Vill frekari rök fyrir fækkun kennslustunda

Katrín Jakobsdóttir menntamálaráðherra hefur beðið sveitarfélögin að rökstyðja nánar hugmyndir um að fækka lögbundnum kennslustundum í grunnskólum um þrjár til fjórar á viku.

Beiðnin samþykkt vestra

Dómstóll í Delaware í Bandaríkjunum féllst í gær á gjaldþrotabeiðni Decode, móðurfélags Íslenskrar erfðagreiningar (ÍE). Beiðnin var send fyrir viku.

Gegn ólöglegum fiskveiðum

Jón Bjarnason, sjávar­útvegs- og landbúnaðarráðherra, undirritaði alþjóðasamning um aðgerðir hafríkja gegn ólöglegum fiskveiðum í Róm. Jón var þar staddur á aðalfundi Matvæla- og landbúnaðarstofnunar Sameinuðu þjóðanna.

Árni hefði ekki gert slíka kröfu

Árna Páli Árnasyni félagsmálaráðherra var ekki kunnugt um að ráðgjafi hans, Yngvi Örn Kristinsson hagfræðingur, hygðist gera kröfu upp á 230 milljónir í bú Landsbankans.

Skiptum ekki um stefnu eftir fréttum

Samkomulag ríkis og borgar um samgöngumiðstöð er í fullu gildi og öll umræða síðustu daga um hugsanlegar breytingar á því er að frumkvæði samgönguráðuneytis.

Gefur fólki virkilega mikið að knúsa dýr

„Það getur gefið fólki virkilega mikið að fá að knúsa dýr," segir Jóhanna Ósk Eiríksdóttir hjúkrunarfræðingur um þá nýbreytni sem hófst á líknardeild Landspítalans í gær að fá sérstakan hund í heimsókn á deildinni.

Afstaða borgarinnar er skýr

„Ég get lítið annað sagt um þetta mál en að fyrir liggur skýr afstaða borgaryfirvalda um að alhliða samgöngumiðstöð rísi við Hlíðarfótinn. Það kemur fram í minnisblaði sem Reykjavíkurborg og ríkisvaldið undirrituðu í apríl,“ segir Hanna Birna Kristjánsdóttir borgarstjóri um hugmyndir um að reist verði ný flugstöð í stað samgöngumiðstöðvar.

Traðkað á Arion-merkinu í Landsbankanum

Merki Arion banka, áður Nýja-Kaupþings, virðist hafa verið tekið upp úr gólfi aðalútibús Landsbankans. Guðjón Samúelsson, arkitekt og fyrrum húsameistari ríkisins, teiknaði húsið. Lillý Valgerður Pétursdóttir veit meira um málið.

Flóttamaður í felum birtist á Youtube

Flóttamaður frá Sierra Leone sem fór í felur eftir að vísa átti honum úr landi sendir ákall til stjórnvalda á Youtube í dag.Vinur mannsins segir hann ekki ætla að koma úr felum fyrr en mál hans verði tekið fyrir. Maðurinn er eftirlýstur.

Kampavínsmálið: Menntamálaráðherra fundaði með KSÍ

Fjármálastjóri KSÍ á strípibúllu, með kreditkort sambandins á lofti, skilur eftir blett segir menntmálaráðherra, Katrín Jakobsdóttir. Hún fundaði með yfirstjórn Íþróttahreyfingarinnar í dag.

Hámarksgreiðslur í fæðingarorlof lækkaðar

Hámarks greiðslur í fæðingarorlofi verða lækkaðar úr 350 þúsund krónum á mánuði í 300 þúsund, samkvæmt drögum að frumvarpi sem félagsmálaráðherra kynnti í ríkisstjórn í morgun.

Samfylkingin býður fram á Seltjarnarnesi

Á aðalfundi Samfylkingarinnar á Seltjarnarnesi, sem haldinn var mánudagskvöldið 23. nóvember, var samþykkt að flokkurinn bjóði fram í eigin nafni á Seltjarnarnesi í komandi sveitarstjórnarkosningum þann 29. maí 2010. Þetta kemur fram í tilkynningu frá flokknum.

Ráðherra hafnar því að veggjöld að sunnan fari norður

Kristján L. Möller samgönguráðherra segir að sú hugmynd að láta veggjöld af Suðurlandi niðurgreiða Vaðlaheiðargöng hafi ekki verið rædd við sig og komi ekki til greina.

Aldraður ökumaður fundinn

Bifreiðin ZFZ 36 sem lögreglan leitaði í dag er komin fram ásamt ökumanni hennar og ekkert amaði að honum. Bílnum ók 86 ára gamall maður sem ætlaði upp á Kjalarnes úr miðbænum klukkan hálftíu í morgun.

Húsleitin snýr ekki að bankanum eða starfsmönnum

Samkvæmt upplýsingum MP banka snýr húsleit embættis sérstaks saksóknara í bankanum í dag að ákveðnum viðskiptavinum bankans en ekki að bankanum sjálfum eða starfsmönnum hans. Bankinn hefur veitt allar umbeðnar upplýsingar og mun aðstoða embætti sérstaks saksóknara eftir föngum, að fram kemur í tilkynningu frá bankanum.

Tugir manna yfirheyrðir í máli Baldurs

Um tugur manna hefur verið yfirheyrður í tengslum við rannsókn sérstaks saksóknara í máli Baldurs Guðlaugssonar, fyrrverandi ráðuneytisstjóra í fjármálaráðuneytinu. Þetta kemur fram í tilkynningu frá Ólafi Þór Haukssyni, sérstökum saksóknara, þar sem gagnrýni Karls Axelssonar, lögmanns Baldurs, er vísað á bug.

Lögregla lýsir eftir bíl og ökumanni

Lögreglan á höfuðborgarsvæðinu lýsir eftir bifreiðinni ZFZ-36 sem er Volkswagen Golf ljósgrár. Bílnum ekur 86 ára gamall maður sem ætlaði upp á Kjalarnes úr miðbænum klukkan hálftíu í morgun, en ekkert hefur spurst um hann síðan þá.

Árni Páll vissi ekki af 230 milljóna króna kröfu

Árni Páll Árnason, félagsmálaráðherra, vissi ekki að Yngvi Örn Kristinsson, fyrrverandi framkvæmdastjóri hjá Landsbankanum sem nú starfar hjá félagsmálaráðuneytinu, myndi gera 230 milljóna króna kröfu í þrotabú Landsbankans. Sjálfur sagðist hann í umræðum á Alþingi í dag mundi ekki hafa gert samskonar kröfu í sporum Yngva.

Ummæli Jóhönnu mistúlkuð

Steingrímur J. Sigfússon, fjármálaráðherra, sagði í umræðum á Alþingi í dag að ekki væri nein ástæða til að hafa áhyggjur af ummæli forsætisráðherra um stóriðjumálin á flokksstjórnarfundi Samfylkingarinnar um helgina. Orð hennar hafi verið mistúlkuð.

25 vilja stýra menntamálaráðuneytinu

Mennta- og menningarmálaráðuneytinu bárust 25 umsóknir um embætti ráðuneytisstjóra í ráðuneytinu, en umsóknarfrestur rann út 20. nóvember. Þrettán konur og tólf karlar sótt um stöðuna. Baldur Guðlaugsson lét af embætti ráðuneytisstjóra 23. október.

Sektaður fyrir kynferðisbrot gegn 12 ára stúlku

Héraðsdómur Suðurlands hefur dæmt karlmann í 15 mánaða skilorðsbundið fangelsi fyrir kynferðisbrot gegn 12 ára gamalli stúlku. Maðurinn var 19 ára þegar fyrstu brotin áttu sér stað. Hann hafði samræði við stúlkuna sex sinnum á árunum 1994 og 1995.

Svandís hefur engar skýringar fengið frá Jóhönnu

Svandís Svavarsdóttir, umhverfisráðherra, hefur ekki fengið skýringar frá forsætisráðherra á ummælum hennar um stóriðjumálin á flokksstjórnarfundi Samfylkingarinnar um helgina. Umhverfisráðherra á erfitt með að tjá sig um málið þar sem hún gæti átt eftir að úrskurða í því.

Hentu Molotov kokteil í upplýsingaskilti fyrir ferðamenn

Kveikt var í upplýsingaskilti fyrir ferðamenn við útsýnispallinn í hlíðum Eldfells í Vestmannaeyjum síðastliðið sunnudagskvöld. Við rannsókn lögreglu bárust böndin fljótlega að þremur mönnum um tvítugt sem höfðu keypt bensín fyrr um kvöldið á bensínstöð í bæjarfélaginu.

Rafbúnaði í leikskólum víða ábótavant

Raflögnum og rafbúnaði í leikskólum er víða ábótavant samkvæmt úttekt sem Brunamálastofnun framkvæmdi á annað hundrað leikskólum.

Nýjum aðilum veittur forkaupsréttur á 1998

Verið er að selja nýjum aðilum 1998 móðurfélag Haga og þeim veittur forkaupsréttur segir lögmaður Þjóðarhags. Hann segist hafa áhyggjur af því að bankarnir fari á hliðina á ný með svona vinnubrögðum.

Svandís á erfitt með að tjá sig um Suðvesturlínu vegna stöðu sinnar

Svandís Svavarsdóttir umhverfisráðherra hefur ekki fengið skýringar frá forsætisráðherra á ummælum hennar um stóriðjumálin á flokksstjórnarfundi Samfylkingarinnar um helgina. Umhverfisráðherra á erfitt með að tjá sig um málið þar sem hún gæti átt eftir að úrskurða í því.

Björn: Jólagróðinn notaður til að borga Arion

Björn Bjarnason, fyrrverandi dómsmálaráðherra, segir eðlilegt að athygli fólks beinist að því hvort að Arion banki, áður Kaupþing, ætli að endurreisa Baugsveldið með samningum við 1998, móðurfélag Haga. Hann segir fyrirtækið geta nýtt fé úr jólavertíðinni í fjárhagslegri endurskipulagningu sinni.

Fundu kíló af marijúana í gær

Lögreglan á höfuðborgarsvæðinu lagði hald rúmt kíló af marijúna í gær. Við húsleit í íbúð í Hafnarfirði um kvöldmatarleytið fundust 700 grömm af marijúana og 20 kannabisplöntur. Af ummerkjum mátti ráða að nýbúið var að klippa ræktunina niður en megnið af fíkniefnunum voru í þurrkun. Húsráðandi, karl á þrítugsaldri, játaði aðild sína að málinu. Sá hefur áður komið við sögu hjá lögreglu.

Niðurskurður meirihlutans mun reynast kostnaðarsamur til framtíðar

Engin merki eru um að aðrir geti náð hagræðingu sem borgin getur ekki án þess að það komi einhvers staðar niður. Þetta kemur fram í bókun Drífu Snædal, fulltrúa VG í velferðarráði Reykjavíkurborgar, um fjárhagsáætlun fyrir velferðarsvið. Hún telur að niðurskurður meirihlutans muni reynast kostnaðarsamur til framtíðar.

Sjö óku undir áhrifum fíkniefna

Um helgina voru sjö ökumenn teknir á höfuðborgarsvæðinu fyrir að aka undir áhrifum fíkniefna. Þetta voru fimm karlar á aldrinum 17 til 22 ára og tvær konur, 19 og 22 ára. Fjórir þessara ökumanna voru stöðvaðir í Hafnarfirði, tveir í Reykjavík og einn í Kópavogi.

Umræðu um Icesave framhaldið

Annarri umræðu um frumvarp ríkisstjórnarinnar um ríkisábyrgð vegna Icesave reikninga Landsbankans verður framhaldið á Alþingi í dag. Í frumvarpinu er lagt til að gerðar verði breytingar á lögum og fyrirvörum sem samþykkt voru í sumar.

Gerendur mansals víða að finna

Mansalsmálið sem upp kom í síðasta mánuði er mjög gróf birtingarmynd mansals og hefur rannsókn þess varpað ljósi á hversu viðamikil starfsemi skipulagðra hópa er hér á landi. Þetta segir Fríða Rós Valdimarsdóttir, mannfræðingur hjá Rannsóknarstofu í kvenna- og kynjafræðum við Háskóla Íslands. Hún fullyrðir að gerendur mansals sé að finna alls staðar í samfélaginu.

Kjaradeila flugumferðarstjóra til sáttasemjara

Kjaradeilu Félags íslenskra flugumferðarstjóra og Samtaka atvinnulífsins fyrir hönd Flugstoða og Keflavíkurflugvallar var vísað til ríkissáttasemjara í gær.

Lögmanni Baldurs ofbýður vinnubrögð sérstaks saksóknara

Karl Axelsson, lögmaður Baldurs Guðlaugssonar fyrrverandi ráðuneytisstjóra í fjármálaráðuneytinu, skrifar í dag opið bréf til Ólafs Haukssonar, sérstaks saksóknara. Bréfið er birt í Morgunblaðinu og segir Karl að sér ofbjóði sú meðferð sem Baldur hefur verið látinn sæta undanfarið en hann er grunaður um að hafa brotið lög um innherjaviðskipti þegar hann seldi hlutabréf sín í Landsbankanum rétt fyrir hrun.

Lést í Noregi

Íslendingurinn sem fannst látinn í stöðuvatni í Noregi í gær hét Karl Karlsson. Mikil leit var gerð að Karli um helgina eftir að honum hafði verið vísað út úr rútu í bænum Noresund í Hallingsdal. Karl var 48 ára gamall og lætur hann eftir sig norska sambýliskonu og tvö börn.

Innbrotsþjófar staðnir að verki

Tveir menn voru handteknir rétt fyrir klukkan fimm í morgun þar sem þeir voru að reyna að brjótast inn í tölvuverslun í borginni. Lögregla kom á staðinn og hafði hendur í hári þeirra áður en þeir komust í burtu og dvelja þeir nú í fangageymslum. Þeir verða yfirheyrðir síðar en mennirnir munu hafa komið áður við sögu í svipuðum málum. Þá var einn ökumaður stöðvaður af lögreglunni á Suðurnesjum grunaður um fíkniefnaakstur.

Svindlað nánast óheft með olíu fyrir hundruð milljóna

Allt að 74 prósentum litaðrar olíu sem keypt er í sjálfsafgreiðslustöðvum er ekki dælt á vinnuvélar eins og til er ætlast. Þetta segir Jóhannes Jónsson, starfsmaður hjá Ríkisskattstjóra, að athuganir sýni. Olíunni sé dælt á önnur ökutæki og af þeim sökum verði ríkissjóður af á bilinu 160 til 230 milljónum króna árlega.

Ný erlend spennusagnaröð gerist hér

Ný bókaröð breska metsöluhöfundarins Michaels Ridpath gerist hér á landi. Fyrsta bókin í bókaröðinni, sem nefnist Where the Shadows Lie, kemur út í júní á næsta ári hjá bókaútgáfunni Corvus í Bretlandi. Þegar hefur verið samið um útgáfu hér.

Segist alsaklaus af fjárdrætti

Lögreglumál Hálfsjötug kona sem grunuð um tugmilljóna fjárdrátt úr Kaupþingi segir að málið hljóti að vera á misskilningi byggt. Hún sé alsaklaus.

Vill fá peningana en ekki jólahlaðborðið

„Ég skrifa þetta bréf til forstjórans vegna þess að ég er ósátt við að það sé verið að lækka launin okkar, þótt það sé aðeins tímabundið, þegar það er hægt að eyða í vitleysu eins og þennan jólamat,“ segir Heiðrún Ólafsdóttir, starfsmaður Orkuveitu Reykjavíkur.

Alls ósammála ráðherranum

Reykjavík Með því að reisa flugstöð í jaðri núverandi flugstöðvar, en ekki nýja samgöngumiðstöð fyrir rútur, leigubíla og flug, er Reykjavíkurborg að taka stóra u-beygju að mati Steinunnar Valdísar Óskarsdóttur, þingmanns Samfylkingarinnar og fyrrverandi borgarstjóra, sem nú situr í samgöngunefnd Alþingis.

Segir storminn vera að baki

„Stormurinn er að baki og verstu hörmungunum hefur verið afstýrt,“ sagði Dominique Strauss-Kahn, framkvæmdastjóri Alþjóðagjaldeyrissjóðsins (AGS), á árvissri ráðstefnu Samtaka breskra iðn­fyrirtækja (CBI) sem fram fór í gær.

Einn vildi óbreytta vexti

Fjórir af fimm þeirra sem sæti eiga í peningastefnunefnd Seðlabankans vildu lækka innlánsvexti bankans en einn vildi halda þeim óbreyttum. Þetta kemur fram í fundargerð nefndar­innar sem var birt í gær. Már Guðmundsson, seðlabankastjóri og formaður nefndarinnar, lagði til að vextir yrðu lækkaðir.

Skattahækkanir krefjast uppsagna

Uppsagnir og launalækkanir blasa við hjá þeim íslensku fyrirtækjum sem framleiða vörur sem ætlunin er að beri fjórtán prósenta virðisaukaskatt í stað sjö prósenta eins og nú er.

Reyna að finna fé til sjóvarna

Samgönguráðuneytið segist hafa skilning á þeim sjónar­miðum sveitarstjórnar Mýrdalshrepps að bæta þurfi sjóvarnir við Vík í Mýrdal. Þetta kemur fram í bréfi ráðuneytisins til sveitarstjórnarinnar.