Vítisengill tekinn með þýfi

Karlmaður á þrítugsaldri var handtekinn í miðborginni fyrr í vikunni, en í bíl hans fannst mikið magn af því sem talið er vera þýfi. Aðallega var um að ræða rafmagnsvörur, ljósmyndatæki og tölvubúnað. Í fórum mannsins, sem er meðlimur í Hells Angels, fundust einnig fíkniefni.

Grænlenski unglingurinn á batavegi

Grænlenska unglingurinn sem var fluttur hingað til landsmeð skotsár í nára er á batavegi. Samkvæmt vakthafandi lækni á Landspítalanum í Fossvogi þá er ástand hans stöðugt. Hann var fluttur í gær með flugvél Norlandair. Drengurinn, sem er þrettán ára gamall, fékk skot í nárann og var fluttur frá Tassilaq til Reykjavíkur. Ekki er ljóst hvernig pilturinn hlaut skotsárið.

Grænlenskur unglingur með skotsár fluttur til Reykjavíkur

Í gær barst Norlandair beiðni um sjúkraflug til Grænlands. Flytja þurfti 13 ára gamlan dreng með skotsár í nára frá Tasiilaq til Reykjavíkur.

Um 1000 gestir á Bestu útihátíðinni

Um 1000 gestir voru á hátíðarsvæðinu að Gaddstaðaflötum í nótt, en þar fer fram Besta útihátíðin. Lögreglan segir að hátíðin hafi að mestu leyti farið rólega fram. Öflug gæsla og löggæsla er á svæðinu og verður henni haldið áfram um alla helgina. Um 10-15 mál komu upp hjá lögreglunni á Hvolsvelli, sem hefur eftirlit með svæðinu, og var lagt hald á nokkuð af fíkniefnum.

Lyfjakostnaður lækkar þrátt fyrri aukna lyfjanotkun

Lyfjakostnaður sjúkratrygginga, að undanskyldum S-merktum lyfjum (sjúkrahúslyf), lækkaði árið 2011 frá fyrra ári þrátt fyrir að lyfjanotkun hafi aukist á sama tíma. Þetta kemur fram í tilkynningu frá Sjúkratryggingum Íslands.

Myndirnar af ísbirninum ógreinilegar

Hér má finna myndirnar sem ítölsku ferðamennirnir tóku af hvítabirni sem virtist vera á sundi í Húnaflóa nærri landi. Eins og sjá má á myndunum er nær ómögulegt að greina ísbjörn á þeim.

Rannsaka viðskiptakjör birgja til matvöruverslana

Samkeppniseftirlitið hefur ákveðið að hefja rannsókn á viðskiptakjörum nokkurra birgja til matvöruverslana. Þar verður rannsakað hvort mikill verðmunur í viðskiptum einstakra birgja við mismunandi verslanir hindri samkeppni og fari gegn samkeppnislögum. Í skýrslu eftirlitsins um verðþróun og samkeppni á dagvörumarkaði sem kom út í janúar síðastliðnum var sýnt fram á mjög mikinn verðmun hjá einstökum birgjum eftir því hvaða verslanir eða verslanakeðjur áttu í hlut. Í skýrslunni voru leiddar að því lýkur að þessi mikli verðmunur hindraði samkeppni á dagvörumarkaði.

Í sextán ára fangelsi fyrir morð

Hlífar Vatnar Stefánsson var dæmdur í sextán ára fangelsi í morgun fyrir morðið á Þóru Eyjalín Gísladóttur í Hafnarfirði fyrr á árinu. Það var Héraðsdómur Reykjaness sem kvað dóminn upp. Hlífar Vatnar var jafnframt dæmdur til að greiða aðstandendum hennar samtals fjórar milljónir í miskabætur.

Þyrlan fer í hvítabjarnaleit á hádegi

Þyrla Landhelgisgæslunnar mun fara í loftið á hádegi til að leita að hvítabirni sem ítalskir ferðamenn töldu sig sjá í Húnaflóa í fyrradag. Þyrlan leitaði á stóru svæði í gær án árangurs en flogið var með strandlengjunni frá Skaga inn Húnafjörð, yfir Þingeyrarsand og fyrir Vatnsnes. Var síðan haldið áfram alveg vestur um og norður í Bjarnafjörð á Hornströndum.

Selir taldir í Húnaþingi vestra

Selatalning mun fara fram á Vatnsnesi og á Heggstaðarnesi í Húnaþingi vestra þann 22 Júlí næstkomandi og fara talningarnar þannig fram að allir sjáanlegir selir eru taldir samtímis á stórstreymisfjöru á u.þ.b. 100 km strandlengju. Selatalningin hefur farið fram árlega frá árinu 2007. Hún byggir algjörlega á þátttöku sjálfboðaliða sem vilja taka þátt í rannsóknarstörfum, ásamt því að njóta nærveru sela og náttúru. Talningin er skemmtileg upplifun fyrir alla náttúru- og dýraunnendur og þess má geta að samtals 1033 selir voru taldir í fyrra. Hingað til hefur áhuginn verið mikill bæði meðal heimamanna og ferðamanna.

Vegakerfið verður ekki bætt á einum degi

„Vegakerfið í umsjá Vegagerðarinnar er 13 þúsund kílómetrar og þegar veghönnunarreglum er breytt segir það sig sjálft að þann sama dag verða 13 þúsund kílómetrar ekki aðlagaðir að reglum.“ Þetta segir G. Pétur Matthíasson, upplýsingafulltrúi Vegagerðarinnar, um fullyrðingar Ólafs Guðmundssonar, fulltrúa EuroRAP á Íslandi, í Fréttablaðinu í gær.

Taka ákvörðun um frekari leit þegar líða tekur á daginn

Ákvörðun um hvort halda beri áfram leitinni að hvítabirninum sem ítalskir ferðamenn töldu sig sjá í Húnaflóa í fyrradag verður tekin þegar líða tekur á morguninn. Þyrla Landhelgisgæslunnar leitaði á stóru svæði í gær án árangurs en flogið var með strandlengjunni frá Skaga inn Húnafjörð, yfir Þingeyrarsand og fyrir Vatnsnes. Var síðan haldið áfram alveg vestur um og norður í Bjarnafjörð á Hornströndum. Ekkert sást til dýrsins en hinsvegar fundu Gæslumenn öldumælisdufl sem hafði fyrir nokkru slitnað upp. Duflið hafði rekið frá Straumnesi, fyrir Horn og inn á Strandir. Duflið var tekið um borð og síðan flogið til eldsneytistöku á Ísafirði. Þyrlan lenti síðan í Reykjavík um klukkan hálfsex í gær.

Miklar skemmdir í bruna í Kópavogi

Íbúðarhús í Selbrekku skemmdist mikið í bruna í nótt. Tilkynnt var um eldinn um klukkan hálfþrjú og klukkutíma síðar hafði slökkviliðið ráðið niðurlögum hans en á tíma logaði glatt. Húsið er einbýli á tveimur hæðum og kviknaði í á efri hæð. Tveir voru í húsinu og náðu þeir að koma sér út fyrir eigin rammleik. Nágranni sem kom til hjálpar þurfti hinsvegar að leyta sér aðstoðar á slysadeild sökum gruns um reykeitrun. Mikill erill hafði verið í sjúkraflutningum þar til skömmu fyrir útkallið og því voru allar stöðvar sem betur fer fullmannaðar þegar kallið kom, að því er vaktstjóri hjá slökkviliði segir. Ekki er ljóst um eldsupptök.

Alcoa styrkir þjóðgarðsverði til vesturfarar

Alcoa stofnunin, sem er í eigu móðurfélags Fjarðaáls, hefur ákveðið að styrkja íslenska þjóðgarðsverði fjárhagslega svo þeir geti heimsótt þjóðgarða í Bandaríkjunum og kynnt sér starfsemi þeirra og hvernig þeim er stjórnað.

Starfsemin háð nýjum skilyrðum

Samkeppniseftirlitið hefur heimilað samruna Reiknistofu bankanna og Teris og gert samkomulag við eigendur Reiknistofu bankanna um skilyrði til að tryggja virkari samkeppni á fjármálamarkaði.

Stríð stendur um loftslagsmál

Gríðarlegum fjármunum er varið til að berjast gegn vísindum sem sýna fram á hlýnun jarðar af mannavöldum. Bandaríski loftslagsvísindamaðurinn Michael Mann lenti í hringiðu þeirrar baráttu. Til stóð að stefna honum fyrir þingnefnd og hefði hann þá þurft að

Veittist að stúlku á bensínstöð

Ráðist var á starfsstúlku bensínstöðvar N1 á Ártúnsholti rétt fyrir klukkan eitt í nótt. Viðskiptavinur kom stúlkunni til aðstoðar og þá flúði maðurinn af vettvangi. Þegar lögrelan kom á staðinn skoðuðu þeir myndir úr öryggiskerfi stöðvarinnar og þekktu manninn strax, en hann er rúmlega þrítugur. Hann fannst þar sem hann var á gangi á Bíldshöfða skömmu síðar. Stúlkuna mun ekki hafa sakað að því er lögregla segir.

Jón Steinar og Garðar hætta

Jón Steinar Gunnlaugsson og Garðar Gíslason láta báðir af störfum sem dómarar við Hæstarétt Íslands þann 1. október næstkomandi.

Segir Landsvirkjun ekki styðjast við rök

Veiðimálastofnun segir fullyrðingar Landsvirkjunar um að aðstæður í Stóru-Laxá og Blöndu séu svipaðar ekki standast rök. Þá hafi rennslisbreytingar af mannavöldum nær undantekningarlaust skaðleg áhrif á lífríki og fiskgengd.

Óþekkt hverjir njóta risnufjár á Akranesi

Endurskoðandi Akranesbæjar gagnrýnir að sjaldan sé skráð hverjir njóta risnu og gjafa úr bæjarsjóði. Útgjöldin hafi farið 87 prósent fram úr áætlun í fyrra. Bæjarritari neitar eyðslu umfram áætlun en segir skráningu þó vera ábótavant.

Óvíst um framsal Sverris

Ekki er í gildi framsalssamningur við Brasilíu og því óvíst að hægt yrði að fá Sverri Þór Gunnarsson framseldan hingað þrátt fyrir að hann sé grunaður um glæpi hér. Ekki borist formleg staðfesting á nafni hans.

Ný vinnsla hefst í Bolungarvík

Vinnsla hefst á ný í fiskvinnsluhúsinu í Bolungarvík í næstu viku. Þetta sögufræga fiskvinnsluhús, sem áður var í eigu útgerðar- og fiskvinnslufyrirtækisins Einar Guðfinnsson hf., hefur staðið tómt frá því að Bakkavík lagði upp laupana á vormánuðum 2010.

Fólkið í Gambíu fær útsæði frá Íslandi

Rauði kross Íslands dreifir nú matvælum, útsæði og áburði í Gambíu. Mikil hungursneyð vofir yfir íbúum landsins þar sem uppskerubrestur og matvælaskortur hefur ekki verið meiri í landinu síðastliðin fimmtán ár.

Enn fleiri vilja selja ofan í Silfru

„Ef þarna verður aftur slys er ekki boðlegt að ég, sem þjóðgarðsvörður, og Þingvallanefndin sem ábyrgðaraðilar fyrir þessum þjóðgarði, segjum við lögregluna að okkur komi ekki við hvað gerist í Silfru og að menn geti bara kafað þar eins og þeir vilja,“ segir Ólafur Örn Haraldsson, þjóðgarðsvörður á Þingvöllum.

Aðbúnaður á Kópavogshæli rannsakaður

Vistheimilisnefnd rannsakar hvort fötluð börn á Kópavogshæli hafi sætt illri meðferð. Þroskahjálp hefur kallað eftir slíkri rannsókn. Nefndin getur gert tillögu um að greiða út sanngirnisbætur.

Bréfasendingar dragast saman

Eldur í húsi við Selbrekku

Eldur kom upp í íbúðarhúsnæði við Selbrekku 8 nú í nótt. Allir eru komnir út úr húsinu. Allt tiltækt lið slökkviliðsins er á leiðinni.

Lögreglan komin með myndir ferðafólksins

Lögreglan á Stykkishólmi hefur nú rætt við ferðamennina ítölsku sem fyrst tilkynntu um hvítabjörn við Geitafjall. Samkvæmt upplýsingum frá lögreglunni þar á bæ var ekki hægt að sjá að um hvítabjörn hafi verið ræða. Lögreglan útilokar þó ekkert.

Ekki í lífshættu eftir slys við heyskap

Stúlkan sem slasaðist alvarlega við heyskap fyrr í dag er ekki talin í lífshættu. Samkvæmt upplýsingum frá vakthafandi lækni á Landspítala er stúlkan enn í aðgerð.

Spjaldtölvuvæðing þingsins gæti sparað milljónir í prentkostnað

Spara mætti á þriðja tug milljóna króna árlega í prentunar- og pappírskostnað með því að láta alla þingmenn fá spjaldtölvur í stað þess að prenta út þingskjöl. Dæmi eru um slíkt frá þjóðþingum annarra ríkja.

Besta útihátíðin hefst í kvöld

Besta útihátíðin hefst með pompi og prakt á Gaddstaðaflötum við Hellu í kvöld. Fjöldi manns er nú þegar mættur á svæðið og eru aðstandendur hátíðarinnar að leggja lokahönd á undirbúning.

Fundu öldumælisdufl við leit að hvítabirni

Leit Landhelgisgæslunnar að hvítabirni á norðurlandi hefur skilað óvæntum feng. Við leit á Ströndum fann áhöfn TF-LIF öldumælisdufl sem slitnað hafði upp fyrir nokkru.

Björninn verður felldur nálgist hann byggð

"Það segir sig náttúrulega sjálft að við viljum ekki hafa svona óargardýr við byggð," segir Kristján Þorbjörnsson, yfirlögreglumaður á Blönduósi. Hann telur það vera augljósan kost að fella hvítabjörninn ef hann nálgist byggð.

Barn slasaðist við heyskap

Alvarlegt slys átti sér stað við Sauðárkrók á fimmta tímanum í dag. Þar slasaðist barn við heyskap.

Heiðra minningu föður síns

Bresk systkin á áttræðisaldri sigldu í morgun út fyrir Vestfirði til að heiðra minningu föður þeirra sem fórst þar á þessum degi fyrir sjötíu árum ásamt liðlega tvöhundruð sjómönnum.

Ítölsku hjónin fundin

Lögreglan hefur loks haft upp á ítölsku ferðamönnunum sem náðu myndum af hvítabirni við Geitafjall í gær. Þau eiga pantaði gistingu í Stykkishólmi í kvöld og mun lögreglan þar á bæ ræða við fólkið seint kvöld.

Vill að eftirlaunaaldur verði hækkaður

Það er óeðlilegt að gera ráð fyrir því að fólk fari á eftirlaun þegar það verður 67 ára. Þetta segir þingmaður sem hyggst leggja fram frumvarp um breytingar á kerfinu. Bregðast verði við, því skattgreiðendum fækki og eldri borgurum fjölgi.

Sekur um manndráp af gáleysi

Átján ára gamall piltur hefur verið fundinn sekur um manndráp af gáleysi. Hann var Eyþóri Darra Róbertssyni að bana við ofsaakstur á gatnamótum Geirsgötu og Tryggvagötu í Reykjavík í fyrra.

Ók á tæplega 200 kílómetra hraða

Karl um þrítugt var tekinn fyrir ofsaakstur á Miklubraut í Reykjavík á fimmta tímanum síðdegis í gær. Sá ók bifhjóli á 191 km hraða austur Miklubraut, á milli Kringlumýrarbrautar og Háaleitisbrautar, en þarna er 60 km hámarkshraði.

Unnið að því að útfæra viðbrögð við landgöngu hvítabjarna

Viðbragðsteymi vegna landgöngu hvítabjarna var kallað saman í morgun og fór yfir stöðu mála vegna tilkynningar í gær um að hugsanlega hafi hvítabjörn gengið á land. Viðbragðsteymið var skipað af umhverfisráðherra árið 2012 og í því sitja fulltrúar Landhelgisgæslunnar, Ríkislögreglustjóra, Matvælastofnunar og Umhverfisstofnunar. Hlutverk teymisins er m.a. að samræma viðbrögð þessara aðila að því er fram kemur í tilkynningu frá Umhverfisstofnun.

Samþykktu stóraukna flokkun pappírsefna

Borgarráð samþykkti í dag tillögu umhverfis- og samgönguráðs um stóraukna flokkun og hirðingu pappírsefna og skildaskyldra umbúða. Frá og með 1. október mun ekki verða leyft að setja pappírsefni og skilaskyldar umbúðir með í ílát fyrir almennt heimilissorp.

Hver er þessi Sveddi tönn? Þræðir liggja víða

Það er óhætt að segja að Sverrir Þór Gunnarsson, eða Sveddi tönn, eins og hann er kallaður, sé nokkurskonar huldumaður undirheima Íslands. Eins og fram hefur komið var hann handtekinn í Ríó de Janeiro í vikunni eftir að unnusta hans var handtekinn á alþjóðaflugvelli þar í borg með hátt í 50 þúsund E töflur. Sverrir er fæddur árið 1972 en brotaferill hans hófst þegar hann var sextán ára gamall. Þá voru brot hans nokkuð hefðbundin, ef svo má að orði komast, hann var dæmdur fyrir minniháttar fíkniefnabrot og umferðalagabrot. Sverrir fékk viðurnefnið Sveddi tönn út af tannlýti.

Aflahæstu dagar strandveiðanna í sumar

Júlímánuður hefst með glæsibrag hjá strandveiðimönnum því fyrstu dagar veiðanna voru aflahæstu dagar sumarsins. Þann 3. júlí veiddust 352 tonn og á mánudaginn 2. júlí veiddust 343,7 tonn.

Óbyggðanefnd berast kröfur ráðherra varðandi Norðvesturland

Fjármálaráðherra hefur fyrir hönd ríkisins afhent Óbyggðanefnd kröfur sínar um þjóðlendur á Norðvesturlandi. Kröfurnar varða eignaréttarlega stöðu lands í Húnavatnssýslu vestan Blöndu ásamt Skaga.

Páll Gísli með rifinn liðþófa

Páll Gísli Jónsson, markvörður ÍA, verður frá næstu 4-5 vikurnar en hann gekkst í morgun undir aðgerð vegna hnémeiðsla.