Ný og betri Júniformverslun

Fatahönnuðurinn Birta Björnsdóttir, eigandi Júníform, hefur staðið í ströngu síðustu vikuna við að rífa allt út úr verslun sinni á Hverfisgötu. „Það var bara löngu kominn tími á þetta. Þegar við byrjuðum að sauma hérna var allt gert til bráðabirgða, svo það var löngu kominn tími til að rífa allt út og endurnýja," sagði Birta í samtali við Fréttablaðið.

Blóð og æla upp um alla veggi á hótelherbergi Winehouse

Starfsfólk Jade Mountain Resort á St. Lucia segir að Amy Winehouse hafi skilið hótelherbrgi sitt í rúst þegar hún yfirgaf svæðið í vikunni. Starfsfólkið var við öllu búið eftir að hafa haft Winehouse og eiginmann hennar, Blake Fielder-Civil, í vist í nokkra daga en var öllum lokið þegar þau komu inn í herbergi hennar og sáu blóð og ælu upp um gólf og veggi herbergsins.

Justin og Timbaland héldu óvænta tónleika í Las Vegas

Gestir skemmtistaðarins Jet í Las Vegas fengu óvæntann glaðning í sinn snúð í gærkvöldi því tónlistarmennirnir Justin Timerlake og Timbaland stigu óvænt á stokk þar í gærkvöld og fluttu nokkur af sínum frægustu lögum. Þeir Timberlake og Timbaland birtust skyndilega í plötusnúðabúrinu með míkrafóna í hönd og hófu að ávarpa mannfjöldann við mikinn fögnuð gesta.

Birkhead og Stern sagðir samkynhneigðir ástmenn

Þótt langt sé um liðið síðan kynbomban Anna Nicole Smith féll frá er farsanum í kring um hana langt frá því að vera lokið. Nú er í bígerð bók um síðustu daga Önnu Nicole og áhrif tveggja manna á dauða hennar, þeirra Larry Birkhead og Howard K. Stern sem báðir gerðu báðir tilkall til Dannielynn, dóttur Önnu Nicole. Í bókinni, sem er skrifuð af blaðamanni MSNBC, Ritu Crosby, er því haldið fram að Birkhead og Stern hafi verið samkynhneigðir ástmenn.

Owen Wilson kominn heim af spítalanum

Leikarinn Owen Wilson hefur verið útskrifaður af sjúkrahúsi, minna en viku eftir að hann var lagður inn eftir að hafa reynt sjálfsmorð á heimili sínu í Santa Monica. Vinir leikarans og fjölskyldumeðlimir eru sagðir vera þétt við hlið Wilson og dvelji hjá honum allann sólarhringinn.

James Bond er genginn út

James Bond stjarnan Daniel Craig mun vera genginn út. Hann ku hafa trúlofast kærustu sinni, kvikmyndaframleiðandanum Satsuki Mitchell fyrir helgina. Mun hann hafa farið á hnéin á meðan skötuhjúin voru í frí á Ítalíu í síðustu viku.

Höfðar mál gegn „Joey“

Camille Cerio, fyrrverandi umboðsmaður leikarans Matt LeBlanc, hefur höfðað mál gegn honum. Segir hún að leikarinn skuldi sér að minnsta kosti rúmar sextíu milljónir króna.

Hulk ræður lögfræðing fyrir soninn

Bandaríski glímukappinn Hulk Hogan hefur ráðið lögfræðinginn J. Kevin Hayslett til þess að verja son sinn Nick en hann á að mæta fyrir rétt 10. september næstkomandi. Nick er gefið að sök að hafa farið í kappakstur á hraðbraut í Flórída með þeim afleiðingum að hann missti stjórn á bílnum og klessti á pálmatré.

Victoria Beckham grátbiður mömmu um hjálp með börnin

Victoria Beckham hefur grátbeðið mömmu sína um að gerast barnfóstra hjá sér eftir að tvær fyrrverandi fóstrur hjá henni gengu á dyr með skömmu millibili. Að sögn blaðsins News Of The World er Victoria örvæntingarfull því Jackie Adams móðir hennar er ein af fáum sem hún treystir fyrir börnum sínum.

Á Akrafjall eftir hvern sigurleik

Katrín Leifsdóttir, heimilisfræðikennari í Grundaskóla á Akranesi og móðir Páls Gísla Jónssonar markvarðar Skagaliðsins í knattspyrnu, hefur í sumar gengið upp á Háahnúk á Akrafjalli í hvert skipti sem liðið ber sigur úr býtum í leikjum Landsbankadeildarinnar. Hún segir hugmyndina nánast úr lausu lofti gripna.

Clooney ætlar að kjósa Obama

George Clooney er afar hrifinn af bandaríska forsetaframbjóðandanum Barack Obama, ef marka má orð hans á kvikmyndahátíðinni í Feneyjum í vikunni. "Ég vill endilega að hann verði forseti," sagði Clooney á blaðamannafundi en hann hefur mætt á stuðningsmannafundi hjá Obama og greitt í kosningasjóð hans. Clooney segist hafa verið í sama herbergi og nokkrar rokkstjörnur í gegn um tíðina en ekkert jafnist á við nærveru Obama. "Nærvera hans er ótrúleg. Hann yrði frábær forseti"

Sonur Helenu Christensen er skáksnillingur

Danska ofurfyrirsætan Helena Christensen geislar af gleði þessa daganna þar sem í ljós hefur komið að Mingus, sjö ára gamall sonur hennar, er skáksnillingur. Hefur honum þegar verið boðin staða í bandaríska skáklandsliðinu.

Birna aftur í Háskólann með bleikt pennaveski

Birna Þórðardóttir hefur aftur nám við Háskóla Íslands nú á mánudag en hún ætlar sér að læra ítölsku til BA-prófs. Birna segir að hún hafi mætt í skólann í gær, með bleikt pennaveski, og aðra hluti sem skólastúlkur þurfa að hafa með sér, en þá var námið kynnt nemendum.

Veggspjald Veðramóta bannað í MR

„Við vorum að keyra út plakatið fyrir kvikmyndina Veðramót og höfðum farið í flestalla framhaldsskóla höfuðborgarsvæðisins,“ segir Halldór Halldórsson, betur þekktur sem Dóri DNA.

Engin tekur meira kókaín en Winehouse

Courtney Love segir að hún hafi aldrei séð neinn taka meiri eiturlyf en söngkonuna Amy Winhouse. Þetta þykir forvitnileg yfilýsing hjá Love enda hefur hún séð sinn skerf af rugli í gegn um tíðina. "Ég hef verið með fullt af frægu fólki þegar það hefur verið að taka eiturlyf. Lindsay Lohan, Kate Moss og fleiri. En enginn toppar Winehouse," segir Cortney Love sem var gift eiturlyfjaneytandanum Kurt Cobain, söngvara Nirvana.

Vann jeppa til afnota í eitt ár

Bylgjan og N1 fóru í ferð suður á Keflavíkurflugvöll um hádegi föstudaginn 31. ágúst til að afhenda Bjartmar Bjarnasyni glænýjan Nissan Pathfinder jeppa frá Ingvari Helgasyni til afnota í heilt ár með tryggingum. Bjartmar datt í lukkupottinn eftir að hafa skilað inn fullstimpluðu Vegabréfi í Vegabréfaleik N1 sem gekk í allt sumar.

Bassaleikarafaraldur við Grettisgötuna

"Þetta er alls ekki mér að kenna," segir Tómas Tómasson bassaleikari Stuðmanna en nú búa fjórir bassaleikarar við Grettisgötuna. Auk Tómasar eru þetta Egill Ólafsson Stuðmaður, Georg Hólm í Sigurrós og Baldvin Sigurðsson sem fyrrum gerði garðinn frægann með Baraflokknum.

Leynilögreglumaður eldar pylsusúpu á Ljósanótt

Ýmsir viðburðir Ljósanætur í Reykjanesbæ rata ekki í formlega dagskrá hátíðarinnar. Meðal þess er árleg súpu- og pylsugerð leynilögreglumannsins Lofts Kristjánssonar og konu hans Kristlaugar Maríu Sigurðardóttur rithöfundar. Þau hjónin gera um 50 lítra af súpunni og eiga von á fjölda fólks í mat.

Ronaldo í sundlaugarveislu með fimm vændiskonum

Forráðamenn Manchester United ætla að kalla sóknarmanninn Cristiano Ronaldo fyrir eftir að fregnir bárust af sundlaugarveislu sem hann hélt ásamt vinum sínum þar sem fimm vændiskonur komu í heimsókn. Þetta gerðist eftir fyrsta sigur United á Tottenham fyrr í vikunni.

Fyrrum kærastinn reyndi við Paris

Elisha Cuthbert, fyrrum leikkona í sjónvarpsþáttunum 24, er hætt með kærastanum sínum. Sá heitir Sean Avery og er íshokkíleikmaður. Parið hefur verið saman frá árinu 2005 en áður var Elisha trúlofuð Trace Ayala, besta vini og viðskipta­félaga Justins Timber­lake.

Law ekki ánægður með frammistöðu sína í Alfie

Á blaðamannfundi sem haldinn var fyrir kvikmyndahátíðina í Feneyjum sagði Jude Law að eftir á að hyggja hafi hann viljað breyta ýmsu við myndina sem er nútímaútgáfan af upprunalegu Alfie myndinni.

Clooney segist ekki vera veikur

Menn hafa velt vöngum yfir því undanfarið hvort hjartaknúsarinn George Clooney sé haldinn alvarlegum sjúkdómi. Leikarinn þykir hafa hríðhorast og náðust nýlega af myndir af honum á strönd í Ítalíu með innfallinn maga.

Mínar túttur eru ekta -Keira Knightley

Breska smástirnið Keira Knightley hefur tekið illa vangaveltum fjölmiðla um að brjóst hennar og aðrir mikilvægir líkamshlutar hafi verið stækkaðir í tölvu til þess að gera hana kynþokkafyllri. Knightley er líklega frægust fyrir leik sinn í sjóræningjamyndunum Pirates of the Caribbean með þeim Johnny Depp og Orlando Bloom.

Giuliani tók þrettán milljónir fyrir fyrirlestur hjá Símanum

Rudy Giuliani tók 200.000 Bandaríkjadali eða tæpar þrettán milljónir íslenskra króna fyrir fyrirlestur sem hann hélt á 100 ára afmæli Símans á síðasta ári. Giuliani, sem er fyrrum borgarstjóri New York borgar og núverandi frambjóðandi í forvali Repúblikana til bandarísku forsetakosninganna, hélt fyrirlestur um leiðtogahæfni í Borgarleikhúsinu þann 29. september síðastliðinn.

Allt að gerast hjá Britney

Tvö ný lög eru væntanleg með söngkonunni Britney Spears og hefur þeim báðum verið lekið út á netið. Fyrsta smáskífan ber nafnið Gimme More en hin Cold As Fire.Seinna lagið er í grófari kantinum og fjallar meðal annars um munnmök.

Harry segir Díönu hafa verið bestu mömmu í heimi

Harry prins hélt ræðu í minningarathöfn um Díönu móður sína sem fram fór í Guards Chapel í Lunúnum í dag. Hann sagði hana einfaldlega hafa verið bestu móður í heimi. Í ræðunni þar sem hann rifjar upp minningar sínar og bróður síns Williams segir hann móður þeirra hafa verið góðhjartaða, elskulega, jarðbundna og algörlega einstaka.

Camilla tíndi sveppi á meðan á undirbúningi fyrir minningarathöfn Díönu stóð

Breskir ljósmyndarar náðu myndum af Camillu Parker Bowles, eiginkonu Karls Bretaprins, tína sveppi í skógi nærri Balmoral, höll Elísabetar Englandsdrottningar í Skotlandi, á dögunum. Hún mun hafa farið þangað til að forðast sviðsljósið. Camilla gekk um skóginn í fylgd lífvarðar og tíndi sveppi í litla bastkörfu.

Dramatísk augnablik kistubera Díönu

Hermennirnir sem báru kistu Díönu prinsessu til grafar fyrir tíu árum þjálfuðu sig í marga daga til fyrir verkið. Kista Díönu var húðuð blýi að innan og því níðþung. Mennirnir átta voru sérvaldir til verksins. Í tvo daga æfðu þeir sig að ganga með kistu fyllta af sandpokum um þrjátíu metra leið yfir trébrú út á eyju í stöðuvatni á jörð fjölskyldu prinsessunnar í Althorp þar sem hún var jörðuð.

Kvöldsögur með Önnu Kristine

Fjölmiðlakonan Anna Kristine Magnúsdóttir fer af stað með nýjan þátt á Bylgjunni fimmtudaginn næstkomandi. Hugmyndin er að endurvekja Kvöldsögurnar sem voru vinsælar á Bylgjunni fyrir allmörgum árum.

Federline vill að Spears borgi lögfræðikostnað

Lögfræðingur Kevins Federline, fyrrverandi eiginmanns Britney Spears, hefur farið fram á það fyrir hönd Federline að Spears borgi lögfræðikostnað hans í skilnaðarmáli sem lauk í júlí á þessu ári.

Britney bensínlaus á brókinni

Britney Spears heldur áfram þeirri viðleitni sinni að bera á sér afturendann. Hún var á leið í verslunarleiðangur á dögunum þegar bíllinn hennar varð bensínlaus. Britney dó ekki ráðalaus heldur fékk hún aðstoð frá lögreglu við að ýta blæjubensanum hennar á næstu bensínstöð.

Camilla í frí

Camilla Parker Bowles, kona Karls Bretaprins, hefur ákveðið að fara í frí til Skotlands á meðan minningarathöfn um Díönu prinsessu fer fram á morgun. Camilla mun halda þangað ásamt nokkrum nánum vinkonum sínum.

Gísli Marteinn er megakroppur með nýju hárgreiðsluna

Glöggir menn tóku eftir því á fundi í Ráðhúsinu í dag að Gísli Marteinn Baldursson er orðinn ansi hreint hárprúður. Aðspurður um hvort hann sé að fylgja tískustraumum segir Gísli að ef svo sé þá sé það algerlega ómeðvitað. "Ég gerði mér bara ekki grein fyrir því að ég væri orðinn svona síðhærður," segir hann í samtali við Vísi. Hann segist þó fagna því ef hann hafi óvart tollað í tískunni.

Talsmaður Wilsons segir hann ekki hafa neytt fíkniefna

Talsmaður gamanleikarans Owens Wilsons sem liggur á spítala eftir sjálfsmorðstilraun segir hann ekki hafa neytt fíkniefna eins og þrálátur orðrómur hefur verið um.

Ný smáskífa með Spears í næstu viku?

Mögulega er biðin á enda fyrir aðdáendur og aðra áhugasama um söngkonuna Britney Spears en þær sögur ganga fjöllum hærra að hún sé búin að gera nýja smáskífu sem jafnvel er von á í næstu viku.

Queen dúett á tónleikum til heiðurs Mandela

Þeir Brian May og Roger Taylor hafa boðað komu sína á tónleika sem haldnir verða í London á næsta ári í tilefni af 90 ára afmæli Nelsons Mandela. Ágóðinn af tónleikunum mun renna til 46664 HIV herferðar Mandela. May og Taylor gáfu stofnfé til herferðarinnar árið 2003 ásamt tónlistarmönnunum Dave Stewart og Bono.

Kommon strákar! Hvar er frumleikinn?

Stjórnarmenn 365, sem rekur meðal annars Vísi, fara troðnar slóðir þegar kemur að bílakaupum. Það kom berlega í ljós í dag þegar þeir mættu á stjórnarfund hjá fyrirtækinu í höfuðstöðvum þess í Skaftahlíðinni. Sjá mátti fimm Range Rover-bifreiðar, fjórar svartar og eina gráa, af flottustu gerð í röð við götuna og voru þar samankomnir bílar allra stjórnarmannanna fimm.

Samúel á skólabekk

Samúel Örn Erlingsson, fyrrverandi íþróttafréttamaður og varaþingmaður framsóknarflokksins, er á leiðinni í skóla. Samúel sem er kennari að mennt ætlar að klára háskólagráðu sem ekki var í boði þegar hann nam kennarann á sínum tíma. Samúel segist vera búin að ætla sér þetta í ein tuttugu ár en að nú hafi tækifæri gefist.

Knightley áberandi grönn á opnun kvikmyndahátíðarinnar í Feneyjum

Leikkonana Keira Knightley var viðstödd opnun kvikmyndahátíðarinnar í Feneyjum í gær og var nýjasta mynd hennar Atonement opnunarmynd hátíðarinnar. Leikkonan vakti eins og gefur að skilja athygli á rauða dreglinum en mörgum brá þó í brún að sjá hversu grönn hún er orðin.

Wilson hættir við að leika í Tropic Thunder

Fregnir herma að Owen Wilson sem reyndi að fyrirfara sér á sunnudag sé hættur við að leika í nýjustu mynd sinni Tropic Thunder. Leikstjórinn Ben Stiller hefur samþykkt að hann dragi sig til baka en framleiðendur hjá Dreamworks pictures hafa ekkert viljað staðfesta.

Mel B í Dancing With The Stars

Kryddpían Melanie Brown, betur þekkt sem Mel B, mun taka þátt í næstu þáttaröð af hinum geysivinsæla sjónvarpsþætti Dancing With The Stars. Þátturinn er bandarísk útgáfa af breska þættinum Strictly Come Dancing sem Heather Mills, barnsmóðir bítilsins Paul McCartney, tók meðal annarra þátt í á síðasta ári.

Winehouse verður ekki viðstödd MTV tónlistarverðlaunahátíðina

Útgáfufyrirtæki Amy Winehouse hefur gefið út yfirlýsingu þess efnis að söngkonan muni ekki koma fram á MTV tónlistarverðlaunahátíðinni í næsta mánuði. Útgáfufyrirtækið, Universal Republic Records, hefur auk þess afboðað komu hennar á allar aðrar samkomur og tónleika sem búið var að bóka hana á.

Paltrow með eigin matreiðsluþátt

Leikkonan Gwyneth Paltrow ætlar að snúa baki við Hollywood um skeið og fara af stað með sinn eigin matreiðsluþátt. Paltrow sem er mjög áhugasöm um heilsusamlega matargerð mun auk þess yfirgefa unnusta sinn Chris Martin og börnin Apple og Moses til að ferðast um Spán ásamt kokkinum Mario Batali.

Britney bensínlaus

Það líður ekki sá dagur sem Britney Spears kemst ekki í fjölmiðla fyrir uppátæki sín. Nú síðast varð hún bensínlaus á miðri umferðargötu í Beverly Hills. Hún var með drengina sína tvo þá Sean Preston og Jayden James í aftursætinu þegar bíllinn drap á sér.

Jolie heimsækir flóttafólk í Írak og á Sýrlandi

Hollywoodleikkonan Angelina Jolie heimsótti flóttafólk og hermenn í Írak og á Sýrlandi í byrjun vikunnar. Jolie sem er sendiherra góðgerðarmála hjá Flóttamannastofnun Sameinuðu þjóðanna dvaldi á svæðinu í tvo daga. Hún heimsótti flóttafólk sem dvelur sitt hvoru megin við landamærin og endaði ferðina á því að hitta bandaríska hermenn á svæðinu.