Innlent

Jenis fær baráttukveðjur frá Íslandi: Lesið skeytin

Erla Hlynsdóttir skrifar
Margir Færeyingar skammast sín fyrir yfirlýsingar Jenis av Rava og fordóma hans í garð samkynhneigðra
Margir Færeyingar skammast sín fyrir yfirlýsingar Jenis av Rava og fordóma hans í garð samkynhneigðra Mynd: Klemens Ólafur Þrastarson

Jenis av Rana, formaður Miðjuflokksins í Færeyjum og þingmaður á færeyska Lögþinginu, hefur fengið baráttukveðjur og hvatningarorð frá Íslandi eftir að hann neitaði að sitja til borðs með Jóhönnu Sigurðardóttur forsætisráðherra og eiginkonu hennar, Jónínu Leósdóttur, vegna þess að þær eru lesbíur.



Í samtali við færeyska blaðið Vágaportalurin segir Jenis að honum hafi borist stuðningsyfirlýsing frá íslenskum samtökum vegna ákvörðunar sinnar. Hann vill þó ekki gefa upp um hvaða samtök er að ræða, utan þess að félagar þeirra eru um þúsund.



Jens gaf Vágaportalurin leyfi til að birta nokkur þeirra skeyta sem honum hefur borist og birtir Vísir þær einnig hér að neðan. Skeytin eru á íslensku, færeysku, ensku og dönsku. Vágaportalurin fékk ekki uppgefin nöfn þeirra sem bréfin sendu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.