Affleck: Sambandið við Lopez hafði skaðleg áhrif á feril minn

Hollywoodleikarinn Ben Afflec segir í samtali við tímaritið Details að samband hans við Jennifer Lopez hafi haft skaðleg áhrif á kvikmyndaferil hans. Þau Afflec og Lopez voru saman frá árinu 2002 til 2004 og nutu gríðarlegrar fjölmiðlaathygli á meðan. Þau voru trúlofuð og hafa bæði kennt fjölmiðlum um sambandsslitin.

Moore hrukkótt þrátt fyrir lýtaaðgerðir

Nýjustu myndir af Demi Moore gefa til kynna að hún hafi ekki heimsótt lýtalækninn sinn nýlega. Hin 44 ára leikkona viðurkenndi á dögunum opinberlega að hún hafi eytt um 30 milljónum íslenskra króna í lýtaaðgerðir en eins og meðfylgjandi myndir bera með sér þá spretta hrukkur og augnpokar fram sem aldrei fyrr.

Doherty fær annað tækifæri

Héraðsdómarinn, Davinder Lachhar, ákvað í dag að fresta aðalmeðferð í máli Pete Doherty, söngvara hljómsveitarinnar Babyshambles, og gefa honum með því tækifæri til að vinna bug á eiturlyfjafíkn sinni. En Doherty á mögulega yfir höfði sér fangelsisvist fyrir fíkniefna- og umferðarlagabrot.

Keith Urban í mótorhjólaslysi á leið á AA-fund

Kántrýsöngvarinn Keith Urban sem er giftur Hollywoodleikkonunni Nicole Kidman lenti í mótorhjólaslysi í gær þegar hann reyndi að stinga af ljósmyndara á leið sinni á AA-fund.

Björn seldi Benz-jeppann samstundis

Björn Bjarnason, dóms- og kirkjumálaráðherra, er búinn að selja Benz ML 350 jeppann sinn sem var ein af þremur Benz bifreiðum sem hann átti í safninu. Björn er mjög hrifinn af Benz bílum og veitti Vísir því eftirtekt í lok sumars að hann var með þrjá slíka í heimreiðinni hjá sér. Þetta voru jeppi, fólksbíll og auk þess sjálf ráðherrabifreiðin.

Aðsókn á RIFF með besta móti

Alþjóðleg kvikmyndahátíð í Reykjavík er nú hálfnuð og hefur aðsókn á verið með besta móti. Sætanýting er yfir 80% og ef áfram heldur sem horfir fer hún líklega yfir 20.000 manns sem gerir hátíðina að einum best sótta listviðburði ársins.

Fór í brúnkusprey eftir að hafa misst börnin

Eftir að Britney Spears missti forræðið yfir sonum sínum í gær höfðu fjölskylda hennar og vinir miklar áhyggjur af henni og voru jafnvel hrædd um að hún myndi fara sér að voða. Móðir hennar Lynne reyndi í ofboði að ná í hana til að sjá til þess að hún myndi ekki gera neitt vanhugsað. En Britney kom kannski engum á óvart með viðbrögðum sínum.

Kalli í Pelsinum kaupir eyju

Athafnamaðurinn Karl Steingrímsson, betur þekktur sem Kalli í Pelsinum, hefur fjárfest í eyju á Breiðafirði. Í samtali við Vísi vildi Karl ekki gefa upp nafnið á eyjunni en sagðist lengi hafa haft augastað á Breiðafirðinum.

Britney er í bobba

Dómstóll í Los Angeles úrskurðaði í gær að Kevin Federline, fyrrverandi unnusti Britney Spears, skyldi fá fullt forræði yfir tveimur ungum börnum þeirra. Lífið leikur ekki við Britney þessa dagana því hún var nýlega ákærð fyrir að keyra án ökuréttinda sem gæti kostað hana sex mánaða fangelsi. Þá missti hún fyrir skömmu samning við umboðsskrifstofuna sína.

Britney missir forræðið

Dómari í Los Angeles veitti í kvöld Kevin Federline fullt forræði yfir börnunum tveimur sem hann á með söngkonunni Britney Spears. Britney og Federline hafa allt síðan að þau skildu deilt forræði en stanslaus vandræðagangur á Spears undanfarin misseri leiddi til þess að Federline höfðaði mál til þess að fá fullt forræði yfir börnum sínum.

Stuðmenn vonast til að Ringo Starr renni á hljóðið

Stuðmenn ætla að kalla saman Bítlagæslumennina og slá upp Bítlavöku á Nasa á laugardagskvöld. Þeir vonast til að Ringo Starr renni á hljóðið. Ringo verður gestur Yoko Ono á Íslandi um helgina.

Britney vill vera elt á röndum

Í dagblaðinu Chigago Sun Times í dag er fullyrt að söngkonan Britney Spears sé í stöðugu sambandi við paparazzi ljósmyndara til þess að tryggja að hún sé á forsíðum slúðurblaða í hverri viku.

Bondstjarna fellur frá

Kanadíska leikkonan Lois Maxwell er látin, 80 ára að aldri. Maxwell lék Miss Moneypenny í James Bond myndunum um árabil. Hún lék á móti Sean Connery í fyrstu myndinni, Dr. No, árið 1962 og fór með hlutverk Miss Moneypenny allt til ársins 1985 þegar hún lék í A Wiew To A Kill á móti Roger Moore.

Lohan í frí með föður sínum

Hollywoodstjarnan Linsey Lohan hefur fengið leyfi frá Cirque Lodge meðferðarstofnuninni í Utah til að fara með föður sínum í fimm daga frí. Lohan og faðir hennar Michael Lohan höfðu ekki talað saman í tvö ár þegar hann kom og heimsótti hana í til Utah í lok júlí síðastliðinn.

Sveppatripp Baggalúts

Hljómsveitin Baggalútur mun halda til Skotlands til að taka þátt í árlegri fimm daga sveppahátíð í bænum Aberfoyle þann 18. október næstkomandi. Þessa sömu daga fer Iceland Airwaves hátíðin fram í Reykjavík þar sem allar helstu hljómsveitir Íslands koma fram.

Beyonce hættir við tónleika í Malasíu

Söngkonan Beyonce hefur hætt við fyrirhugaða tónleika í Malasíu einungis nokkrum vikum eftir að kollegi hennar Gwen Stefani féllst á að hylja líkama sinn nánast frá toppi til táar þegar hún hélt tónleika í landinu. Beyonce hefur í staðin ákveðið að halda tónleika í Jakarta í Indónesíu og munu þeir fara fram þann fyrsta nóvember næstkomandi.

Miðar á Spice Girls seldust upp á 38 sekúndum

Miðar á Spice Girls tónleika sem haldnir verða á O2 leikvanginum í London þann 15. desember næstkomandi seldust upp á 38 sekúndum. Tónleikaferð Kryddpíanna hefst í Kanada annan deseber næstkomandi og eru tónleikarnir í London hluti af henni. Vegna gífurlegrar eftirspurnar í Bretlandi hefur verið ákveðið að bæta tveimur tónleikum við þann 16. og 18. desember.

Björgvin Halldórsson með fimm stjörnu tónleika í Köben

Björgvin Halldórsson hefur verið fenginn til að halda tónleika í Cirkus í Kaupmannahöfn á vegum Hótelbókana í Kaupmannahöfn en það fyrirtæki stóð fyrir margrómuðum tónleikum með Stuðmönnum og Sálinni á sama stað í fyrra. Tónleikarnir verða haldnir þann 24. apríl næstkomandi eða á sumardaginn fyrsta.

Faðir Beckhams á batavegi

Faðir David Beckhams er nú á batavegi eftir að hafa fengið hjartaáfall í síðustu viku. Hann er orðinn það hress að hann sagði syni sínum, David, og eiginkonu hans, Victoriu, að fara aftur heim til barna sinna í Los Angeles. Hann tók sig meira að segja til og veifaði þeim bless á bílaplani spítalans.

Glæsibrúðkaup í vændum hjá Richie

Nicole Richie og Joel Madden munu ganga að eiga hvort annað um miðjan mánuðinn. Parið mun ætla að slá upp rausnarlegu brúðkaupi á Laguna Beach í Californiu og fregnir herma að dagsetningin 13. október hafi verið valin.

Letterman reif Paris í sig

Spjallþáttastjórnandinn David Letterman fór allt annað en mjúkum höndum um hótelerfingjann Paris Hilton þegar hún mætti til hans í viðtal í góðri trú á föstudag. Paris var þangað komin til að kynna nýjustu kvikmynd sína, fatalínu og ilmvatn en Letterman bauð hana velkomna með því að spyrja hvernig henni hefði fundist í fangelsinu.

Pamela Anderson á leið í hnapphelduna

Strandvörðurinn fyrrverandi, Pamela Anderson, og Rick Salomon, fyrrverandi kærasti Parisar Hilton, verða brátt gefin saman í hjónaband ef marka má heimildir Reuters fréttastofunnar. Þetta yrði þriðja hjónaband Anderson. Hjónaband hennar og Tommy Lee trommuleikara hljómsveitarinnar Motley Crue endaði með ósköpum árið 1998 eftir þriggja ára hjónaband. Anderson skyldi síðan við seinni eiginmann sinn, Kid Rock á síðasta ári eftir fjögurra mánaða hjónaband.

Marijúana er vandamál fyrir George

Poppsöngvarinn George Michael hefur viðurkennt að notkun hans á marijúana geti verið vandamál og að hann sé stöðugt að reyna að reykja minna af efninu. "Algerlega, ég myndi vilja nota það minna, engin spurning," sagði hann í útvarpsviðtali við BBC. "Að því leiti er þetta vandamál."

Þroskandi að koma út úr skápnum

Grey´s Anatomy leikarinn T.R. Knight segist hafa þroskast heilmikið sem manneskja eftir að hann kom út úr skápnum fyrir tæpu ári síðan. Knight sem leikur George O´Malley lækni sagði í viðtali við Ellen DeGeneres að honum fyndist hann hafa lært mjög mikið.

Eriksson heldur enn framhjá

Sven Göran Eriksson er enn við sama heygarðshornið eftir því sem breska blaðið News of the World greinir frá. Hann er enn í sambandi við Nacy D'Olio en heldur áfram að halda framhjá henni. Nú hefur hann sést með Saima Ansari, 38 ára gamalli einstæðri móður, sem hefur dvalið löngum stundum á hótelherbergi Svíans.

Louis Maxwell - Miss Moneypenny deyr

Louis Maxwell sem lék Miss Moneypenny í 14 James Bond myndum er látin. Maxwell var kanadísk, en bjó í Ástralíu og var áttræð þegar hún lést. Hún lék aðalhlutverkið í Doktor No á móti Sean Connery árið 1962. Hún hélt áfram í hlutverki einkaritara M þar til árið 1985 þegar hún lék það í síðasta sinn í myndinni A View To A Kill með Roger Moore.

Jagger svaf hjá nýráðinni barnapíu

Það tók sjónvarpsbarnapíuna Claire Verity ekki nema nokkra tíma að sofa hjá rokkaranum Mick Jagger eftir að hún hafði verið ráðin til að gæta sonar hans. Þetta upplýsir hún í viðtali við breska blaðið News of the World í dag.

Kvikmyndin Börn fékk Gyllta Svaninn

Íslenska kvikmyndin Börn eftir Ragnar Bragason fékk í kvöld Gyllta Svaninn á Alþjóðlegu kvikmyndahátíðinni í Kaupmannahöfn. „Ég var nú bara klökkur,“ sagði Ragnar þegar Vísir náði tali af honum við lok verðlaunaafhendingunnar í Scala kvikmyndahúsinu í gærkvöldi.

Ljósmyndaþjófur Cruise deyr

Maður sem viðurkenndi að eiga þátt í tilraun til að kúga um hundrað milljónir íslenskra króna út úr Tom Cruise, fannst látinn í gær. Maðurinn hafði stolið myndum úr brúðkaupi leikarans. Rannsókn lögreglunnar leiddi í ljós að svo virtist sem David Hans Schmidt hefði framið sjálfsmorð.

Sutherland gæti lent í fangelsi

Íslandsvinurinn Kiefer Sutherland gæti endað í fangelsi ef hann verður fundinn sekur um að hafa ekið undir áhrifum áfengis . Sutherland var formlega ákærður í gær fyrir að hafa í tvígang verið tekinn drukkinn undir stýri. Hann gæti átt von á að minnsta kosti fjögurra daga gæsluvarðhaldi

Þjófar stela nýjasta handriti Coppola

Þjófar í Argentínu stálu tölvu bandaríska kvikmyndaleikstjórans Francis Ford Coppola, en í henni var handrit af nýjustu kvikmyndinni sem Óskarsverðlaunahafinn vinnur að. Fimm vopnaðir menn réðust inn í hús leikstjórans í Palermo hverfinu í Buenos Aires, en þar býr efnameira fólk borgarinnar. Þeir létu greipar sópa og tóku meðal annars tölvur og myndavélar.

Viggo tók soninn með í Kristjaníu

Danski leikarinn Viggo Mortensen tók 19 ára gamlan son sinn með sér er hann heimsótti fríríkið Kristjaníu fyrr í sumar. Þetta kemur fram í viðtali blaðsins Nyhedsavisen í dag. Sjálfur var Viggo, að sögn, heimilisgestur í Kristjaníu á áttunda áratugnum.

Britney snýr vörn í sókn

Vandræðagemsinn Britney Spears hefur nú snúið vörn í sókn gegn paparazzi-ljósmyndurum sem elta hana á röndum. Síðastliðinn miðvikudag þegar þeir stóðu í hnapp límdir upp við rúðuna á mexíkóskum veitingastað í Los Angeles, þar sem Britney snæddi kvöldverð, kom hún þeim á óvart með því að taka upp eigin myndbandsupptökuvél og beina henni að þeim.

Kattarslagur í Sex and the City

Um þessar mundir er verið að taka upp Sex and the City: The Movie sem er byggð á samnefndum sjónvarpsþáttum um líf fjögurra vinkvenna á Manhattan í New York. Þættirnir hafa notið gríðarlegra vinsælda undanfarin ár en þrátt fyrir að allt viðrist með felldu á tökustað þá kraumar víst pirringur og óánægja undir niðri.

Jackson EKKI genginn út

Talsmaður Michael Jacksons hefur borið til baka sögusagnir um að söngvarinn sé genginn út. „Þrátt fyrir þrálátan orðróm um að Jackson hafi gengið að eiga barnfóstru barna sinna, Grace Rwaramba, get ég staðfest að hann er ekki á rökum reistur,“ segir Rayone Bain, talsmaður söngvarans, í samtali við Access Hollywood.

Beckham biður fyrir föður sínum

David Beckham er nú staddur í London til að vera við hlið föður síns sem liggur þungt haldinn á sjúkrahúsi eftir að hafa fengið alvarlegt hjartaáfall á miðvikudag. Fjölskylduvinur segir David og systur hans miður sín og að þau hafi miklar áhygggjur af föður sínum, Ted Beckham. Þau vona og biðja til guðs að hann nái sér og David mun ætla að dvelja í London eins lengi og þörf er á.

Oprah launahæsta sjónvarpsstjarnan

Bandaríski spjallþáttastjórnandinn Oprah Winfrey er samkvæmt nýútkomnum lista Forbes tímaritsins launahæsta sjónvarpsstjarnan og þénar fjórfalt meira en sú næsta í röðinni. Á tímabilinu júní 2006 til júlí 2007 voru laun hennar samtals 260 milljónir Bandaríkjadala.

Madonna meðal tilnefndra í Hall of fame

Madonna, the Beastie Boys og Donna Summer eru meðal þeirra sem tilnefnd hafa verið í heiðurshöll tónlistarmanna (US Rock and Roll Hall of Fame), samkvæmt Billboard tímaritinu. Þá hafa Leonard Cohen, John Mellencamp, Chic, the Dave Clark Five og Afrika Bambaataa einnig verið tilnefnd.

Nýjasta handriti Coppola stolið

Fimm vopnaðir þjófar réðust inn á heimili bandardíska kvikmyndaleikstjórans Francis Ford Coppola í gær og rændu meðal annars fartölvu sem í var handrit að væntanlegri kvikmynd leikstjórans sem mun heita Tetro.

Eyþór tekur glæsieign í Þingholtsstræti í gegn

„Við sáum þarna einfaldlega kærkomið tækifæri og vildum taka þátt í því endurreisnarstarfi sem hefur verið í gangi í Þingholtunum,“ segir bæjarfulltrúinn Eyþór Arnalds en hann og eiginkonan Dagmar Una Ólafsdóttir keyptu í sumar hundrað ára gamalt timburhús við Þingholtsstræti 21.

Pönkið aftur í sviðsljósið

"Ég bara treysti því að menn fari vel með þetta," segir tónlistarmaðurinn Einar Örn Benediktsson en annað kvöld, föstudag, verða tónleikar á Grand Rokk, Smiðjustíg 6, þar sem fram kemur hljómsveitin P.P. Um er að ræða svokallað "tribute"-band eða hljómsveit sem gagngert hefur verið sett saman til heiðurs hljómsveitinni Purrki Pillnikk en sú hljómsveit hélt lokatónleika sína fyrir réttum aldarfjórðungi.

Stjörnurnar og sléttujárnið

Hjá stjörnum sem daglega eru í sviðsljósinu getur skipt sköpum að hafa hárið í lagi. Sumar leyfa því að liðast frjálslega um andlitið á meðan aðrar virðast halda lykillinn að fullkomnu útliti felist í að ríghalda um sléttujárnið og stilla hitastigið í botn.

Michael Jackson genginn út?

Samkvæmt heimildum ameríska slúðurblaðsins National Enquirer mun konungur poppsins, Michael Jackson, vera genginn út, enn eina ferðina enn. Þrátt fyrir að menn úr herbúðum söngvarans neiti þeim sögusögnum þá hefur blaðið birt afrit af gögnum þar sem Jackson staðfestir að hann sé kvæntur.

Pamela og Denise Richards saman á forsíðu Playboy?

Vinkonunum Pamelu Anderson og Denise Richards hefur verið boðið að sitja fyrir naktar í Playboy fyrir eina milljón Bandaríkjadala eða um 62 milljónir íslenskra króna. Fréttir herma að þær stöllur, sem báðar hafa setið fyrir í blaðinu áður, íhugi alvarlega að taka tilboðinu.

Frægðarsól Moss dvínar

Síðastliðið haust var Kate Moss á hátindi frægðarinnar þrátt fyrir bakslag árið 2005 þegar myndir af henni við eiturlyfjaneyslu láku út. Í kjölfarið rifti fjöldi vöruframleiðenda samningum við hana en að ári liðnu var hún orðin eftirsóttari en nokkru sinni fyrr.