Selir taldir í Húnaþingi vestra

Selatalning mun fara fram á Vatnsnesi og á Heggstaðarnesi í Húnaþingi vestra þann 22 Júlí næstkomandi og fara talningarnar þannig fram að allir sjáanlegir selir eru taldir samtímis á stórstreymisfjöru á u.þ.b. 100 km strandlengju. Selatalningin hefur farið fram árlega frá árinu 2007. Hún byggir algjörlega á þátttöku sjálfboðaliða sem vilja taka þátt í rannsóknarstörfum, ásamt því að njóta nærveru sela og náttúru. Talningin er skemmtileg upplifun fyrir alla náttúru- og dýraunnendur og þess má geta að samtals 1033 selir voru taldir í fyrra. Hingað til hefur áhuginn verið mikill bæði meðal heimamanna og ferðamanna.

Upprunalega voru einungis taldir selir á Vatnsnesinu en þar sem áhugi og þátttaka hefur aukist á milli ára hefur Heggstaðarnesinu verið bætt við og verið talið með síðan 2009. Svæðinu er skipt upp í mörg misstór svæði (2-7km löng). Flestir ættu að geta fundið sér svæði við sitt hæfi, hvort sem á við fjölskyldufólk í leit að léttri göngu í fjörunni eða íþróttagarpar að leita að erfiðri gönguferð. Tekið skal þó fram að talningin hentar ekki börn undir 5 ára og börn mega bara taka þátt í fylgd forráðamanna. Að talningunni lokið eru niðurstöðum skilað til verkefnisstjóra og fólki boðið upp á kakó á Selasetrinu. Þátttakendur fá frítt inn á fræðslusafn Selasetursins.