Orðrómurinn angrar Gylfa Þór ekki | útvarpsviðtal úr Boltanum á X-977

Gylfi Þór Sigurðsson leikmaður enska úrvalsdeildarliðsins Swansea hefur leikið mjög vel eftir að hann kom til Englands að láni frá þýska liðinu Hoffenheim. Hann var í viðtali í dag í Boltanum á X-inu 977 þar sem Gylfi Þór þakkaði Brendan Rogers fyrir að hafa fengið sig til Swansea og tileinkaði einmitt stjóra sínum mörkin tvö gegn Wigan.

Hvað er um að vera á sportstöðvum Stöðvar 2 í kvöld?

Meistaradeild Evrópu í fótbolta er aðalmálið á sportstöðvum Stöðvar 2 í kvöld. Enska liðið Chelsea leikur í 16-liða úrslitum keppninnar gegn ítalska liðinu Napólí og stórlið Real Madrid frá Spáni fær CSKA frá Moskvu í heimsókn. Upphitun fyrir leiki kvöldsins hefst kl. 19.00 þar sem Þorsteinn J fer yfir málin með sérfræðingum Stöðvar 2 sport. Keppni í Formúlu 1 kappakstrinum hefst um helgina í Ástralínu og aðfaranótt fimmtudags verður sýnt frá æfingum á Stöð 2 sport.

Valencia aftur orðinn leikfær - Anderson, Nani og Jones fara ekki til Spánar

Antonio Valencia er búinn að ná sér að meiðslunum sem hann varð fyrir í sigrinum á Ajax á dögunum og verður með Manchester United í seinni leiknum á móti Athletic Bilbao í 16 liða úrslitum Meistaradeildarinnar.

Meistaradeildin: Di Matteo gerir miklar kröfur | kemst Chelsea áfram?

Roberto Di Matteo, knattspyrnustjóri enska úrvalsdeildarliðsins Chelsea, krefst þess að leikmenn liðsins gefi allt sem þeir eiga í leikinn gegn ítalska liðinu Napólí í Meistaradeild Evrópu í kvöld. Chelsea er í erfiðri stöðu eftir 3-1 tap á útivelli í fyrri leiknum í 16-liða úrslitum keppninnar. Það er því að duga eða drepast fyrir Chelsea sem er eina enska liðið sem er eftir í þessari keppni.

Misstir þú af þrennunni hans Gerrard? | öll mörkin eru á Vísi

Steven Gerrard, fyrirliði Liverpool, fór á kostum í 3-0 sigri á Liverpool á nágrönnum sínum í Everton í ensku úrvalsdeildinni í gærkvöld. Gerrard skoraði þrennu og er hægt að sjá öll mörkin á sjónvarpshluta Vísis.

Gylfi Þór verður í viðtali í Boltanum á X-977

Valtýr Björn Valtýsson stýrir gangi mála í dag í íþróttaþættinum Boltanum á útvarpsstöðinni X977. Þátturinn er á dagskrá á hverjum virkum degi á milli 11-12. Í dag mun Valtýr ræða við Gylfa Þór Sigurðsson leikmann enska úrvalsdeildarliðsins Swansea.

Samantekt úr Meistaramörkunum, markaregn í München

Bayern München frá Þýskalandi og franska liðið Marseille tryggðu sér sæti í 8-liða úrslitum Meistaradeildarinnar í knattspyrnu í kvöld. Bayern München gjörsigraði Basel frá Sviss á heimavelli, 7-0, þar sem Mario Gomez skoraði fjögur mörk. Það gekk mikið á þegar Inter frá Mílanó vann Marseille 2-1 en það dugði ekki til. Þorsteinn J fór yfir gang mála með gestum sínum í Meistaramörkunum á Stöð 2 sport ásamt sérfræðingunum Pétri Marteinssyni og Reyni Leóssyni.

Þrír í jörðina á tíu sekúndum - einn skapheitur í Úkraínu

Derek Boateng, miðvörður Dnipro Dnipropetrovsk í Úkraínu, lét skapið heldur betur hlaupa með sér á dögunum og leikmenn Vorskla Poltava fengu að finna fyrir því. Derek Boateng fékk rauða spjaldið fyrir grófa tæklingu og tók því afar illa þegar mótherjarnir hópuðust að honum.

Xavi: Spánverjar kunna ekki að meta Barcelona-liðið

Xavi Hernández, miðjumaður Barcelona og spænska landsliðsins segir Barcelona ekki fá þá viðurkenningu á Spáni sem liðið á skilið. Ástæðuna telur hann vera ríginn á milli Real Madrid og Barcelona.

Dalglish: Allir uppöldu Liverpool-strákarnir voru frábærir

Kenny Dalglish, stjóri Liverpool, var himinlifandi eftir 3-0 sigur á nágrönnunum í Everton í ensku úrvalsdeildinni í kvöld. Liverpool var búið að tapa þremur leikjum í röð og átti á hættu að missa Everton upp fyrir sig í töflunni.

Cardiff steinlá á heimavelli - lítið gengur hjá Aroni og félögum

Aron Einar Gunnarsson og félagar í Cardiff City eru að missa af lestinni í ensku b-deildinni og eru komnir niður í sjöunda sæti eftir 0-3 tap á heimavelli á móti Hull City í kvöld.

Gerrard: Suarez færði mér tvö mörk á silfurfati

Steven Gerrard, fyrirliði Liverpool, var að sjálfsögðu kátur eftir að hafa skorað þrennu í 3-0 sigri á nágrönnunum í Everton á Anfield í kvöld en liðin mættust þá í frestuðum leik í ensku úrvalsdeildinni.

Gerrard skoraði þrennu í sigri Liverpool á Everton

Steven Gerrard, fyrirliði Liverpool, fór á kostum í 3-0 sigri á Liverpool á nágrönnum sínum í Everton í ensku úrvalsdeildinni í kvöld en Everton gat komist upp fyrir Liverpool með sigri á Anfield í kvöld.

Dramatík í lokin þegar Inter féll úr leik - Marseille áfram á útivallarmarki

Franska liðið Marseille komst í kvöld í átta liða úrslit Meistaradeildarinnar þrátt fyrir 2-1 tap fyrir Inter Milan á San Siro. Inter komst í 1-0 í leiknum en fékk á sig mark í uppbótartíma eins og í fyrri leiknum. Þessi mörk urðu ítalska stórliðinu að falli.

Gomez með fernu í stórsigri Bayern

Bayern München sýndi sannkallaða Barcelona-takta þegar liðið vann 7-0 stórsigur á Basel í kvöld og tryggði sér sæti í átta liða úrslitum Meistaradeildarinnar. Úrslitaleikurinn fer fram á Allianz Arena í München í vor og ef marka má frammistöðu þýska liðsins í gær er allt eins líklegt að Bayern verði þar á heimavelli.

Cristiano Ronaldo: Mourinho verður áfram hjá Real Madrid

Cristiano Ronaldo, framherji Real Madrid, er sannfærður um að Jose Mourinho verði áfram þjálfari Real Madrid á næsta tímabili en það hafa verið sögusagnir í gangi um að portúgalski þjálfarinn sé á leiðinni frá Bernabeu.

Meistaradeildin: Mourinho ber virðingu fyrir CSKA Moskvu

Jose Mourinho, þjálfari Real Madrid, hefur engar áhyggjur af því að hann muni missa starf sitt ef spænska liðið nær ekki að tryggja sér sæti í 8-liða úrslitum Meistaradeildarinnar. Real Madrid tekur á móti CSKA frá Moskvu á morgun í 16-liða úrslitum keppninnar. Fyrri leiknum lauk með 1-1 jafntefli í Rússlandi.

Sunnudagsmessan: Varnarleikur Wolves er í tómu tjóni

Wolves, liðið sem íslenski landsliðsmaðurinn Eggert Gunnþór Jónsson leikur með í ensku úrvalsdeildinni, er í tómu basli eftir afleitt gengi að undanförnu. Mick McCarthy knattspyrnustjóri liðsins var rekinn á dögunum og Terry Connor aðstoðarmaður hans tók við keflinu.

Norðmenn greiða um 250 milljónir fyrir vináttuleik gegn Englandi

Noregur og England eigast við í vináttulandsleik í fótbolta karla þann 26. maí og verður þetta einn dýrasti fótboltaleikur í sögu norska knattspyrnusambandsins. Samkvæmt frétt Dagbladet nemur kostnaðurinn við leikinn um 250 milljónir kr. og þar af fær enska knattspyrnusambandið um 220 milljónir kr. í sinn hlut.

Lionel Messi kann að skutla sér | 50 marka maðurinn með tilþrif

Argentínumaðurinn Lionel Messi hefur farið á kostum í framlínunni hjá Evrópu – og Spánarmeistaraliði Barcelona. Framherjinn hefur skorað 50 mörk nú þegar og þar af 30 í deildarkeppninni. Messi virðist vera með allt á hreinu í fótboltanum og hann miðað við myndina sem liðsfélagi hans hjá Barcelona, Carles Puyol, tók á æfingu liðsins þá er Messi góður í marki einnig.

Sunnudagsmessan: QPR gengur betur með Heiðar í byrjunarliðinu

Heiðar Helguson, íþróttamaður ársins 2011, hefur ekki leikið með QPR í ensku úrvalsdeildinni að undanförnu vegna meiðsla. Gengi QPR hefur alls ekki verið gott í undanförnum leikjum og í Sunnudagsmessunni var farið yfir stöðuna.

Hvað er um að vera á sportstöðvum Stöðvar 2 í kvöld?

Meistaradeild Evrópu, 16-liða úrslit, og grannaslagur í Liverpool borg eru í aðalhlutverki á sportstöðvum Stöðvar 2 í kvöld. Úrslitin í fyrstu tveimur viðureignunum í 16-liða úrslitum Meistaradeildarinnar ráðast í kvöld þar sem leikið verður til þrautar. Þorsteinn J og gestir hita upp fyrir stórleiki kvöldsins og málin verða gerð upp í Meistaradeildarmörkunum. Enska úrvalsdeildin er einnig áhugaverð í kvöld þar sem Liverpool og Everton eigast við á Anfield.

Meistaradeildin: Reynir spáir Bayern München sigri gegn Basel

Það er mikið í húfi í kvöld í 16-liða úrslitum Meistaradeildarinnar í knattspyrnu. Úrslitin í tveimur viðureignum ráðast og þýska stórliðið Bayern München bíður stór verkefni gegn svissneska liðinu Basel sem er 1-0 yfir eftir fyrri leikinn. Ítalska liðið Inter er einnig undir eftir 1-0 tap á útivelli gegn Marseille. Reynir Leósson, einn af sérfræðingum Stöðvar 2 sport í Meistaradeildinni er á því að þýska stálið komist áfram í 8-liða úrslit keppninnar.

Wenger gagnrýnir leikaraskapinn hjá Busquets

Arsene Wenger, knattspyrnustjóri enska úrvalsdeildarliðsins Arsenal, vekur oft athygli fyrir ummæli sem hann lætur falla á fréttamannafundum. Wenger sendi Sergio Busquets, leikmanni Evrópumeistaraliðs Barcelona, tóninn og segir Wenger að Busquets sé ekki heiðarlegur í sínum leik.

Sunnudagsmessan: Umræða um Liverpool | Er King Kenny á réttri leið?

Liverpool tapaði 1-0 gegn Sunderland um helgina í ensku úrvalsdeildinni í fótbolta. Farið var yfir ýmis atriði sem tengjast Liverpool í Sunnudagsmessunni á Stöð 2 sport 2 á sunnudaginn. Guðmundur Benediktsson og Hjörvar Hafliðason höfðu ýmislegt við gang mála að athuga hjá Liverpool og Arnar Gunnlaugsson, gestur þáttarins, er með sterkar skoðanir á leikmannakaupum liðsins undanfarin misseri.

Meistaradeildin: Schweinsteiger fær mikið hrós frá þjálfaranum

Þýski landsliðsmaðurinn Bastian Schweinsteiger fær mikið hrós frá þjálfara sínum, Jupp Heynckes, sem líkir Bayern München leikmanninum við Xavi og Andres Iniesta hjá Barcelona. Schweinsteiger hefur ekki leikið með þýska liðinu að undanförnu vegna meiðsla en hann gæti verið í byrjunarliðinu þegar Bayern München tekur á móti Basel í 16-liða úrslitum Meistaradeildarinnar í kvöld.

Bayern og Inter þurfa sigur

Sextán liða úrslit Meistaradeildarinnar halda áfram í kvöld og þar reynir á tvö stórlið. Bayern München og Internazionale töpuðu bæði fyrri leiknum 1-0 á útivelli þökk sé marki í blálokin. Basel skoraði sigurmarkið á móti Bayern á 85. mínútu en sigurmark Marseille á móti Inter kom á þriðju mínútu í uppbótartíma. Nú eru Bayern og Inter á heimavelli en leikirnir hefjast klukkan 19.45 og eru í beinni á Stöð 2 Sport og Stöð 2 Sport 3.

Heimir Guðjónsson fer yfir Meistaradeildina í Boltanum á X-inu

Meistaradeild Evrópu verður aðalumræðuefnið í útvarpsþættinum Boltanum á X-inu 977 í dag á milli 11-12. Heimir Guðjónsson verður gestur þáttarins en hann er einn ef sérfræðingum Stöðvar 2 sport í Meistaradeildarþáttunum sem Þorsteinn J stýrir. Valtýr Björn Valtýsson er stjórnandi Boltaþáttarins í dag og að venju verður komið víða við.

Bróðir Lionel Messi með tattú af litla bróður á öxlinni

Lionel Messi á eldri bróður sem heitir Matias og býr í Argentínu. Matias komst í fréttirnar í heimalandinu á dögunum þegar hann viðurkenndi í útvarpsviðtali að vera með húðflúr af litla bróður sínum á öxlinni. Matias segist líka vera mesti aðdáandi Lionel bróður síns.

Emil og félagar felldu Torino af toppnum

Emil Hallfreðsson og félagar í Hellas Verona unnu flottan 4-1 útisigur á toppliði Torino FC 1. í ítölsku b-deildinni í kvöld en Torino missti fyrir vikið toppsætið.

Tækifæri fyrir Jóhann Berg - liðsfélagi hans hjá AZ fer til Aston Villa

Jóhann Berg Guðmundsson ætti að fá fleiri tækifæri með hollenska liðinu AZ Alkmaar á næsta tímabili eftir að forráðamenn enska úrvalsdeildarliðsins Aston Villa tilkynntu í dag að ástralski vængmaðurinn Brett Holman færi til Villa í sumar.

Wenger: Það þurfti eitthvað sérstakt til að vinna Newcastle

Arsene Wenger, stjóri Arsenal, hefur náð að snúa við gengi liðsins og hafa Arsenal-menn nú unnið fimm deildarleiki í röð. Thomas Vermaelen skoraði sigurmarkið á móti Newcastle í kvöld á fjórðu mínútu í uppbótartíma en Arsenal hefur verið að tryggja sér sigra í blálokin á síðustu deildarleikjum sínum.

Walcott: Tottenham má passa sig núna

Theo Walcott lagði upp bæði mörk Arsenal í 2-1 sigri liðsins á Newcastle í ensku úrvalsdeildinni í kvöld og enski landsliðsmaðurinn var kátur í leikslok. Thomas Vermaelen skoraði sigurmarkið á fjórðu mínútu í uppbótartíma.

Vermaelen: Sýndum hugarfar stríðsmanna

Thomas Vermaelen, miðvörðurinn sterki í liði Arsenal, var hetja liðsins í kvöld þegar hann skoraði sigurmarkið á móti Newcastle á fjórðu mínútu í uppbótartíma.

Van Persie búinn að bæta hollenska markametið í ensku úrvalsdeildinni

Robin van Persie setti nýtt hollenskt markamet í ensku úrvalsdeildinni í 2-1 sigri á Newcastle í kvöld þegar hann skoraði sitt 26. deildarmark á leiktíðinni. Van Persie bætti þar með met Ruud Van Nistelrooy frá tímabilinu 2002-03.

Sunnudagsmessan: Steingrímur Jóhannesson | minning

Knattspyrnumaðurinn Steingrímur Jóhannesson úr Vestmannaeyjum var jarðsunginn í dag og fór útförin fram í Bústaðakirkju í Reykjavík. Steingrímur var aðeins 38 ára gamall þegar hann lést þann 1. mars en hann hafði síðustu mánuði háð harða baráttu við krabbamein. Steingríms var minnst í Sunnudagsmessunni á Stöð 2 sport 2 í gær þar sem þetta myndband var frumsýnt.

Vermaelen tryggði Arsenal sigur í uppbótartíma

Sigurganga Arsenal í ensku úrvalsdeildinni hélt áfram í kvöld þegar liðið vann 2-1 sigur á Newcastle í einvígi liðanna í fjórða og sjötta sæti deildarinnar. Það stefndi allt í jafntefli þegar belgíski miðvörðurinn Thomas Vermaelen skoraði sigurmarkið í uppbótartíma en þetta var fimmti deildarsigur Arsenal í röð.

Messi: Guardiola er mikilvægari en ég

Lionel Messi hefur skorað 50 mörk í 43 leikjum fyrir Barcelona á tímabilinu þar á meðal 30 í spænsku úrvalsdeildinni og tólf í Meistaradeildinni. Argentínumaðurinn er þó ekki á því að hann sé mikilvægasti maðurinn í Barcelona-liðinu.

Redknapp er í vafa um hvort landsliðsþjálfarastarfið sé það rétta

Harry Redknapp, knattspyrnustjóri enska úrvalsdeildarliðsins Tottenham, segir að hann sé í vafa um hvort það væri rétt skref að taka að sér starf sem þjálfari enska landsliðsins. Redknapp er gríðarlega vinsæll á meðal stuðningsmanna enska landsliðsins og frá því að Fabio Capello sagði upp störfum hefur nafn Redknapp verið ofarlega á blaði hjá Englendingum.

Rosicky framlengir við Arsenal: Ég elska félagið

Tékkinn Tomas Rosicky hefur framlengt samning sinn við Arsenal í ensku úrvalsdeildinni í knattspyrnu. Fyrri samningur kappans hefði runnið út í vor.

Heiðarslaust lið QPR í frjálsu falli og útlitið svart

Lið QPR í ensku úrvalsdeildinni í knattspyrnu beið enn einn ósigurinn er liðið sótti Bolton heim um helgina. Eftir tapið skaust Bolton upp úr fallsæti á kostnað QPR. Útlitið er svo sannarlega svart á Loftus Road í Lundúnum.

Blikar eiga sex stráka í 17 ára landsliðinu

Gunnar Guðmundsson, landsliðsþjálfari 17 ára landsliðs karla, hefur valið hópinn sem leikur í milliriðli EM sem fram fer í Skotlandi 20. til 25. mars næstkomandi. Mótherjar Íslendinga í riðlinum eru auk heimamanna, Danir og Litháar en sigurvegari riðilsins tryggir sér sæti í úrslitakeppninni sem leikin verður í Slóveníu.

Lambert bestur í Championship | Poyet besti stjórinn

Rickie Lambert, framherji Southampton, var valinn besti leikmaður neðri deilda ensku knattspyrnunnar um helgina. Þá hlaut Gustavo Poyet, stjóri Brighton Hove & Albion, viðurkenningu fyrir góðan árangur í starfi.

Kolbeinn æfði með Ajax í dag | Góð tilfinning

Kolbeinn Sigþórsson mætti á sína fyrstu æfingu hjá Ajax Amsterdam í fimm mánuði í morgun. Landsliðsmaðurinn meiddist á ökkla í október og hefur verið í endurhæfingu síðan.

Balotelli reifst við Yaya Toure | Barry ósáttur við skiptinguna

Liðsfélagarnir Mario Balotelli og Yaya Toure rifust harkalega á leið sinni til búningsklefa í hálfleik í gær þegar Manchester City lék gegn Swansea á útivelli í ensku knattspyrnunni. Swansea sigraði 1-0 og mótlætið fór virkilega í taugarnar á leikmönnum Man City.