Jákvæð upplifun besta gjöfin

Jólagjöfin í ár er „jákvæð upplifun“ að mati dómnefndar Rannsóknaseturs verslunarinnar á Bifröst.

Andvíg lokun útibús á Hofsósi

Byggðarráð Skagafjarðar mótmælir áformum Kaupþings um að loka útibúi bankans á Hofsósi.

Frostavetur í atvinnuuppbyggingu verði Icesave-frumvarp ekki afgreitt

Jóhanna Sigurðardóttir forsætisráðherra sagði á Alþingi í gær að ýmislegt sem andstæðingar Icesave-frumvarps ríkisstjórnarinnar halda fram gangi fram af sér.

Deilt innan flokka um Reykjavíkurvöll

Samfylkingin talar tungum tveim um málefni Reykjavíkurflugvallar, því samgönguráðherra segir eitt en fulltrúi flokksins í samgöngunefnd annað. Svo mælti framsóknarmaðurinn Birkir Jón Jónsson á Alþingi á miðvikudag. Hann sagði völlinn gríðarlega mikilvægan fyrir landsbyggð sem og höfuðborg. Því vildi hann vita hvort Samfylking gengi hér í takt.

Skiptinemar fengu fósturfjölskyldur

Skiptinemarnir sem ekki höfðu fengið fjölskyldu og sagt var frá í Fréttablaðinu í gær eru nú komnir með fósturfjölskyldu. Greint var frá því í fréttinni að illa hefði gengið að fá fósturfjölskyldur í ár vegna efnahagsþrenginga. „En ég verð að segja að þó að pyngjan sé kannski létt um þessar mundir þá er hjartað stórt. Viðbrögðin við fréttinni voru með ólíkindum, ég hefði aldrei trúað þessu, síminn stoppaði ekki," segir Guðrún Eyþórsdóttir, verkefnastjóri erlendra nema hjá AFS-skiptinemasamtökunum.

FME eykur áherslu á eftirlit á vettvangi

Breytingar á eftirliti Fjármálaeftirlitsins (FME) á eftirliti með fjármálafyrirtækjum eru boðaðar í ársskýrslu FME fyrir árið 2008, sem gerð var opinber á ársfundi eftirlitsins í gær. Gunnar Þ. Andersen, forstjóri FME, sagði á ársfundinum að aukin áhersla verði lögð á að sannreyna upplýsingar frá fyrirtækjunum.

Gera stikkprufur vegna litaðrar olíu

Þótt ríkisskattstjóri hafi ekki enn fengið því framgengt að koma á viðskiptakortum fyrir notkun á gjaldfrjálsri olíu og fái ekki að styðjast við eftirlitsmyndavélar bensínstöðva er fylgst með því hvort verið sé að misnota þessa olíu.

Jólaverslun stefnir í 13,4 milljarða

Gert er ráð fyrir að jólaverslunin verði óbreytt frá síðasta ári að magni til, en vegna verðhækkana verði veltan átta prósentum meiri í krónum talið. Þetta kemur fram í árlegri spá Rannsóknaseturs verslunarinnar.

Þarf að eyða 18 tölvuskeytum

Hæstiréttur hefur gert Samkeppniseftirlitinu (SE) að eyða átján tölvuskeytum sem stofnunin lagði hald á við húsleit í höfuðstöðvum fyrirtækisins Valitor í sumar. Héraðsdómur hafði áður hafnað kröfunni.

Amfetamínsmyglari fékk þrjú og hálft ár

Gunnar Viðar Árnason hefur verið dæmdur til að sæta þriggja og hálfs árs fangelsi fyrir að hafa staðið að innflutningi á 6,1 kílói af amfetamíni 21. apríl. Efnið kom frá Hollandi með hraðsendingarfyrirtækinu UPS á Keflavíkurflugvelli og tók lögregla amfetamínið samdægurs. Það var í áldósum sem ætlaðar voru undir viðarolíu.

Aldrei hafa fleiri mætt

Aðra vikuna í röð mættu yfir 500 manns í vikulega matarúthlutun Mæðrastyrksnefndar. „Í þessari viku mættu 502 og í síðustu 504. Síðan ég tók við hjá Mæðrastyrksnefnd fyrir sex árum hafa ekki mætt svona margir til okkar,“ segir Ragnhildur G. Guðmundsdóttir, formaður Mæðrastyrksnefndar.

Vegagerðin: Stórhríð og gríðarlega blint á leiðinni um Þröskulda

Það er stórhríð og gríðarlega blint á leiðinni um Þröskulda samkvæmt tilkynningu frá Vegagerðinni. Þá er þæfingsfærð á Dynjandisheiði og Hrafnseyrarheiði er þungfær.

Framkvæmdarstjóri ÍR: Eins og að missa fjölskyldumeðlim

Félagar í Íþróttafélagi Reykjavíkur og nemendur í Verslunarskólanum eru í áfalli eftir að 18 ára fótboltamaður hné niður eftir fótboltaæfingu í gærkvöldi og lést. Minningarathöfn verður haldin í kvöld.

Tólf ára með áverka eftir sérsveitarmenn

12 ára piltur sem yfirbugaður var af sérsveitarmönnum í gær er enn að jafna sig á meiðslum sem hann varð fyrir. Móðir hans segir drenginn vera í sjokki en vopnum var beint að honum.

Segir aðferðir PAS falsvísindi

Hætt er við því að hagsmunir barna verði fyrir borð bornir nái tillögur Félags um foreldrajafnrétti fram að ganga, segir Gunnar Hrafn Birgisson, sálfræðingur. Aðferðirnar sem félagsmenn vilji að teknar séu upp byggi á falsvísindum sem varað hafi verið við.

Hugsanlega alvarleg lögbrot innan íslenskra banka

Gunnar Andersen sagði á ársfundi Fjármálaeftirlitsins í dag að rannsóknir mála sem eftirlitið hefði unnið að í kjölfar hrunsins virðist benda til að auk óeðlilegra viðskiptahátta hafi alvarleg lögbrot verið framin innan íslenskra banka. Auk þess kunni brotin að varða við hegningarlög, bæði hér á landi og í öðrum löndum.

Búið að hefta útbreiðslu elds - slökkvistarf gengur vel

Búið að koma í veg útbreiðslu eldsins og er slökkviliðið að slökkva í glæðum undir þaki iðnaðarhússins við Vínlandsleið í Grafarholti.

Eldur í Grafarholti

Eldur kviknaði undir þaki í mannlausu iðnaðarhúsnæði á Vínlandsleið í Grafarholti en allt tiltækt slökkvilið hefur verið kallað á vettvang.

Íslensk ungmenni á loftlagsráðstefnu í Kaupmannahöfn

Tveir fulltrúar íslenskra ungmenna halda á ráðstefnu barna um loftslagsmál sem Barnahjálp Sameinuðu þjóðanna (UNICEF) og Kaupmannahafnarborg halda í Kaupmannahöfn viku fyrir loftslagsráðstefnu Sameinuðu þjóðanna (COP15). Á ráðstefnunni verður m.a. unnin ályktun sem lögð verður fyrir á COP15 samkvæmt tilkynningu.

Ekki skorið niður á velferðarsviði

Ekki er útlit fyrir að þjónusta hjá velferðarsviði Reykjavíkurborgar verði skorin niður vegna skekkju sem varð í drögum að fjárhagsáætlun sviðsins upp á allt að 175 milljónir króna.

Byssumaðurinn áfram í varðhaldi

Hæstiréttur hefur staðfest gæsluvarðahaldsúrskurð héraðsdóms yfir manninum sem skaut með haglabyssu á útidyrahurð íbúðahúss í Seljahverfi um miðjan mánuðinn. Maðurinn mun sitja í varðhaldi til 18. desember.

Sýknaður af ákæru um að hafa ekki komið öðrum til hjálpar

Hæstiréttur hefur sýknað litháískan karlmann fyrir að hafa látið hjá líða að veita öðrum manni í lífsháska læknishjálp. Samlandi Litháans var fundinn sekur um að hafa ráðið manninum bana í sumarbústað í Grímsnesi í nóvember í fyrra. Tvær konur og karlmaður voru ákærð fyrir að láta hjá líða að koma manninum til aðstoðar. Konurnar voru sýknaðar í héraði en karlmaðurinn dæmdur í sex mánaða fangelsi. Þeim dómi hefur Hæstiréttur nú snúið við.

Misnotaði fimm ára dóttur sína

Hæstiréttur hefur dæmt þrítugan karlmann í 18 mánaða fangelsi fyrir að hafa misnotað dóttur sína á síðasta ári þegar hún var fimm ára gömul. Hæstiréttur þyngdi dóms héraðsdóms um hálft ár. Manninum er gert að greiða dóttur sinni 250 þúsund krónur í miskabætur.

Skerðingin vegur freklega að fjölskyldum í landinu

VR mótmælir harðlega skerðingu réttinda í fæðingarorlofi og segir hana vega freklega að réttindum fjölskyldna í landinu. Fyrr í dag mótmæltu BSRB og Kvenréttindafélags Íslands fyrirhugaðri skerðingu.

Bæjarstjóralaust í Grindavík - skipta með sér verkum

Bæjarstjóralaust verður í Grindavík eftir að Jóna Kristín Þorvaldsdóttir lætur af starfi bæjarstjóra um mánaðarmótin ef hugmyndir bæjarfulltrúa Framsóknarflokksins ná fram að ganga.

Krefjast aðgerða af hálfu ESB gegn Íslandi og Noregi

Fiskveiðiráðið sem heldur utan um úthafsstofna við strendur Evrópu (PRAC) hefur krafist þess að framkvæmdastjórn ESB grípi strax til aðgerða gegn Íslandi og Noregi vegna einhliða ákvarðana þessara þjóða um markrílkvóta sína.

Annað dauðsfall af völdum svínaflensu

Karlmaður lést úr svínaflensu, eða inflúensu A(H1N1), hér á landi á föstudaginn. Um var að ræða 81 árs gamlan karlmann sem var með alvarlegan undirliggjandi sjúkdóm.

Samherji greiðir starfsmönnum 100 þúsund króna launauppbót

Samherji hefur ákveðið að greiða 300 starfsmönnum sínum í landi 100 þúsund króna launauppbót, miðað við fullt starf. Uppbótin verður greidd með launum núna um mánaðamótin og bætist við umsamda desemberuppbót sem greidd er á sama tíma.

Brasilíski lýtalæknirinn kostar ríkið milljónir

Kostnaður hins opinbera vegna brasilíska lýtalæknisins Hosmany Ramos hleypur á milljónum króna. Hosmany var handtekinn á Keflavíkurflugvelli í ágúst en hann er eftirlýstur í Brasilíu.

Réðust á pilt og tóku árásina upp með síma

Þrír sextán ára gamlir piltar hafa verið dæmdir vegna líkamsárásar á pilt í Reykjanesbæ í nóvember á síðasta ári.

Árni Páll endurskoði skerðingu á fæðingarorlofi

BSRB krefst þess að sparnaðarkrafa sem Árni Páll Árnason, félagsmálaráðherra, hefur boðað að verði lögð á fæðingarorlofssjóð verði endurskoðuð. Kvenréttindafélag Íslands varar við neikvæðum áhrifum fyrirhugaðrar skerðingar á stöðu foreldra á vinnumarkaði, sérstaklega kvenna.

Fyrrverandi starfsmaður ákærður fyrir að stela óskilamunum

Fyrrverandi starfsmaður Flugmálastjórnar og öryggisdeildar Keflavíkurflugvallar hefur verið ákærður fyrir að stela úr óskilamundadeild lögreglunnar á Keflavíkurflugvelli.

Fjölskylduhjálpin fær styrk frá Hollendingum

Fjölskylduhjálp Íslands hefur borist fjárstyrkur frá hollensku góðgerðarsamtökum Foundation Varda. Samkvæmt upplýsingum frá Fjölskylduhjálpinni styðja samtökin við sex verkefni víða um heim og varð FÍ nú fyrir valinu. Styrkurinn nemur 2500 evrum sem jafngildir um 460 þúsund íslenskum krónum.

Skotárás í Seljahverfi: Kærði samstarfsmann fyrir kynferðisofbeldi

Unnusta mannsins sem situr í gæsluvarðhaldi vegna haglabyssuskotárásar í Seljahverfi fyrir skömmu, kærði í sumar samstarfsmann sinn til lögreglu fyrir kynferðislegt ofbeldi.

Átján ára lést á knattspyrnuæfingu

Átján ára piltur varð bráðkvaddur á knattspyrnuæfingu hjá íþróttafélagi Reykjavíkur í gærkvöldi. Þetta staðfesta forsvarsmenn ÍR í samtali við Vísi.

Ræddu um skipulag þingfundar í 49 mínútur

Þingmenn ræddu í 49 mínútur við upphaf þingfundar í dag hvort að fram ætti að fara atkvæðagreiðsla um það hvort ræða ætti Icesave frumvarp ríkisstjórnarinnar fram á kvöld. Þráinn Bertelsson, þingmaður utan flokka, sagði umræðuna fyrir neðan virðingu Alþingis.

Nýtt farsímafyrirtæki mætir til leiks

Farsímafyrirtækið IMC á Íslandi undirritaði í dag samstarfssamning við Símann um aðgang að dreifikerfi Símans, sem er það stærsta á Íslandi. Í tilkynningu segir að samningurinn marki tímamót, þar sem Síminn undirritar í fyrsta sinn svo viðamikinn samning um aðgang að dreifikerfi sínu fyrir farsíma, við nýjan aðila á markaði. Nýstofnað systurfyrirtæki ICM, Alterna Tel, mun sjá um sölu og þjónustu við neytendur á Íslandi og í janúar hefst sala á farsímaþjónustu á öllu landinu undir nafninu Alterna.

Fimmtugur karlmaður ákærður fyrir kannabisræktun

Fimmtugur karlmaður úr Vogum á Vatnsleysuströnd hefur verið ákærður fyrir kannabisræktun. Maðurinn hafði 117 kannabisplöntur og 11 kannabisgræðlinga til ræktunar í vinnuaðstöðu á heimili sínu þann 2. apríl í fyrra. Málið var þingfest í Héraðsdómi Reykjaness í dag.

Kennsl borin á manninn á myndinni

Í kjölfar myndbirtingar í fjölmiðlum í morgun hafa lögreglunni borist fullnægjandi upplýsingar um manninn á meðfylgjandi mynd.

Kvörtuðu undan fjarveru stjórnarliða

Þingmenn stjórnarandstöðunnar gerðu alvarlegar athugasemdir við fjarveru ráðherra og stjórnarliða í umræðum um Icesave í upphafi þingfundar í dag og hvort að ræða eigi um málið á kvöldfundi. Össur Skarphéðinsson, utanríkisráðherra, sagði ríkisstjórnina hafa komið sínum sjónarmiðum á framfæri. Eygló Harðardóttir, þingmaður Framsóknarflokksins, óskaði eftir því að greidd yrði atkvæði með nafnakalli um hvort að ræða ætti málið fram á kvöld.

Þingmenn ræða um Icesave

Önnur umræða um frumvarp ríkisstjórnarinnar um ríkisábyrgð vegna Icesave reikninga Landsbankans heldur áfram á Alþingi í dag. Fjallað var um frumvarpið í fyrradag en þingfundi lauk rétt fyrir miðnætti. Þá voru enn níu þingmenn á mælendaskrá.

Vilja takmarka afgreiðslutíma skemmtistaða í miðborginni

Íbúasamtök miðborgar samþykktu á aðalfundi sínum í gær tillögur er snúa að staðsetningu og afgreiðslutíma áfengisveitingastaða í miðborg Reykjavíkur. Samtökin vilja að afgreiðslutími allra veitingastaða í miðborginni verði aldrei lengri til klukkan þrjú aðfaranótt laugardaga og sunnudaga.

Neyðarmóttaka verður varin

Jóhanna Sigurðardóttir forsætisráðherra sagði í ávarpi á 20 ára afmæli UNIFEM á Íslandi í gær að þrátt fyrir yfirvofandi niðurskurð yrði starfsemi neyðarmóttöku nauðgana á Landspítala varin.

Félitlir Íslendingar hafna skiptinemum

Verra efnahagsástand er helsta orsök þess að verr hefur gengið að fá fósturfjölskyldur fyrir skiptinema nú en áður, segir Guðrún Eyþórsdóttir, verkefnastjóri erlendra nema hjá AFS-skiptinemasamtökunum. „Fólk setur fyrir sig að hafa aukamunn að metta þegar það veit ekki hvort það heldur vinnunni í vetur.“

Metdagur hjá Hjálparstarfinu

Hjálparstarf kirkjunnar úthlutaði 168 matargjöfum í gær, sem er met ef frá er talin aðstoð um hátíðir. Á miðvikudaginn í síðustu viku var 116 gjöfum úthlutað, og þótti það þó mjög mikið, að sögn Vilborgar Oddsdóttur hjá Hjálparstarfinu. Auk þess hafa hátt í sjötíu gjafir verið sendar út á land.