Tveir alvarlega slasaðir fluttir með þyrlu til Reykjavíkur

Fimm erlendir ferðamenn slösuðust, þar af tveir alvarlega, þegar níu manna Renault smárúta valt á Biskupstungnabraut á milli Minni Borgar og Laugarvatnsafleggjara laust fyrir klukkan hálf ellelfu í morgun.

Mannréttindamálaráðherra tjáir sig ekki um orð Jóhönnu

Dóms- og mannréttindamálaráðherra, Ögmundur Jónasson, vildi ekki tjá sig um ræðu Jóhönnu Sigurðardóttur forsætisráðherra þegar að blaðamenn hittu hann að loknum ríkisstjórnarfundi í morgun.

Atli vill nýjar kosningar ef þingið axlar ekki ábyrgð sína

Atli Gíslason segir að ef þingið axli ekki þá ábyrgð sem á það er lögð í kjölfar bankahrunsins og dragi til ábyrgðar þá sem sýndu vanrækslu í aðdraganda þess, þá sé full ástæða til að boða til nýrra kosninga þannig að þingmenn endurnýi umboð sitt.

Jóhanna til New York í dag

Jóhanna Sigurðardóttir forsætisráðherra heldur til New York borgar í dag til þess að taka þátt í allsherjarþingi Sameinuðu þjóðanna. Samkvæmt upplýsingum frá skrifstofu forsætisráðherra er óráðið hvenær Jóhanna mun snúa aftur. Það verði þó eins fljótt og auðið er.

Vonar að ræða ráðherra hafi ekki áhrif á ríkisstjórnarsamstarfið

Steingrímur J. Sigfússon, fjármálaráðherra og formaður VG, er ósammála ýmsu sem kom fram í ræðu Jóhönnu Sigurðardóttur forsætisráðherra á Alþingi í gær. Þetta sagði hann að loknum ríkisstjórnarfundi í morgun. Hann sagðist einkum vera ósammála því sem kom fram í ræðu forsætisráðherra um gagnrýni á Atlanefndina svokölluðu. Forsætisráðherra væri þó heimilt að tjá eigin skoðanir á málinu.

Eygló um ræðu Bjarna: „Lifi samtrygging stjórnmálamanna!"

Eygló Harðardóttir, þingmaður Framsóknarflokksins og fulltrúi í Atla-nefndinni svokölluðu, fannst lítið til ræðu Bjarna Benediktssonar, formanns Sjálfstæðisflokksins, koma þar sem Bjarni sagðist algjörlega mótfallinn þingsályktunartillögu um að kæra skuli fjóra ráðherra vegna vanrækstu í bankahruninu. Eygló er einn flutningsmanna tillögunnar. Í upphafi máls síns sagði Eygló að það væri venjan að þakka fyrri þingmanni fyrir sína ræðu en hún væri ekki viss um að hún gæti það í þessu tilviki.

Sex slasaðir eftir alvarlegt bílslys

Þyrla Landhelgisgæslunnar var kölluð út fyrir stundu vegna bílslyss sem varð milli Minni Borgar og Svínavatns. Í tilkynningu frá Landhelgisgæslunni kemur fram að sex manns hafi verið í bílnum að því er talið er.

Bjarni: Þessari tillögu ber að hafna

Bjarni Benediktsson formaður Sjálfstæðisflokksins er ósammála í öllum grundvallaratriðum þeirri þingsályktunartillögu sem lögð hefur verið fram af þingmönnum í Atlanefndinni svokölluðu og mælir fyrir því að fyrrverandi ráðherrar verði ákærðir. Bjarni telur að tilögunni beri að hafna.

Fágæt íslensk frímerki á uppboði: Gætu farið á tugi milljóna

Íslensk skildingaumslög eru ákaflega fágæt og þykja því mikil tíðindi í heimi frímerkjasafnara þegar slík umslög eru falboðin. Eitt örfárra íslenskra skildingaumslaga sem er í einkaeigu verður selt á uppboði hjá Thomas Hojland í Danmörku í byrjun næsta mánaðar. Lægsta boð er rúmar 200 þúsund danskar krónur eða um fjórar milljónir íslenskra króna. Viðbúið er að skildingaumslagið verði selt mun hærra verði.

Opinn fundur um kynjagreiningu á rannsóknarskýrslunni

Stjórnmálafræðideild Háskóla Íslands og Stofnun stjórnsýslufræða og stjórnmála bjóða til opins fyrirlestar í dag um kynjagreiningu á Rannsóknarskýrslu Alþingis. Heiti fundarins er „Skál fyrir genunum, peningunum og framtíðinni!"

Krabbamein dró 562 til dauða á síðasta ári

Á síðasta ári létust alls 2.002 einstaklingar, 969 konur og 1.033 karlar. Ekki hafa orðið teljandi breytingar varðandi dánartíðni eftir helstu flokkum dánarmeina frá fyrra ári. Vegna fámennis á landinu geta þó tilviljanasveiflur milli ára verið nokkrar og ber því að taka samanburði um dánarmein milli einstakra ára varlega.

Vinnuslys á dekkjaverkstæði

Starfsmaður dekkjaverkstæðis á Akureyri slasaðist þegar stórt vörubílsdekk sprakk, þegar hann var að dæla lofti í það á verkstæðinu undir kvöld í gær.

Þokkaleg veiði á síldarmiðunum

Fjölveiðiskipin, sem eru að veiða úr Norsk-íslenska síldarstofninum eru nú um 150 sjómílur norður af Lagnanesi í þokkalegri veiði, en síldin finnst ekki annarsstaðar þrátt fyrir talsverða leit.

Ölvuð og réttindalaus kona ók á átta ára dreng

Ung kona, sem ók ölvuð og réttindalaus á átta ára dreng í Breiðholti um kvöldmatarleitið í gær, var vistuð í fangageymslum í nótt og verður yfirheyrð í dag.

Dósent segir lög um gengislánin brjóta stjórnarskrá

Stjórnvöld gætu bakað sér skaðabótaábyrgð verði boðað frumvarp, sem ætlað er að jafna stöðu þeirra sem tekið hafa gengistryggð lán, að lögum, segir dósent við lagadeild Háskóla Íslands. Hann varar við slíkri lagasetningu og hvetur til þess að stjórnvöld reyni að ná samkomulagi við lánafyrirtækin um lausn málsins.

Banaslysum fækkar um 42%

Negld vetrardekk geta minnkað líkur á banaslysum í hálku um 42 prósent samkvæmt rannsókn sem unnin var af sænsku umferðaröryggisstofnuninni Trafikverket.

Ákærurnar styðjast hvorki við lög né rök

Lög hníga ekki til þess að Alþingi gefi út ákærur á hendur fjórum fyrrverandi ráðherrum og engin rök eru til þess að téð tiltekin brot séu refsiverð eða uppfylli það grundvallarskilyrði að meiri líkur en minni séu á sakfellingu.

Áframhaldandi rannsókn á kristniboða ólíkleg

Samtökum íslenskra kristniboða (SÍK) bárust ásakanir frá þremur einstaklingum um kynferðislega áreitni á hendur presti sem starfað hefur hjá þeim. Ásakanirnar bárust hinn 23. ágúst síðastliðinn og var fagráði Þjóðkirkjunnar um kynferðismál tilkynnt um atvikin strax daginn eftir. Biskupsstofa staðfestir það.

Heilbrigðisráðuneytið eitt fram úr fjárlögum

Heilbrigðisráðuneytið fór, eitt tólf ráðuneyta, fram úr fjárheimildum á fyrri hluta ársins. Skýrist það einkum með stöðu Sjúkratrygginga sem fóru rúman milljarð króna fram úr heimildum.

Arkitekt vill afsökunarbeiðni frá Merði

Mörður Árnason alþingismaður dregur ekki í land með ummæli sín um ábyrgð arkitekta á stöðu byggingarlistar á Íslandi.

Tæplega fimm þúsund bílar á ábyrgð tryggingafélaganna

Alls eru 4.684 ótryggð ökutæki í umferð í dag. Flest eru þau á skrá Umferðarstofu vegna vangoldinna tryggingagjalda. Tryggingafélögin bæta tjón sem þessi ökutæki valda. Ótryggðum ökutækjum hefur fjölgað mikið á síðustu árum. Árið 2005 voru þau tæplega 2.500 talsins og í fyrra tæplega 4.000.

Gætu verið handverk fimm manna

Taflmennirnir sem fundust á Lewis-eyju úti fyrir Skotlandi árið 1831 gætu verið handverk fimm mismunandi manna.

„Alvarlegt umhugsunarefni fyrir mig“

„Þetta er mjög alvarlegt umhugsunarefni fyrir mig. Ég ætla að sofa á þessu og telja upp að tuttugu,“ segir Atli Gíslason, formaður þingmannanefndarinnar, vegna ummæla Jóhönnu Sigurðardóttur forsætisráðherra á Alþingi í gær.

Ráðning afturkölluð vegna gjaldþrots umsækjanda

Hreppsnefnd Reykhólahrepps ákvað á fundi sínum þann 9. september síðastliðnum að afturkalla ákvörðun sína um að ganga til samninga við Gylfa Þór Þórisson, sem sótti um stöðu sveitarstjóra.

Stækka Mjólkárvirkjun án þess að taka lán

Raforkuframleiðsla Mjólkárvirkjunar, stærstu virkjunar Vestfjarða, eykst um þrjátíu prósent með virkjanaframkvæmdum sem nú standa þar yfir.

600 manns í hópmálsókn

Samtök lánþega ætla að fara í skaðabótamál gegn fjármálastofnunum, stjórnendum og eigendum þeirra fyrir að hafa innheimt lán sem klárlega hafi ekki staðist lög. Ríflega 600 manns hafa nú skráð sig til þátttöku í hópmálsóknum samtakanna.

Rök gegn gjaldþrotafrumvarpi haldi ekki lengur

Formaður Viðskiptanefndar Alþingis segir að rök gegn frumvörpum sem fela í sér mikla hagsbót fyrir skuldara, séu ekki lengur fyrir hendi eftir nýfallinn dóm Hæstaréttar. Þingmenn og ríkisstjórn verði að taka skýra afstöðu með skuldurum.

Nýr sendiherra afhenti Ólafi Ragnari trúnaðarbréf sitt

Luis E. Arreaga, nýr sendiherra Bandaríkjanna á Íslandi, afhenti forseta Íslands trúnaðarbréf sitt í dag. Barack Obama, forseti Bandaríkjanna, tilnefndi Arreaga í embættið þanna 22. apríl síðastliðinn og öldungadeild Bandaríkjaþings staðfesti svo tilnefninguna 5. ágúst síðastliðinn. Hann var svo svarinn í embætti, fyrir tíu dögum síðan eða 10. september.

Erfiðara að fá fund með Jóni Gnarr en Bin Laden

„Við höfum engin svör fengið," segir Guðjón Arnar Kristjánsson fyrrverandi formaður Frjálslynda flokksins. Hann hefur ásamt, Sigurjóni Þórðarsyni, formanni Frjálslynds flokksins, ítrekað óskað eftir fundi með borgarstjóra Reykjavíkur, Jóni Gnarr. Sigurjón segist alltaf fá þau svör að borgarstjóri sé of upptekinn til að veita honum móttöku. Honum finnst þetta óeðlilegt afgreiðsla enda sé hann í forsvari fyrir starfandi stjórnmálaafl á Íslandi og telur hreinlega að um andúð Jóns Gnarr í garð Frjálslynda flokksins sé að ræða.

Jóhanna hefur efasemdir um ákærur gegn fyrrverandi ráðherrum

Jóhanna Sigurðardóttir forsætisráðherra hefur efasemdir um það að rétt sé að ákæra ráðherrana fjóra sem meirihluti Atlanefndarinnar svokölluðu leggur til að ákærðir verði fyrir brot á lögum um ráðherraábyrgð. Samkvæmt tillögunum verða ráðherrarnir ákærðir fyrir vanrækslu í starfi í aðdraganda að bankahruninu.

Banaslysið í Silfru enn rannsakað

Rannsókn stendur enn yfir á slysi sem varð þegar að kafari drukknaði í Silfru á Þingvöllum í júní síðastliðnum. Samkvæmt fyrstu fréttum sem sagðar voru af atburðinum virtist sem köfunarbúnaður hins látna hafi ekki virkað sem skyldi.

Borgarstjóri Reykjavíkur mótmælir við Alþingi

Jón Gnarr, borgarstjóri Reykjavíkur, er í fremstu línu mótmælenda við Alþingi en þar standa yfir mótmæli gegn mannréttindabrotum í Slóvakíu. Íslandsdeild Amnesty International stendur fyrir mótmælunum sem hófust klukkan 9.10.

Armbandsúraþjófur tekinn á Skólavörðustíg

Karlmaður var handtekinn fyrir þjófnað á Skólavörðustíg um tvöleytið í dag. Maðurinn hafði á brott með sér armbandsúr úr verslun. Ekki vildi betur til en svo að laganna verðir voru á sama tíma staddir beint fyrir framan verslunina og hljóp þjófurinn seinheppni beint í flasið á þeim.

Brosandi umferðarljós á Lækjargötu

Fyrstu glaðlegu umferðarljósin voru tekin í notkun í dag á gatnamótum Bankastrætis og Austurstrætis við Lækjargötu. Í tilkynningu frá lögreglunni segir að glaðlegu umferðarljósin séu þannig úr garði gerð að í staðinn fyrir tákn gangandi vegfaranda kemur broskarl.

Börn í Ísaksskóla fyrst til að fá bókina Iðnir krakkar

Samtök iðnaðarins og Iðnú gefa öllum skólum landsins eitt bekkjarsett af nýútkominni bók Sigrúnar Eldjárn, Iðnir krakkar.

Morðið í Hafnarfirði enn til rannsóknar

Lögreglan á höfuðborgarsvæðinu rannsakar enn morðið á Hannesi Þór Helgasyni, sem myrtur var í Hafnarfirði þann 15 ágúst síðastliðinn.

Fimm piltar brutust inn og stálu brennivíni

Fimm piltar á aldrinum 15 til 19 ára voru handteknir aðfaranótt laugardags grunaðir um innbrot og þjófnað á áfengi í Hótel Selfoss og fyrir að hafa brotist inn í mannlaust hús á Selfossi.

Einmana fólki virðist fjölga

Einmana fólki virðist hafa fjölgað. fleiri reyna sjálfsvíg, útköll vegna heimilisofbeldis aukast og efnahagsáhyggjur eru að fara með fólk. Þetta er tilfinning lögreglumanna höfuðborgarsvæðisins. Ísland í dag slóst í för með þeim aðfaranótt laugardags og afraksturinn má sjá í Íslandi í dag í kvöld klukkan 18:55

Hækka laun varaborgarfulltrúa

Laun 1. varaborgarfulltrúa verða hækkuð frá og með 1. september síðastliðnum. Þá munu þeir fá greidd 70% af grunnlaunum borgarfulltrúa með sömu ákvæðum um álagsgreiiðslum, skerðingum og starfsaðstöðu og áður giltu. Með þessu er fallið frá breytingum á kjörum og starfsaðstöðu fyrstu varaborgarfulltrua sem tóku gildi við upphaf þessa kjörtímabils um

Fjárhagsaðstoðin aukin í síðasta lagi um áramót

Fólki sem þiggur fjárhagsaðstoð frá Reykjavíkurborg hefur fjölgað um 25% á einu ári. Aðstoðin verður hækkuð um áramót en Þorleifur Gunnlaugsson varaborgarfulltrúi Vinstri grænna vill að aðstoðin verði hækkuð strax, það sé forgangsatriði að fólk eigi fyrir nauðþurftum.

Segir samkeppni ekki virka og olíufélögin gefa villandi svör

Talsmaður neytenda segir að tölur um álagningu á bensíni sýni að samkeppnin á markaðnum sé ekki að virka. Álagning á bensínlítrann er umtalsvert hærri hér á landi en á hinum Norðurlöndunum. Til dæmis er álagningin tvöfalt hærri hér en í Svíþjóð.

Ökumenn laumast um nýju Lyngdalsheiðina

Ökumenn eru byrjaðir að aka um nýja Lyngdalsheiðarveginn, milli Þingvalla og Laugarvatns, þótt ekki sé búið að opna veginn formlega, og reynir verktakinn ekki að stöðva bíla sem fara leiðina.

Vilja að ráðherrar láti af þingmennsku

Þingmenn þriggja flokka á Alþingi hafa lagt fram breytingatillögu við þingsályktunartillögu um viðbrögð Alþingis við skýrslu rannsóknarnefndar Alþingis. Tillagan gerir ráð fyrir því að ráðherrar gegni ekki þingmennsku samhliða ráðherradómi. Að tillögunni standa þau Siv Friðleifsdóttir, Eygló Harðardóttir og Höskuldur Þórhallsson, Framsóknarflokki. Pétur H. Blöndal, Sjálfstæðisflokki og Valgerður Bjarnadóttir, Samfylkingu.

Fangelsisdómur yfir ráðherrum ekki réttlættur

Mörg mistök voru gerð í aðdraganda bankahrunsins en það réttlætir ekki fangelsisdóm yfir þeim sem sátu í ríkisstjórn árið 2008, sagði Ólöf Nordal, varaformaður Sjálfstæðisflokksins, í umræðum á Alþingi í morgun. Á þingfundi er verið að ræða tillögur um það hvort ákæra eigi Geir Haarde, Ingibjörgu Sólrúnu Gísladóttur, Árna Mathiesen og Björgvin G. Sigurðsson sem öll sátu í ríkisstjórn í aðdraganda bankahrunsins.

Níðingspresturinn starfaði við trúboð

Presturinn sem játað hefur á sig kynferðisbrot starfaði fyrir Samband íslenskra kristniboðsfélaga. Á vef sambandsins segir að 23. ágúst hafi þeim borist erindi þar sem fram komu ásakanir á hendur fyrrverandi starfsmanni og sjálfboðaliða sambandsins. Forsvarsmenn sambandsins héldu daginn eftir á fund fagráðs þjóðkirkjunnar um kynferðisbrot. Fagráðinu var falin frekari umsjón málsins og samstarfsfélögum sambandsins erlendis tilkynnt um málið.