Philip Green á Íslandi - fundaði með viðskiptaráðherra

Philip Green, einn ríkasti maður Bretlands, fundaði ásamt Baugsmönnum með viðskiptaráðherra í dag. Stjórnarformaður Baugs segir fyrirtækið skaðast vegna milliríkjadeilu Íslands og Bretlands.

Hótar breskum yfirvöldum málsókn

Ísland er ekki gjaldþrota eru skilaboð Geirs Haarde forsætisráðherra til íslensku þjóðarinnar, nú þegar íslenskt efnahagslíf er í frjálsu falli Hann hótar því að Íslendingar fari í mál við bresk stjórnvöld vegna skaða sem ummæli þeirra og aðgerðir hafa valdið.

Beðið með að taka ákvörðun um IMF

Engar ákvarðanir munu verða teknar um aðkomu Alþjóðagjaldeyrissjóðsins fyrr en Árni Mathiesen snýr aftir til baka frá Washington þar sem hann sækir ársfund sjóðsins og Alþjóðabankans. Árni mun þó ekki vera í samningaviðræðum ytra heldur aðeins hitta menn og ræða málin.

Ísland kynnt sem ódýr áfangastaður á CNN

Fjallað var um Ísland sem ódýran ferðamannastað á bandarísku sjónvarpsstöðinni CNN í gær. Þar var bent á að fjármálakreppan hefði leitt til þess að íslenska krónan hefði hrunið, mörgum ferðamönnum til mikillar ánægju. Þrátt fyrir að landið sé að verða fórnarlamb lausafjárkreppunnar þá segi forsvarsmenn ferðaþjónustunnar að allt starfi eðlilega hér á landi.

Nýr Glitnir verður til um helgina

Nýr Glitnir verður til með formlegum hætti um helgina og nýr bankastjóri settur. Hið sama mun gerast með Kaupþing á fyrstu dögum í næstu viku. Þetta kom fram í máli Björgvins G. Sigurðssonar viðskiptaráðherra á blaðamannafundi hans og Geirs Haarde nú klukkan fjögur.

Brown vill leysa deiluna við Íslendinga

Geir H. Haarde forsætisráðherra fékk í dag bréf frá Gordon Brown, forsætisráðherra Bretlands, þar sem hann lýsir vilja til þess að leysa deilur landanna vegna íslenskra banka í Bretlandi. Þetta kom fram á blaðamannafundi forsætisráðherra í Iðnó í dag.

Tryggt verði að grunnþjónusta hins opinbera skerðist ekki

Samgönguráðherra og stjórn Sambands íslenskra sveitarfélaga hafa sent frá sér yfirlýsingu um að tryggja verði að grunnþjónusta hins opinbera skerðist ekki þrátt fyrir tekjusamdrátt og kostnaðarhækkanir.

Strokufangar af Litla-Hrauni dæmdir

Tveir karlar hafa verið dæmdir í sex og átta mánaða fangelsi fyrir að hafa strokið af Litla-Hrauni og að hafa í framhaldinu stolið ýmsum munum og einnig bíl . Þeir voru gripnir á höfuðborgarsvæðinu eftir flóttatilraun sína. Hún átti sér stað 3. október í fyrra.

Sigurjón kveður

Sigurjón Árnason fyrrverandi bankastjóri Landsbankans kvaddi samstarfólk sitt í dag og sendi öllum starfsmönnum bankans tölvupóst.

Gjaldeyrishöft sett á Íslendinga

Seðlabankinn hefur gripið til ráðstafana til að draga úr erlendum úttektarheimildum á kreditkortum, eftir því sem fram kemur í tilkynningu frá bankanum.

Tómas forstjóri Alcoa á Íslandi

Tómas Már Sigurðsson, forstjóri Alcoa Fjarðaáls í Reyðarfirði, hefur verið skipaður í nýja stöðu forstjóra Alcoa á Íslandi. Aukin áhersla verður lögð á undirbúning fyrir fyrirhugað Bakkaálver.

Blaðamannafundur í beinni klukkan 16

Geir H. Haarde forsætisráðherra hefur boðað til blaðamannafundar klukkan fjögur í dag í Iðnó. Þar mun hann líkt og undanfarna daga fara yfir stöðu efnahagsmála. Bein útsending verður frá fundinum á Stöð 2, Vísi og Bylgjunni.

Ísafjörður vinnur að aðgerðaáætlun

Ísafjarðarbæjar hefur bæst í hóp sveitarfélaga sem vinna að aðgerðaáætlun vegna þeirra efnahagsþrenginga sem Ísland gengur nú í gegnum.

Ungir í VG vilja umræðu um Evrópumál

Ung vinstri græn vilja að efnt verði til upplýstrar umræðu um samskipti Íslands við Evrópusambandið.

Framkvæmdastjóri LÍN: Mikilvægast að gjaldeyrisviðskiptin fari í gang

„Það er ljóst í stöðunni núna að það sem skiptir mestu máli er að gjaldeyrisviðskipti geti átt sér stað á milli Íslands og annnarra landa. Úrlausn þess máls er á könnu seðlabanka og fjármálaeftilits, þannig að það er lítið annað sem við getum gert annað en að vekja athygli þessara stjórnvalda á þessari stöðu,"

Mildaði dóm fyrir kjaftshögg á skemmtistað

Hæstiréttur mildaði í dag dóm yfir manni sem dæmdur hafði verið fyrir að slá tönn úr öðrum manni á skemmtistað í miðborginni.

Bjóða upp á graut og spjall vegna efnhagslegs ofbeldis

Stígamót ætla að bjóða gestum og gangandi í heimsókn öll hádegi virka daga vegna þess sem efnahagslega ofbeldis sem landsmenn hafa gengið í gegnum seinustu daga, að sögn Guðrúnar Jónsdóttur talskonu Stígamóta.

Námsmenn erlendis kvíðnir

Námsmenn erlendis eru orðnir verulega kvíðnir vegna ástandsins í gjaldeyrismálum. Garðar Stefánsson, formaður Sambands íslenskra námsmanna erlendis, segir að það rigni athugasemdum yfir Sambandið frá fólki í vandræðum.

Atvinnuleysi 1,3 prósent í september

Atvinnuleysið í septembermánuði mælidst 1,3 prósent og jókst úr 1,2 prósentum í ágúst. Fram kemur á vef Vinnumálastofnunar að um 2.200 manns hafi að meðaltali verið atvinnulausir í september og er það aðeins um fjögurra prósenta aukning frá í ágúst.

Bílaumferð minnkandi á milli vikna

Svo virðist sem kreppan sé þegar farin að hafa áhrif á bílaumferð í borginni því hún mældist marktækt minni í vikunni sem er að líða en í vikunni á undan.

Nánast ómögulegt að fjármagna fyrirtæki

Nánast ómögulegt er fyrir fyrirtæki að fjármagna sig í dag segir, Þórólfur Mathhíasson, prófessor við Háskóla Íslands. Peningamarkaðssjóðir hafa hingað til verið lífæð atvinnulífsins en umtalsverðir fjármunir hafa tapast úr sjóðunum síðustu daga. Viðskiptaráðherra segir að enn sé verið að skoða hvað verður um innistæður í sjóðunum.

Telur deilur við Breta ekki hafa mikil áhrif á viðskipti landanna

Deila Íslendinga og Breta mun ekki hafa langvarandi áhrif á viðskipti landanna að mati framkvæmdastjóra Útflutningsráðs. Hann vonast til þess að viðskipti verði fljótlega komin eðlilegt horf.

Geir á öndverðum meiði við sérfræðinga

Skoðanir Geirs Haarde forsætisráðherra á því hvaða skref þurfi að taka til að bjarga því sem bjargað verður ganga þvert á það sem sérfræðingar í efnahags- og atvinnumálum halda fram.

Hætt við badmintonmót vegna dollaraverðs

Stjórn Badmintonsambands Íslands hefur ákveðið að fella niður alþjóðlega badmintonmótið Iceland Spron International sem átti að fara fram hér á landi 6. til 9.nóvember næstkomandi vegna skorts á dollurum.

Eftirlaunasjóður flugmanna hefur orðið fyrir verulegum skakkaföllum

Eftirlaunasjóður flugmanna hefur, eins og margir lífeyrisjóðir, orðið fyrir verulegum skakkaföllum í þeim efnahagslegu hremmingum sem nú ganga yfir. Félagsmönnum hefur verið tilkynnt að allar líkur séu á því að til skerðingar réttinda þurfi að koma. Slík skerðing kæmi líklega til á snemma á næsta ári.

Fjölmenni á Seðlabankamótmælum

Talið er að á bilinu 300-500 manns hafi safnast saman nú í hádeginu á Arnarhóli þar sem boðað hafði verið til mótmæla.

Kortafærslur ekki frystar heldur vandræði með bankakerfið

Jóhannes Kolbeinsson, framkvæmdastjóri Kortaþjónustunnar, sem er í samstarfi við danska kortafyrirtækið PBS, segir ekki rétt að færslur um kortafyrirtækið hafi verið frystar. Hins vegar hafi bankakerfið ekki verið í stakk búið til að taka á móti greiðslum að utan.

Staðið við launaskuldbindingar gagnvart þeim sem sagt verður upp

Ríkisstjórnin hefur samþykkt tillögu viðskiptaráðherra um að íslenska ríkið muni hlaupa undir bagga með Landsbanka Íslands hf. til að tryggja að hann geti staðið við launaskuldbindingar sínar gagnvart starfsmönnum sem ekki flytjast yfir í Nýja Landsbankann.

Sálfræðiráðgjöf vegna kreppunnar veitt í Heilsuverndarstöðinni

Geðsvið Landspítalns mun í dag klukkan eitt opna sálfræðiráðgjöf fyrir einstaklinga sem glíma við mikinn kvíða, depurð, sektarkennd eða önnur álagseinkenni vegna þróunar fjármála á Íslandi.

Halldór vill að Ísland leiti til Alþjóðagjaldeyrissjóðsins

Nauðsynlegt er að Ísland leiti eftir efnahagsaðstoð hjá Alþjóðagjaldeyrissjóðnum, að mati Halldórs Ásgrímssonar fyrrverandi forsætisráðherra.

Leggur fram tillögu um ESB-atkvæðagreiðslu

Birkir Jón Jónsson, þingmaður Framsóknarflokksins, hefur lagt fram þingsályktunartillögu um að atkvæðagreiðsla fari fram um aðildarviðræður við Evrópusambandið hér á landi eigi síðar en í maí á næsta ári.

Árvakur segir upp 22 starfsmönnum

Árvakur segir upp 22 starfsmönnum nú þegar Fréttablaðið og Pósthúsið rennur inn í fyrirtækið, en tilkynnt var um samrunann í morgun. Einar Sigurðsson, framkvæmdastjóri Árvakurs, segir að fólki úr nokkrum deildum verði sagt upp, bæði blaðamönnum, sölufólki, umbrotsfólki.

Stjórnarliðar kalla eftir stýrivaxtalækkkun

Ráðherrar og fjölmargir stjórnarliðar vilja að Seðlabankinn lækki stýrivexti hér á landi umtalsvert. Sem stendur eru stýrivextir 15,5 prósent.

Mótmæli við Seðlabankann í hádeginu

Boðað hefur verið til mótmæla fyrir framan Seðlabankann í hádeginu þar sem þess verður krafist að stjórn Seðlabankans segi af sér. Hrafnkell Orri Egilsson stendur að mótmælunum ásamt vinkonu sinni sem er í Frakklandi og finnur fyrir þeirri óreiðu sem er í gjaldeyrismálum landsins.

Sektaður fyrir að slá konu í andlitið

Héraðsdómur Austurlands hefur dæmt karlmann til að greiða 70 þúsund krónur í sekt fyrir að slá til konu í andlitið í félagsheimili á Eskifirði í febrúar.

Sendi börn áfram á leikskóla þrátt fyrir kreppu

Stjórn Félags leikskólakennara vill ekki að foreldrar hætti að senda börn sín á leikskóla vegna fjárskorts. Leikskólastjórar eru hvattir í ályktun stjórnar félagsins til að vera á varðbergi og grípa inn í ef grunur er um að foreldrar neyðist til að segja upp leikskóladvöl sökum fjárhagserfiðleika.

Ferðaþjónusta um fimm prósent af landsframleiðslu

Hlutur ferðaþjónustu í landsframleiðslu á árunum 2000-2006 reyndist 4,6 prósent að meðaltali samkvæmt ferðaþjónustureikningum sem Hagstofa Íslands birtir nú í fyrsta sinn.

Fréttablaðið og Pósthúsið sameinað Árvakri

Árvakur hf. og 365 hf. hafa undirritað samning um að sameina Fréttablaðið og Pósthúsið Árvakri, útgáfufélagi Morgunblaðsins. Þannig greiðir Árvakur fyrir útgáfu nýs hlutafjár og yfirtöku skulda og kemur 365 inn í hlutahafahóp Árvakurs eftir því sem segir í tilkynningu forstjóra 365, Ara Edwald.

Ísland boðið upp á eBay

Breskur karlmaður hefur tekið upp á því að bjóða Ísland upp á uppboðsvefnum eBay.

Fyrri ferð ferjunnar Sankti Ola til Eyja fellur niður í dag

Fyrri ferð ferjunnar Sankti Ola, sem leysir Herjólf af hólmi þessa dagana á meðan hann er í slilpp, fellur niður vegna viðgerða á skipinu eftir að það fékk á sig bortsjó skömmu eftir brottför frá Þorlákshöfn í gærkvöldi.

Lögreglan handtók fjóra innbrotsþjófa á vettvangi í nótt

Lögreglan á höfuðborgarsvæðinu handtók fjóra innbrotsþjófa á vettvangi í fyrirtæki við Stórhöfða í nótt.

Bresku blöðin í fyrramálið

Forsíður allra stærstu dagblaðanna í Bretlandi á morgun snúast um bankakreppuna á Íslandi. Í Bretlandi er það siður að fréttastöðvarnar fara yfir forsíður blaðanna og ræða um málefnin sem þar eru sett í forgrunn.

Lýst eftir Englendingi á Íslandi

Lögreglan á höfuðborgarsvæðinu leitar enskum manni James Richard Rose 44 ára. Maðurinn kom til landsins með flugi frá London kl. 15:00 þann 7. október síðastliðinn. Ekkert hefur spurst til mannsins frá því hann fór frá flugstöð Leifs Eiríkssonar.

Þrír mannhæða háir gluggar brotnuðu á staðgengli Herjólfs

St. Ola sem siglir á milli Þorlákshafnar og Vestmannaeyja í fjarveru Herjólfs fékk á sig brotsjó um átta leytið í kvöld. Gísli Óskarsson fréttaritari Stöðvar 2 í Vestmannaeyjum segir skipið væntanlegt til eyja um eitt leytið í nótt.

Enginn einn sökudólgur

Steingrímur J Sigfússon formaður Vinstri grænna segir að ef menn telji að ráðamenn þjóðairnnar hafi glatað trausti eigi að skipta um allt „settið“. Steingrímur var gestur í Kastljósi Sjónvarpsins í kvöld.