Fleiri fréttir

Bankaleynd á ekki að veraskjól markaðsmisnotkunar

efnahagsmál Jóhanna Sigurðardóttir forsætisráðherra segir að það hafi komið sér gjörsamlega í opna skjöldu hve miklar fjárhæðir voru lánaðar til fárra aðila og hugsanlega án nægilegra veða. Það sé hins vegar ánægjulegt að Kaupþing skuli hafa fallið frá fráleitu lögbanni á fréttaflutning Ríkissjónvarpsins um lánabók Kaupþings sem lekið var á vefsíðuna Wikileaks.org í síðustu viku. Hún segir að ekki sé hægt að nota bankaleynd til að fela markaðsmisnotkun í samfélagi þar sem krafist er gegnsæis. Þetta kom fram á blaðamannafundi í Stjórnarráðinu í gær.

Bóluefni kostar 380 milljónir

Íslenska ríkið mun greiða rúmar 380 milljónir króna fyrir 300 þúsund skammta af bóluefni gegn svínaflensunni H1N1, þar sem hver skammtur kostar 7 evrur. Bóluefnið mun duga til að bólusetja um helming þjóðarinnar.

Minni umferð en aðrar helgar

Umferð úr höfuðborginni var minni um verslunarmannahelgina en flestar aðrar helgar í sumar, samkvæmt tölum frá Vegagerðinni. Vegagerðin hefur tekið saman tölur um umferð frá höfuðborgarsvæðinu frá því síðustu helgina í júní, og var umferð um verslunarmannahelgina minni en um meðalhelgi. Umferðin var mest síðustu helgina í júní, en minnst síðustu helgina í júlí.

Á fimmta tug innbrota kærð

Á fimmta tug innbrota og þjófnaða voru kærð til lögreglunnar á höfuðborgarsvæðinu um helgina. Er það talsvert meira en undanfarnar verslunarmannahelgar. Meðal annars var brotist inn í fyrirtæki, íbúðarhúsnæði, sumarhús og bíla.

Þriðjungur aldrei notað internetið

Einn af hverjum þremur hefur aldrei notað internetið, samkvæmt könnun sem gerð var á vegum Evrópusambandsins. Frá þessu er greint á fréttavef BBC.

Handrit Árna Magnússonar með merkustu minjum heims

Handrit Árna Magnússonar hafa verið skráð á heimslista UNESCO yfir verðmætustu menningarminjar heims. Forstöðumaður Stofnunar Árna Magnússonar segir þetta staðfesta mikilvægi safnsins og vekja á því athygli um allan heim.

Talibanar skjóta á Kabúl

Flugskeytaárás var gerð á Kabúl Höfuðborg Afganistans í gærmorgun. Talibanar eru taldir standa á bakvið árásirnar en að minnsta kosti níu flugskeytum var skotið á höfuðborgina rétt fyrir dögun að sögn lögreglu í Kabúl.

Hefðu mátt seljast fleiri miðar

„Þetta er í fyrsta skipti sem íslenskt landslið kemst í lokakeppni stórmóts og því hefðu nú fleiri miðar mátt seljast. En svona er þetta bara, það er auðvitað kreppa og margir sem halda að sér höndum. Leikirnir verða líka sýndir í sjónvarpinu hér heima,“ segir Ragnheiður Elíasdóttir, ritari hjá Knattspyrnusambandi Íslands (KSÍ).

100 útlendingar læra íslensku

Rúmlega 100 manns eru nú á Vestfjörðum til að taka þátt í íslenskunámskeiði á vegum Háskólaseturs Vestfjarða. Nemendurnir á námskeiðinu eru flestir á leið í skiptinám hér á landi, en þó eru um þrjátíu þeirra einfaldlega áhugafólk um íslensku. Íslenskunámskeiðið hófst á mánudag og stendur í þrjár vikur.

Frönsk umræða: Stökkvið í sjóinn - Neyðum Ísland til að borga

Viðtalið við Evu Joly sem birtist um helgina í nokkrum blöðum í nokkrum löndum á sama tíma hefur vakið athygli. Á vefsíðu Le Monde má finna viðtalið við Evu en þar má einnig finna sex blaðsíður af athugasemdum Frakka vegna greinarinnar og stöðu Íslands í alþjóðlegu tilliti.

Indefence lýsa eftir tvítyngdum sjálfboðaliðum

„Nú þurfum við virkilega að sýna samstöðu og nýta öll okkar tengsl við útlenda kunningja og samstarfsaðila til þess að vekja athygli á málstað íslendinga,“ segir Ólafur Elíasson, einn forsprakka Indefence hópsins en þeir leita nú logandi ljósi að tungukunnáttumönnum til þess að leggja hreyfingunni lið.

Ölvaður ökufantur og lyfjaður bílstjóri stöðvaðir

Einn ökumaður var tekinn grunaður um ölvun við akstur í morgun á Reykjanesinu. Þá stöðvaði lögreglan á Suðurnesjum annan ökumann seinni partinn. Hann var grunaður um akstur undir áhrifum ávana- og fíkniefna.

Hagfræðistofnun: Íslendingar munu flýja

Ljóst er að með Icesave samningunum skerðast lífskjör vegna aukinna skulda. Þetta segir í mati Hagfræðistofnunar Háskóla Íslands. Formaður fjárlaganefndar segir að nefndin verði að meta hvort nauðsynlegt sé að ganga frá Icesave samningunum eða hvort eigi að hafna þeim.

Vegfarendur við Þingvallavatn handtóku ölvaðan ökumann

Fjórtán ökumenn voru teknir í umdæmi lögreglunnar á Selfossi í liðinni viku vegna gruns um fíkniefna- og ölvunarakstur. Einn þeirra ók bifreið sinni út af vegi við Hestvík við Þingvallavatn og var handtekinn af vegfarendum sem höfðu forðað sér naumlega undan því að verða fyrir bifreið þess ölvaða. Annar velti bíl sínum aðfaranótt annars ágúst út fyrir veg við Villingavatn í Grafningi en slapp við meiðsli líkt og sá er lenti út af vegi við Hestvík.

Forseti Íslands kynnti málstað Íslendinga í Kýpur og í Litháen

„Á undanförnum vikum og mánuðum hefur forseti Íslands hitt að máli þjóðhöfðingja og forystumenn allmargra ríkja, m.a. í heimsókn sinni til Kýpur nýverið vegna Smáþjóðaleikanna og Litháen þar sem hann tók þátt í hátíðarhöldum vegna þúsund ára þjóðarafmælis.” Þetta segir í svari forseta Íslands við fyrirspurn fréttastofu um það með hvaða hætti forseti Íslands hafi tekið þátt í að kynna málstað Íslands í Icesave deilunni.

Eldur í efnalaug

Eldur kom upp í efnalauginni við Háaleitisbraut fyrir stundu. Slökkviliðið er komið á vettvang og berst við eldinn. Mikill reykur leggur á frá efnalauginni.

Klukkubúðarán upplýst

Lögreglan á höfuðborgarsvæðinu segir í tilkynningu að 11/11 rán sé upplýst að fullu. Tveir menn á þrítugsaldri voru handteknir í heimahúsi í nótt grunaðir um aðild að málinu. Í kjölfarið var þriðji maðurinn handtekinn.

Hagfræðistofnun gagnrýnir mat á Icesave skuldbindingum

„Mesta hættan liggur í því ef efnahagshremmingar þær sem við glímum nú við verða til þess að fólk flytji úr landi í stórum stíl, slíkt myndi minnka framleiðslu í framtíðinni og þyngja skuldabyrðina enn frekar. Fólskflótti í stórum stíl vegna almennrar ótíðar eykur skuldabyrði þeirra sem eftir sitja“.

Landlæknir segir aðgengi að geðdeildum vera gott

„Það er engin geðdeild á sjúkrahúsinu á Akranesi, en geðdeildarmóttakan í Reykjavík er einnig ætluð öðrum landsmönnum. Hér á landi er aðgengi að geðdeild betra en gengur og gerist í nálægum löndum, að minnsta kosti fyrir þá sem búa í Reykjavík og nágrenni " segir Matthías Halldórsson landlæknir.

Slökkvitæki stolið af Þingvöllum

Brotist var inn í fræðslumiðstöð þjóðgarðsins á Þingvöllum í fyrrinótt. Þaðan var stolið tölvu og búnaði henni tengdum og 6 kílógramma slökkvitæki. Í dagbók lögreglunnar á Selfossi kemur fram að nokkuð tjón hafi orðið af þessu en farið var inn með því að brjóta stóra rúðu í húsinu.

Fíkniefnaverksmiðjumálið tekið fyrir í Héraðsdómi

Mál ríkissaksókanra gegn Jónasi Inga Ragnarssyni og Tindi Jónssyni var tekið fyrir í Héraðsdómi Reykjaness í morgun. Þeir eru grunaðir um að hafa staðið að framleiðslu á umtalsverðu magni af amfetamíni í húsnæði við Rauðhellu í Hafnarfirði, en lögregla stöðvaði starfsemina í húsinu í október í fyrra.

Þrjú ný tilfelli af inflúensu A greindust um helgina

Alls hafa verið staðfest þrjú tilfelli af nýrri inflúensu A (H1N1)v yfir verslunarmannahelgina og er því heildarfjöldi staðfestra tilfella samtals 54. Þetta kemur fram í tilkynningu frá Almannavörnum og ennfremur er þess getið að enginn hafi orðið fyrir alvarlegum veikindum.

Álit Hagfræðistofnunar rætt á fundi fjárlaganefndar í dag

Álit Hagfræðistofnunar Háskóla Íslands á greiðslubyrði vegna Icesave verður tekið fyrir á fundi fjárlaganefndar klukkan tvö í dag. Mikil gagnrýni hefur komið fram um álit Seðlabankans á sama máli, en Seðlabankinn telur að þjóðarbúið sé fyllilega fært um að standa undir greiðslubyrði Icesave samninganna.

Fleiri andvígir aðild að ESB en hlynntir

Alls eru 48,5% landsmanna andvígir aðild Íslands að Evrópusambandinu en 34,7% eru hlynntir aðild samkvæmt skoðanakönnun sem Capacent Gallup gerði fyrir útgáfufélagið Andríki, sem heldur úti Vef-Þjóðviljanum.

Um 25 fíkniefnamál í Eyjum

Alls komu um 25 fíkniefnamál upp á Þjóðhátíð í Vestmannaeyjum þessa helgina. Í flestum tilfellum var lagt hald á amfetamín í þessum málum.

Tveir menn handteknir vegna ráns í 11-11

Lögreglan á höfuðborgarsvæðinu hefur handtekið tvo menn sem grunur leikur á að séu þeir sem réðust inn í 11-11 verslun í Skipholti í gær. Mennirnir ógnuðu starfsmönnum með hnífum og höfðu á brott með sér eitthvað þýfi. Ræningjarnir komust svo á brott á bláum fólksbíl.

Slökkvilið kallað í Herjólfsdal

Slökkviliðið í Vestmannaeyjum var kallað inn í Herjólfsdal undir morgun til að slökkva eld, sem hafði læst sig í mannvirki við stórt útigrill þar. Yfirgefin tjöld höfðu verið borin þar að og kveikt í þeim.

Ræningja enn leitað

Lögreglan á höfuðborgarsvæðinu leitar enn tveggja manna, líklega um tvitugt, sem frömdu vopnað rán í verslun 10-11 í Skipholti í Reykjavík laust fyrir hádegi í gær. Þeir ógnuðu tveimur afgreiðslumönnum með hnífum, stungu á sig verðmætum og komust undan á bláum smábíl.

Umferðin gekk vel í gær

Umferð gekk vel til höfuðborgarinnar í gær, þrátt fyrir talsverðan þunga lengst af deginum. Strax upp úr kvöldmat tók verulega að draga úr umfeðrinni, sem var heldur meiri um Suðurlandsveg en Vesturlandsveg.

Innbrotaalda í Reykjavík um helgina

Á fimmta tug innbrota og þjófnaða hafa verið kærðir til lögreglunnar á höfuðborgarsvæðinu um helgina, sem er talsvert meira en undanfarnar verslunarmannahelgar. Meðal annars var brotist inn í fyrirtæki, íbúðarhúsnæði, sumarhús og bíla.

Tveir slösuðust á Hringbraut

Tveir menn slösuðust þegar bíll þeirra hafnaði uppi á hringtorgi fyrir framan JL húsið vestast á Hringbraut í Reykjavík á þriðja tímanum í nótt. Þeir voru fluttir á Slysadeild til aðhlynningar og er ökumaðurinn grunaður um akstur undir áhrifum fíkniefna.

14 ára á stolnum bíl

Lögreglan á Seofossi handtók tvo fjórtán ára pilta laust eftir miðnætti, eftir að hafa stöðvað þá á stolnum bíl rétt utan við bæinn. Þeir voru að sjálfsögðu réttindalausir líka, auk þess sem bíllinn var bremsulaus þannig að lögregla lét flytja hann brott með kranabíl.

Hundur drapst í vélhjólaslysi

Umferð er farin að þyngjast verulega bæði á Suðurlandsvegi og Vesturlandsvegi, samkvæmt upplýsingum frá lögreglunni á höfuðborgarsvæðinu. Umferð hefur þó gengið mjög vel og er ekki vitað til þess að nein alvarleg slys hafi orðið.

Umferð gengur vel

Umferð til Reykjavíkur hefur gengið vel það sem af er degi og hefur lögreglunni ekki borist tilkynning um nein slys. Lögreglumenn í Borgarnesi segja að umferðin hafi verið róleg í morgun. Upp úr eitt hafi hún tekið að þyngjast örlítið. Lögreglumenn á Selfossi segja að umferð um Suðurlandsveg sé ekki enn tekin að þyngjast og geta þeir sér þess til að fólk fresti heimkomum úr helgarferðum vegna góðs veðurs.

Mótmæla lögbanni á fréttir Ríkisútvarpsins

Blaðamannafélag Íslands og Félag fréttamanna á Ríkisútvarpinu mótmæla lögbanni á fréttir Ríkisútvarpsins sem byggja á gögnum frá lánanefnd Kaupþings í aðdraganda efnahagshrunsins.

Kaupþing friðþægir fyrir stjórnvöld

Markmiðið með greiðsluaðlögunúrræði Kaupþings er að tryggja greiðsluvilja lántakenda og þar með rekstrargrundvöll bankans. Jafnvel virðist sem markmiðið sé einnig að fría stjórnvöld frá þeirri ábyrgð að tefla fram raunverulegum og sanngjörnum kerfisbundnum lausnum fyrir heimilin í landinu. Þannig skapi þetta úrræði ákveðna friðþægingu fyrir stjórnvöld.

Sjá næstu 50 fréttir

Mest lesið