Fleiri fréttir

Strákarnir okkar spila alltaf vel í kreppu

Sigur íslenska handboltalandsliðsins á heimsmeisturum Þjóðverja á Ólympíuleikunum í Peking í gær, hefur ekki farið framhjá neinum. Liðið virðist í fínu jafnvægi og er til alls líklegt. Óneitanlega fara menn að velta fyrri sér hver ástæðan fyrir þessu góða gengi sé. Er markvarslan að skipta sköpum? Eru hinar þjóðirnar að spila verr en áður? Eða er Guðmundur að spila rétta taktík?

Björn Jörundur stýrði skútu til sigurs

Poppgoðið Björn Jörundur stýrði skútunni Aquarius til sigurs í fjórtándu umferð Reykjavíkurmótsins í siglingum en mótið er haldið hvert þriðjudagskvöld á sundunum undan Reykjavík.

The Dark Knight nær líklegast ekki að skáka Titanic

Þrátt fyrir að nýja kvikmyndin um ævintýri Leðurblökumannsins, The Dark Knight, hafi slegið hvert aðsóknarmetið á fætur öðrum verður að teljast ólíklegt að myndin slái met stórmyndarinnar Titanic, sem kom út árið 1997, um heildartekjur vegna miðasölu.

Boris Becker trúlofast eftir mánaðar kynni

Tennisleikarinn Boris Becker, sem er 40 ára gamall, er staddur ásamt unnustu sinni hinni 24 ára gömlu Alessöndru sem er dóttir fyrrverandi umboðsmanns kappans á Sardiníu. Umboðsmaðurinn, Axel Meyer-Wolden, lést árið 1997.

Queen Raquela til Bandaríkjanna

Kvikmynd Ólafs Jóhannessonar, The Amazing Truth About Queen Raquela hefur fengið dreifingu í kvikmyndahús í Bandaríkjunum, en myndin hefur farið sigurför á kvikmyndahátíðum á árinu. Hún verður sýnd í fimm borgum í Bandaríkjunum, þ.á.m. New York og Los Angeles, og hefjast sýningar 26. september. Einnig er búið að selja myndina til Noregs, Danmerkur, Grikklands, Póllands og Ísraels.

Með of skakkar tennur fyrir Ólympíuleikana

Litla stúlkan sem söng sig inn í hug og hjörtu heimsbyggðarinnar á opnunarhátíð Ólympíuleikanna í Peking söng alls ekki neitt, heldur hreyfði bara varirnar. Stúlkan vakti mikla athygli fyrir „söng“ sinn, og mætti í kjölfarið í viðtöl hjá öllum helstu fjölmiðlum landsins.

Barnalán í Shanghai

Þessi litla hnáta er ein þeirra sem á hinn merka fæðingardag 08.08.08. Hún heitir Tara Jiang Atladóttir og er dóttir Atla Más Sveinssonar og Ödu Jiang. Hún fæddist í Shanghait, þar sem pabbi hennar vinnur hjá CCP. Stúlkan á vafalaust hamingjuríka ævi fyrir höndum, enda þykir átta mikil happatala í Kína.

Simon Le Bon búttaður - myndir

49 ára Simon Le Bon er staddur ásamt konu sinni, 43 ára Yasmin Le Bon á Ítalíu. Breska pressan dásamar líkama eiginkonu söngvarans sem hefur alið honum þrjár dætur, Amber Rose, Saffron Saharar og Tallulah Pine. Þegar kemur að líkamlegu ástandi söngvarans undrast fjölmiðlar þyngdaraukningu hans í samanburði við glæsilega eiginkonuna sem hann hefur verið hamingjusamlega giftur í 22 ár.

Unnur Birna fylgist með hverju smáatriði hjá litlu systur

„Námið er númer eitt þessa dagana. Ég er búin að vera að vinna í lögfræði innheimtunni hjá Glitni í sumar og er að fara á þriðja ár í lögfræði í HR í haust," segir Unnur Birna Vilhjálmsdóttir fyrrverandi Ungfrú heimur þegar Vísir spyr frétta.

Ljóðasamkeppni á hrauninu

Fangar á Litla - Hrauni héldu ljóðasamkeppni í Í júní mánuði undir yfirskriftinni ,,Steinn í steininum". Samkeppnin var haldin til heiðurs Steins Steinarrs skálds, en hundrað ára fæðingarafmælis hans er minnst á þessu ári.

Vampire Weekend á Airwaves

New York sveitin Vampire Weekend spilar á Iceland Airwaves tónlistarhátíðinni í október ef marka má MySpace-síðu sveitarinnar.

Leit að líkum gengur vel

„Líkleitin gengur furðuvel. Ég átti ekki von á viðbrögðum svona snemma," segir Snorri Ásmundsson myndlistamaður, sem auglýsti á dögunum eftir dauðvona fólki til að taka þátt í videoverki að sér látnu. Hann segir nokkra aðila hafa sýnt því áhuga að taka þátt, en málið sé á viðkvæmu stigi. „Það verður þó pottþétt af þessu, ég vona bara að það verði íslendingur."

Grafarvogsbúi eignaðist dóttur átta mínútur í átta þann 08.08.08

Hrund Guðmundsdóttir og Rúnar Haraldsson eignuðust sitt annað barn á föstudaginn. Það má segja að talan átta hafi spilað stórt hlutverk í fæðingu barnsins sem er stúlka. Á föstudaginn var nefnilega 08.08.08 og fæddist stúlkan átta mínútur í átta. Einnig vóg fylgjan 888 grömm. Móðirin segist telja líklegt að átta verði happatala dótturinnar.

The Tiger Lillies semja tónlist fyrir kvikmyndina Sveitabrúðkaup

Þann 28.ágúst verður kvikmyndin Sveitabrúðkaup eftir Valdísi Óskarsdóttur frumsýnd. Myndin skartar mörgum af þekktustu leikurum þjóðarinnar en þetta er frumraun Valdísar sem leikstjóra. Stórsveitin The Tiger Lillies sér um tónlistina í kvikmyndinni.

Íslenski bjórinn Gullfoss kominn á markað

Á föstudagin kom nýr íslenskur bjór á markað sem ber heitið Gullfoss. Það er Ölgerð Reykjavíkur sem framleiðir bjórinn sem bruggaður er í bruggverksmiðjunni á Árskógssandi. Bruggmeistari ÖRVK er Anders Kissmeyer sem meðal annars var gæðastjóri Carlsberg í Danmörku í tæp 20 ár. Von er á fleiri bjórtegundum frá framleiðendum Gullfoss, meðal annars Geysir.

Carla Bruni kelar við eiginmanninn - myndir

Forsetafrú Frakklands, hin ítalska Carla Bruni, er mjög ósátt við að ljósmyndir teknar úr launsátri af henni og Nicolas Sarkozy Frakklandsforseta fái mun meiri athygli heimspressunar en störf forsetans.

Isaac Hayes er látinn

Bandaríski Soul tónlistarmaðurinn og leikarinn Isaac Hayes fannst í dag látinn á heimili sínu í Tenessee í Bandaríkjunum. Fréttastofa CNN hefur þetta eftir lögreglunni í borginni. Enn sem komið er hefur ekkert verið gefið uppi um orsakir andláts hans.

Tvíburar Brangelinu komu undir með gamla laginu

Angelina Jolie þvertekur fyrir sögusagnir þess efnis að nýfæddir tvíburar hennar og Brad Pitt séu glasabörn. Tvíburarnir Knox Leon og Vivienne Marcheline fæddust þann 12. júní síðastliðinn og slúðurblöðin hafa fullyrt að um glasafrjóvgun hafi verið að ræða. Angelina segir hins vegar í viðtali við breska blaðið Hello að þau hjónakornin hafi ekki átt í neinum vandræðum með að geta börnin.

Katie Melua óttast um fjölskyldu sína í Georgíu

Söngfuglinn og Íslandsvinurinn Katie Melua óttast um fjölskyldu sína þessa dagana en hún er ættuð frá Georgíu þar sem nú geysa harðir bardagar á milli Rússa og Georgíumanna. Hún hringdi í mömmu sína sem býr í höfuðborginni Tbilisi en þar er allt með kyrrum kjörum enn sem komið er.

Litli kallinn í Top Gear fær stóran launaseðil

Sjónvarpsstjarnan og Íslandsvinurinn Richard Hammond, sem fer á kostum í bílaþættinum Top Gear, er ekki á flæðiskeri staddur fjárhagslega. Breska blaðið The Sun greinir frá því að Hammond, eða The Hamster eins og félagar hans í þættinum kalla hann, að hann hafi nýverið leikið í sjónvarpsauglýsingu fyrir bresku verslunarkeðjuna Morrisons og fengið vel greitt fyrir.

Bush kíkir á blakstelpurnar

George Bush Bandaríkjaforseti stendur í stórræðunum í dag. Á milli þess sem hann reynir að miðla málum í deilum Georgíumanna og Rússa kíkir hann á Bandarísku keppendurna á Ólympíuleikunum en hann er staddur í Peking. Í dag leit hann við hjá landsliðinu í strandblaki og fylgdist með föngulegum stúlkunum á æfingu. Ekki er ljóst hvað forsetinn er að gera á myndinni en líklega er hann að dusta sand af afturenda Misty May-Treanor, landsliðskonu.

Bernie Mac er látinn

Bandaríski Grínistinn Bernie Mac lést í morgun, fimmtugur að aldri. Talsmaður leikarans segir hann hafa látist úr lungnabólgu á sjúkrahúsi í Chicago. Mac hafði legið á sjúkrahúsinu í rúma viku en á fimmtudag bárust þær fregnir að ástand hans væri stöðugt en honum hrakaði í nótt.

Reykjavík! og Ben Frost í eldfimt samband

Hljómsveitin Reykjavík! hefur kunngjört samstarf við íslensk-ástralska hljóðlistamanninn Ben Frost! Þessi tvö eldfimustu element íslenskrar tónlistar hafa um langt skeið leitt saman hesta sína í tilraunaskyni en þetta verður í fyrsta skiptið sem samstarf þeirra er opinberlega fest á band eins og segir í tilkynningu.

Sjá næstu 50 fréttir

Mest lesið