Mourinho: Drogba og Lampard verða ekki með

Jose Mourinho, stjóri Chelsea, staðfesti í samtali við Sky-fréttastofuna í dag að þeir Frank Lampard og Didier Drogba yrðu ekki í leikmannahópi Chelsea í leiknum gegn Blackburn á morgun. "Þeir verða vonandi orðnir klárir í næstu viku," sagði stjórinn.

Ballack verður ekki seldur í janúar

Peter Kenyon, framkvæmdastjóri knattspyrnufélagsins Chelsea, segir útilokað að miðjumaðurinn Michael Ballack verði seldur frá félaginu í janúar. Mikið hefur verið slúðrað um framtíð Þjóðverjans í herbúðum Chelsea að undanförnu, en Kenyon hefur nú bundið enda á þann orðróm.

Nelson verður áfram með Warriors

Hinn þrautreyndi þjálfari Don Nelson hefur nú loksins náð samkomulagi við Golden State Warriors um að stýra því að minnsta kosti eitt ár til viðbótar. Fjölmiðlar í Kaliforníu greindu frá því í dag að Nelson fái umtalsverða launahækkun á síðustu tveimur árunum af gamla samningnum.

Raikkönen leggur línurnar á Spa

Kimi Raikkönen náði besta tíma allra á fyrstu æfingunum fyrir Spa kappaksturinn í Formúlu 1 í morgun. Ferrari-menn eru því vel stemmdir fyrir keppnina í skugga áfallsins sem McLaren liðið varð fyrir í gær, en þeir Lewis Hamilton og Fernando Alonso héldu þó haus og náðu öðrum og þriðja besta tímanum í Belgíu í morgun.

Grönholm ætlar að hætta eftir tímabilið

Finnski ökuþórinn Marcus Grönholm hefur tilkynnt að yfirstandandi keppnistímabil í rallakstri verði hans síðasta á ferlinum. Grönholm leiðir keppni ökuþóra á heimsmeistaramótinu til þessa og varð heimsmeistari árin 2000 og 2002.

Reina: Liverpool verður meistari

Spænski markvörðurinn Jose Reina hjá Liverpool segir 18 ára bið stuðningsmanna Liverpool brátt á enda og segir liðið í ár nógu sterkt til að vinna enska meistaratitilinn. Liverpool hefur byrjað deildina mjög vel í haust og útlit fyrir að hópur liðsins sé sá sterkasti í háa herrans tíð.

Harris framlengir við Dallas

Leikstjórnandinn Devin Harris hjá Dallas Mavericks hefur skrifað undir nýjan fimm ára samning við félagð og fær í laun um 42 dollara á samningstímanum eða um 2,7 milljarða króna. Harris er 24 ára gamall og hefur með þessu verið ráðinn sem leikstjórnandi framtíðarinnar hjá Dallas. Hann skoraði rúm 10 stig að meðaltali í leik með Dallas á síðustu leiktíð.

Drogba enn tæpur vegna hnémeiðsla

Fílstrendingurinn Didier Drogba hjá Chelsea er enn nokkuð tæpur í leik liðsins gegn Blackburn á morgun vegna hnémeiðsla sem hann hlaut í leiknum gegn Aston Villa fyrir hálfum mánuði. Hann hefur enn ekki náð sér að fullu þrátt fyrir að hafa fengið frí frá landsliðinu í vikunni og er enn í endurhæfingu.

Rooney kominn í hóp United á ný

Framherjinn Wayne Rooney er kominn í leikmannahóp Manchester United á ný eftir fótbrot sem hann hlaut í opnunarleiknum í ensku úrvalsdeildinni. Enn hefur ekki verið ákveðið hvaða hlutverk hinn 21 árs gamli markaskorari fær í leiknum, en trúlega verður hann á varamannabekknum til að byrja með. Þá kemur Cristiano Ronaldo aftur inn í hóp liðsins eftir leikbann.

Afþakkaði fund með Naomi Campbell

Breska hnefaleikaundrið Amir Khan vakti athygli í heimalandi sínu á dögunum þegar hann afþakkaði tækifæri til að hitta ofurfyrirsætuna Naomi Campbell. Khan er nú að undirbúa sig fyrir erfiðasta bardaga sinn á ferlinum til þessa og afþakkaði því að sitja fyrir á síðum Vogue til að einbeita sér að þjálfuninni.

Hughes: Fínt að mæta Chelsea núna

Mark Hughes, stjóri Blackburn í ensku úrvalsdeildinni, segir fínt að mæta Chelsea á þessum tímapunkti í deildinni. Liðin eigast við á Stamford Bridge á morgun þar sem Chelsea hefur ekki tapað í 65 heimaleikjum í röð, sem er met.

Houllier ráðinn tæknistjóri Frakka

Fyrrum Liverpool-stjórinn Gerard Houllier hefur verið ráðinn tæknistjóri franska landsliðsins í knattspyrnu. Þetta segja franskir fjölmiðlar í dag. Houllier hætti hjá meisturum Lyon í lok síðasta tímabils eftir að hafa leitt liðið til sjötta meistaratitilsins í röð. Hann var áður tæknistjóri hjá landsliðinu á árunum 1989 til 1998.

Curbishley tekur undir með Benitez

Alan Curbishley, stjóri West Ham í ensku úrvalsdeildinni, tekur undir með Rafa Benitez hjá Liverpool og skoðanir hans á álagi á leikmenn í kring um landsleikjahlé. Hann segist alveg geta hugsað sér að fá tíma fram á sunnudag til að undirbúa lið sitt fyrir deildarleiki eftir að landsliðin spila á miðvikudagskvöldum.

Almunia ver mark Arsenal áfram

Manuel Almunia mun verja mark Arsenal á laugardaginn þegar lðið heimsækir erkifjendur sína í Tottenham á White Hart Lane. Arsene Wenger knattspyrnustjóri hefur staðfest þetta og segir að Jens Lehmann sé farinn að finna aftur til í olnboganum sem hefur haldið honum út úr liðinu í síðustu fjórum leikjum.

Coppell: Of snemmt að örvænta

Steve Coppell, stjóri Reading í ensku úrvalsdeildinni, segir sína menn ekki vera farna að örvænta þó liðið hafi aðeins fengið fjögur stig út úr fyrstu fimm leikjunum í deildinni. Reading er sem stendur á fallsvæðinu, en hefur reyndar átt mjög erfiða leiki í byrjun tímabils.

Greg Oden úr leik hjá Portland

NBA lið Portland Trailblazers varð fyrir gríðarlegu áfalli í dag þegar í ljós kom að nýliði liðsins Greg Oden þarf að fara í stóran hnéuppskurð og spilar því líklega ekkert með liðinu í vetur. Oden var valinn fyrstur í nýliðavalinu í sumar og bundu forráðamenn Portland miklar vonir við piltinn.

Margrét Lára: Mættum óhræddar

Margrét Lára Viðarsdóttir setti í kvöld nýtt markamet í efstu deild kvenna. Þegar ein umferð er eftir hefur hún skorað 35 mörk. Fyrra metið á hún sjálf og er frá því í fyrra þegar hún skoraði 33 mörk. Hún skoraði tvö mörk í 4-2 sigri Vals á KR í Vesturbæ.

Rússland og Spánn í undanúrslit

Fyrri tveir leikirnir í átta liða úrslitum Evrópumótsins í körfubolta fóru fram í kvöld. Rússar eru komnir í undanúrslit á stórmóti í fyrsta sinn í tíu ár eftir sigur á Frakklandi. Þá komust heimamenn í Spáni áfram í undanúrslit með sigri á Þýskalandi.

Fram vann Hauka

Handboltatímabilið hér á landi fór af stað af alvöru í kvöld. Þá fóru fram þrír fyrstu leikirnir í N1-deild kvenna. Athyglisverðustu úrslit kvöldsins urðu klárlega í Safamýri þar sem Fram vann Hauka 28-26.

Mancini launahæstur þjálfara á Ítalíu

Roberto Mancini hjá Inter er sá þjálfari í ítölsku deildinni sem fær hæstu launin. Er hann til að mynda með þrefalt hærri laun en Claudio Ranieri, þjálfari Juventus. Carlo Ancelotti, þjálfari AC Milan, fær næstbest borgað af þjálfurum á Ítalíu.

Lehmann eða Almunia?

Arsene Wenger, knattspyrnustjóri Arsenal, veit ekki hvort Jens Lehmann eða Manuel Almunia sé aðalmarkvörður liðsins. Lehmann gerði tvö dýrkeypt mistök í upphafi leiktíðarinnar og Almunia fékk tækifæri í markinu.

Þunnskipuð vörn Inter

Roberto Mancini, þjálfari Inter, er í vandræðum fyrir leik liðsins gegn tyrknesku meisturunum í Fenerbache á miðvikudag. Um er að ræða fyrsta leik Inter í Meistaradeildinni en varnarlína liðsins er ansi þunnskipuð fyrir leikinn.

Ákveðinn í að halda Jaaskelainen

Sammy Lee, knattspyrnustjóri Bolton, segir að framtíð finnska markvarðarins Jussi Jaaskelainen sé hjá félaginu. Leikmaðurinn hefur verið orðaður við nokkur lið á Englandi en hann hefur ekki enn skrifað undir nýjan samning við Bolton.

Kvennalið ÍR fallið

Næstsíðasta umferð Landsbankadeildar kvenna fór fram í kvöld. Ljóst er að það verður ÍR sem fellur aftur niður í 1. deild eftir árs veru í efstu deild. Breiðholtsstelpur léku gegn Þór/KA á Akureyri og vann heimaliðið öruggan 5-1 sigur.

Titillinn á leið á Hlíðarenda

Valsstúlkur eiga Íslandsmeistaratitilinn í kvennaflokki vísan eftir að hafa unnið KR 4-2 á útivelli í dag. Leikurinn var úrslitaleikur um titilinn og var hann fjörugur og skemmtilegur. Ein umferð er eftir af Landsbankadeild kvenna 2007.

Heskey svaraði gagnrýnendum

Margir lýstu yfir undrun sinni á þeirri ákvörðun Steve McClaren, landsliðsþjálfara Englands, að notast við sóknarmanninn Emile Heskey. Sjálfur hefur Heskey svarað gagnrýnendum á réttan hátt eða með frammistöðu sinni á vellinum.

Laus úr viðjum spilafíknar

Matthew Etherington, vængmaður West Ham, segist vera í skýjunum með að spilafíkn sín tilheyri nú fortíðinni. Etherington fór í meðferð vegna spilafíknar en henni er nú lokið og leikmaðurinn er farinn að finna sig á nýjan leik í búningi West Ham.

McLaren fær háa sekt

FIA hefur komist að þeirri niðurstöðu að sekta McLaren liðið í Formúlu-1 um hundrað milljónir dollara vegna njósnamálsins. Þá verða stig dregin af liðinu. Hinsvegar mun úrskurðurinn ekki hafa nein áhrif í keppninni um heimsmeistaratitil ökumanna.

Valur yfir í hálfleik

Valsstúlkur eru með forystuna á KR-vellinum en þar er hálfleikur. Staðan er 2-1 en það var Margrét Lára Viðarsdóttir sem kom Valsliðinu yfir. Valsstúlkur hafa verið mun betri í leiknum en um er að ræða úrslitaleik um Íslandsmeistaratitilinn í kvennaflokki.

Megson tekinn við Leicester

Gary Megson er nýr knattspyrnustjóri enska 1. deildarliðsins Leicester City. Megson er 48 ára og hefur verið án félags síðan hann hætti hjá Nottingham Forest í febrúar í fyrra.

Staðan 1-1 í Vesturbænum

Staðan í toppslag KR og Vals í Landsbankadeild kvenna er 1-1 nú þegar 25 mínútur eru liðnar af leiknum. Hrefna Jóhannesdóttir kom KR yfir en Katrín Jónsdóttir jafnaði fyrir Val. Þrír leikir hefjast klukkan 17:30.

Carragher hugsanlega með gegn Portsmouth

Varnarmaðurinn Jamie Carragher er vongóður um að hann nái að spila með Liverpool þegar liðið sækir Portsmouth heim í fyrsta leik helgarinnar í ensku úrvalsdeildinni í hádeginu á laugardag. Carragher hefur misst af tveimur leikjum með Liverpool eftir að hann fékk högg á rifbein.

Brasilíumenn leita að eftirmanni Ronaldo

Brasilíska landsliðið í knattspyrnu var ekki í vandræðum með að skora á æfingaferð sinni um Bandaríkin þar sem liðið skoraði sjö mörk í tveimur leikjum. Það er þó ljóst að eftirmaður Ronaldo er enn ekki fundinn.

Fallegt sjálfsmark

Sænska landsliðið í knattspyrnu fylgdist að sjálfssögðu vel með gangi mála í leik Íslands og Norður-Írlands í gær og kunna frændur okkar Svíar okkur bestu þakkir fyrir sigurinn. "Aftur getum við þakkað Íslendingum fyrir hagstæð úrslit," sagði Christina Wilhelmsson, landsliðsmaður Svía í samtali við fjölmiðla í heimalandinu.

Healy jafnaði met á Laugardalsvelli

Markahrókurinn David Healy hjá norður-írska landsliðinu jafnaði met í gær þegar hann skoraði sitt 12. mark í undankeppni EM úr vítaspyrnu á Laugardalsvellinum. Aðeins einn maður hefur áður náð að skora 12 mörk í undankeppni EM og Healy hefur nú þrjá leiki til að slá metið.

Redknapp: Megum ekki láta Liverpool spila okkur í hel

Harry Redknapp og lærisveinar hans í Portsmouth eiga erfiðan leik fyrir höndum um helgina þegar þeir taka á móti Liverpool í ensku úrvalsdeildinni. Portsmouth náði að leggja Liverpool síðast þegar liðin mættust á Fratton Park og Redknapp vill ólmur endurtaka leikinn.

Schuster: Ballack er alltaf velkominn til Madrid

Bernd Schuster, þjálfari Real Madrid á Spáni, segir að dyr sínar séu alltaf opnar fyrir landa sínum Michael Ballack. Hann segir að Chelsea og Real Madrid hafi átt viðræðu um leikmanninn í sumar, en viðurkennir að launakröfur hans myndu líklega sprengja bankann hjá spænska félaginu.

Norður-Írar flugust á í flugvélinni á leið frá Íslandi

Svo virðist sem tapið gegn Íslendingum í gær hafi farið illa í leikmenn norður-írska landsliðsins, en tveir þeirra flugust hatrammlega á í flugvélinni á leið frá Íslandi í gærkvöld. Félagar þeirra náðu að skakka leikinn en atvikið kom upp áður en flugvélin tók á loft frá Keflavík.

Federer mætir Sampras í nóvember

Tveir af sigursælustu tennisleikurum sögunnar munu leiða saman hesta sína í nóvember þegar Roger Federer mætir Pete Sampras í sérstökum sýningarleik í Malasíu. Federer gerir harða atlögu að meti Sampras, sem vann á sínum tíma 14 risatitla í tennis. Sampras hefur ekki spilað síðan hann vann opna bandaríska meistamótið árið 2002.

Stefna á fyrsta sigurinn á Arsenal á öldinni

Martin Jol og félagar í Tottenham mæta erkifjendum sínum í Arsenal í ensku úrvalsdeildinni á laugardaginn. Tottenham hefur ekki unnið granna sína síðan árið 1999 og lærisveinar Jol eru staðráðnir í að næla í fyrsta sigurinn á öldinni um helgina þó byrjun þeirra í deildinni hafi verið langt undir væntingum.

Aragones fær að kenna á því

Luis Aragones, landsliðsþjálfari Spánverja, fékk það óþvegið enn eina ferðina frá spænskum fjölmiðlum í dag eftir að hans menn þóttu ekki sérlega sannfærandi í 2-0 sigri á Lettum. Aragones talaði ekki við fjölmiðla eftir leikinn og það gerði ekkert annað en að skvetta olíu á eldinn.

Berbatov ómeiddur eftir samstuð

Búlgarski framherjinn Dimitar Berbatov meiddist lítillega þegar hann lenti í samstuði í leik Búlgara við Lúxemburg í gær. Hann fékk skurð á munninn sem þó ætti ekki að verða til þess að hann missi af grannaslag Tottenham og Arsenal á laugardaginn. Berbatov skoraði tvívegis í leiknum í gær og er kominn í annað sæti yfir markahæstu leikmenn þjóðar sinnar ásamt Hristo Stoichkov með 37 mörk.

Fyrsti sigur Brasilíu á Mexíkó í þrjú ár

Brasilíumenn unnu í nótt langþráðan sigur á Mexíkóum 3-1 þegar þjóðirnar mættust í vináttuleik í Bandaríkjunum. Tvö mörk á síðustu tíu mínútunum tryggðu Brössum sigurinn eftir að liðið hafði lent undir í leiknum.

McLeish: Eitt besta kvöldið á knattspyrnuferlinum

Alex McLeish, þjálfari Skota, segist afar stoltur af frammistöðu sinna manna í París í gærkvöld þegar þeir gerðu sér lítið fyrir og lögðu Frakka 1-0 í undankeppni Evrópumótsins. Skotar eru nú öllum að óvörum í efsta sæti B-riðilsins og eiga góða möguleika á að slá Frökkum og Ítölum við.

Worthington: Við verðum að vera jákvæðir

Nigel Worthington neitar að leggja árar í bát þó hans menn Norður-Írar hafi tapað öðrum leiknum í röð í undankeppni EM í gær þegar liðið lá 2-1 fyrir Íslandi á Laugardalsvellinum. Sjálfsmark Keith Gillespie réði þar úrslitum í blálokin.