Strætó yfirgefur Hlemm

BSÍ tekur við hlutverki Hlemms sem skipti- og endastöð Strætós bs. verði hugmyndir fyrirtækisins að veruleika. Þá verður hætt akstri stórra strætisvagna um miðborg Reykjavíkur og við taka tíðari ferðir minni vagna

Eigendur vilja selja borginni Skáldastíg

Listamaður og arkitekt sem eiga lóðir undir göngustíg að Unuhúsi vilja að borgin kaupi stíginn. Menningarsögulegt gildi segir Minjasafn. Sagan lifir þótt stígurinn hverfi, segir framkvæmda- og eignasvið og vill ekki eyða fé í málið.

Boltinn er núna hjá Expressferðum

Hildigunnur Hafsteinsdóttir, lögfræðingur Neytendasamtakanna, segir samtökin nú bíða viðbragða Expressferða við þeirri niðurstöðu Neytendastofu að ferðaskrifstofan hafi átt að endurgreiða að fullu pakkaferð til Berlínar.

Kennurum fækkar um átta á tveimur árum

Stöðugildum í Álftanesskóla hefur fækkað um átta á síðustu tveimur árum. Nú eru 39 stöðugildi í skólanum en voru 47 skólaárið 2008 til 2009, sem er 20 prósenta fækkun. Nemendafjöldinn er sá sami, eða um 460 börn.

Enn verið að vinna í hljóðritunarmálinu

Hljóðritanir eru óheimilar á bæjarstjórnarfundum Mosfellsbæjar. Birta Jóhannesdóttir, þriðji maður á lista Íbúahreyfingarinnar, bað Karl Tómasson, forseta bæjarstjórnar, um leyfi til þess að hafa hljóðnema á bæjarstjórnarfundi 25. ágúst síðastliðinn, en var neitað.

Flóahreppur braut lög með brottrekstri

Flóahreppur braut ítrekað lög þegar sveitarstjórn hreppsins vék formanni umhverfisnefndar hreppsins frá og skipaði nýjan formann stuttu fyrir aðdraganda sveitarstjórnarkosninganna í vor, samkvæmt úrskurði samgöngu- og sveitarstjórnarráðuneytisins.

Eigum að fylgja fordæmum sem til eru

Ísland semur ekki um undanþágur frá meginreglum Evrópusambandsins, heldur verður farið fram á sérlausnir, líkt og fordæmi eru fyrir. Þetta sagði Jón Baldvin Hannibalsson, fyrrum ráðherra og sendiherra, í viðtali við Morgunútvarp Rásar 2 í gær.

Ályktun BHM kemur mjög á óvart

Miðstjórn Bandalags háskólamanna (BHM) kallar eftir því í ályktun að Framtakssjóður Íslands sýni fram á með óyggjandi hætti að fjárfestingar sjóðsins fylgi tilgangi og skilmálum sjóðsins og leggst gegn frekari framlögum í sjóðinn.

Galdurinn liggur í frostinu

„Það er óvenjulega mikið af reyniberjum í ár eins og af öðrum jarðargróðri. Reyniberin eru stórkostlegt haustskraut en líka góð til átu með réttri meðhöndlun,“ segir Hildur Hákonardóttir, höfundur bókarinnar Ætigarðurinn – handbók grasnytjungsins.

Einungis munaði níu atkvæðum

Kjarasamningur Landssambands slökkviliðs- og sjúkraflutningamanna (LSS) og launanefndar sveitarfélaga (LN) var samþykktur í almennri atvæðagreiðslu í fyrradag. Einungis munaði níu atvæðum, en 100 manns voru ósamþykkir samningum og 109 samþykkir. Talningu lauk laust fyrir hádegi í gær.

Útspil stjórnvalda varðandi áfengisauglýsingar fagnaðarefni

„Þetta er mikið fagnaðarefni og sérstaklega gaman af því að fólk skuli taka og setja velferðarsjónarmið barna og unglinga í öndvegi,“ segir Árni Guðmundsson, formaður Foreldrasamtaka gegn áfengisauglýsingum.

Flokksstjórn í startholunum

Búist er við að flokksstjórn Samfylkingarinnar verði kölluð saman með skömmu fyrirvara í tengslum við fyrirhugaða uppstokkun á ríkisstjórninni. Til stendur að fækka ráðherrum um tvo.

Oddný: Veit ekki hvort ég verð ráðherra

„Það hef ég ekki hugmynd um,“ segir Oddný Harðardóttir, þingmaður Samfylkingarinnar, aðspurð hvort hún taki senn sæti í ríkisstjórn. „Ég heyrði þetta bara í féttunum.“

Samningaviðræðunum verið slitið

Stjórn Ungra vinstri grænna skorar á ríkisstjórnina að slíta nú þegar öllum samningaviðræðum við hollenska hernaðarfyrirtækið ECA um að það fái leyfi til að halda uppi starfsemi á Íslandi.

Hélt að Össur væri að tala um tollhliðið á Seltjarnarnesi

„Fékk nett sjokk, hélt hann væri að tala um mig og tollahlið á Seltjarnarnes. Fjúkkitt,“ segir Jón Gnarr, borgarstjóri, í dagbókarfærslu á samskiptasíðunni Facebook í kvöld. Þar vísar Jón til fréttar á Vísir.is þar sem Össur Skarphéðinsson, utanríkisráðherra, gagnrýnir harðlega Jón Bjarnason, landbúnaðarráðherra, vegna tollmúrs á innfluttar landbúnaðarvörur. „Össur: Tollmúrar Jóns algert brjálæði,“ er fyrirsögn umræddrar fréttar.

Lögregla skoðar myndasafn í tengslum við morðið

Fáeinum dögum eftir morðið á Hannesi Þór Helgasyni fékk lögregla afrit af myndasafni Víkurfrétta frá fjölskylduhátíð í Vogum sem fór fram kvöldið fyrir morðið. Á einni myndanna sést Hannes Þór standa einn fyrir aftan unnustu sína. Víkurfréttir greina frá þessu í dag. Þar segir ennfremur að lögregla hafi fengið aðgang að myndunum „með það fyrir augum að finna hugsanlegan morðingja á myndunum."

„Ætli við þurfum ekki að drepast til að hætta“

Þjóðin getur tekið gleði sína á ný því í dag var gengið frá því að gömlu, góðu heimilisvinirnir Ragnar Reykás, Kristján „heiti ég" Ólafsson og Geir og Grani verði áfram í sjónvarpi, en nú á Stöð 2.

Össur þögull

„Þú hefur alltaf haft betri heimildir en ég. Ég rengi það ekki,“ sagði Össur Skarphéðinsson, utanríkisráðherra, við fréttamann þegar hann kom út af fundi með Jóhönnu Sigurðardóttur í forsætisráðuneytinu í kvöld.

Beinagrind steypireyðarinnar á Skaga bjargað

Umhverfis- og menntamálaráðherra fengu samþykkta tveggja milljóna króna fjárveitingu á ríkisstjórnarfundi í morgun til að bjarga beinagrind steypireyðarinnar sem rak á land á Skaga fyrir norðan á dögunum.

Össur: Tollmúrar Jóns algert brjálæði

Tollmúrar Jóns Bjarnasonar landbúnaðarráðherra á innfluttar landbúnaðarvörur eru algert brjálæði, segir Össur Skarphéðinsson utanríkisráðherra, og hvetur hann til að endurskoða ákvörðun sína.

Katrín Júlíusdóttir: Ekki með von í brjósti

„Það hefur blasað við að breytingar yrðu gerðar á kjörtímabilinu í tengslum við hugsanlegar breytingar á Stjórnarráðinu. Vonandi erum við að sjá í land með þær og það felur auðvitað í sér breytingar,“ sagði Katrín Júlíusdóttir, iðnaðarráðherra, áður en hún gekk í Stjórnarráðshúsið á sjöunda tímanum í kvöld.

Afli Samherja hjá ESB

Dótturfélög Samherja eru með þúsundir eða tugi þúsunda tonna veiðiheimilda innan Evrópusambandsins. Aflaheimildir dótturfélaganna í útlöndum eru margfalt meiri en móðurfélagið hefur á Íslandi.

Ragna og Gylfi hætta

Stokkað verður upp í ríkisstjórninni á næstu dögum, jafnvel strax á morgun eða þegar þing kemur saman á fimmtudag. Ráðherrum verður fækkað um tvo.

Segir tímann vinna með Íslendingum í Icesave-deilunni

Tíminn vinnur með Íslendingum í Icesave-málinu, segir fyrrverandi yfirlögfræðingur hjá EFTA. Málsmeðferð fyrir EFTA-dómstólnum er sjaldan meiri en 6 til 7 mánuðir, samkvæmt athugun á vef dómstólsins, eða minna en helmingurinn af þeim tíma sem liðinn er síðan fyrst var samið um Icesave.

Umfangsmikil leit að neyðarsendi sem fannst í ruslinu

Landhelgisgæslan og samstarfsaðilar stóðu fyrir mikilli leit að neyðarsendi frá sunnudegi og fram á mánudag eftir eftir að neyðarskeyti hófu að berast frá sendi sem ekki var lengur í notkun. Við eftirgrennslan kom í ljós að honum hafði verið skilað inn til þjónustuaðila sem ekki fór með hann strax til förgunar, að því er fram kemur í tilkynningu frá Gæslunni.

Barnaspítalasjóður Hringsins fær ekki arfinn

Hæstiréttur staðfesti í dag niðurstöðu Héraðsdóms Reykjavíkur frá því í júlí í deilu um arf til Barnaspítalans. Landspítalinn fær arfinn samkvæmt erfðaskrá.

21 karlmaður og ein kona sækja um starf fiskistofustjóra

Þann 27. ágúst 2010 rann út frestur til að skila umsókn um embætti fiskistofustjóra. Alls sóttu 22 um starfið.

Íslendingar ánægðir með nágrannana, veðrið og borgarstjórann

Mikil ánægja ríkir meðal Íslendinga samkvæmt könnun MMR á ánægju almennings.

Leggja til að áfengisauglýsingar verði algjörlega bannaðar

Ríkisstjórnin hefur samþykkt tillögu heilbrigðisráðherra og dómsmála- og mannréttindaráðherra um að áfengislögum verði breytt þannig að bann við áfengisauglýsingum verði virt.

„Ríkisendurskoðun fór óvarlega í fyrirsagnirnar“

„Við urðum strax vör við það að nemendur og starfsfólk höfðu samband og óttuðust að hér væri allt á hausnum. Að sjálfsögðu er ekki svo og mér finnst Ríkisendurskoðun hafa farið óvarlega í fyrirsagnirnar sem höfðu ekki alltaf innistæðu,“ segir Hjálmar Árnason, framkvæmdastjóri Keilis og fyrrverandi þingmaður Framsóknarflokksins, en honum finnst framsetning skýrslu Ríkisendurskoðunar heldur hörð og ekki lýsa starfi skólans rétt.

Fiskverð hagstætt - mjölverð enn hagstæðara

Verð á íslenskum sjávarafurðum, meðaltal allra afurðaflokka, mælt í erlendri mynt, hækkaði um 1,5 prósent í júlí síðastliðnum. Þetta byggir á útreikningi IFS miðað við tölur um framleiðsluverð í júlí sem Hagstofan birti fyrir helgi.

Spaugstofan á Stöð 2

Spaugstofan mun verða á Stöð 2 í vetur en fyrsti þátturinn verður sýndur laugardaginn 8. október. Spaugstofan var í tuttugu ár í Ríkissjónvarpinu en sýningum var hætt vegna niðurskurðar.

Óvíst að það sé rekstrargrundvöllur fyrir Keili

Ríkisendurskoðun telur alls óvíst hvort það sé rekstrargrundvöllur fyrir starfsemi Keilis ehf., sem er í Reykjanesbæ. Í úttekt Ríkisendurskoðunar á skólanum kemur fram að í árslok 2009 nam uppsafnaður halli af rekstri Keilis 136 milljónir og skuldir 463 milljónir.

Bakktjón algengasta umferðartjónið

Bakktjón (ekið afturábak) er algengarsta orsök umferðartjóna hér á landi eða 31 prósent allra tjóna samkvæmt nýrri skýrslu frá Sjóvá fyrir árið 2009.

Slökkviliðsmenn samþykktu nýjan kjarasamning

Kjarasamningur slökkviliðs- og sjúkraflutningamanna við launanefnd sveitarfélaga var samþykktur naumlega í atkvæðagreiðslu sem lauk um hádegi í gær. Samningurinn var því samþykktur naumlega og boðuðum verkfallsaðgerðum hefur verið aflýst.

Hæstiréttur staðfestir gæsluvarðhald yfir Gunnar Rúnari

Hæstiréttur hefur staðfest fjögurra vikna gæsluvarðhaldsúrskurð héraðsdóms yfir Gunnari Rúnari Sigurþórssyni, 23 ára, sem grunaður er um að hafa orðið Hannesi Þór Helgasyni að bana á heimili hans aðfaranótt 15.ágúst síðastliðinn.

Spaugstofan heldur blaðamannafund í Þjóðmenningarhúsinu

Spaugstofan hefur boðað til blaðmannafundar klukkan tvö í dag. Athygli vekur að fundurinn fer fram í ÞJóðmenningarhúsinu við Hverfisgötu, en þar hefur ríkisstjórnin oft haldið blaðamannafundi eftir bankahrun.

Brasilísk djass-söngkona svipt atvinnuleyfi vegna atvinnuleysis

„Óvissan er verst, ég veit ekki hvað ég á að gera," segir Jussanam da Silva frá Brasilíu en hún segir Vinnumálastofnun hafa hafnað að framlengja vinnuleyfið sitt meðal annars vegna mikils atvinnuleysis.

Bandaríski herinn snýr aftur

Flugsveit frá bandaríska flughernum sinnir loftrýmisgæslu Atlantshafsbandalagsins hér á landi frá 6. - 24. september. Sveitin er hér stödd í boði íslenskra stjórnvalda og starfar í samræmi við loftrýmisgæsluáætlun Atlantshafsbandalagsins fyrir Ísland.

Síbrotamaður tekinn úr umferð

Ungur ökumaður var nýverið stöðvaður eftir að hafa mælst á 117 kílómetra hraða innanbæjar á Selfossi, þar sem hámarkshraði er 50 kílómetrar á klukkustund.

BHM: Miðstjórn leggst alfarið gegn frekari framlögum til Framtaks

Miðstjórn Bandalags háskólamanna leggst alfarið gegn frekari framlögum lífeyrissjóða félagsmanna sinna til Framtakssjóðs Íslands. Í ályktun miðstjórnar segir að af gefnu tilefni geri hún þá kröfu til Framtakssjóðs Íslands, að hann sýni með óyggjandi hætti fram á að fjárfestingar hans fylgi tilgangi og skilmálum sjóðsins.

Fundu spænskan ferðamann

Björgunarsveitarmenn frá Hellu fundu í gærkvöldi spænskan ferðamann á bílaleigubíl, sem hafði orðið bensínlaus inni á hálendinu i fyrrinótt.

Síðbúin hitabylgja á leiðinni

Hiti fer nú vaxandi um norðan- og austanvert landið en þar um slóðir stefnir í síðbúna hitabylgju með allt að 20 stiga hita næstu sólarhringana.

Nýtt kvótaár á miðnætti

Einskonar gamlársdagur er í íslenskum sjáavrútvegi í dag, því nú er síðasti dagur kvótaársins og nýtt kvótaár gengur í garð á miðnætti með nýjum aflaheimildum, eða kvótum.

LÍÚ telur nýtt ákvæði í stjórnarskrá óþarft

Starfshópur um endurskoðun fiskveiðistjórnunarkerfisins, að fulltrúum Landssambands íslenskra útvegsmanna (LÍÚ) undanskildum, telur aðkallandi að skýrt ákvæði verði sett inn í stjórnarskrá um að auðlindir sjávar séu eign þjóðarinnar. Mælt er með því að sjávarútvegsráðherra komi erindi þessa efnis til nýskipaðrar nefndar sem nú undirbýr stjórnlagaþing. Samkvæmt heimildum Fréttablaðsins kemur þetta fram í drögum að niðurstöðum starfshópsins en hún skilar ráðherra skýrslu í lok vikunnar.