Fóðurblandan má kaupa Kornhlöðuna

Samkeppniseftirlitið telur ekki ástæðu til þess aðhafast nokkuð vegna kaupa Fóðurblöndunnar á öllum hlutum Mjólkurfélags Reykjavíkur og Kornax ehf. í Kornhlöðunni.

Rúllað inn í hjólastól til blóðsýnatöku vegna ölvunar

Ökumaður, sem lögreglan á höfuðborgarsvæðinu stöðvaði í nótt, var svo drukkinn að lögreglumenn urðu að aka honum í hjólastól um ganga Landsspítalans, til að láta taka úr honum blóðsýni.

Stálu fermingjargjöfum eftir að hafa hreiðrað um sig í einbýlishúsi

Fíkniefnaneytendur hafa einhverja síðustu daga brotist inn í einbýlishús í Garðabæ þar sem þeir gerðu sig heimakomna, unnu skemmdir og stálu miklum verðmætum, meðal annars öllum fermingargjöfum dótturinnar á heimilinu.

Farið yfir eftirlitskerfi vegna erlendra verkamanna

Félagsmálaráðherra ætlar að láta fara yfir mál þeirra erlendu verkamanna, sem slösuðust í rútuslysinu í fyrradag. Grunur leikur á að hluti þeirra hafi ekki haft tilskilin leyfi til að starfa á Íslandi. Þá á jafnframt að fara yfir eftirlitskerfið.

Komu upp um ránskvendi í Reykjanesbæ

Lögreglan á Suðurnesjum hefur haft hendur í hári 18 ára stúlku konu sem hafði plataða sig inn á eldra fólk í Reykjanesbæ og stolið frá því fjármunum.

Seltjarnarnesbær býður börnum og unglingum tómstundastyrki

Öllum börnum og ungmennum á aldrinum 6-18 ára á Seltjarnarnesi stendur nú til boða 25 þúsund króna tómstundastyrkur til að stunda skipulagt íþrótta-, tómstunda- og æskulýðsstarf. „Býður þessi styrkur börnum upp á aukið valfrelsi, fjölbreytni og stuðlar að jafnrétti í samfélaginu.

Laun ráðamanna og embættismanna hækkuðu um 2,6%

Kjararáð úrskurðaði fyrir skömmu að laun þeirra sem heyra undir ráðið myndu hækka þann 1. júlí s.l. um 2,6% að meðaltali. Laun nokkurra embættismanna voru einnig hækkuð um 3 launaflokka en það þýðir samsvarandi launahækkun. Í fyrstu frétt hér um málið urðu þau mistök að prósentu og launaflokkahækkun var lögð saman í dæmi lögreglustjórans á höfuðborgarsvæðinu. Er beðist velvirðingar á þeim mistökum.

Aron Pálmi fer á Reykjalund

Aron Pálmi Ágústsson er á leiðinni á Reykjalund. Sæmundur Pálsson í RJF hópnum, eða Sæmi Rokk eins og hann er yfirleitt kallaður, staðfesti í samtali við Vísi að búið væri að sækja um fyrir hann. „Við munum tala við Guðlaug Þór og sjá hversu fljótt við getum komið honum inn í tryggingakerfið," segir Sæmundur í samtali við Vísi.

Enn eitt metið í fjölda skráðra háskólanema

Úlit er fyrir að enn eitt metið verði slegið í fjölda skráðra háskólanema hér á landi nú í haust. Samkvæmt tölum háskólanna eru hátt í 19 þúsund nemar skráðir til náms í sjö háskólum landsins og hefur þeim fjölgað um 1500 manns eða um níu prósent á milli ára.

Földu 1,7 kg af kókaíni á aðaljárnbrautarstöðinni í Kaupmannahöfn

Íslenska kókaínparið sem nú er í haldi í Kaupmannahöfn faldi 1,7 kg af kókaíni á aðaljárnbrautarstöðinni í borginni. Parið hefur neitað að tjá sig um málið í yfirheyrslum hjá rannsóknardeild miðborgarlögreglunnar. Samkvæmt upplýsingum frá Hendrik Svind, yfirmanni deildarinnar, má rekja upphaf málsins til þess að lögreglumenn höfðu tilefni til að hafa afskipti af hinum 36 ára gamla Íslendingi á kaffihúsi við Vesterbro og fundu í fyrstu rúmlega sjö grömm af kókaíni í fórum hans.

Ránskvendi í Garðabæ í gærkvöld

Ung kona, sem sagðist vera að safna fyrir góðgerðarfélag í Garðabæ í gærkvöldi, stal fjármunum af einum húsráðanda og komst undan. Þegar hann hafði efasemdir um söfnunina bað hún um að fá að fara á klósettið, sem húsráðandi leyfði henni, en í leiðinni komst hún í veski hans, sem lá á hillu, og hreinsaði allt fémætt úr því.

Hústökufólk í Garðabæ

Fíkniefnaneytendur hafa einhverja síðustu daga brotist inn í einbýlishús í Garðabæ, þar sem þeir gerðu sig heimakomna, en heimilisfólk var í útlöndum.

Sápa sett í nýja gosbrunninn í Reykjanesbæ

Einhverjir framtakssamir einstaklingar tóku sig til í kvöld og settu mikið magn af sápu í nýja gosbrunninn við Vatnestorg í Reykjanesbæ í kvöld. Sápan freyddi út á torgið og skapaðist mikið umferðaröngþveiti í kjölfar uppátækisins. Kalla þurfti til slökkvilið sem sprautaði sápunni í burtu. Lögreglan segir brunninn stórhættulegan.

Krafa um að nemendur kaupi ákveðna vörutegund

Kennurum er í sjálfsvald sett hvað þeir biðja nemendur sína að kaupa fyrir skólann. Dæmi eru um að kennarar fari fram á það að nemendur kaupi rándýrar merkjavörur.

Samgöngubætur í Norðurárdal

Fjórar einbreiðar brýr, nokkrar blindhæðir og hættulegar beygjur heyra sögunni til þegar nýbyggingu þjóðvegar eitt í Norðurárdal í Skagafirði lýkur í haust.

Eitt af eldri húsum á Akureyri verður rifið

Eitt af eldri húsum miðbæjarins á Akureyri verður rifið á næstu vikum. Íbúi segir stórslys í uppsiglingu en húsið hefur staðið í niðurníðslu um langa hríð.

Sala á tóbaki eykst þrátt fyrir reykingabann

Sala á tóbaki hefur aukist á Íslandi eftir að reykingabann var tekið upp á veitingastöðum. Mjög skiptar skoðanir eru um bannið.

Leysir ekki vandann að dreifa skemmtanahaldi um borgina

Lögreglan dreifði liði sínu víðar en í miðborgina um helgina vegna óláta við dansleikjahald í Hlégarði í Mosfellsbæ og á Seltjarnarnesi. Lögreglan varð fyrir grjótkasti á Nesinu. Samfylkingarmenn segja að þetta sýni að það leysi ekki vanda miðborgarinnar að dreifa skemmtanahaldi um höfuðborgarsvæðið.

Eftirliti ábótavant í farþegaflutningum

Framkvæmdastjóri eins stærsta rútubílafyrirtækis landsins segir eftirliti ábótavant í farþegaflutningum. Dæmi séu um óskoðaða hópferðabíla í akstri.

Leitin að Þjóðverjunum er ein umfangsmesta leit björgunarmanna hér á landi

Leitin að Þjóðverjunum tveimur á Öræfajökli er með þeim umfangsmeiri sem farið hafa fram hér á landi. Mikill tækjabúnaður var notaður við leitina og álag á leitarmenn var óvenju mikið. Á þriðja hundrað manns kom að leitinni og vann meðal annars lögregla í Þýskalandi að rannsókn málsins í félagi við lögreglu hér á landi sem vann úr vísbendingum.

Brýnt að grípa til aðgerða í Bessastaðabrekku

Forstöðumaður Rannsóknarnefndar umferðarslysa telur brýnt að grípa til aðgerða til að auka umferðaröryggi um Bessastaðabrekku. Þar valt í gær rútubíll með rúmlega 30 manns um borð og slösuðust margir.

Grunur um að verkamennirnir séu ólöglegir

Grunur leikur á að stór hluti þeirra erlendu verkamanna sem lentu í rútuslysinu í Bessastaðabrekku í gær séu ekki skráðir með löglegum hætti til starfa hér á landi. Samkvæmt upplýsingum frá Vinnumálastofnun hefur málið verið skoðað í dag en ekki hefur enn verið haft samband við Arnarfell, sem er fyrirtækið sem fólkið starfaði hjá. Það verður gert á morgun og er vonast til að málið skýrist þá.

Munaði aðeins hársbreidd að ekki hlaust mannskaði

Brunamálastjóri segir að brýnt sé að bæta eldvarnir á meðferðarheimilinu Stuðlum, enda sé staðurinn notaður til að læsa fólk inni. Aðeins munaði sekúndum að illa færi þegar eldur kom upp á Stuðlum í gær.

Reynir og sme saman í brúnni

Reynir Traustason hefur verið ráðinn ritstjóri á dagblaðinu DV. Hann mun þá starfa við hlið núverandi ritstjóra blaðsins, Sigurjóns M. Egilssonar. Reynir hefur undanfarið verið ritstjóri Mannlífs en hann mun láta af því starfi 1. september þegar hann tekur við DV.

Tekinn ölvaður í tvígang sama daginn

Karl um fertugt var tekinn í tvígang fyrir ölvunarakstur á laugardag. Að sögn lögreglu var hann fyrst stöðvaður árla morguns í Kópavogi. Þá var hann færður á lögreglustöð en sleppt nokkru síðar. Maðurinn lét hins vegar ekki segjast og „tók til við drykkju og axarsköft á nýjan leik, eins og segir í tilkynningu frá lögreglunni og settist aftur ölvaður undir stýri um kvöldmatarleytið.

Yfirdráttarlán heimila ekki eins há og talið var

Yfirdráttarlán heimila jukust minna á milli mánaða en áður var talið og eru þau svipuð og þau voru í upphafi ársins. Í síðustu viku var skýrt frá því að yfirdrátturinn hafi verið í sögulegu hámarki í lok júlí, en miðað við endurskoðaðar tölur frá Seðlabankanum eru þau rúmum fjórum miljörðum lægri en talið var. Frá þessu er greint í hálffimmfréttum Kaupþings.

Hæstiréttur fellst á flýtimeðferð gegn Samkeppniseftirlitinu

Hæstiréttur féllst í dag á beiðni Mjólkursamsölunnar, Auðhumlu og Osta- og smjörsölunnar um flýtimeðferð á máli sem fyrirtækin hafa höfðað gegn Samkeppniseftirlitinu. Fyrirtækin krefjast þess að forstjóri Samkeppniseftirlitsins og aðrir starfsmenn víki sæti við rannsókn sem nú stendur yfir á ætluðum brotum fyrirtækjanna gegn samkeppnislögum.

Góður hagnaður af ruslinu

Sorpu hagnaðir um nærri 65 milljónir króna á fyrri helmingi ársins sem erum sex sinnum meiri hagnaður en á sama tíma í fyrra. Þá var hann rúmar ellefu milljónir.

Vinni tillögur til að efla félagslegan þátt húsnæðislánakerfisins

Jóhanna Sigurðardóttir félagsmálaráðherra hefur skipað nefnd sem ætlað er að móta tillögur sem miða að því að efla hinn félagslega þátt húsnæðislánakerfisins, þar með talinn leigumarkaðinn, og lánveitingar til fólks undir skilgreindum eigna- og tekjumörkum.

Ákærðir fyrir sérstaklega hættulega líkamsárás

Fjórir menn á aldrinum 18-20 ára hafa verið ákærðir fyrir ráðist í sameiningu á einn mann utan veitingastaðinn Dússabar í Borgarnesi í júní í fyrra. Ákæra á hendur þeim var þingfest í Héraðsdómi Vesturlands í dag.

Keyrði á kyrrstæða rútu við Flosagjá

Lögreglan á Selfossi handtók á laugardag mann eftir skrautlegan akstur í þjóðgarðinum á Þingvöllum. Maðurinn hafði ekki meiri stjórn á bifreiðinni en svo að hann ók á rútu sem var kyrrstæð á bifreiðastæði við Flosagjá.

Kópavogsbær véfengir ekki niðurstöðu matsmanna

Kópavogsbær véfengir ekki niðurstöðu matsmanna í skýrslu um það hversu mörg tré hafi verið fjarlægð og spillst vegna framkvæmda Kópavogsbæjar við vatnslögn í Heiðmörk. Bærinn hefur leitað til Reykjavíkurborgar til að fá úr því skorið hver eigi trén sem um ræðir.

Eldur í hurð hjá skipasmíðastöð á Akranesi

Eldur kom upp í hurð hjá Skipasmíðastöðinni Þorgeir og Ellert við Bakkatún á Akranesi nú eftir hádegið. Verið var að laga hurðina þegar neisti hljóp úr logsuðutæki í einangrun í hurðinni og eldurinn gaus upp. Slökkvilið á Akranesi var kvatt á vettvang og tók slökkvistarf um háftíma. Ekki urðu miklar skemmdir á hurðinni og húsinu vegna þessa.

"Kennarar eins og útspýtt hundskinn á eftir leikstjórum"

"Kennarar okkar hafa verið eins og útspýtt hundskinn á eftir leikstjórum og rétthöfum til að fá leyfi til sýninga á myndum þeirra í náminu," segir Ragnhildur Richter deilarstjóri í íslensku við MH. Þrátt fyrir að kennsla um íslenskar kvikmyndir og kvikmyndagerð hafi staðið framhaldsskólanemum til boða um nokkurt skeið hefur menntamálaráðuneytið enn ekki samið um greiðslur fyrir slíkt við rétthafa utan tvo.

Farþegum um Grímseyjarflugvöll fjölgar mikið

Farþegar um Grímseyjarflugvöll voru 60 prósentum fleiri í júní í sumar en á sama tíma í fyrra. Eftir því sem segir í tilkynningu frá Flugstoðum fóru 1270 manns um flugvöllinn í júní en í sama mánuði í fyrra voru þeir 720.

Bílvelta á Öskjuvegi

Lögreglan á Húsavík fékk tilkynningu um bílveltu á Öskjuvegi nálægt Herðubreið rétt eftir hádegið. Ekki fengust nákvæmar upplýsingar um það hvernig óhappið vildi til en lögregla telur að ekki hafi orðið alvarleg slys á fólki.

Meiri vinna en menn bjuggust við

Nýbýlavegur verður ekki opnaður við Sæbólsbraut fyrr en á morgun, þremur dögum eftir að framkvæmdum þar átti að ljúka. Eins og fram hefur komið í fréttum hafa orðið miklar umferðartafir við Nýbýlaveg vegna færslu háspennustrengs og sátu menn fastir í umferðarhnútum í allt að klukkutíma fyrir helgi.

Grunur um að kveikt hafi verið í sófa

Grunur leikur á að kveikt hafi verið í sófa að Stuðlum með þeim afleiðingum að tvær stúlkur voru fluttar á sjúkrahús og húsið skemmdist töluvert. Rannsókn málsins stendur yfir og er búist við að stúlkurnar tvær verði yfirheyrðar síðar í dag.

Bílstjórinn hafi brugðist hárrétt við

Framkvæmdastjóri næststærsta rútubílafyrirtækis landsins segir að bílstjórinn sem lenti í slysi í Bessastaðafjalli í gærdag hafi brugðist hárrétt við í erfiðum aðstæðum.

Björn Th. Björnsson látinn

Björn Th. Björnsson listfræðingur og rithöfundur er látinn. Björn nam listasögu í Edinborg, Lundúnum og Kaupmannahöfn, var formaður Rithöfundasambands Íslands og forstöðumaður Listasafns Háskóla Íslands.

560 tré fjarlægð vegna vatnsveitulagnar í Heiðmörk

Nærri 560 tré voru fjarlægð við Þjóðhátíðarlund í Heiðmörk í tengslum við lagningu vatnslagnar á vegum Kópavogsbæjar fyrr árinu. Þetta kemur fram í skýrslu matsmanna sem Skógræktarfélag Reykjavíkur og Kópavogsbær létu vinna vegna málsins.

Kvartanaherferð segir bareigandi, öskrandi óþolandi skríll segir íbúi

Íbúar við Laugaveg 76 eru fyrir löngu búnir að fá sig fullsadda af gestum barsins Monakó. Margeir Margeirsson eigandi barsins segir að íbúarnir stundi skipulagða kvartanaherferð gegn sér. Teitur Þorkelsson einn íbúanna segir að bargestirnir séu öskrandi, óþolandi skríll og kvartanir til lögreglunnar undan þeim tilkomnar þar sem ekkert þýði að kvarta við gestina sjálfa , slíku sé mætt með hótunum.

RJF vill bjarga fleirum

Einar S. Einarsson, talsmaður RJF hópsins, segir að stjórn hópsins hafi áhuga á því að bjarga fleira fólki sem lent hefur í hremmingum. RJF hópurinn háði ötula baráttu fyrir frelsi Arons Pálma Ágústssonar eins og þekkt er. Einar segir að RJF hópurinn ætli að hittast í hádeginu í dag og fagna frelsi Arons.

Snúa flestir aftur til vinnu í vikunni

Flestir starfsmanna Arnarfells sem lentu í rútuslysinu í Bessastaðabrekku á Fljótsdalsheiði í gærdag snúa til vinnu síðar í vikunni. Slysið hefur ekki áhrif á gang framkvæmda á vegum fyrirtækisins.

Settu aftur heimsmet í borun í aðrennslisgöngum

Nýtt heimsmet í borun í göngum var sett í annað sinn á Kárahnjúkasvæðinu í síðustu viku. Eftir því sem fram kemur á vef Kárahnjúka var það áhöfnin á risabor 2 sem boraði rúma 115 metra í aðrennslisgöngum Jökulsárveitu á einum sólarhring.