Geir telur fráleitt að Sturla segi af sér vegna Grímseyjarferjumálsins

Geir H. Haarde forsætisráðherra sagði í hádegisviðtalinu á Stöð 2 að hann teldi fráleitt að Sturla Böðvarsson fyrrum samgönguráðherra segði af sér sem forseti alþingis vegna Grímseyjarferjumálsins. Geir sagði að Sturla hefði treyst Vegagerðinni og ekki gefið nein fyrirmæli sem leiddu til þeirrar stöðu sem er á málinu nú.

Um 10 þúsund aðkomumenn á Ljósanótt

Ljósanótt í Reykjanesbæ hefur farið friðsamlega fram að sögn lögreglu, fyrir utan nokkur ölvunartilfelli og minniháttar líkamsárás. Hótel í bænum eru yfirfull og svæði fyrir hjólhýsi og húsbíla hefur verið sjöfaldað. Búist er við að mannfjöldinn verði yfir 40 þúsund í kvöld en tæplega 10 þúsund manns hafa komið í bæinn vegna hátíðarinnar.

Hvað kostar heilbrigðisþjónusta eftir einkavæðingu?

Vinstri grænir vilja að rannsakað verði hvaða afleiðingar markaðsvæðing heilbrigðisþjónustu hefur haft á þjónustuna sjálfa og kostnaðinn. Þetta var samþykkt á flokksráðsfundi á Flúðum í gær. Hingað til hafa afleiðingar þessara breytinga ekki verið skoðaðar hér á landi.

VG vill afdráttarlaust að Orkuveitan sé almenningseign

Á flokksráðfundi VG sem nú stendur yfir var samþykkt ályktun sem kveður á um að VG vill afdráttarlaust að Orkuveita Reykjavíkur sé áfram í almenningseign. "Það er afdráttarlaus afstaða Vinstrihreyfingarinnar - græns framboðs að samfélagsþjónustan, þar með talin Orkuveita Reykjavíkur, eigi að vera í eigu almennings. Af því verður ekki gefinn afsláttur undir nokkrum kringumstæðum." segir m.a. í ályktunni.

Ekki hægt að misnota áframtengingu úr læstum síma

Síminn hefur sent frá sér tilkynningu vegna fréttar Sjónvarpsins þess efnis að hringt hefði verði í 118 úr síma sem var með læsingu á símtöl í farsíma til þess að fá áframtengingu við farsímanúmer. Segir m.a. í henni að ekki sé hægt að misnota þjónustu 118 á þennan hátt.

Íþróttahöllin við Vallakór tekið í notkun í dag

Nýja íþróttahöllin við Vallakór í Vatnsendahverfi verður tekið í notkun við hátíðlega athöfn kl. 14 í dag með ávarpi Gunnars Birgissonar bæjarstjóra. Jafnfram verður greint frá úrslitum í samkeppni um nafn á höllina.

Góður vöxtur á trjágróðri

Góður vöxtur hefur verið á trjágróðri í sumar um allt land þrátt fyrir ótta manna um að þurrkar gætu haft alvarleg áhrif á vöxtinn. Í einstaka tilfellum hefur þurrkur þó hægt á vexti, sérstaklega þar sem jarðvegur er gljúpur og þurrsækinn. Þetta kemur fram á fréttavefnum Skessuhorni.

Hannes efstur á Íslandsmeistaramótinu í skák

Stórmeistarinn Hannes Hlífar Stefánsson hélt áfram sigurgöngu sinni á Íslandsmeistaramótinu í skák en hann vann Davíð Kjartansson í fjórðu umferð, sem fram fór í gærkvöldi og hefur 3,5 vinning, vinningi meira en næstu menn. Í 2.-3. sæti koma Þröstur Þórhallsson og Stefán Kristjánsson.

Ljósanóttin friðsæl það sem af er helginni

Ljósanóttin í Reykjanesbæ hefur farið fram á friðsælan hátt það sem af er helginni. Samkvæmt upplýsingum lögreglunnar gisti aðeins einn maður fangageymslur hennar í nótt vegna ölvunnar og einn var tekinn vegna ölvunaraksturs.

Ríkisskattstjóri boðar róttækar breytingar á skattframtali

Stefnt er að því að sem flestir einstaklingar sleppi við að skila skattframtali og skattyfirvöld telji fram fyrir þá. Ríkisskattstjóri hyggst skera upp herör gegn því að fólk og fyrirtæki skili ekki skattframtali sínu.

Nýr búðaklasi mun rísa á Laugavegi

Arkitektar munu fyrir lok þessa mánaðar skila hugmyndum að hönnun nýbyggingar við Laugaveg 17 til 21 og reitnum þar fyrir aftan að Smiðjustíg.

Sögulegar sættir á íslenskum bókamarkaði

„Já, þú mátt alveg kalla það sögulegar sættir. Ég myndi kannski ekki hafa orðið „sögulegt“ um þetta en þetta er merkilegt og vonandi farsælt skref,“ segir Halldór Guðmundsson, væntanlegur stjórnar­formaður Forlagsins, nýrrar bókaútgáfu.

Stefnt í lífshættu af sambýlismönnum

Þrjár konur sem leitað hafa aðstoðar Áfallamiðstöðvar eru taldar í stöðugri lífshættu vegna ofbeldis sambýlismanns. Fjórðungur kvenna hefur orðið fyrir ofbeldi. Gerandi ofbeldis gagnvart konum er oftast einhver nákominn þeim.

Fjölmenni á Ljósanótt

Mikið fjölmenni kom saman á Ljósanótt í Reykjanesbæ í kvöld. Að sögn lögreglu hefur allt gengið að óskum. Fólk sem Vísir talaði við í kvöld segir að líklega hafi hátt í sex þúsund manns komið saman í miðbænum þegar mest var.

Vilja láta reka heilu innflytjendafjölskyldurnar úr landi

Stærsti stjórnmálaflokkur Sviss hefur boðað mjög umdeilda lagasetningu sem gerir yfirvöldum kleift að senda heilu innflytjendafjölskyldurnar úr landi gerist einn fjölskyldumeðlimurinn brotlegur við lög.

Lögreglukona slasaðist í átökum í Hafnarfirði

Lögreglukona slasaðist í átökum við ölvaðan mann við verslunarmiðstöðina Fjörðinn í Hafnarfirði um klukkan sex í dag. Konan fór á slysadeild þar sem gert var að sárum hennar. Að sögn lögreglu kemur í ljós á morgun hve alvarleg meiðslin eru en óttast er að sprunga hafi myndast í kjálka.

Endurskoðun vatnalaga stóð alltaf til

Össur Skarphéðinsson segist ekki kippa sér upp við gagnrýni Sigurðar Kára Kristjánssonar þingmanns á endurskoðun vatnalaga sem nú er í gangi í iðnaðarráðuneytinu. Össur bendir á að alltaf hafi staðið til að skipa nefnd sem endurskoða átti lögin. Nefndin hafi aldrei verið skipuð og því færi vinnan nú fram.

Bíll festist í Skillandsá

Björgunarsveitin Ingunn á Laugarvatni var kölluð út um klukkan 17:30 í dag vegna bifreiðar sem föst var í Skillandsá við bæinn Miðdal í Bláskógabyggð. Tveir menn voru í bílnum og þegar björgunarsveitin kom á staðinn voru þeir orðnir blautir þar sem flætt hafði inn í bílinn.

Börn í einkaskólum fá ekki niðurgreiddan strætókostnað

Skólastjóri Tjarnarskóla segir að skynsamlegra hefði verið að öll grunnskólabörn fengju frítt í strætó en ekki einungis framhalds-og háskólanemar. Hún segir börn í einkaskólum ekki fá niðurgreiddan strætókostnað.

Kvikmynd um leiðtogafundinn í Höfða í undirbúningi

Framleiðendur í Hollywood eru að undirbúa kvikmynd um leiðtogafundinn í Höfða. Hugmyndir eru um að Warren Beatty leiki Ronald Reagan og Anthony Hopkins leiki Mikael Gorbatsjov. Fulltrúar Clints Eastwoods og breska leikstjórans Ridleys Scott hafa fundað með fulltrúum Reykjavíkurborgar um málið.

Allt að milljarður króna í íþróttamannvirki á Selfossi

Sveitarfélagið Árborg ætlar að verja allt að milljarði króna í endurnýjun og uppbyggingu íþróttamannavirkja á Selfossi á næstu árum. Framundan er undirbúningur fyrir landsmót árið 2012.

Hafa afsalað sér hlutverki sínu

Samfylkingin hefur afsalað sér því hlutverki að vera höfuðandstæðingur Sjálfstæðisflokksins í íslenskum stjórnmálum, segir formaður Vinstri grænna. Hann skaut föstum skotum á Samfylkinguna á flokksráðsfundi Vinstri grænna í dag en sagði Sjálfstæðisflokkinn þó áfram höfuðandstæðinginn.

Tekur verkamann hálfa öld að afla mánaðar launatekna Kaupþingsforstjóra

Laun bankastjóra Kaupþings, Glitnis og Landsbankans hafa hækkað um allt að sextánhundruð prósent á fjórum árum á sama tíma og meðallaun hafa hækkað um liðlega tuttugu og eitt prósent. Það tekur verkamann hartnær fimmtíu ár að vinna sér inn mánaðarlaun forstjóra Kaupþings.

Óljóst hvað ríkisstjórnin stendur fyrir

Ríkisstjórnin hefur setið við völd í hundrað daga. Stjórnmálafræðingur segir stjórnina hafa farið vel á stað, en formaður Vinstri-grænna segir óljóst hvað ríkisstjórnin standi fyrir.

Fimm bíla árekstur við Grensásveg og tafir af þeim sökum

Lögregla varar vegfarendur við töfum á gatnamótum Miklubrautar og Grensásvegar en þar varð fimm bíla árekstur fyrr í dag. Eftir því sem segir í tilkynningu frá lögrglunni slasaðist enginn í árekstrinum.

Guðmundur og frú í mál við DV

Guðmundur Jónsson, fyrrverandi forstöðumaður Byrgisins, Helga Haraldsdóttir, kona hans, og Jón Arnarr Einarsson, fyrrverandi aðstoðarforstöðumaður Byrgisins, hafa ákveðið að höfða meiðyrðamál á hendur DV vegna umfjöllunar um þau í blaðinu í dag.

Segir umsókn um rannsóknarleyfi í Gjástykki nærri þriggja ára gamla

Umsókn Landsvirkjunar vegna rannsóknarleyfis í Gjástykki í grennd við Mýtvatn var fyrst lögð fram í október 2004 og fyrirtækið hafði áður ýtt á eftir málinu, segir upplýsingafulltrúi Landsvirkjunar. Hann segir að með ítrekunarbréfi Landsvirkjunar til iðnaðarráðuneytisins skömmu fyrir kosningar í vor hafi fyrirtækið aðeins verið að fylgja eftir hagsmunum sínum gagnvart stjórnsýslunni.

Davíð dómaradólgur er margdæmdur

Davíð Smári Helenarson, sem braut þrjú rifbein í knattspyrnudómara fyrr í vikunni eftir að hafa verið sýnt rauða spjaldið í leik í utandeildinni, er með dóma á bakinu fyrir líkamárásir og fyrir að hafa veist að lögreglumönnum og hótað þeim lífláti.

Játuðu innbrot í einbýlishús í Garðabæ

Fjórir karlmenn á tvítugsaldri hafa játað hafa brotist inn á heimili við Bæjargil í Garðabæ og hreiðrað þar um sig á meðan húsráðendur voru í útlöndum. Eftir því sem segir í tilkynningu frá lögreglunni þekkti einni aðilanna til íbúanna í húsinu og vissi því að þeir voru á leið til útlanda.

Kannski var þetta skrifað í stjörnurnar segir Jóhann Páll

"Kannski var þetta skrifað í stjörnunar," segir Jóhann Páll Valdimarsson um tilurð Forlagsins sem nú hefur verið stofnað. Jóhann Páll verður útgefandi og hann segir það ánægjulegt fyrir sig að hans gamla útgáfa, Forlagið, er nú gengin í endurnýjun lífdaga..."að ýmsu viðbættu."

OR selur Landsneti flutningsvirki sín

Landsnet hefur undirritað samning við Orkuveitu Reykjavíkur um kaup á flutningsvirkjum í eigu Orkuveitunnar. Kaupverðið er 1,3 milljarðar en það er greitt með 900 milljónum króna í reiðufé en 400 milljónum í hlutafé sem jafngildir um átta prósenta hlut í Landsneti.

Bókaútgáfurisi orðinn til með sameiningu JPV og Eddu

Undirrituð hefur verið viljayfirlýsing um að bókadeild Eddu útgáfu, sem Mál og menning er að kaupa og JPV útgáfa verði sameinuð í einu útgáfufyrirtæki. Mun félagið hljóta nafnið Forlagið. Árni Einarsson forstjóri Eddu segir að þetta hafi borið mjög brátt að, raunar innan síðasta sólarhrings. "Við stefnum að sterkri alhliða bókaútgáfu," segir Árni.

Forstjóri OR sendir starfsfólki bréf um að hafa ekki áhyggjur

Guðmundur Þóroddsson forstjóri Orkuveitunnar hefur sent öllu starfsfólki sínu bréf þar sem það er beðið að hafa ekki neinar áhyggjur af áformum um hlutafélagsvæðingu fyrirtækisins. „Hugsanleg breyting á félagsformi Orkuveitunnar hefur engin áhrif á réttindi, skyldur eða kjör þín sem starfsmanns fyrirtækisins,“ segir Guðmundur m.a. í bréfinu.

Ríkisstjórnarflokkar hafi aðeins ákveðið að mynda ríkisstjórn

Ríkisstjórnin hefur gert fremur lítið, segir Steingrímur J. Sigfússon, formaður Vinstri - grænna, en um 100 dagar eru frá því að ríkisstjórnin komst til valda. Steingrímur segir samstarf Sjálfstæðisflokks og Samfylkingar byggt á óljósum sáttmála og að ríkisstjórnarflokkarnir hafi raun ekki tekið neinar ákvarðanir aðrar en að mynda ríkisstjórnina.

Fyrrverandi bæjarstjóri Fjarðabyggðar til Fjarðaáls

Guðmundur Bjarnason, fyrrverandi bæjarstjóri Fjarðabyggðar, hefur verið ráðinn verkefnisstjóri í stjórnunar- og stefnumótunarteymi Alcoa Fjarðaáls í Reyðarfirði.

Tveggja ára stúlka og systir hennar í mikilli hættu í Leifsstöð

Tveggja ára stúlka og tæplega tvítug systir hennar voru í mikilli hættu í Leifstöð í snemma í gærmorgun. Sú tveggja ára náði að klifra upp á færibandið við innritunarborðið og fór með því ásamt öðrum farangri í átt að öryggiseftirlitinu. Systir hennar henti sér á eftir henni en vegna mannlegra mistaka stúlkunnar sem var að innrita þær í flug var neyðarhappur ekki notaður til að stöðva færibandið.

Mikill áhugi fyrir Tíma nornarinnar í Frakklandi

Mikil áhugi virðist vera fyrir glæpasögu Árna Þórarinssonar, Tími nornarinnar, í Frakklandi. Eftir því sem segir í tilkynningu frá JPV útgáfu kemur bókin út í næstu viku í landinu og nema biðpantanir nú þegar fleiri eintökum en útgefandinn, Métailie, hafði prentað. Því hefur þegar verið ákveðið að endurprenta bókina.

Óvilhallir matsmenn kallaðir til í olíumálinu

Héraðsdómur Reykjavíkur úrskurðaði í morgun að kallaðir skyldu til óvilhallir matsmenn í máli stóru olíufélaganna á hendur Samkeppniseftirlitinu.

Bæjarstjóraskipti í Mosfellsbæ í dag

Haraldur Sverrisson tekur við starfi bæjarstjóra Mosfellsbæjar í stað Ragnheiðar Ríkharðsdóttur sem sest nú á þing í október. Hún hefur gegnt starfi bæjarstjóra fyrir Sjálfstæðisflokkinn í rúmlega fimm ár.

Þúsundir vopna bíða eyðingar á Suðurnesjum

Tilraunir Íslendinga til að smygla ólöglegum vopnum til landsins hafa aukist stórlega. Flóran í vopnum hefur auk þess aukist mikið. Nokkur þúsund vopn eru nú í geymslu hjá Tollgæslunni á Suðurnesjum sem bíða eyðingar.

Grunuð um aðild að meintum kynferðisbrotum Guðmundar

Helga Haraldsdóttir, eiginkona Guðmundar Jónssonar, fyrrverandi forstöðumanns Byrgisins, er grunuð um að hafa tekið þátt í meintum kynferðisbrotum eiginmanns síns gagnvart konum sem dvöldu á meðferðarheimilinu og hefur verið yfirheyrð af lögreglu í tengslum við málið.

Ekki lengur Landspítali - háskólasjúkrahús

Landspítali - háskólasjúkrahús mun ekki áfram bera það nafn heldur aðeins heita Landspítali um leið og ný heilbrigðislög taka gildi ámorgun. Fram kemur í tilkynningu frá stjórnarnefnd spítalans að með lögunum felist margar breytingar á skipulagi og stjórnun heilbrigðisþjónustu á Íslandi.

Gunnar segir bústaðsbrunann mikið áfall

Gunnar Birgisson, bæjarstjóri í Kópavogi, staðfesti í samtali við Vísi að sumarbústaðurinn sem brann til grunna í Grímsnesi í morgun hafi verið í hans eigu. Gunnar segir þetta mikið áfall fyrir fjölskylduna enda um griðastað hennar að ræða. Hann segir mikið af persónulegum munum hafa verið í bústaðnum. Gunnar var mjög daufur í dálkinn og sagði lögreglu kanna eldupptök.

Sjálfsagt að rannsókn fari fram á rannsóknarleyfi

Jón Sigurðsson, fyrrverandi iðnaðarráðherra, segir alveg sjálfsagt að rannsókn fari fram á því hvernig leyfi til jarðhitarannsókna í Gjástykki í grennd við Mývatn var veitt. Hann segir allar umsagnir í málinu hafa legið fyrir og málið hefði getað verið afgreitt fyrr.

Eldsprenging í sumarbústað í Grímsnesi

Eldsprenging varð í brennandi sumarbústað rétt í þann mund sem reykkafarar Brunavarna Suðurlands ætluðu að ráðast til inngöngu til að ganga úr skugga um hvort einhver væri inni í bústaðnum. Slökkviliðsmennina sakaði ekki og í ljós kom að engin hefur verið í honum frá því um síðustu helgi.