Vélmenni raðar lyfjum og sækir

Vélmenni afgreiðir í apótekinu sem hefur verið opnað í nýju verslunarmiðstöðinni í Holtagörðum í Reykjavík. Vélmennið sér um að skipuleggja og raða lyfjum inn á lager og sækir lyf fyrir lyfjafræðing og skilar til afgreiðslumanns á örskammri stundu.

Í tilkynningu frá Apótekaranum segir að þessi nýja tækni muni auka öryggi í afgreiðslu lyfja og spara mikla vinnu í apótekinu við skipulagningu lagers, minnka þörf á lagerplássi og flýta afgreiðslu lyfja. Hér er um að ræða fyrsta vélmennaapótekið sem opnar á Íslandi.