Fleiri fréttir

Ungfrú Reykjavík á Broadway í kvöld

„Ég er reyndar ekkert búin að vera með stelpunum í keppninni og ekki kynnst þeim, því ég kem að keppninni frá allt annarri hlið en ég er vön," svarar Unnur Birna Vilhjálmsdóttir aðspurð hvort hún hafi nú þegar áttað sig á því hver hlýtur titilinn. „Ég er starfsmaður Skjás eins í kvöld," bætir Unnur Birna við en hún hefur tekið að sér að kynna keppnina sem fram fer á Broadway í kvöld. „Mér líst rosaleg vel á þær en mér finnst þær vera í yngri kantinum, sem ég er ekkert rosalega hrifin af. En það er eins og það er," segir Unnur Birna nýkomin úr „kamerurennsli". Ungfrú Reykjavík verður sjónvarpað í beinni útsendingu á Skjá einum klukkan 22:00. Sjá nánar á Broadway.is.

Farinn í meðferð

Írski leikarinn Jonathan Rhys Meyers hefur skráð sig í áfengismeðferð en undanfarið hefur leikarinn átt við drykkjuvanda að stríða. „Þegar ég er drukkinn haga ég mér eins og Bambi. Ég ræð ekki við mig og er vonlaus," segir Jonathan.

Hjálpar fólki sem er ekki í bransanum

Snorri Snorrason sem sigraði Idol stjörnuleit árið 2006 hefur stofnað nýtt fyrirtæki sem heitir Fjarupptokur.is. Vísir hafði samband við kappann til að forvitnast um reksturinn. „Bæði fyrir og eftir Idol hef ég verid ad vinna mikið í stúdió fyrir bæði fræga og ófræga tónlistarmenn og tók fljótlega eftir því að þeir sem eru ekki „í bransanum" og eru að semja lög og annað, vita ekki hvernig á að snúa sér í því að hljóðrita lögin sín," svarar Snorri aðspurður um tilgang Fjarupptökur.is.

Seinfeld framleiðir raunveruleikaþátt

Jerry Seinfeld mun framleiða raunveruleikaþátt í samstarfi við NBC sjónvarpsstöðina þar sem frægðarfólk og dómarar munu hjálpa pörum að gera upp erjur sínar. Illu heilli fyrir aðdáendur Seinfelds mun hann sjálfur ekki hafa í hyggju að standa sjálfur frammi fyrir myndavélunum. Hann hyggst jafnvel ekki koma fram í sjónvarpsþáttum nokkru sinni aftur á ævinni.

Helga Möller ásamt dóttur - myndband

Í meðfylgjandi myndskeiði má sjá og heyra Elísabet Ormslev, 16 ára, og mömmu hennar, Helgu Möller söngkonu, þegar Ísland í dag sótti mæðgurnar heim. Tilefnið var að Elísabet varð í 2. sæti í Samfés-söngkeppninni þegar hún söng lagið Unbreak my heart. Elísabet söng í skóm Helgu, móður sinnar, sem hún notaði þegar hún flutti lagið Gleðibankinn í Bergen í Noregi fyrir Íslands hönd.

Hugsanleg sigurhátíð á fæðingadeildinni

„Ég verð kominn nákvæmlega 40 vikur á leið þann sjöunda mars," segir frambjóðandinn Steinunn Þóra Árnadóttir, en henni er ætlað að fæða barn sama dag og forval Vinstri grænna fer fram. Steinunn hefur gefið kost á sér í fjórða sætið í forvali flokksins í Reykjavík - og er kasólétt.

Nýr og spennandi fréttavefur

Stúdentar og aðrir flykkjast á student.is sem er fréttavefur þar sem fjallað er um háskólalífið frá öllum hugsanlegum sjónarhornum. Vefurinn er hluti af lokaverkefni Díönu Daggar Víglundsdóttur meistarnema í blaða- og fréttamennsku við Háskóla Íslands.

Fær ekki prinsessu nema hætta að vinna

Viktoría krónprinsessa Svíþjóðar og Daniel Westling, líkamsræktarfrömuður, opinberuðu trúlofun sína 24. febrúar síðastliðinn. Parið, sem kynntist árið 2002 þegar Daniel þjálfaði prinsessuna, ætlar að giftast árið 2010. Samkvæmt fréttavef Vg.no getur Daniel gleymt því að giftast prinsessunni ef marka má pabba hennar, Karl Gústaf, Svíakonung, sem hefur sett Daniel afarkosti: Annað hvort hættir Daniel að vinna eða giftist prinsessunni.

Fúl á móti - myndir

Leikkonan Jessica Biel, 26 ára, var mynduð yfirgefa kaffihús í Hollywood í gærdag. Eins og myndirnar sýna var leikkonan ekki ánægð með ljósmyndarana sem elta hana stöðugt og mynda.

Höfuðkippir Jennifer Aniston - myndband

Sjaldséðar höfuðsveiflur Jennifer vöktu athygli. Ef vel er að gáð er Jennifer upptekin af því að sveifla hárinu eða hrista á sér höfuðið á meðan á viðtalinu stendur.

Botnlanginn veittur í kvöld

Kattaauglýsing Símans þar sem köttur sést gleypa mann er meðal þeirra auglýsinga sem tilnefndar eru sem sístu auglýsingar ársins 2008 á nýrri og vafasamri verðlaunahátíð í kvöld: Botnlanganum.

Slumdog Millionaire börn fá ný heimili

Rubina Ali og Azhar Ismail, tvo af börnunum úr fátækrahverfinu sem leika tvö aðalhlutverkin í Slumdog Millionaire hafa fengið ný heimili fyrir tilstuðlan ríkisstjórnarinnar í Indlandi. „Þessi tvö börn hafa vakið athygli á landinu og við höfum heyrt að þau búi í hreysum sem ekki er einu sinni hægt að skilgreina sem hús," sagði talsmaður ríkisstjórnarinnar.

Grindhoruð Lindsay - myndband

Meðfylgjandi má sjá myndir af leikkonunni Lindsay Lohan sem teknar voru af henni á Óskarsverðlaunahátíðinni síðasta sunnudag í Los Angeles. Meðfylgjandi linkur er viðtal sem sjónvarpsstöðin E! tók við leikkonuna sama kvöld þar sem hún ræðir meðal annars brúnkuspray sem hún ætlar að setja á markað og demantaviðskipti. Meðfylgjandi má sjá myndir af leikkonunni Lindsay Lohan sem teknar voru á Óskarsverðlaunahátíðinni síðasta sunnudag í Los Angeles. Meðfylgjandi linkur er viðtal sem sjónvarpsstöðin E! tók við leikkonuna sama kvöld þar sem hún ræðir meðal annars brúnkuspray sem hún ætlar að setja á markað og demantaviðskipti.

Gefur hvalpiparsteikur á bjórdaginn

„Já, þannig er að 1. mars. á sunnudag, á bjórdag, á tuttugu ára afmælisdegi staðarins býð ég öllum landsmönnum upp á hvalpiparsteik. Opið hjá mér frá klukkan fjögur og fram eftir,“ segir Úlfar Eysteinsson vert á Þremur Frökkum í Þingholtunum.

Óskarinn 2009 - myndband

Hvorki meira né minna en 8 Óskarsverðlaun féllu breska leikstjóranum Danny Boyle og kvikmynd hans, Viltu vinna milljarð, í skaut í nótt. Í meðfylgjandi myndskeiði fer Sindri Sindrason í sjónvarpsþættinum Ísland í dag yfir Óskarsverðlaunahátíðina.

Forsetafrúin stal senunni

Forsetafrú Bandaríkjanna, Michelle Obama, var eiginmanni sínum til halds og trausts á kvöldverði með ríkisstjórum í Bandaríkjunum í gærkvöld. Ofurbloggarinn og tískulöggan Perez Hilton segir að Obama hafi vakið sérstaka athygli fyrir glæsilega hárgreiðslu sína og óaðfinnanlegan kjól sem hún klæddist á samkomunni.

Söng í Gleðibankaskóm mömmu

Elísabet Ormslev, 16 ára dóttir Helgu Möller söngkonu var í 2. sæti í Samfés-keppninni sem fram fór á laugardaginn þegar hún söng lagið Unbreak my heart. Elísabet söng í skóm móður sinnar sem hún notaði þegar hún flutti lagið Gleðibankinn í Bergen í Noregi fyrir Íslands hönd. Vísir hafði samband við mæðgurnar til að óska Elísabetu til hamingju og ekki síður til að spyrja um heillaskó Helgu.

Nýjar konur með þátt á ÍNN

„Ingvi Hrafn hefur ekki lengur ráð á að borga okkur laun og ég var ekki tilbúin til að vinna kauplaust," segir Ásdís Olsen fyrrum þáttastjórnandi Mér finnst sem sýndur var á ÍNN.

Sægreifi kaupir lúxusíbúð af bankastjóra

Þorsteinn Már Baldvinsson, útgerðarkóngur frá Akureyri, hefur keypt lúxusíbúð bankastjórans Ármanns Þorvaldssonar í Skuggahverfinu. Ekki liggur fyrir hvert kaupverðið er en ásett verð var um 70 milljónir króna eftir því sem Vísir kemst næst.

Kidman dásamar Jolie - myndband

Í meðfylgjandi myndskeiði heiðrar leikkonan Nicole Kidman, leikkonuna Angelinu Jolie, fyrir leik hennar í kvikmyndinni The Changeling.

Á biðilsbuxum

Svo virðist sem Jake Gyllenhaal hafi í hyggju að biðja kærustu sinnar, Reese Witherspoon, en leikarinn sást nýverið þræða skartgripabúðir í New York í leit að trúlofunarhring. Leikarinn er sagður hafa eytt allt að fjórum klukkustundum í einni búðinni og skoðað hringana gaumgæfilega.

Gítar KK frystur í New York

„Ég var alveg eyðilagður þegar hann brotnaði í flutningunum,“ segir tónlistarmaðurinn KK, sem bíður spenntur eftir að endurheimta forláta Martin-gítar sinn sem hefur undanfarna mánuði verið fastur í New York.

Fagurkerar bíða skipbrot eftir góðærið

„Maður er eiginlega bara skelfingu lostin, ekkert annað. Þetta er mjög slæmt fyrir fólk í mínum bransa,“ segir Jóhanna Kristín Ólafsdóttir, innanhússarkitekt hjá AVH. Í fréttum Sjónvarpsins á fimmtudagskvöld var greint frá því að lífsstíls- og hönnunarbúðinni Saltfélaginu hefði verið lokað og að til stæði að loka Habitat sem löngum hefur verið þekkt fyrir smekklegar innanhússvörur.

Talar ekki í Las Vegas

Cher segist lifa hálfgerðu nunnulífi þegar hún er stödd í Las Vegas á milli þess sem hún er uppi á sviði að skemmta. Söngkonan, sem er 62 ára gömul, segist ekki hafa búist við því að þurra loftið þar í borg myndi hafa svo mikil áhrif á sig og talar því ekki við fólk á milli tónleika á daginn.

Vöruskipti á netinu það sem koma skal í kreppunni

„Þetta er vefsíða fyrir okkur hin, okkur sem urðum eftir og verðum að nota eitthvað annað en krónuna til að versla,“ segir Axel Valdimar Gunnlaugsson, stofnandi vefsíðunnnar samlagid.is, sem vakið hefur mikla athygli. Síðan er glæný, fór í loftið fyrir mánuði síðan, en hugmyndin kviknaði þegar allt fór fjandans til undir lok síðasta árs. „Þetta byrjaði bara sem grín en svo vatt þetta fljótlega upp á sig og í dag eru þúsund manns skráðir notendur,“ segir Axel en svo skemmtilega vill til að meirihluti notenda eru konur.

Þrjátíu umsóknir liggja fyrir

Undirbúningur er í fullum gangi fyrir næstu Airwaves-hátíð sem verður haldin í haust eins og undanfarin ár. Að sögn Þorsteins Stephensen hjá Hr. Örlygi eru þrjátíu umsóknir komnar frá ýmsum hljómsveitum um að spila á hátíðinni. „Við ætlum að sjá hvað kemur best út. Við erum með mörg spennandi mál á borðinu," segir hann.

Óvenju mikið af ballöðum

Búið er að draga saman lönd í undanþætti Euro­vision í ár og verður Ísland á fyrra kvöldinu. Jóhanna Guðrún syngur Is It True að kvöldi þriðjudagsins 12. maí í Ólympísku íþróttahöllinni í Moskvu. Friðrik og Regína kepptu á fimmtudagskvöldi í fyrra. Átján flytjendur keppa við Jóhönnu Guðrúnu, en tíu efstu lögin komast í úrslitaþáttinn 16. maí.

Dauðvona Jade giftir sig

Hin tuttugu og sjö ára Jade Goody sem greindist með banvænt krabbamein fyrir stutt er búinn að giftast unnusta sínum Jack Tweed. Saga Jade hefur vakið gríðarlega mikil viðbrögð í Bretlandi og víðar en hún varð fræg í þættinum Big Brother sem er sýndur á Stöð 4 í bresku sjónvarpi.

Lifðu þig inn í flutninginn og meinaðu það!

„Heyrðu ég er ég soddan Idol-nörd og fylgist vel með því auk þess sem vinkona mín er að keppa núna svo ég er enn áhugasamari," svarar Thelma Hafþórsdóttir söngkona sem var ein af keppendum í sjónvarpsþættinum Bandið hans Bubba. „Ég horfi keppnina allt öðrum augum nú heldur en fyrir Bandið hans Bubba. Eftir að hafa tekið þátt í þessu sjálf þá finnst mér ég fyrirgefa falskar nótur og fleira betur hjá keppendum því ég veit hvernig það er að vera stressuð og vera kannski ekki með rétta lagið," segir Thelma.

Rukka 55 milljónir fyrir síðustu auglýsinguna í Bráðavaktinni

Síðasti þáttur Bráðavaktarinnar verður sýndur annan apríl næstkomandi í Bandaríkjunum. Þetta verður heilmikil sýning og munu margir. Fleiri þættir verða ekki sýndir og sá síðasti verður tveggja klukkustunda langur. Í þættinum koma fram margar gamlar stjörnur, meðal annars George Clooney og Noah Wyle. NBC sem sýnir þættina vestra biðja ekki um neina smáaura fyrir auglýsingar í þættinum. Búist er við mjög góðu áhorfi og ætla stjórnendur sjónvarpsstöðvarinnar að rukka næstum hálfa milljón bandaríkjadala, eða 55 milljónir króna, fyrir 30 sekúndna auglýsingu.

Paris Hilton rappar - myndband

Paris Hilton vekur athygli hvert sem hún fer. Í þetta skipti rappar hún með Snoop Dogg í sjónvarpsþætti síðarnefnda sem sýndur er á sjónvarpsstöðinni MTV og ber heitið Dogg After Dark. Í meðfylgjandi myndbandi er Paris fyrir aftan barborðið.

Maraþon-sýning á Rétti í kvöld

Í kvöld á Stöð 2 EXTRA verður boðið uppá maraþon-sýningu á RÉTTI. Þá verða sýndir í einni beit þættir 1-5 sem sýndir hafa verið á Stöð 2 við miklar vinsældir síðustu sunnudagskvöld.

Ljótar peysur í Latabæ - myndir

Það má segja að starfsmenn Latabæjar klæðist tískuslysum síðustu áratuga á hinum árlega ljótupeysudegi sem haldinn er í fyrirtækinu í dag. Þar sem Latibær er líka með skrifstofur í Bretlandi og Bandaríkjunum er keppnin alþjóðleg.

Slumdog Millionaire-stjörnur dansa - myndband

Stjörnurnar í kvikmyndinni Slumdog Millionaire, Dev Patel, 18 ára, og Freida Pinto, 24 ára, sýndu Tyru Banks í spjallþættinum hennar danssporin sem þau taka í lok myndarinnar. Meðfylgjandi er linkur á danskennsluna. Í myndaalbúminu má sjá þegar Tyra yfirheyrir Dev í anda Viltu vinna milljón.

Sölvi í loftið á Skjá einum

Sjónvarpsmaðurinn Sölvi Tryggvason byrjar með nýjan þátt á Skjá einum á laugardaginn. Þátturinn sem ber heitið Spjallið með Sölva verður klukkustíma langur og verður bæði á léttu nótunum og þeim alvarlegri að sögn Sölva. „Það fer bara allt eftir viðmælendunum.“ Fyrstu gestir þáttarins verða Guðni Ágústsson, Þorgerður Katrín Gunnarsdóttir og Jóhannes Kristjánsson eftirherma.

Ingó er algjört sjarmatröll - myndir

„Það var mjög þægilegt að vinna með Ingó enda er hann mjög afslöppuð týpa og er ekkert að stressa sig á hlutunum," segir Jóhanna.

Athafnamenn opna nýjan vínbar

Garðar Kjartansson veitingamaður, oft kenndur við NASA og Apotekið hefur ásamt Andrési Pétri og Sveini Eyland fest kaup á rekstri veitingarstaðarins að Pósthússtræti 13, áður Red Chilli, sem er staðsett við hlið Hótel Borg. Athafnamennirnir þrír stefna að því að opna glæsilegan vínbar með léttum réttum aðra helgi fyrir hinn svokallaða 30 + hópinn, en það er fólk sem komið er á fertugsaldurinn.

Í háloftunum á konudaginn

Sigríður Klingenberg flýgur á konudaginn til London í þeim tilgangi að gefa farþegum Iceland Express töfrasteina. „Ég flýg með Iceland Express til London á konudaginn þar sem ég gef íslenska steina sem ég er sérstaklega búin að blessa af gamalli hefð með þremur tegundum af jurtum." „Þá nota ég blóðberg og fjallagrös sem hafa mikinn mátt því þau lifa svo vel af allt. Þau hafa alveg svaðalegan lífskraft," segir Sigríður Klingenberg aðspurð hvaða steina hún mun gefa farþegum.

Íslensku tónlistarverðlaunin: Sigur Rós höfundar ársins

Hljómsveitin Sigur Rós hlaut fyrir stundu nafnbótina höfundur ársins á íslensku tónlistarverðlaunum sem fara fram í beinni útsendingu á Rúv. Það var hljómsveitin dr. Spock sem hóf kvöldið en Valgeir Guðjónsson er kynnir.

Api hrækir á Gillzenegger - myndband

Meðfylgjandi má sjá myndskeið sem tekið var í Portúgal af Agli Einarssyni, sem kallar sig Störe eða Gillzenegger. Egill var staddur á pókermóti með íslenska pókerlandsliðinu og í dýragarði eins og myndbandið sýnir. „Landsliðið var óheppið og datt út," segir Egill meðal annars. Á myndbandinu má greinilega sjá þegar apaungi hrækir á Gillzenegger.

Friðrika fersk í sjónvarpið á ný

„Léttir réttir Rikku" nefnist spennandi nýjung sem verður á dagskrá í sjónvarpsþættinum Íslandi í dag á hverjum miðvikudegi. Vísir hafði samband við matgæðinginn Friðriku Geirsdóttur sem mun matreiða ljúffenga rétti í eldhúsinu á heimili sínu fyrir áhorfendur Stöðvar 2 á auðveldan máta. „Ég ætla að vera með innslög þar sem ég ætla að elda spennandi og bragðgóða rétti alltaf á miðvikudögum," svarar Friðrika aðspurð út í matseðil kvöldsins.

Undirbýr sig fyrir Playboy-tökuna

„Það gengur mjög vel. Ég er að fara í töku hjá ljósmyndara sem heitir Toni Miret," svarar Ornella Thelmudóttir fyrirsæta sem er stödd í Barcelóna þegar Vísir spyr hana frétta. „Hann hefur myndað fyrir Gucci, Aramani, Nina Ricci og unnið með Elite skrifstofunni í einhvern tíma. Hann er ljósmyndari og fatahönnuður." „Það er fátt betra en að geta setið fyrir hjá svona stórum manni þegar maður er módel," segir Ornella. „Allavega þá gengur allt mjög vel miðað við að ég er nánast nýkomin út."

Sjá næstu 50 fréttir

Mest lesið