Óveður veldur tjóni við Selfoss

Bíll fór út af Skeiðarvegi norðan við Flúðir rétt fyrir klukkan þrjú í dag. Ökumaður slasaðist ekki alvarlega, samkvæmt upplýsingum lögreglunnar á Selfossi. Þá fauk bíll, sem var með tóma hestakerru, út af veginum undir Ingólfsfjalli um þrjúleytið í dag. Mikið hvassviðri er á Selfossi þessa stundina og stendur lögregla í ströngu við að bjarga ýmsum lausamunum sem fjúka um bæinn og geta skapað tjón.

Eftirlýstur maður gaf sig fram

Maðurinn sem lýst var eftir í gær, grunaður um kynferðisbrot, gaf sig fram við lögreglu seint í gærkvöld. Að sögn lögreglu var ekki talin ástæða til að halda manninum og var hann því látinn laus að lokinni skýrslutöku. Þetta kom fram í kvöldfréttum Stöðvar 2.

Óttast um afdrif 200 nautgripa

Mikill eldur kom upp í fjósi við Stærri-Árskóga í Eyjafirði rétt fyrir klukkan fimm í dag. Vegna mikilst hvassviðris gengur erfiðlega að slökkva eldinn og hefur hann nú læst sig í hlöðu sem er tengd fjósinu. Lögreglan á Akureyri segir að um 200 nautgripir hafi verið í fjósinu og óttast er að þeir hafi allir orðið eldinum að bráð. Bæði Slökkvilið Akureyrar og Slökkviliðið á Dalvík eru á vettvangi.

Fáfnismenn enn við Frakkastíg

Eigendur húsnæðisins við Frakkastíg og Hverfisgötu, þar sem vélhjólaklúbburinn Fáfnir heldur til, eru byrjaðir að ræða við Fáfnismenn um að þeir yfirgefi húsið.

OR tekur í notkun nýja aflvél

Orkuveita Reykjavíkur tekur í dag formlega í notkun nýja aflvél í Hellisheiðarvirkjun, sem mun spara fyrirtækinu 700 milljónir króna árlega í raforkukaupum fyrir almennan markað, samkvæmt upplýsingum frá Orkuveitunni.

Vara-utanríkisráðherra Bandaríkjanna hitti Musharraf

John Negroponte, vara-utanríkisráðherra Bandaríkjanna, hitti Pervez Musharraf, forseta Pakistan, á tveggja klukkustunda löngum fundi í dag. Á fundinum hvatti Negroponte forsetann til að leggja sitt af mörkum til þess að koma á friði í landinu, afnema neyðarlög og undirbúa frjálsar kosningar.

Dregið úr kolmunnaveiðum

Þriðja árið í röð verður dregið úr kolmunnaveiðum. Þetta var ákveðið á ársfundi Norðaustur-Atlantshafs fiskveiðinefndarinnar sem lauk í Lundúnum í gær.

Síldinni mokað upp úr Grundarfirði

Síldarævintýrið á Grundarfirði heldur áfram og nú sem aldrei fyrr. Nótaveiðiskipið Guðmundur VE náði í gær 2000 tonna síldarkasti rétt fyrir utan byggðarlagið.

Kosið um sameiningu í Suður-Þingeyjarsýslu

Kosið er í dag um sameiningu þriggja sveitarfélaga í Suður-Þingeyjarsýslu, Aðaldælahrepps, Skútustaðahrepps og Þingeyjarsveitar.

Forsetinn hefur frumkvæði af forvarnardegi

Miðvikudaginn 21. nóvember verður haldinn Forvarnardagur í öllum grunnskólum landsins. Í 9. bekkjum verður dagskrá helguð baráttunni gegn fíkniefnum þar sem áhersla er lögð á uppbyggilegar forvarnir og þátttöku ungmennanna sjálfra.

Vinur McCann hjónanna þjakaður af sektarkennd

Vinur McCann hjónanna hefur nú stigið fram og segist hafa séð þegar Madelaine litla McCann var numin á brott. Hún segist nú þjökuð af sektarkennd fyrir að hafa ekki aðhafst neitt í málinu.

Fulltrúar eigenda OR hittast aftur eftir viku

Á eigendafundi Orkuveitu Reykjavíkur, sem fram fór fyrr í kvöld, voru teknar aftur ákvarðanir á umdeildum eigendafundi 3. október sl. varðandi samruna Reykjavik Energy Invest og Geysis Green Energy.

Bílslys á Suðurlandsvegi: Maður á áttræðisaldri lést

Á slaginu klukkan 18:00 í kvöld var jepplingi ekið í veg fyrir flutningabíl á Suðurlandsvegi til móts við Heiðmerkurafleggjara. Karlmaður á áttræðisaldri lést í slysinu.

Sigurbjörn Einarsson hlýtur Verðlaun Jónasar Hallgrímssonar

Þorgerður Katrín Gunnarsdóttir menntamálaráðherra veitti nú í kvöld herra Sigurbirni Einarssyni biskupi Verðlaun Jónasar Hallgrímssonar 2007.

Keyrt á tólf kindur við Skinnastaði

Fyrir stundu drápust tólf kindur rétt sunnan við Blönduós á móts við Skinnastaði. Tveir bílar sem komu úr gagnstæðri átt fóru í gegnum hópinn með þeim afleiðingum að tólf kindur drápust.

Lögregla hefur ekki enn fundið manninn

Lögreglan á höfuðborgarsvæðinu hefur ekki enn fundið karlmann sem hún leitar að í tengslum við rannsókn á árás í miðborg Reykjavíkur. Lögreglan hefur birt mynd af manninum úr öryggismyndavél í miðbænum.

GGE: Vonast til þess að gerðir verði nýir samningar

Á eigendafundi Orkuveitu Reykjavíkur nú í kvöld var samþykkt borgarráðs frá því í morgun staðfest. Það hefur því formlega verið ákveðið að fallið verði frá samruna Geysi Green Energy og Reykjavík Energy Invest.

Eldur logar um alla sveit og andstaðan hörð í Flóa

Sveitarstjórn Flóahrepps hefur hvorki látið Landsvirkjun hóta sér né kúga til að setja Urriðafossvirkjun á aðalskipulag, segir sveitarstjóri hreppsins. Talsmaður Sólar í Flóa segir eld loga um alla sveit vegna ákvörðunar sveitarstjórnar og andstaðan verði harðari en nokkru sinni fyrr.

Íbúðaverð í borginni hefur hækkað um 17% á einu ári

Íbúðaverð á höfuðborgarsvæðinu hækkaði um 2,8% í október, samkvæmt tölum frá Fasteignamati ríksins, og nemur tólf mánaða hækkun 16,7%.

Lögreglumenn vilja YouTube vopn

„Það er vilji Landssambands lögreglumanna að skoða möguleika á því að taka upp þessar taser byssur," segir Steinar Adolfsson, framkvæmdastjóri Landssambandsins, um svokallaðar taser byssur. Hann segir að setja þyrfti nákvæmar reglur um meðferð slíkra tækju yrðu þau tekin til notkunar.

Fáum allt að hálfrar milljón tonna afla úr deilistofnum

Veiðar Íslendinga á deilistofnum á Norðaustur Atlantshafi gætu numið allt að hálfri milljón tonna á næsta ári. Þetta kemur fram í frétt sjávarútvegsráðuneytisins um ársfund Norðaustur-Atlantshafs fiskveiðinefndarinnar, NEAFC sem lauk í dag.

Blysför í tilefni dagsins

Degi íslenskrar tungu var víða fagnað í dag. Á leikskóla í Hafnarfirði voru sungin lög eftir Megas og blysför var farin frá Háskóla Íslands.

Forsetinn: Tvítyngi kemur ekki til greina

Jónasarstofa var opnuð á Hrauni í Öxnadal í dag á 200 ára afmæli skáldsins. Forseti Íslands telur tvítyngi ekki koma til greina hér á landi, enda sé staða íslenskunnar sterk.

Haft í hótunum

Bandarískur talsmaður þjóðernishyggju - sem hvetur til ofbeldis gegn minnihlutahópum - segir marga Íslendinga aðhyllast skoðanir sínar. Höfundar íslenskrar vefsíðu sem hann hýsir hafa í hótunum við nafngreint fólk á síðunni. Fréttamanni Stöðvar tvö var hótað þegar óskað var eftir viðtali.

Litháar áfram í farbanni vegna þjófnaðarmála

Hæstiréttur staðfesti í dag farbannsúrskurð yfir fjórum Litháum sem grunaður eru um umfangsmikinn þjófnað í verslunum á höfuðborgarsvæðinu.

Áfram í gæsluvarðhaldi vegna gruns um morð

Hæstiréttur staðfesti í dag gæslvarðhaldsúrskurð héraðsdóms yfir manni sem grunaður er um að hafa orðið öðrum manni að bana í fjölbýlishúsi við Hringbraut í byrjun október.

Einkaleyfi Háskólans til útgáfu almanaks afnumið

Menntamálaráðherra hyggst leggja fram frumvarp á Alþingi um að einkaleyfi Háskóla Íslands til útgáfu almanaks verði afnumið.

Slökkvilið kallað að fjölbýlishúsi í Kópavogi

Slökkvilið höfuðborgarsvæðisins var kallað að fjölbýlishúsi við Álfatún í Kópavogi laust fyrir klukkan fjögur í dag. Þar hafði húsráðandi gleymt potti á eldavél.

Svandís kjörin varaformaður Sambands sveitarfélaga

Svandís Svavarsdóttir, oddviti Vinstri - grænna í borgarstjórn, var kjörin varaformaður Sambands íslenskra sveitarfélaga á stjórnarfundi sambandsins í dag.

Búist við stórhríð fyrir norðan

Horfur eru á norðan stórhríð á Norðaustanlandi með ofankomu. Það gæti orðið illfært um vegi á Norðaustur- og Austurlandi þegar líður á daginn.

Breytingar í heilbrigðisráðuneytinu

Nýtt starfsskipulag tók gildi í heilbrigðis- og tryggingamálaráðuneytinu í dag þar sem skrifstofum ráðuneytisins var skipt í verkefnasvið með tiltekið skilgreint hlutverk.

Óvíst um lóðina sem Alcan keypti af Hafnarfirði

Stjórnendur Alcan eru ekkert farnir að velta fyrir sér hvað verður um lóðina sem þeir keyptu af Hafnafjarðarbæ, undir sækkum álversins í Straumsvík.

Varað við grjóthruni á Siglufjarðarvegi

Vegagerðin varar við grjóthruni á Siglufjarðarvegi vegna mikils vatnsveðurs fyrir norðan.

Lögregla lýsir eftir manni

Lögreglan á höfuðborgarsvæðinu leitar nú að karlmamanni í tengslum við rannsókn á árás í miðborg Reykjavíkur og hefur birt mynd af honum úr öryggismyndavél.

Rannsókn lokið á E.Coli faraldri

Sóttvarnalæknir hefur lokið rannsókn á E.Coli smiti sem varð til þess að níu einstaklingar sýktust af bakteríunni hér á landi í byrjun september. Talið er líklegt að fólkið hafi smitast eftir að hafa borðað innflutt salat frá Hollandi.

Horfir til landauðnar innan velferðarþjónustunnar

Ef starfsfólki í almannaþjónustu verður ekki greitt kaup og búið að því eins og best gerist á launamarkaði horfir til landauðnar á mikilvægum sviðum velferðarþjónustunnar.

Aukning á HIV-sýkingu á Íslandi í tengslum við fíkniefnaneyslu

Lifrabólgu B og HIV-sýkingum í tengslum við fíkniefnaneyslu hefur fjölgað hér á landi á þessu ári samkvæmt Farsóttafréttum sóttvarnalæknis. Aukningin stafar fyrst og fremst af auknu smiti meðal Íslendinga.

Helmingur kynferðisbrota á heimili eða einkalóð

Helmingur kynferðisbrota sem kærð voru á fyrstu tíu mánuðum ársins áttu sér stað á heimili eða einkalóð samkvæmt bráðabirgðatölum úr afbrotatölfræði Ríkislögreglustjóra í október.

Fjölga móttökustöðvum umsókna um vegabréf

Utanríkisráðuneytið hefur tekið í notkun nýja færanlega móttökustöð sem fjölgar þeim stöðum erlendis þar sem hægt er að sækja um íslensk vegabréf. Þetta kemur fram í tilkynningu frá ráðuneytinu. Umsóknarstöðum fækkaði töluvert þegar rafræna vegabréf voru tekin upp fyrir nokkrum árum.

Sala á kindakjöti minnkar milli ára

Sala á kindakjöti dróst saman um nærri fimm prósent á þriðja ársfjórðungi eftir því sem segir á vef Landssambands sauðfjárbænda

Íslenskunemar eftirsóttir í íslenskukennslu fyrir útlendinga

Íslenskuskor Háskóla Íslands hyggst bjóða upp á hagnýtt námskeið í íslenskukennslu fyrir útlendinga á vorönn vegna þess hve nemendur skorarinnar eru orðnir eftirsóttir sem íslenskukennarar hjá fyrirtækjum. Námskeiðið er sett á laggirnar að frumkvæði nemenda.

Fljúga með börn með krabbamein í skemmtiferðir

Icelandair og Styrktarfélag krabbameinssjúkra barna undirrituðu í dag fimm ára samstarfssamning um að flugfélagið fljúgi með börn á vegum samtakanna í ævintýraferðir til útlanda.

Íslendingar hlusta ekki á Seðlabankann

Velta í dagvöruverslun, þ.e. verslun með matvörur og aðrar heimilisvörur, jókst um 10,5% í október síðastliðnum miðað við sama mánuð í fyrra á breytilegu verðlagi. Þetta kemur fram á vef Rannsóknarseturs verslunarinnar.

Svandísarmálið úr sögunni og samrunanum hafnað

Samþykkt var á aukafundi í borgarráði í dag að fara að tillögum stjórnar OR að hafna samruna REI og Geysir Green Energy. Jafnframt var borin upp tillaga um að leita sátta í Svandísarmálinu svokallaða en Svandís Svavarsdóttir borgarfulltrúi VG hefur höfðað mál sem skera átti úr um lögmæti eigendafundarins hjá OR þegar sameining fyrirtækjanna var samþykkt.

Fengu nýja bók um þjóðskáldið

Forseti Íslands færði nemendum Þelamerkurskóla í Hörgárbyggð fyrstu eintökin af nýrri bók um Jónas Hallgrímsson í dag.