Hundur drapst í vélhjólaslysi

Umferð er farin að þyngjast verulega bæði á Suðurlandsvegi og Vesturlandsvegi, samkvæmt upplýsingum frá lögreglunni á höfuðborgarsvæðinu. Umferð hefur þó gengið mjög vel og er ekki vitað til þess að nein alvarleg slys hafi orðið á fólki.

Þó varð umferðaróhapp á Laugavatnsvegi rétt eftir klukkan þrjú í dag þegar hundur hljóp í veg fyrir vélhjól. Hundurinn drapst og sá sem ók hjólinu datt af því og hlaut minniháttar meiðsl. Samkvæmt upplýsingum frá lögreglunni hugðist hann leita sér aðhlynningar hjá lækni í Laugarási.