Ungir jafnaðarmenn húðskamma Samfylkingarráðherra

Ungir jafnaðarmenn átelja ráðherra Samfylkingarinnar harðlega fyrir að stuðla að tveimur nýjum álverum á Íslandi og ganga þar með gegn stefnu flokksins í umhverfismálum.

Gat á bensíntanki batt enda á flótta

Gat á eldsneytistanki batt enda á flóttatilraun ökumanns sem grunaður er um ölvunarakstur á Akranesi í síðustu viku.

Lögmaður höfuðpaursins: „Maður hefur ekki séð þetta áður“

„Ég er ekki sammála dómnum enda voru engin bein sönnunargögn sem tengdu hann þessu máli. Þetta voru meira og minna spádómar um eitthvað sem menn hefðu getað verið að tala um,“ segir Grímur Sigurðarson, lögmaður Antons Kristins Þórarinssonar, sem í gær var dæmdur í tveggja ára fangelsi í Héraðsdómi Reykjavíkur fyrir smygl á um 700 grömmum af kókaíni.

Sundlaugarhús á Akranesi skemmdist mikið vegna gufu

Miklar skemmdir urðu á sundlugarhúsi Bjarnalaugar á Akranesi í síðustu viku eftir að óprúttnir aðilar brutust þar inn.

Matsmenn kallaðir til í Mýrarhúsaskólamáli

Matsmenn verða kallaðir fyrir Héraðsdómi Reykjavíkur í dag vegna skaðabótamáls kennara á hendur móður stúlku sem skellti hurð á kennarann. Dómur hefur þegar fallið í málinu í héraðsdómi en matsgerð sérstakra matsmanna á að leggja fyrir Hæstarétt þegar hann tekur málið fyrir.

Staða fatlaðra verst á Suðvesturhorninu

Gerður A. Árnadóttir, formaður Þroskahjálpar, segir að staðan í málefnum fatlaðra sé verst í Reykjavík, höfuðborgarsvæðinu og á Reykjanesi. ,,Það er pólitísk ákvörðun tekin af Alþingi sem ákvað að setja ekki aukið fjármagn í málaflokkinn á svæðinu. Á seinsta ári kölluðum við eftir auknu fjármagni í uppbyggingu en töluðum fyrir daufum eyrum," segir Gerður.

Slegist með golfkylfum, öxi og borðfótum á Akureyri

Lögreglan á Akureyri hafði í nógu að snúast við að stilla til friðar í gærkvöldi þegar sló í brýnu á milli stríðandi fylkinga úr undirheimum bæjarins. Að sögn lögreglu snérist málið um fartölvu sem hóparnir ásökuðu hvorn annan um að hafa stolið. Töluverð slagsmál brutust út og var gripið til vopna.

„Þetta horfði þunglega í alla nótt“

„Þetta horfði þunglega í alla nótt alveg fram undir morgun,“ sagði Loftur Jóhannsson, formaður Félags íslenskra flugumferðarstjóra, sem í morgun náði samkomulagi í kjaradeilu sinni við samninganefnd Samtaka atvinnulífsins sem semur fyrir hönd Flugstoða ohf.

Rafmagnslaust á hluta Sauðárkróks

Rafmagnslaust er nú á hluta Sauðárkróks eftir að háspennurofi í rafstöð í bænum brann yfir.

Landsbjörg með björgunarsveitir á hálendinu í sumar

Slysavarnafélagið Landsbjörg hyggst í sumar verða með slysavarnaverkefni á hálendinu, þriðja sumarið í röð.

Samið í flugumferðarstjóradeilu

Samkomulag hefur náðst í deilu flugumferðarstjóra og samninganefndar Samtaka atvinnulífsins og gerðist það rétt í þessu. Verið er að ganga frá henni samkvæmt upplýsingum sem fengust hjá ríkissáttasemjara.

Ók á börnin á Lækjartorgi

Rétt fyrir klukkan fimm í morgun varð umferðaróhapp í Lækjargötunni. Ökumaður missti stjórn á bifreið sinni með þeim afleiðingum að hún hafnaði á veggnum sem settur hefur verið upp utan um brunarústirnar á horni Lækjargötu og Austurstrætis.

Vinnustöðvun flugumferðarstjóra hafin

Vinnustöðvun Félags íslenskra flugumferðarstjóra hófst klukkan 7 í morgun og er ráðgert að hún standi í fjórar klukkustundir. Þegar rætt var við starfsfólk Flugstöðvar Leifs Eiríkssonar rétt fyrir átta fengust þau tíðindi að fjöldi farþega væri samankominn í flugstöðinni og biðu menn átekta.

Samfylkingin með meirihluta í borginni

Samfylkingin hlyti meirihluta í borgarstjórn Reykjavíkur, átta borgarfulltrúa, gengi það eftir sem fram kemur í könnun Félagsvísindastofnunar Háskóla Íslands. Morgunblaðið segir frá þessu í morgun en könnunin var framkvæmd fyrir Samfylkinguna dagana 2. - 22. júní.

Erill í miðborginni og eldur í Álfsnesi

Lögreglan á höfuðborgarsvæðinu hafði í ýmsu að snúast í nótt, að sögn vakthafandi varðstjóra. Borgarbúar nutu mikillar veðurblíðu og var margt um manninn í miðbænum enda komið fram á þann tíma að margir eru í sumarfríi. Nokkuð var um ölvun og háreysti að sögn lögreglu, tveir voru teknir grunaðir um ölvun við akstur og einn gisti fangageymslur.

Mátti ekki mynda undirskrift

Ljósmyndaranum Gunnari V. Andréssyni var meinað að mynda þegar skrifað var undir viljayfirlýsingu ríkisstjórnarinnar, Alcoa og Norðurþings í Iðnaðarráðuneytinu í morgun.

Lýsa eftir vitnum að dauðaslysi

Lögreglan á höfuðborgarsvæðinu óskar eftir vitnum að dauðaslysinu á Hafnarfjarðarvegi við Kópavogslæk.

Búið að flýta flugi til Barcelona

Sigurður Valur Sigurðsson, verkefnastjóri hjá Iceland Express, hvetur farþega til að fylgjast vel með flugi frá landinu vegna fyrirhugaðs verkfalls flugumferðarstjóra. Flugi til Barcelona hefur verið flýtt vegna málsins.

Vill bráðabirgðalög á aðgerðir flugumferðarstjóra

Markaðsstjóri Flugfélags Íslands vill að sett verði bráðabirgðalög á aðgerðir flugumferðarstjóra. Forseti Íslands er ekki á landinu til að undirrita slík lög en forsætisráðherra sem verið hefur í útlöndum er væntanlegur til starfa í fyrramálið. Ríkisstjórnin mun þá funda um málið

Engin sátt í tölvupóstmáli Jónínu

Stjórnvöld ætla ekki að leita sátta í máli Jónínu Benediktsdóttur gegn íslenska ríkinu og því er líklegt að málið verði tekið fyrir hjá Mannréttindadómstóli Evrópu innan tíðar.

Neðanjarðarlest betri kostur

Dýr göng og lestarkerfi gætu þýtt að ríkið tæki upp vegatolla. Verkfræðingar í Háskóla Íslands vilja hins vegar sjá alvöru skoðun á lagningu neðanjarðarlesta

Útsvarstekjur borgarinnar minnka um 700-800 milljónir á árinu

Útsvarstekjur borgarinnar á árinu verða 700-800 milljónum króna minni en áætlað var. Þetta segir í minnisblaði sem borgarhagfræðingur lagði fram á borgrráðfundi í dag. Borgarráð lýsir yfir áhyggjum af breyttum efnahagshorfum.

Hvetur farþega til að fylgjast með brottförum á morgun

Þar sem enn er óljóst hvort af verkfalli flugumferðarstjóra verður í fyrramálið og hvaða flug verður hugsanlega fyrir röskun ef af því verður hvetur Icelandair þá sem eiga bókað flug hjá félaginu á morgun að fylgjast með upplýsingum á textavarpi og vefmiðlum sem birta komu- og brottfarartíma í Leifsstöð.

Tveir menn á sextugsaldri teknir ölvaðir og próflausir

Lögreglan á höfuðborgarsvæðinu stöðvaði í gær tvo menn á sextugsaldri fyrir ölvunarakstur.

Stjórnsýsluúttekt á OR á lokastigi

Borgarráð samþykkti á fundi sínum í dag að stjórnsýsluúttekt innri endurskoðunar á Orkuveitu Reykjavíkur yrði fyrst kynnt í stjórn Orkuveitunnar og fulltrúum eigenda áður en hún yrði tekin fyrir í borgarráði.

Höfuðpaurinn í kókaínmálinu segir dóminn hlægilegan

„Ég var pottþéttur á sýknu og er eiginlega bara ennþá hlæjandi því þetta er of fyndið til að vera satt,“ segir Anton Kristinn Þórarinsson sem var dæmdur í tveggja ára fangelsi í Héraðsdómi Reykjavíkur í dag. Anton var talinn höfuðpaurinn í málinu en fimm menn voru dæmdir fyrir smygl á um 700 grömmum af sterku kókaíni. Anton neitaði staðfastlega aðild sína að málinu sem hann segir hlægilegt í samtali við Vísi.

Lýst eftir vitnum að banaslysi í Kópavogi

Lögreglan lýsir eftir vitnum að banaslysi sem varð við Hafnarfjarðarveg við Kópavogslæk aðfaranótt laugardags 21. júní. Fólksbifreið valt með þeim afleiðingum að farþegi í bifreiðinni lést.

Milljónatjón í bruna í húsnæði ÍAV

Milljónatjón varð í brunanum á verkstæði verktakafyrirstækisins ÍAV við Hofsgötu í Njarðarvík í dag eftir því sem framkvæmdastjóri sölu- og markaðssviðs fyrirtækisins segir.

Búkolla brann í Njarðvík

Stór vinnuvél, sem oft er nefnd Búkolla, eyðilagðist í bruna á bifreiðaverkstæði ÍAV við Hofsgötu í Njarðvík í dag.

Akrein lokað til að auka öryggi á Miklubraut

Á Miklubraut er unnið að lagningu nýrrar sérakreinar fyrir strætisvagna á norðurakbraut . Til að auka öryggi vegfarenda og starfsmanna á framkvæmdatíma verður akrein næst framkvæmdastað lokað.

Ragna móðir Ellu Dísar: „Hélt hún myndi deyja“

Ragna Erlendsdóttir móðir hinnar tveggja ára gömlu Ellu Dísar sem Vísir hefur fylgst með undanfarið er nú stödd í London með stelpuna. Ragna upplifið versta dag lífsins þegar Ella hætti skyndilega að anda og sjúkrabíllinn virtist aldrei ætla að koma. Ella er á görgæsludeild í London og byrjar seinna í dag í lyfjameðferð við sjálfsofnæmi, sem er þó ekki staðfest að hún sé með.

Ábendingar til Samkeppniseftirlitsins fimmfaldast milli ára

Fjöldi þeirra ábendinga sem Samkeppniseftirlitinu bárust frá almenningi og fyrirtækjum fimmfaldaðist á milli áranna 2006 og 2007. Þetta kemur fram í ársskýrslu eftirlitsins sem kynnt var í dag. Alls bárust 150 ábendingar í fyrra, flestar um nýja gátt á heimasíðu stofnunarinnar, en ábendingarnar voru 30 árið 2006.

Borgaði fimmtánfalt gjald í Framkvæmdasjóð aldraðra

Gjald sem maður borgar í framkvæmdasjóð aldraða er fast gjald, 7103 krónur á ári og innheimtist með öðrum sköttum. Frank Cassata, tölvunarfræðingur hjá CCP, lenti samt sem áður í því að frá þrjá reikninga síðasta haust sem hver fyrir sig var á bilinu 30-40 þúsund krónur. Voru engar aðrar skýringar á þessum reikningum nema rukkun fyrir Framkvæmdasjóð aldraðra.

Leggur til veigamiklar breytingar á stofnanakerfi samgöngumála

Ríkisendurskoðun leggur til að stjórnvöld kanni möguleika á því að gegra viðamiklar breytingar á stofnanaskipan samgöngumála hér á landi. Auk þess er lagt til að þróaðar verði aðferðir sem stuðla að hagkvæmari og árangursríkari samgönguframkvæmdum en hingað til hefur tíðkast að ráðast í.

Borgarráð staðfestir samkomulag við Heilsuvernarstöðina

Meirihluti borgarráðs segir ákvörðun velferðarráðs um að ganga til samninga við Heilsuverndarstöðina um rekstur heimilis með félagslegum stuðningi byggja á faglegum rökum.

Ölvuðum manni veitt eftirför

Lögreglan á Hvolsvelli veitti í gær ökumanni eftirför eftir að hann virti ekki stöðvunarmerkjum lögreglumanna.

Skilti vegna vegfar-anda

Rífa þak af bifreiðaverktstæði til þess að ráða niðurlögum elds

Slökkviliðsmenn frá Brunavörnum Suðurnesja í Reykjanesbæ berjast enn við eld sem kom upp í bifreiðaverkstæði ÍAV við Hofsgötu 49 í Njarðvík um hádegisbil.

Hugsanlega þarf að endurskoða reglur um ráðherrabíla

,,Það má velta fyrir sér hvort að skattareglurnar þurfi að endurskoða en ég hef ekki kynnt mér þær nægjanlega vel svo ég geti sagt nákvæmlega til um það," segir Gunnar Svavarsson, formaður fjárlaganefndar Alþingis.

Biðja ríkisstjórnina að hætta að svíkja loforð

Þingflokkur Vinstrihreyfinginnar - græns framboðs hefur sent frá sér yfirlýsingu þar sem skorað er á ríkisstjórnina að hætta þeim leiða ávana að svíkja kerfisbundið þau loforð sem þjóðinni eru gefin.

Sjö ungmenni stálu olíu í Eyjum

Lögreglan í Vestmannaeyjum upplýsti í gær þrjú þjófnaðarmál sem tilkynnt hafa verið til lögreglu á undanförnum þremur mánuðum.

Vill sjá ákvörðun um Bakka sem fyrst

Iðnaðarráðherra vonast til þess að yfirlýsing um rannsóknir á hagkvæmni þess að reisa álver á Bakka við Húsavík flýti fyrir framkvæmdum.

Sleginn með stól vegna deilna um gítar

Karlmaður var í Héraðsdómi Reykjavíkur í dag dæmdur í tveggja mánaða skilorðsbundið fangelsi fyrir að ráðast á annan mann og slá hann meðal annars með stól. Þá var hann dæmdur til að greiða fórnarlambinu um hundrað þúsund krónur í bætur.

Heróínsmyglari dæmdur í héraðsdómi

Karlmaður var dæmdur í fimm mánaða fangelsi fyrir þjófnað og fíkniefnalagabrot á síðasta ári. Maðurinn var meðal annars tekinn með heróín í Leifsstöð og í tólf önnur skipti greip lögreglan manninn með fíkniefni. Einnig stal hann trommusetti, stól, þremur lömpum, spegli og þremur tveggja lítra kókflöskum.

Vaktarabærinn endurgerður í upprunalegri mynd

Borgarráð samþykkti á fundi sínum í morgun afsal á fasteigninni Garðastræti 23 til Minjaverndar hf. og er gert ráð fyrir að kaupverð hússins verði innt af hendi með endurgerð þess í upprunalegri mynd í miðborg Reykjavíkur.