Innlent

Byssumaðurinn áfram í varðhaldi

Byssumaðurinn færður fyrir dómara fyrr í mánuðinum.
Byssumaðurinn færður fyrir dómara fyrr í mánuðinum.
Hæstiréttur hefur staðfest gæsluvarðahaldsúrskurð héraðsdóms yfir manninum sem skaut með haglabyssu á útidyrahurð íbúðahúss í Seljahverfi um miðjan mánuðinn. Maðurinn mun sitja í varðhaldi til 18. desember.

Líkt og fram hefur komið í fréttum var bankað upp á hús í Seljahverfi aðfaranótt sunnudagsins 15. nóvember. Þegar íbúinn kom til dyra stóð maðurinn vopnaður haglabyssu fyrir utan og sló til hans með byssuskaftinu. Íbúinn náði að loka útidyrahurðinni en þá hleypti maðurinn fimm haglabyssuskotum af, en skotin höfnuðu í hurðinni auk þess sem gluggi í forstofu brotnaði.

Með byssumanninum var kærasta hans, sem er fyrrverandi starfsmaður íbúans. Hann hafði skömmu áður sagt henni upp störfum í bakarí þar sem hann er yfirmaður.




Tengdar fréttir

Par til yfirheyrslu vegna skotárásar

Rannsóknarlögreglumenn eru með ungt par til yfirheyrslu vegna skotárásarinnar í Þverárseli aðfararnótt sunnudagsins. Að sögn Friðriks Smára er parið íslenskt og er karlmaðurinn á þrítugsaldri.

Byssumanninum hugsanlega sleppt í dag

Gæsluvarðhald yfir manninum sem hleypti fimm haglabyssuskotum á útidyrahurð íbúðahúss í Seljahverfi um síðustu helgi rennur út í dag. Ekki hefur verið tekin ákvörðun um hvort að óskað verði eftir því að maðurinn verði áfram í varðhaldi, að sögn Friðriks Smára Björgvinssonar yfirlögregluþjóns hjá rannsóknardeild lögreglunnar á höfuðborgarsvæðinu. Ákvörðun um það verður tekin síðar í dag.

Nágranninn mætti með haglabyssu

Íbúi í kjallara mannsins sem varð fyrir árás byssumanns aðfaranótt sunnudags, mætti sjálfur á vettvang með haglabyssu þegar hann varð var við lætin á efri hæðinni. Árásarmaðurinn var þá á bak og burt.

Parið væntanlega vistað í fangaklefum á Hverfisgötu

Ekki er pláss fyrir unga parið sem grunað erum að hafa skotið á hús í Seljahverfi um helgina í íslenskum fangelsum. Krafist var gæsluvarðhalds yfir fólkinu í dag og verði héraðsdómur við beiðni lögreglu verður fólkið að öllum líkindum vistað í fangaklefum lögreglunnar á Hverfisgötu, að sögn Páls Winkel fangelsismálastjóra.

Parið var í hefndarleiðangri - stúlkunni sleppt

Karl sem gekk berserksgang með haglabyssu í Breiðholti um helgina var úrskurðaður í gæsluvarðhald síðdegis. Vinkonu hans var vikið úr starfi, og vildi hann hefna sín á fyrrverandi vinnuveitanda hennar.

Farið fram á fjögurra vikna varðhald yfir byssumanninum

Lögreglan á höfuðborgarsvæðinu hefur farið fram á fjögurra vikna gæsluvarðhald yfir byssumanninum sem hleypti fimm haglabyssuskotum á útidyrahurð íbúðahúss í Seljahverfi um síðustu helgi. Samkvæmt heimildum fréttastofu er þetta gert á grundvelli almannahagsmuna. Núverandi gæsluvarðhald rennur út í dag.

Mest lesið


Fleiri fréttir

Sjá meira


×

Mest lesið