Landhelgisgæslan stóð Norðmenn að meintum ólöglegum veiðum

Þyrla Landhelgisgæslunnar, TF-GNÁ, stóð norska línuveiðiskipið Gayser Senior að meintum ólöglegum veiðum inni á lokuðu svæði í Skaftárdjúpi undan Suðausturlandi, við eftirlit í gærkvöld.

Fjöldauppsagnir yfirvofandi

Von er á fjöldauppsögnum í byggingariðnaði á næstu mánuðum ef fjármagn kemur ekki fljótlega inn á fasteignamarkaðinn. Þetta segir Árni Jóhannsson forstöðumaður mannvirkjasviðs hjá Samtökum Iðnaðarins.

Fyrsta útkallið frá Björgunarmiðstöð Árborgar

Slökkvilið Brunavarna Árnessýslu fór í sitt fyrsta útkall frá nýrri Björgunarmiðstöð Árborgar í gær, þegar liðið fékk útkall vegna sinubruna við Tjarnarbyggð.

Geta afþakkað fjölpóst

Íslandspóstur hefur tekið ákvörðun um að gefa neytendum kost á því á ný að panta lúgumiða sem afþakkar allan fjölpóst.

Ráðast í aðgerðir til þess að vinna gegn verðlagshækkunum

Ríkisstjórnin hefur samþykkt að veita fjórar milljónir króna til aðgerða sem miðað að því að stemma stigu við hækkun verðlags og þar með verðbólgu.

Enn hálka og snjór víða um land

Þrátt fyrir að sumardagurinn fyrsti hafi litið dagsins ljós er færð enn misjöfn á landinu.

Verðbólgan 11,8 prósent - hefur ekki verið meiri í 18 ár

Verðbólgan á Íslandi mældist 11,8 prósent í apríl eftir að vísitala neysluverðs hafði hækkað um 3,4 prósent á milli mánaða. Hefur hún ekki verið hærri í nærri átján ár.

Slasaður eftir umferðarslys á Patreksfirði

Ökumaður vélhjóls slasaðist, en þó ekki alvarlega þegar vélhjólið og jeppi lentu í árekstri á Patreksfirði í gærkvöldi.

Fjórir sinubrunar geysuðu í nótt á höfuðborgarsvæðinu

Fjórir sinueldar geysuðu á höfuðborgarsvæðinu frá því klukkan ellelfu í gærkvöldi og framundir klukkan tvö í nótt, en slökkviliðinu tókst að verja öll mannvirki.

Konan sem brenndist á Dalbraut er látin

Konan, sem brenndist alvarlega þegar eldur kom upp í húsakynnum aldraðra við Dalbraut 27 í Reykjavík síðdegis í gær, er látin.

Þurftu tvisvar að kalla út auka mannskap í dag

Jón Viðar Matthíasson slökkviliðsstjóri á höfuðborgarsvæðinu segir að tvisvar hafi þurft að kalla út auka mannskap í dag. Töluvert var að gera hjá Slökkviliðinu við að slökkva sinuelda auk þess sem stórt útkall kom vegna elds í þjónustuíbuð fyrir aldraða við Dalbraut 27.

Myndi ekki þiggja borgarstjórastólinn

Árni Sigfússon bæjarstjóri í Reykjanesbæ var gestur Sigmundar Ernis Rúnarssonar í Mannamáli nú í kvöld. Árni ræddi um uppbygginguna á Reykjanesi, ófarir Sjálfstæðisflokksins í Reykjavík og hugsanlegan borgarstjórastól.

Sakar oddvita A-lista um ósannindi

Grímur Atlason fráfarandi bæjarstjóri í Bolungarvík hefur sent frá sér yfirlýsingu í kjölfar yfirlýsingar A-listans sem birtist á Vísi fyrr í dag. Þar sakar Grímur Önnu Guðrúnu Edvardsdóttur oddvita A-listans um ósannindi sem hann segir ekki koma sér á óvart.

Fámennt í mótmælagöngu Sturlu

Sturla Jónsson talsmaður vörubílstjóra hefur skipt um gír í mótmælum sínum og gekk í dag með mótmælaspjald frá Húsi verslunarinnar að Alþingi.

Búið að slökkva eldinn á Dalbraut

Nokkuð greiðlega gekk að slökkva eld sem kom upp í íbúð aldraðra við Dalbraut í Reykjavík. Slökkviliðið fékk tilkynningu um eldinn klukkan 17:15 og korteri síðar var búið að ganga úr skugga um að enginn eldur væri í húsinu.

Alvarlegur trúnaðarbrestur orsökin í Bolungarvík

Alvarlegur trúnaðarbrestur er ein af ástæðum þess að uppúr slitnaði í meirihlutasamstarfi A-lista og K-lista í Bolungarvík. Fulltrúar A-lista hafa sent frá sér yfirlýsingu þar sem farið er yfir langan aðdraganda slitanna. Þar segir einnig að mikilvægt sé að þeir fulltrúar sem kosnir eða ráðnir eru til trúnaðarstarfa í opinberri stjórnsýslu gæti hófs í orðavali á opinberum vettvangi.

Annar sinubruni – nú í Garðabæ

Sinubruni kviknaði við Sjávargrund í Garðabæ fyrir stundu. Ekki er vitað hversu mikill bruninn er en slökkviliðið er að koma á staðinn. Þetta er annar sinubruni dagsins.

Búið að slökkva sinubrunann við Hvaleyrarvatn

Slökkviliðið á höfuðborgarsvæðinu er búið að slökkva sinubruna sem kom upp við Hvaleyrarvatn í dag. Töluvert svæði brann og náði eldurinn meðal annars að festa sig í trjám og gróðri sem var á svæðinu.

Sat uppi í sófa þegar kveikt var í jeppanum

Um miðnætti í gærkvöldi var kveikt í glænýjum ellefu milljóna króna Volkswagen Toureg jeppa við Naustabryggju í Grafarvogi. Benjamín Þór Þorgrímsson eigandi bílsins segist hafa verið uppi í sófa þegar hann heyrði lætin. Bíllinn var keyrður 30 þúsund kílómetra.

Mikill sinubruni við Hvaleyrarvatn

Slökkviliðið á höfuðborgarsvæðinu er nú að berjast við mikinn sinubruna við Hvaleyrarvatn í Hafnarfirði. Eldurinn er töluverður og eru um 10 slökkviliðsmenn á staðnum.

Kínverjar styðja framboð Íslands til Öryggisráðsins

Ingibjörg Sólrún Gísladóttir utanríkisráðherra var gestur í Silfri Egils Helgasonar fyrir stundu. Fór hún um víðan völl og ræddi meðal annars um evrópusambandsaðild, öryggisráðið og íslensku krónuna. Ingibjörg sagði Kínverja styðja framboð Íslands til Öryggisráðsins.

Borgarstjóri ekki starfi sínu vaxinn

Í kvöldfréttum í gær sagði borgarstjóri að fyrirætlanir Tjarnarkvartettsins um að efla mannréttindaskrifstofu borgarinnar hafi verið tilraun til að þenja út stjórnkerfið. Hann sagði jafnframt að starfsemi skrifstofunnar hafi verið óljós og illa skilgreind. Verkefni skrifstofunnar séu ekki jafn brýn og að tryggja velferð og góða þjónustu við borgarbúa.

Ætlar að ganga í bæinn og mótmæla

Sturla Jónsson talsmaður vörubílstjóra undanfarinna vikna ætlar að mótmæla háu bensínverði, hvíldartíma og fleiru í dag. Sturla hefur verið öflugur í mótmælunum og hefur hingað til mótmælt á vörubílnum sínum. Nú hefur honum verið lagt og ætlar Sturla að labba í bæinn.

Aftur ráðist á öryggisvörð í Austurstræti

Ráðist var á öryggisvörð í verslun 10-11 í Austurstræti klukkan hálf sex í morgun. Öryggisvörðurinn sem var á sinni síðustu vakt hafði afskipti af tveimur ölvuðum karlmönnum á þrítugsaldri sem voru með skrílslæti inni í versluninni þegar annar þeirra kýldi hann í andlitið og braut í honum tönn.

Hvannadalshnjúkur í beinni útsendingu

Um áramótin síðustu var hafinn undirbúningur að ferð starfsmanna á Hvannadalshnjúk og var stefnt að því að gangan yrði farin helgina 25-26 apríl. Einn fremsti fjallamaður landsins, Haraldur Örn Ólafsson, var af þessu tilefni fenginn til liðs við hópinn bæði í undirbúningnum og í gönguna sjálfa.

Ástþór ætlar ekki í forsetaframboð

Ástþór Magnússon fyrrum forsetaframbjóðandi birtir mikla auglýsingu í Fréttablaðinu í morgun. Þar fer hann yfir árangur af starfi fyrrum forsetaframboða sinna og ræðir síðan um komandi forsetakosningar í sumar. Ástþór ætlar ekki að taka þátt.

Glæsijeppi gjörónýtur í Grafarvogi

Eldur kom upp í VW Toureg glæsijeppa sem stóð við Naustabryggju í Grafarvogi laust fyrir miðnætti í gær. Bíllinn er gjörónýtur og var dreginn burtu af vettvangi.

Rotaður í Reykjanesbæ

Tvær líkamsárásir voru tilkynntar til lögreglu í nótt. Báðar áttu sér stað í miðbæ Reykjanesbæjar. Í öðru tilfellinu var maður sleginn niður utan við skemmtistað þannig að hann lá rotaður á eftir.

Brenndist í andliti í slysi í sorpeyðingarstöð

Starfsmaður í sorpeyðingarstöðinni Kölku í Reykjanesbæ brenndist í andliti um miðjan dag í dag þegar hann var að draga járn úr ofni

Ágúst: ,,Ég sá rautt"

Ágúst Fylkisson, sem réðst á lögregluþjón við Kirkjusand á fimmtudag, segist hafa misst stjórn á skapi sínu vegna þess að hann fékk ekki afhenta kylfu sem lögregla tók af honum á staðnum. Þetta kemur fram á heimasíðunni Samtaka.net þar sem Ágúst biðst afsökunar á framferði sínu.

Árni Johnsen: Persónulegt skítkast

Árni Johnsen alþingismaður segist hafa lítið um væntanlega kæru aðstoðarvegamálastjóra á sig að segja. Gunnar Gunnarsson, aðstoðarvegamálastjóri, tilkynnti í dag að hann ætlaði að kæra Árna til lögreglu fyrir ummæli sem hann lét falla í grein í Morgunblaðinu í dag.

Erill hjá slökkviliðinu í dag

Töluvert hefur verið fyrir slökkviliðsmenn í borginni að gera í dag. Þrisvar þurftu þeir að sinna útköllum vegna sinubruna. Vel gekk að eiga við þá og tjón varð lítið sem ekkert. Slökkvilið var einnig kallað til vegna manns sem hafði farið upp á þak og neitaði að koma niður. Slökkviliðsmenn þurftu því ásamst lögreglu að ná honum niður á jörðina og gekk það áfallalaust fyrir sig.

Vorhreinsun í Reykjavík

Nú er kominn tími til að setja upp hanskana og munda skóflurnar, að minnsta kosti hjá Reykvíkingum, því það er komið að árvissri vorhreinsunarviku í Reykjavík.

Þrjúhundruð tóku þátt í flugslysaæfingu í Eyjum

Hátt á þriðja hundrað manns tók þátt í viðamikilli flugslysaæfingu í Vestmannaeyjum í dag. Fulltrúar allra hópa sem koma að aðgerðum eftir stórslys tóku þátt í æfingunni.

Rúmlega hundrað hætta á Landspítala eftir fimm daga

Landspítalinn háskólasjúkrahús getur ekki starfað eftir neyðaráætlun í langan tíma segir sviðsstjóri hjúkrunar á spítalanum, en yfir hundrað hjúkrunarfræðingar og geislafræðingar ganga út af spítalanum eftir fimm daga hafi ekki samist í deilunni.

Matti Vanhanen í opinbera heimsókn

Matti Vanhanen, forsætisráðherra Finnlands, kemur í opinbera heimsókn til Íslands á mánudag. Þetta kemur fram á finnskri fréttasíðu. Vanhanen verður hér á landi í tvo daga og mun hann hitta Geir Haarde, forsætisráðherra og forsvarsmenn íslenskra fyrirtækja með starfsemi í Finnlandi.

Skorað á samgönguráðherra

Félag Vinstri Grænna í Stykkishólmi skorar á Samgönguráðherra að ganga nú þegar til samninga við Sæferðir vegna ferða Breiðafjarðarferjunnar Baldurs yfir Breiðafjörð milli Stykkishólms og Brjánslækjar. Þetta kemur fram í tilkynningu frá félaginu.

Aðstoðarvegamálastjóri ætlar að kæra Árna Johnsen

Gunnar Gunnarsson, aðstoðarvegamálastjóri, ætlar að kæra Árna Johnsen alþingismann til lögreglu fyrir ummæli sem Árni viðhefur í Morgunblaðinu í dag. Gunnar segir vegið að sér sem opinberum starfsmanni og lögfræðingi. Í greininni lætur Árni að því liggja að Gunnar hafi verið skipaður í nefnd um samgöngur til Vestmannaeyja með það að markmiði að fá fram vilja fyrrverandi samgönguráðherra Sturlu Böðvarssonar í málinu.

„Ég hélt að ég væri að missa sjónina“

Brennuvargur, einn eða fleiri, var á ferð í Árbænum í nótt þar sem kveikt var í blaðabunkum fyrir utan tvo stigaganga í Hraunbænum. Þetta er enginn fíflagangur, heldur glæpamennska, segir kona sem býr í öðrum stigaganginum.

Skáld í sundi

Nú á þriðja degi sumars í blíðskaparveðri er tilvalið að fara í Seltjarnarneslaug og hlýða á þjóðþekkt skáld lesa upp úr bókmenntaverkum sínum í lauginni í allan dag. Bókmenntadagskráin sem nefnist Lesið í lauginni er í tilefni af alþjóðlegri viku bókarinnar og er haldin á vegum Seltjarnarnessbæjar, Forlagsins og World Class.

Mannlaus mannréttindastofa

Mannréttindaskrifstofa Reykjavíkurborgar verður mannlaus eftir fimm daga. Þá hættir Þórhildur Líndal sem gegnt hefur starfi mannréttindastjóra í eitt og hálft ár.

Andrésar andar leikarnir í Hlíðarfjalli

716 börn renna sér á skíðum þessa dagana í Hlíðarfjalli en Andrésar andar leikarnir standa nú sem hæst. Sumir nota töfraáburð á skíðin sín til að ná sem bestum árangri.

Listræn feðgin sýna í ráðhúsinu

Feðginin Karl Austann, Jóhann Smári Karlsson og Sigrún Linda Karlsdóttir halda samsýningu í Ráðhúsi Reykjavíkur. Sýningin opnar í dag klukkan tvö og stendur fram til ellefta maí.

Undrast verðmætamat meirihlutans

Óskar Bergsson, borgarfulltrúi Framsóknarflokksins í Reykjavík undrast verðmætamat meirihlutans í borginni. Hann bendir á að eitt glæsilegasta hús landsins, Fríkirkjuvegur 11, hafi verið selt fyrir litlu hærri upphæð en kostaði að greiða fyrir húsin á Laugavegi 4-6. Hann segir blasa við að meirihlutinn hafi notað almannafé til þess að „kaupa ónýt hús fyrir 580 milljónir og fjármagna þau kaup með sölu á einu glæsilegasta og virðulegasta húsi borgarinnar

Ísskápur sprakk í Vesturbænum

Innréttingar losnuðu af veggjum, hurðir fuku og sprungur mynduðust í vegg þegar 6 ára gamall Bloomberg ísskápur sprakk með látum í Vesturbænum í nótt.