammri stundu.

Applerisinn féll á Wall Street

Gengi hlutabréfa í bandaríska tölvuframleiðandanum Apple féll um fimmtán prósent eftir að fyrirtækið birti uppgjörstölur sínar fyrir síðasta ársfjórðung á bandarískum hlutabréfamarkaði í kvöld.

Enn lækkar SPRON

Íslenska úrvalsvísitalan lækkaði um 0,77% í dag. Century Aluminum Company, móðurfélag Norðuráls, lækkaði mest, eða um 2,74%. FL Group hf lækkaði um 0,79%. Foroya Banki lækkaði um 0,36%. Icelandair Group hf lækkaði um 0,19% og Kaupþing banki hf. um 0,14%.

Viðsnúningur á hlutabréfamörkuðum

Gengi hlutabréfa í Century Aluminum hækkaði um tæp fimm prósent í Kauphöll íslands í dag skömmu eftir að bandaríski seðlabankinn lækkaði óvænt stýri- og daglánavexti sína um 75 punkta.

Afkoma Bank of America dregst saman

Hagnaður bandaríska bankans Bank of America nam 268 milljónum dala, jafnvirði rúmum 17,6 milljörðum íslenskra króna, á síðasta fjórðungi nýliðins árs. Til samanburðar nam hagnaðurinn 5,26 milljörðum dala á sama tíma í hitteðfyrra. Þetta er 95 prósenta samdráttur á milli ára.

Óvænt vaxtalækkun í Bandaríkjunum

Seðlabanki Bandaríkjanna lækkaði stýri- og daglánavexti óvænt í dag um heila 75 punkta. Ekki vart gert ráð fyrir viðlíka aðgerðum til að sporna gegn frekara falli á fjármálamörkuðum fyrr en á næsta vaxtaákvörðunarfundi seðlabankans í næstu viku. Vextir vestanhafs fara við þetta úr 4,25 í 3,5 prósent.

412 milljarða rýrnun fjármálafyritækja frá áramótum

Virði fjármálafyrirtækjanna sjö í Kauphöll Íslands hefur rýrnað um 412 milljarða frá áramótum. Mest hefur virði Kaupþings rýrnað eða um 137 milljarða.

Raunhæft að sameina Landsbankann og Straum

Í þeirri stöðu sem komin er upp á fjármálamarkaðinum búast menn við samruna eða sameiningu félaga í einhverjum mæli. Raunhæft er til dæmis að sameina Landsbankann og Straum-Burðarás vegna eignatengsla að mati Jafets Ólafssonar sérfræðings í fjármálum.

Íslensk fjárfesting ehf. með 73% hlut í Kilroy Travels

Íslensk fjárfesting ehf., sem keypti meirihluta í ferðaskrifstofukeðjunni Kilroy Travels International A/S í mars sl., hefur nýtt forkaupsrétt sinn á 20% hlut í félaginu og á nú 73% hlut.

Erfiðar aðstæður seinka nýskráningum í kauphölinni

Búast má við því að erfiðar markaðsaðstæður í Kauphöllinni nú í upphafi árs verði til þess að seinka þeim nýskráningum sem fyrirhugaðar eru á árinu.

Rúm tvö ár horfin úr Kauphöllinni

Gengi hlutabréfa í SPRON féll um átta prósent í fyrstu viðskiptum dagsins í Kauphöll Íslands í dag og fór í rétt tæpar sex krónur á hlut. Á eftir fylgdi Exista, sem féll um tæp 5,3 prósent.

Fall í Asíu en rólegt í Evrópu

Helstu hlutabréfavísitölur í Evrópu eru beggja vegna núllsins í dag þrátt fyrir mikið gengisfall í Asíu í morgun.

Nikkei niður fyrir 13000 stigin

Fjármálamarkaðir um alla Asíu héldu áfram að falla mikið í morgun annan dagsinn í röð. Nikkei-vísitalan í Japan fór niður fyrir 13.000 stig en það hefur ekki gerst í 26 mánuði. Í kauphöllinni í Bombay á Indlandi voru viðskipti stöðvuð í klukkutíma eftir að vísitalan þar féll um tæp 10%. Það eru rauðar tölur í öllum kauphöllum álfunnar í morgun þar á meðal kauphöllinni í Shanghai í Kína þar sem vísitalan féll um 7%. Á öðrum mörkuðum er fallið á bilinu 5 til 7%.

Fall við upphaf viðskiptadags í Japan

Hlutabréf tóku dýfu við upphaf viðskiptadagsins í kauphöllinni í Tókýó í Japan í morgun, um eittleytið að íslenskum tíma í nótt, en fjárfestar í Asíu óttast mjög áhrif af hugsanlegum samdrætti í Bandaríkjunum. Nikkei-hlutabréfavísitalan féll um rúm 4,5 prósent við upphaf dags en jafnaði sig nokkuð eftir því sem á leið.

SPRON lækkaði um tæp 10,6%

Það var eldrauður dagur í Kauphöllinni í dag og úrvalsvísitalan lækkaði um 4%. Sparisjóður Reykjavíkur og Nágrennis lækkaði mest, eða um 10,57. Atlantic Petroleum lækkaði um 7,86%. FL Group hf lækkaði um 6,15% og Exista lækkaði um 5,77%. Foroya Banki lækkaði minnst, eða um 5,74%. Ekkert fyrirtæki hækkaði í dag.

Hluthafafundur felldi tillögu Novator um breytingar á stjórn

Á hluthafafundi hjá fjarskiptafélaginu Elisa í Helsinki í dag bar Novator upp tillögu um breytingar á stjórn félagsins þannig að Orri Hauksson og Tómas Ottó Hansson tækju sæti í stjórn félagsins. Tillaga Novators um tvö stjórnarsæti var felld með 53% atkvæða, en 47% studdu tillöguna.

Kröfu Novators hafnað

Krafa Novators, félags Björgólfs Thors Björgólfssonar, um að fá tvo menn í stjórn finnska fjarskiptafélagsins Elisa, náði ekki fram að ganga, á fjölmennum hluthafafundi sem haldinn var í dag.

Landsvirkjun segir arðsemi Kárahnjúkavirkjunar meiri en áður var talið

Ný endurskoðun arðsemismats vegna Kárahnjúkavirkjunar leiðir í ljós að arðsemin er meiri en fyrri athuganir hafa sýnt. Meginskýringin er sú að tekjur reiknast hærri en gert var ráð fyrir og vegur þar þyngst hærra álverð. Þetta kemur fram í fréttatilkynningu frá Landsvirkjun, sem hefur uppfært arðsemismat vegna Kárahnjúkavirkjunar, sem stuðst var við þegar ákvörðun var tekin í árslok 2002.

Viðskiptaráðuneytið styrkir rannsóknir á áhrifum erlendra mynta

Viðskiptaráðuneytið hefur ákveðið að styrkja Rannsóknastofnun í Fjármálum við Háskólann í Reykjavík, Evrópuréttarstofnun Háskólans í Reykjavík, Evrópufræðasetur Háskólans á Bifröst og Rannsóknarsetur verslunarinnar við Háskólann á Bifröst til rannsókna á áhrifum aukinnar notkunar erlendra mynta á vörumarkað, fjármálamarkað og samfélag á Íslandi almennt.

Evrópa fellur

Skellur hefur verið á hlutabréfamörkuðum víða um heim í dag, þar á meðal í Kauphöllinni. Gengi bréfa í SPRON og FL Group hefur fallið um á milli sjö til átta prósent. Stórar eignir FL Group og Existu erlendis hafa fallið um allt að átta prósent.