Eina "álverið" í Reykjavík rifið innan skamms

Landsvirkjun ætlar að hætta rekstri eina "álversins" í Reykjavík um næstu mánaðamót. Ástæðan? Landsvirkjun mun afhenda Reykjavíkurborg gamla vararafstöðvarhúsið við Elliðaár til niðurrifs. Rafstöðin hefur stundum verið kölluð "litla álverið" en kælirásir í gólfinu hafa verið griðastaður fyrir ál - lifandi glerál.

Mosfellsbær 20 ára

Mosfellsbær fagnar nú um stundir 20 ára afmæli sínu en bærinn fékk kaupstaðarréttindi 9. ágúst 1987. Í tilefni afmælisins hélt bæjarstjórnin opinn hátíðarfund þar sem ákveðið var að gera Salóme Þorkelsdóttur, fyrrverandi alþingismann, að heiðursborgara bæjarins. Einnig var ákveðið að reisa útivistar- og ævintýragarð innan bæjarmarkana.

Nýtt langdrægt farsímakerfi komið á fyrir lok næsta árs

Mjög hefur gagnrýnt hversu mörg svæði á landinu eru utan GSM-netsins og hefur þá sérstaklega verið bent á hættuna sem getur stafað af því ef slys verða á fjölförnum þjóðvegum sem eru ekki neinu símasambandi.

Reksturinn kostar milljarð út næsta ár

Rekstur íslenska ratstjárstöðvakerfisins mun kosta milljarð króna út næsta ár, en ekki er gert ráð fyrir þessum kostnaði í fjárlögum. Formaður Vinstri-grænna gagnrýnir það og er ósáttur við vinnubrögð ríkisstjórnarinnar í varnarmálum. Aðeins hluti af kerfinu nýtist Íslandi.

Ólögleg seðilgjöld?

Heimilin í landinu greiða upp undir hundrað og tuttugu þúsund krónur í seðilgjöld hvert á ári, sem forstjóri Neytendastofu segir oft tilhæfulaus og jafnvel ólögleg. Hann skorar á viðskiptaráðherra að beita sér fyrir lagasetningu sem dregur úr seðilgjöldum.

Von á yfirlýsingu frá bæjarstjórn Akureyrar

Töluverð umræða hefur skapast í kjölfar undirskriftasöfnunar sem Birgir Torfason veitingamaður á Akureyri stendur fyrir vegna þess að ungmennum var bannað að tjalda í bænum um síðustu helgi. Bæjarfulltrúi segir í samtali við Vísi að yfirlýsingar vegna málsins sé að vænta í kvöld eða í fyrramálið.

Nýr strengur fyrir netþjónabú

Ljósleiðarastrengurinn sem fyrirtækið Hibernia Atlantic hyggst leggja til Íslands haustið 2008 er stórt skref í átt til þess að á Íslandi geti erlend fyrirtæki reist netþjónabú.

Lokað fyrir bílaumferð á Gaypride

Lögreglan á höfuðborgarsvæðinu býst við þúsundum gesta í Gleðigöngunni sem fer niður Laugarveginn á laugardag. Lokað verður fyrir almenna umferð á Laugavegi, Bankastræti og í Lækjargötu strax frá laugardag vegna göngunnar. Ökumönnum er því bent á að finna sér aðrar leiðir.

Formaður VG fordæmir stefnu ríkisstjórnarinnar í utanríkismálum

Steingrímur J. Sigfússon gagnrýnir harðlega hvernig bæði fyrrverandi og núverandi ríkisstjórn hafa haldið á málum hvað varðar breytta stöðu utanríkis- og öryggismála í kjölfar brottfarar Bandaríkjahers af Íslandi.

Skorað á bæjarstjórnina að segja af sér

Birgir Torfason, sem rekur veitingastaðinu Kaffi Akureyri og Vélsmiðjuna, hefur opnað vefsíðu á slóðinni www.akureyri.blog.is þar sem safnað er undirskriftum þeirra sem vilja skora á meirihluta bæjarstjórnar á Akureyri til að segja af sér tafarlaust.

Alþjóðlegir fjársvikarar herja á Íslendinga

Embætti ríkislögreglustjóra rannsakar alþjóðlegt fjársvikamál, þar sem nokkrum Íslendingum hefur borist bréf frá bresku fyrirtæki sem kallar sig Australian Lottery. Í bréfinu er fólk hvatt til að hafa samband vegna lotterívinninga sem það á að hafa unnið.

Stór hluti ratsjárkerfisins gagnslaus

Íslendingar hafa ekkert gagn af stórum hluta þeirra upplýsinga sem ratsjárkerfið hér á landi skilar. Eins og staðan er í dag nýtist ekkert sá hluti kerfisins sem Bandaríkjamenn notuðu til þess að hafa eftirlit með ferðum ókunnra véla við landið. Því er spursmál hvort Íslendingar hafa eitthvað að gera við að halda þeim hluta kerfisins gangandi. Með ærnum tilkostnaði.

Gjörbylting í fjarskiptum

Fyrirtækið Hibernia Atlantic vinnur að því að leggja nýjan ljósleiðarastreng, sem mun tengja Ísland við neðanjarðarstrengjanet í Norður-Atlantshafi, eftir því sem fram kemur á vefnum Teleography.com.

Mikill meirihluti kvenna fær of litla fólínsýru

Líkur á brjóstakrabbameini minnka um nærri helming hjá konum ef þær neyta mikillar fólínsýru eða borða nóg af fólasínríku fæði. Þetta sýnir ný og umfangsmikil rannsókn sænskra vísindamanna. Rannsóknin sýnir að mikill meirihluti kvennanna borðar of lítið af fólasíni.

Samfylkingin gagnrýnir aukafund um Kársnes í gær

Oddviti Samfylkingarinnar í Kópavogi gagnrýnir Sjálfstæðismenn í bænum fyrir að hafa boðað til aukafundar í gær vegna nýs deiliskiplags á Kársnesi, þar sem fjölga á íbúðum. Réttara hefði verið að taka málið fyrir á næsta reglulega fundi bæjarstjórnar í lok ágúst. Bæjarstjóri Kópavogs neitar því að fundinum hafi verið flýtt til að keyra málið í gegn.

Skoða myndir úr öryggismyndavélum til að finna skemmdarvarga

Málningu var slett á sendiráð Íslands við Norðurbryggju í Kaupmannahöfn í nótt og slagorð gegn áliðnaði á Íslandi skrifuð á bygginguna. Lögreglan í Kaupmannahöfn skoðar meðal annars myndir úr öryggismyndavélum í nágrenni sendiráðsins til þess að reyna að komast að því hver var þarna að verki.

Malarbíll valt á Krýsuvíkurvegi

Einn var fluttur á slysadeild með minniháttar meiðsl þegar malarbíll valt á Krýsuvíkurvegi um níuleytið á morgun. Samkvæmt upplýsingum frá Slökkviliði höfuðborgarsvæðisins þurfti að senda tækjabíl á vettvang til að hreinsa upp olíu sem lak úr bílnum.

Utanríkismálanefnd fundar um nýtt varnarsamkomulag

Utanríkismálanefnd Alþingis fundar nú um nýtt varnarsamkomulag við NATÓ og fyrirhugaðar heræfingar hér á landi. Það var Steingrímur J. Sigfússon, formaður Vinstri grænna og fulltrúi flokksins í nefndinni, sem óskaði eftir fundinum.

Bíll gereyðilagðist í eldi

Eldur kviknaði í bíl af gerðinni Ford Transit við Urriðakvísl í Reykjavík, rétt fyrir klukkan 10 í morgun. Að sögn slökkviliðsins á höfuðborgarsvæðinu var bíllinn kyrrstæður og enginn í honum þegar atvikið varð. Bíllinn er gerónýtur.

Bílainnbrotahrina í Hafnarfirði

Brotist hefur verið inn í sex bíla við miðbæ Hafnarfjarðar síðustu þrjár nætur. Lögreglan á höfuðborgarsvæðinu segir að þetta sé óvenjumikið á svo skömmum tíma. Þó sé algengt að innbrotum fjölgi þegar rökkva tekur á haustin.

Treg laxveiði truflar ekki eftirspurn næsta sumars

Hin trega laxveiði í ám landsins það sem af er sumri hefur ekki haft áhirf á eftirspurn eftir veiðileyfum fyrir næsta sumar. Bjarni Júlíusson formaður SVFR segir ennfremur að ekki sé merkjanlegur munur á að menn falli frá veiðileyfum sínum í ár miðað við fyrri ár. "Það er að vísu ívíð meir um slikt nú miðað við fyrri ár en vart merkjanlegur munur," segir Bjarni.

Stígamót hljóta styrk í kjölfar tónleika

Hundrað þúsund krónur söfnuðust á tónleikum sem haldnir voru þann fyrsta ágúst síðastliðinn þar sem kynbundnu ofbeldi var mótmælt. Fjölmargir listamenn komu fram en gestir voru hvattir til að veita frjáls framlög til Stígamóta.

Yfirvöld á Akureyri hvött til afsagnar

Hafin er undirskriftasöfnun á meðal bæjarbúa á Akureyri þar sem Bæjarstjórinn, Sigríður Björk Jakobsdóttir, er hvött til að segja af sér. Einnig er skorað á meirihlutann eins og hann leggur sig að gera slíkt hið sama. Undirskriftalistanum er ýtt úr vör í kjölfar umdeildrar ákvörðunar bæjaryfirvalda að banna ungmennum á aldrinum 18 til 23 ára að tjalda í bænum yfir verslunarmannahelgina.

Náttúran gegn Tourette

Sonur Heiðu Bjarkar Sturludóttur greindist með touretteheilkenni fyrir einu og hálfu ári síðan og var bent á að ekkert væri hægt að gera nema að láta drenginn á lyf ef einkennin versnuðu.

Hugmynd Björns ekki framkvæmanleg

Ívar Agnarsson, rekstrarstjóri veitingastaðarins Sólon í Bankastræti, gefur ekki mikið fyrir þá hugmynd Björns Bjarnasonar ráðherra að taka sér aðgerðir Akureyringa um verslunarmannahelgina til fyrirmyndar í viðleitni við að draga úr óreglu og ólátum í miðborginni um helgar eins og hann orðar það á heimasíðu sinni.

Hundrað ára saga samkynhneigðra í gönguferð um Reykjavík

Hundrað ára saga samkynhneigðra í Reykjavík er meðal þess sem má kynna sér á Hinsegin dögum, sem hefjast á morgun.

Séríslenskur sjúkdómur nýtist til rannsókna á Alzheimers og Parkinson

Rannsóknir á arfgengri heilablæðingu, sem er séríslenskur sjúkdómur, nýtast til rannsókna á Alzheimers og Parkinson sjúkdómunum. Heilablæðingin er einn sjaldgæfasti sjúkdómur í heimi. Doktor í sameindalíffræði segir að aðeins séu um 20 arfberar enn á lífi með genið.

Bið til jóla eftir úthlutuðum leikskólaplássum í Reykjavík

Foreldrar sem hafa fengið pláss fyrir börn sín á leikskólum Reykjavíkur nú í haust gætu sumir þurft að bíða til jóla eftir því að börnin komist að vegna manneklu. Um tvö hundruð manns vantar í störf á leikskólum borgarinnar. Skortur er líka á grunnskólakennurum og starfsmönnum skólavistunar.

Leikskólinn Völlur opnar á Vellinum

Mikið líf og fjör er á gamla varnarsvæðinu á Keflavíkurflugvelli þessa dagana, en innan tveggja vikna verða íbúarnir orðnir um sjöhundruð. Í dag var skrifað undir samninga við Hjallastefnuna um rekstur leik og grunnskóla. Leikskólinn fær nafnið Völlur.

Úr sér gengið atvinnuhúsnæði víkur fyrir íbúðum á Kársnesi

Nýtt deiliskipulag fyrir reit á Kársnesi var samþykkt í bæjarstjórn Kópavogs í dag. Um er að ræða skipulag fyrir reit sem hefur að geyma úr sér gengið atvinnuhúsnæði en á reitnum á nýtt íbúðarhúsnæði að rísa.

Þarf að ýta konunni í hjólastól á götunum því bílarnir teppa gangstéttarnar í Kópavogi

Íbúi við Kársnesbraut í Kópavogi segist leggja sig og fatlaða eiginkonu sína í mikla lífshættu í hvert sinn sem þau fari úr húsi. Bílum er lagt upp á gangstéttar á Kársnesi og hann þarf að keppa við bílana og nota fjölfarnar göturnar þegar hann ýtir konunni á undan sér í hjólastól.

Illa gengur að manna störf í Dalabyggð og Reykhólasveit

Á sama tíma og atvinnuástand fer versnandi víða í sjávarplássum vegna skerðingar á þorskkvóta vantar sárlega starfsfólk í Dalabyggð og Reykhólasveit. Ljóst er að þessar byggðir keppa við höfuðborgarsvæðið um fólk í sömu störf.

23 ára aldurstakmark í miðborginni um helgar?

Í pistli sem Björn Bjarnason, dómsmálaráðherra, ritaði á heimasíðu sinni í gær veltir hann fyrir sér samstarfi mótshaldara og lögreglu um verslunarmannahelgina. Hann segir að reynsluna af því samstarfi og þeim ákvörðunum sem teknar voru, meðal annars á Akureyri, eigi að nýta þegar hugað sé að leiðum til að draga úr óreglu og ólátum í miðborg Reykjavíkur.

Mál og menning kaupir Eddu

Mál og menning hefur keypt útgáfuhluta Eddu af Björgólfi Guðmundssyni. Starfsfólk heldur störfum sínum. Formaður Máls og menningar, Þröstur Ólafsson, segir sameiningu Máls og menningar og Vöku-Helgafells á sínum tíma í einn útgáfurisa hafa mistekist.

Mikil og góð berjaspretta fyrir vestan

Berjaspretta er með besta móti á Vestfjörðum og eru krækiber og bláber víða orðin þroskuð og safarík þótt lítið hafi rignt fyrir vestan í sumar. Góð berjaspretta fyrir vestan er reyndar ekkert einsdæmi því hún er góð víða um land enda hefur verið hlýtt í veðri, þó sérstaklega á sunnan- og vestanverðu landinu.

Tugir barna notið hágæslu

Börn sem notið hafa hágæslu á Barnaspítala Hringsins skipta tugum, segir yfirlæknir á vökudeild spítalans.

Samkeppnin ekki grimm

Framkvæmdastjóri FÍB blæs á þá skýringu að grimm samkeppni skýri lakari afkomu olíufélaganna. Hann segir álagningu olíufélaganna á eldsneyti hafa hækkað síðastliðin tvö ár, og snarhækkað á dísilolíu.

Vinsældir Vísis aukast verulega

Heimsóknir á fréttavefinn Vísi aukist verulega, eða um 7% á milli kannana, samkvæmt niðurstöðu fjölmiðlakönnunar Capacent Gallup fyrir maí til júlí 2007.

Kalli Bjarni edrú og laus úr fangelsi

Idolstjarnan Karl Bjarni Guðmundsson, betur þekktur sem Kalli Bjarni, er laus úr gæsluvarðhaldi sem hann hefur setið í frá því að hann var gripinn með tvö kíló af kókaíni á Keflavíkurflugvelli í byrjun júní. Að sögn móður hans Sveinbjargar Karlsdóttur er Kalli Bjarni edrú.

Myndir úr safni Björgólfsfeðga til sýnis

Listasafn Reykjavíkur undirbýr sýningu á verkum Eggerts Péturssonar listmálara sem verður á Kjarvalsstöðum og hefst 31. ágúst næstkomandi. Soffía Karlsdóttir, deildarstjóri markaðs- og kynningarmála Listasafnsins, segir að um tímamótasýningu sé að ræða. Sýningin spanni allan feril Eggerts og sýnd verði verk sem hafi ekki sést áður. Þar af eru mörg verk í eigu feðganna Björgólfs Guðmundssonar og Björgólfs Thor Björgólfssonar.

Landlæknir sáttur við náttúrulækningar

Matthías Halldórsson landlæknir segir að ekki sé hægt að gera athugasemdir við náttúrulækningar svo framarlega sem þær séu skaðlausar, ekki sé verið að plokka peninga af bágstöddu fólki eða ættingum þeirra og ekki sé verið að beina fólki frá hefðibundinni meðferð sem sé læknandi.

Ráðherra lítur eineltið alvarlegum augum

Þórunn Sveinbjarnadóttir umhverfisráðherra lítur eineltið innan Veðurstofunnar alvarlegum augum en vill ekki blanda sér í starfsmannamál einstakra stofnana sem heyra undir embætti hennar. Þetta kom fram í samtali vísir.is við aðstoðarkonu ráðherrans, Önnu Kristínu Ólafsdóttur. Tveir veðurfræðingar á Veðurstofunni tjáðu sig um málið í Kastljósinu í gærkvöldi.

Bændur á Hornafirði stefna Vegagerðinni

Hópur bænda og annarra landeigenda á Nesjum í Hornafirði hefur stefnt Vegagerðinni og íslenska ríkinu og krefst þess að úrskurður umhverfisráðherra frá 11. maí um matsáætlun vegna mats á umhverfisáhrifum lagningar hringvegar um Hornafjarðarfljót verði felldur úr gildi.

Umhverfislýsing um íslenskar fiskveiðar undirrituð

Umhverfislýsingu um íslenskar fiskveiðar er ætlað að mæta kröfum erlendra kaupenda um gæðavottun íslenskra fiskafurða. Íslendingar velja að fara þessa leið í stað þess að taka þátt í fjölþjóðlegu samstarfi um gæðavottun, sem íslenskur sjávarútvegur telur ekki fullnægjandi.

Google auglýsir í Danmörku fyrir Ásbjörn Ólafsson

Svo virðist sem Google leitarvélin sé farin að auglýsa Prins Póló í Danmörku fyrir Ásbjörn Ólafsson ehf. Neðarlega á forsíðu danska blaðsins BT má sjá nafn fyrirtækisins. Þegar smellt er á það kemur upp auglýsing frá Ásbirni Ólafssyni sem hægt er að lesa bæði á Íslensku og ensku. Þar eru ýmsar vörur sem fyrirtækið hefur umboð fyrir. Svosem Knorr, Sonax og auðvitað Prinsinn.