Sjóðsfélagar endurgreiði ekki

Nýju bankarnir, eða þeir sem högnuðust á kaupum á eignum peningamarkaðssjóða gömlu bankanna, gætu þurft að greiða ríkinu til baka þá fjárhæð sem varið var til kaupanna. „Viðskiptavinir þeirra, fólkið sem lagði fé sitt í sjóðina þarf hins vegar ekki að greiða neitt,“ segir Per Sanderud, forseti Eftirlitsstofnunar EFTA, ESA, í samtali við Fréttablaðið.

Makríll mun dreifðari en fyrr

Makríll er mun dreifðari og göngur hans við Ísland teygja sig lengra til vesturs en áður hefur sést. Þetta staðfesta niðurstöður úr vistfræðirannsóknum í kringum Ísland, Færeyjar og í Norska hafinu í júlí og ágúst.

Skella skollaeyrum við meintum galla

Toyotaeigandi sakar Toyota á Íslandi um að bregðast ekki við meintum galla í Land Cruiser bifreiðum. Aubert Högnason segist hafa farið með bifreið sonar síns, af gerðinni Land Cruiser 120, í smurningu hjá

Lög um hópmálsóknir samþykkt

Alþingi Alþingi samþykkti í gær lög um hópmálsóknir og tóku þau þegar gildi. Allir viðstaddir þingmenn greiddu frumvarpinu atkvæði sitt.

Fyrrverandi skólastjóri dró sér fé frá skólanum

Ríkissaksóknari hefur ákært fyrrverandi skólastjóra grunnskólans á Tálknafirði fyrir Héraðsdómi Vestfjarða fyrir fjárdrátt og brot í starfi. Skólastjóranum fyrrverandi er gefið að sök að hafa dregið sér rúmlega eina og hálfa milljón króna af fjármunum skólans.

Vill ekkert segja fyrr en að lestri loknum

Jón Bjarnason sjávarútvegsráðherra vill ekkert tjá sig um einstök efnisatriði nýútkominnar skýrslu starfshóps um endurskoðun fiskveiðistjórnunarkerfisins. Í viðtali Fréttablaðsins við ráðherra kom ekki fram hvenær hann telur ástæðu til að tjá sig þar sem hann hefur ekki kynnt sér skýrsluna til hlítar.

Borgin ætti ekki að mismuna börnum

Reykjavíkurborg niðurgreiðir ekki mat í einkaskólunum Ísaksskóla og Landakotsskóla. Foreldrar barna í þessum skólum borga því 11.700 krónur á mánuði fyrir fæði barna sinna, í stað þeirra 5.000 króna sem greiða þarf í skólum sem borgin rekur.

Eldur kviknaði í Landakotsskóla

Eldur kviknaði við Landakotsskóla nú á níunda tímanum í kvöld. Í fyrstu var talið að um mikinn eld væri að ræða og voru allar stöðvar á höfuðborgarsvæðinu ræstar út. Síðar kom í ljós að eldurinn var minniháttar og var því mest allt slökkviliðið afturkallað.

Háskólasjóður hefur rýrnað

Háskólasjóður hefur rýrnað mjög að undanförnu. Ástæðan er sú að lengi vel rann hluti tekjuskatts þeirra skattgreiðenda sem standa utan trúfélaga til Háskóla Íslands. Árið 2009 var hins vegar gerð breyting á og nú heldur ríkissjóður peningunum sem áður rann í sérstakan Háskólasjóð.

Íslensk kona höfundur fyrsta biskupsins í skák

„Íslandssagan er að breytast,“ segir Guðmundur G. Þórarinsson, verkfræðingur, sem telur að fornir taflmenn sem geymdir eru í breska þjóðminjasafninu, hafi verið skornir út hér á landi, úr rostungstönnum frá Grænlandi. Það muni breyta hugmyndum manna um íslenskar miðaldir. Guðmundur telur sig líka hver bjó mennina til.

Ók á öðru hundraði á Sæbraut

Karlmaður á þrítugsaldri var staðinn að hraðakstri á Sæbraut í Reykjavík um miðjan dag í gær. Bíll hans mældist á 128 km hraða á móts við Kirkjusand. Maðurinn var sviptur ökuréttindum til bráðabirgða. Samkvæmt upplýsingum frá lögreglu hefur viðkomandi áður gerst sekur um umferðarlagabrot.

Herjólfur siglir til Þorlákshafnar næstu daga

Herjólfur mun sigla næstu daga til Þorlákshafnar en þessa stundina er unnið að siglingaáætlun sem verður birt á vef Vegagerðarinnar um leið og hún er tilbúin.

Hvetja foreldra til að ganga í skólann með börnunum

Ögmundur Jónasson, samgönguráðherra, setti átakið „Göngum í skólann“ í morgun að viðstöddum nemendum úr Fossvogsskóla í Reykjavík og Snælandsskóla í Kópavogi. Þetta er í fjórða sinn sem átakið fer fram og hefur það þann tilgang að hvetja nemendur og foreldra til að ganga eða hjóla í skóla.

Verkfall vélstjóra: Ákvörðun samninganefndar mótmælt

Félag Vélstjóra- og málmtæknimanna mótmælir ákvörðun samninganefndar ríkisins um að skip á vegum Hafrannsóknastofnunar fái að ljúka fyrirfram skipulögðum leiðangri sínum áður en til verkfalls vélstjóra kemur. Vélstjórar á skipum stofnunarinnar samþykktu þann 25. ágúst s.l. að boða til vinnustöðvunar sem hæfist á miðnætti föstudaginn 10. september.

Lögreglan styrkir Stellu Líf

„Ég er afskaplega þakklátur fyrir þennan stuðning en það er ómetanlegt að eiga góða að," segir lögreglumaðurinn Hermann Páll Traustason en samstarfsfélagar hans hjá lögreglunni á höfuðborgarsvæðinu færðu honum að gjöf 600 þúsund krónur á dögunum samkvæmt frétt sem birtist á heimasíðu lögreglunnar.

Björgólfur lét vini sína halda á eignarhlut og fékk því greiðan aðgang að lánsfé

Nánir samstarfsmenn Björgólfs Thors Björgólfssonar, áttu fimm prósenta hlut í einu eignarhaldsfélaga Björgólfs. Það hafði í för með sér að Björgólfur gat fengið mun meira að láni í Landsbankanum, en ef hann hefði sjálfur átt hlutinn.

Ríkisendurskoðun ítrekar þriggja ára gamlar ábendingar

Ríkisendurskoðun hefur ítrekað þrjár af fimm ábendingum sem stofnunin setti fram í skýrslu um sameiningu St. Jósepsspítala og Sólvangs árið 2007. Aðeins tvær hafa verið framkvæmdar að fullu að því er segir á heimasíðu stofnunarinnar.

Þjóðfundarfulltrúar fá 17 þúsund krónur í laun - 5 þúsund fá boðsbréf

Fimm þúsund Íslendingar fá á næstu dögum boðsbréf á Þjóðfund um stjórnarskrá Íslands sem haldinn verður í byrjun nóvember. í Laugardalshöll.

Dæmdir fyrir að brjóta tönn í unglingi

Tveir átján ára piltar voru dæmdir fyrir að ganga í skrokk á fjórtán ára dreng og brjóta í honum framtönn í janúar á síðasta ári.

Sendi forstjóra OR tilmæli vegna gjaldskrárhækkunar

Bæjarráð Mosfellsbæjar samþykkti mótmælir hækkun Orkuveitu Reykjavíkur á bæjarráðsfundi í síðustu viku.

Aukið eftirlit með farsímanotkun ökumanna

Lögreglan mun á næstu vikum leggja sérstaka áherslu á eftirlit með farsímanotkun ökumanna án handfrjálss búnaðar og notkun stefnuljósa. Þá mun lögreglan fylgjast með og gera athugasemdir við þá ökumenn sem ekki eru með tvö skráningarmerki á ökutækjum sínum eins og reglur segja til um eða skráningarmerkin ógreinileg einhverra hluta vegna. Ökumenn geta búist við sektum og að verða boðaðir með ökutæki sín til skoðunar séu þessi atriði ekki í lagi.

Búið að aftengja duflið - sprengjan var heil

Sprengjusérfræðingar Landhelgisgæslunnar eru búnir að aftengja tundurdufl sem festist í veiðarfærum togbátsins Skinney snemma í morgun. Duflið reyndist vera 225 kíló en hvelletta og forsprengja vorur enn til staðar en óvíst hvort raunveruleg hætta hafi verið til staðar.

Undirritaði viljayfirlýsingu um jafnréttismál í Færeyjum

Jóhanna Sigurðardóttir forsætisráðherra og Kaj Leo Johannessen, lögmaður Færeyja, funduðu í dag í Færeyjum og undirrituðu við það tækifæri viljayfirlýsingu um aukið samstarf forsætisráðuneytanna samkvæmt tilkynningu frá ráðuneytinu.

Jenis fær baráttukveðjur frá Íslandi: Lesið skeytin

Jenis av Rana, formaður Miðjuflokksins í Færeyjum og þingmaður á færeyska Lögþinginu, hefur fengið baráttukveðjur og hvatningarorð frá Íslandi eftir að hann neitaði að sitja til borðs með Jóhönnu Sigurðardóttur forsætisráðherra og eiginkonu hennar, Jónínu Leósdóttur, vegna þess að þær eru lesbíur.

Sprengjusveitin komin um borð í Skinney

Sprengjusérfræðingar Landhelgisgæslunnar eru nú komnir um borð í togbátinn Skinney sem fékk tundurdufl í veiðarfærin í morgun. Skipið er úti fyrir Rifi á Snæfellsnesi og flutti björgunarsveitarbátur sveitina um borð í Skinney.

Herjólfur fer ekki fleiri ferðir í dag

Tvær síðustu ferðir Herjólfs sem áætlaðar voru í dag falla niður.

Kristrún Heimisdóttir ráðin aðstoðarmaður Árna Páls

Kristrún Heimisdóttir lögfræðingur hefur verið ráðin aðstoðarmaður Árna Páls Árnasonar, efnahags- og viðskiptaráðherra. Kristrún situr í nýkjörnu framkvæmdaráði Sterkara Íslands, samtaka evrópusinna. Hún starfaði áður sem aðstoðarmaður Ingibjargar Sólrúnar Gísladóttur utanríkisráðherra á árunum 2007 til 2009.

Pollrólegir með tundurdufl á þilfarinu

„Við erum pollrólegir,“ segir Margeir Gumundsson, skipstjóri á togbátnum Skinney en skipverjar fengu tundurdufl í veiðarfærin en þeir voru við humarveiðar í Jökuldjúpi sunnan við Snæfellsjökul.

Hvergerðingar vilja kaupa hitaveituna af OR

Meirihluti bæjarstjórnar Hveragerðis vill hefja viðræður við Orkuveitu Reykjavíkur um að kaupa aftur Hitaveitu Hveragerðis sem Orkuveitan keypti árið 2004. Bæjarstjóri Hveragerðis segir það óásættanlegt að íbúar Hveragerðis þurfi að taka á sig gjaldskrárhækkanir til að greiða niður óráðsíu í rekstri Orkuveitunnar.

Bankaráðsseta Láru geri hana vanhæfa

Mál níumenninganna svokölluðu var tekið fyrir í Héraðsdómi Reykjavíkur í morgun. Verjandi fjögurra þeirra fór fram á að settur ríkissaksóknari myndi víkja vegna tengsla hennar við Alþingi.

Samfylkingin fagnar hugsanlegri komu ECA

Stjórn Samfylkingarinnar í Reykjanesbæ fagnar því að Kristján L Möller fráfarandi samgönguráðherra hafi veitt Flugmálastjórn heimild til að hefja undirbúning og afla upplýsinga um þotuviðhaldasverkefni ECA á Keflavíkurflugvelli. Þetta kemur fram í tilkynningu frá stjórninni.

Sjúkraliðar vilja að laun þeirra verði leiðrétt

Sjúkraliðar krefjast þess að laun þeirra hjá ríkisstofnunum verði leiðrétt og að þegar verði samið við stéttina sem verið hefur með lausa samninga vel á annað ár.

Ofvirk ungmenni hætta á rítalíni vegna fordóma

„Baráttuna gegn misnotkun verður að efla, en hún má ekki verða til þess að hindra aðgengi þeirra sem eru með staðfest ADHD og hafa gagn af meðhöndlun einkenna sinna. Það væri að kasta barninu út með baðvatninu," segir Matthías Halldórsson, læknir á geðsviði Landspítala.

Lýsir eftir fórnarlambi á spjallvef

„Þú sem varst úti að labba með hundinn þinn í Hafnarfirðinum í dag og varðst fyrir árás, viltu vinsamlegast gefa þig fram og koma til að tala við okkur. Þú veist hvar við búum.“

Steingrímur: Árni á að skammast sín og Þór er sorglegt eintak

Stóryrði gengu á milli manna á Alþingi í morgun í umræðum um störf þingsins. Árni Johnsen kenndi Steingrími J. Sigfússyni fjármálaráðherra um ófarirnar varðandi Landeyjahöfn og benti á að verkið væri hálfklárað, því ávallt hefði verið gengið út frá því að nýtt skip þyrfti á milli lands og Eyja, sem ekki ristir eins djúpt og Herjólfur gerir nú.

Borgarafundur gegn fátækt: Steingrímur og Jóhanna í felum

„Ríkisstjórn Íslands á ekki að brenna upp heimilin og lama þjóðina," segir María Jónsdóttir, námsmaður og bótaþegi. Hún kemur að skipulagningu borgarafundar gegn fátækt sem aðgerðahópur um bætt samfélag, BÓT, stendur fyrir í Ráðhúsi Reykjavíkur í kvöld.

Þráinn Bertelsson genginn í VG

Þráinn Bertelsson sem kjörinn var á þing fyrir Borgarahreyfinguna en hefur verið utan flokka síðustu misseri hefur gengið til liðs við Vinstrihreyfinguna - grænt framboð. Þetta var tilkynnt við upphaf þingfundar í morgun. Ekki hefur náðst í Þráinn í dag.

Snorri í Betel: Gagnrýnir umburðarleysi gagnvart kristni

„Mér finnst það nefnilega bera við að þeir sem eru annarra skoðunar, eða líta öðrum augum á hegðunarvanda Jóhönnu, njóti ekki sannmælis, enda er umburðalyndið ekki til gagnvart kristninni,“ segir Snorri Óskarsson, oft kenndur við hvítasunnusöfnuðinn Betel, um viðhorf almennings til færeyska þingmannsins Jenis av Rana.

Þórður Friðjónsson: Burt með sérlausnir og pólitísk afsktipti

Þórður Friðjónsson forstjóri Kauphallarinnar segir að Íslendingar verði að hverfa sem fyrst af braut sérlausna og pólitískra afskipta eigi þjóðin að ná að skipa sér á bekk með bestu hagkerfum heims. Hann ritar grein í Fréttablaðið í dag þar sem hann bendir á stöðu Norðurlandanna sem öll teljist til bestu hagkerfa í heimi. Að mati Þórðar ber Ísland öll megin einkenni norræna efnahagslíkansins en að agaðan markaðsbúskap skorti.

Telja settan saksóknara vanhæfan

Fyrirtaka í máli svokallaðra níumenninga hófst klukkan hálf níu og er dómssalurinn þéttsetinn. Ekki hefur komið til átaka á milli lögreglu og mótmælenda í Héraðsdómi Reykjavíkur. Þeir hafa meðal annars verið ákærðir fyrir árás á Alþingi.

Krefst afsagnar Ragnars úr stjórn lífeyrissjóðs verslunarmanna

Bjarki Steingrímsson, stjórnarmaður í VR, leggur til að Ragnar Önundarson segi af sér sem varaformaður stjórnar Lífeyrissjóðs Verslunarmanna þar sem hann starfaði sem framkvæmdastjóri Kreditkorta þegar fyrirtækinu var gert að greiða 185 milljóna króna stjórnvaldssekt.

Síldveiðarnar ganga þokkalega

Nokkur fjölveiðiskip eru nú norðaustur af landinu að veiða síld úr Norsk- íslenska síldarstofninum og ganga veiðarnar þokkalega, einkum ef tvö skip draga saman eitt troll.

Eldur í ruslagámi við Laugaveginn

Eldur kviknaði í ruslagámi, sem stóð upp við húsvegg við Laugaveginn í Reykjavík undir morgun.

Herjólfur siglir til Þorlákshafnar

Herjólfur hélt frá Vestmannaeyjum klukkan sex í morgun, áleiðis til Þorlákshafnar. Þaðan fer skipið svo aftur til Eyja klukkan tíu.

Gríðarmikið svifryk yfir Akureyrarbæ

Gríðarmikið svifryk var yfir Akureyrarbæ og nágrenni síðdegis í gær og um tíma mældist það rösklega tvöfalt meira en á höfuðborgarsvæðinu.