Sextán björguðust úr eldsvoðanum

Sextán manns, þar af tólf konur, björguðust úr brennandi svefnskála Impregilo við Kárahnjúka í nótt. Einn maður var fluttur til Egilsstaða til meðferðar vegna reykeitrunar en öðrum varð ekki meint af.

150 manns hafa leitað í dag

Nærri hundrað og fimmtíu manna lið björgunarsveita hefur í dag leitað þrjátíu og fjögurra ára gamals manns sem er enn saknað eftir sjóslysið á Viðeyjarsundi í gær. Orsök slyssins er enn ókunn.

Bjarni og Árni styðja Þorgerði

Þorgerður Katrín Gunnarsdóttir virðist hafa yfirgnæfandi stuðning í þingliði sjálfstæðismanna til að verða varaformaður flokksins. Bæði Bjarni Benediktsson og Árni M. Mathiesen sem voru taldir líklegastir til að fara gegn henni hafa lýst yfir eindregnum stuðningi við hana.

Ættu að einblína á aðalatriðin

Sigurður Líndal prófessor segir að verði ákæruliðunum átján í Baugsmálinu vísað frá dómi geti ákæruvaldið rannsakað þá aftur og höfðað nýtt mál á hendur forsvarsmönnunum. Hann ræður saksóknara að einblína á aðalatriðin í málinu.

Ritu í Bandaríkjunum enn saknað

Rita Gaudin íslenska konan sem saknað er í Bandaríkjunum og sonur hennar hafa enn ekki fundist frá frá því að fellibylurinn reið yfir New Orleans í Louisiana, Mississippi og nágrenni.

Tvær líkamsárásir á Fáskrúðsfirði

Tennur voru kýldar úr ungum manni sem stóð fyrir utan unglingadansleik á Fáskrúðsfirði aðfaranótt sunnudags. Lögreglan varð vitni að árásinni sem virtist tilhæfulaus.

Kviknaði í skála út frá kerti

Kona fékk reykeitrun er eldur kviknaði í svefnskála fjórtan kvenna á Kárahnjúkum rétt eftir miðnætti í fyrrinótt. Á annan tug manna, sumar kvennanna og gestir þeirra, voru í skálanum.

Hrapaði ofan í Laxá

Maður fékk höfuðáverka í gærdag er hann hrapaði í Laxá í Laxárdal. Jóhannes Björgvinsson, varðstjóri í Búðardal, fór á slysstað auk læknis og sjúkrabíls. Hann segir manninum hafa orðið fótaskortur ofarlega í brekku.

Ölvaður á bíl með þýfi

Sautján ára sjáanlega ölvaður ökumaður var handtekinn í Borgarnesi í gærmorgun eftir smávægilegt umferðaróhapp. Hann keyrði á umferðarskilti.

Tókum við fimmtán flóttamönnum

Þrjár kólumbískar fjölskyldur komu hingað til lands á föstudagskvöld á vegum Flóttamannahjálpar Sameinuðu þjóðanna. Þetta eru fimmtán einstaklingar, af þeim eru níu börn og unglingar. Í öllum tilvikum er um fjölskyldur einstæðra mæðra að ræða.

Sjávarútvegssýningin aldrei stærri

Aðstandendur Íslensku sjávarútvegssýningarinnnar telja að ívið fleiri gestir hafi sótt hátíðina nú en árið 2002 sem var metár. Þá komu rúmlega 18.000 gestir á sýninguna. Mikið var af erlendum gestum og var hótelrými á höfuðborgarsvæðinu meira og minna uppselt meðan á sýningunni stóð.

Bjarni ekki í varaformanninn

Bjarni Benediktsson þingmaður ætlar ekki að bjóða sig fram sem varaformann Sjálfstæðisflokksins á komandi landsfundi. "Ég var aldrei þeirrar skoðunar að ég ætti að fara í þetta framboð," segir Bjarni, sem er formaður allsherjarnefndar Alþingis. 

Reykhús hafa ekki undan

"Laxveiði hefur almennt verið mjög góð í sumar yfir landið í heild," segir Páll Þór Ármann, framkvæmdastjóri Stangaveiðifélags Reykjavíkur.

Fjölskylda og vinir tóku þátt

Um 150 manns leituðu Friðriks Á. Hermannssonar, mannsins sem saknað er eftir sjóslysið við Skarfasker í fyrrinótt. Meðal þeirra sem leituðu voru 30 vinir og ættingjar Friðriks. Fjörur voru gengnar auk þess sem kafarar leituðu í Viðeyjarsundi og björgunarsveitarmenn og félagar í Snarfara, félagi sportbátaeigenda, sigldu um sundin.

Nafn konunar sem lést

Konan sem lést í sjóslysinu í Viðeyjarsundi aðfaranótt laugardags hét Matthildur Harðardóttir. Matthildur var 51 árs, fædd 20. mars 1954. Hún lætur eftir sig tvo syni. Matthildur var búsett í Kópavogi og starfaði sem lögfræðingur.

Rannsaka viðbrögð eftir neyðarkall

Um 150 manns tóku þátt í leitinni að Friðriki Á. Hermannssyni sem saknað er eftir sjóslysið við Skarfasker aðfaranótt sunnudags. Hann hafði ekki fundist þegar Fréttablaðið fór í prentun. Hjón sem slösuðust alvarlega í sjóslysinu voru útskrifuð af gjörgæslu í gær. Þau hlutu alvarlega áverka að sögn vakthafandi læknis og urðu að gangast undir aðgerð.

Björn ekki á útleið

"Fyrir þingkosningarnar 2007 mun ég taka ákvörðun um, hvort ég býð mig fram að nýju, eða sný mér að öðru. Allar vangaveltur um, að ég ætli ekki að sitja út þetta kjörtímabil eru úr lausu lofti gripnar," segir Björn Bjarnason, dóms- og kirkjumálaráðherra, í pistli á heimasíðu sinni.

Björgunarsveitin í kjötvinnsluna

Björgunarsveitin Súlur á Akureyri var kölluð út í fyrradag í heldur óvanalega björgunaraðgerð, að verka svið hjá Norðlenska sem var í vanda með að manna vaktir.

Nýtt skólahúsnæði of lítið

Nýtt húsnæði Korpuskóla er ekki nógu stórt til að hýsa alla nemendur skólans og því þurfa þrjár bekkjardeildir að stunda nám í lausum kennslustofum í vetur. Formaður menntaráðs Reykjavíkur segir að nemendum skólans muni fækka á næstu árum. Það myndi kosta skattgreiðendur offjár ef byggður væri of stór skóli.

Vaxandi yfirgangur framkvæmdavalds

Formaður Vinstri - grænna segir ákvörðun ríkisstjórnarinnar um hvernig verja beri ágóðanum af símasölunni dæmi um vaxandi yfirgang framkvæmdavaldsins gagnvart Alþingi. Þarna sé verið að ráðstafa gríðarlegum fjármunum í eigu þjóðarinnar fram yfir næstu tvennar alþingiskosningar, án þess að málið sé rætt annars staðar en í stjórnarflokkunum.

Skemmtibátur fórst á Viðeyjarsundi

Þremur var bjargað og tveggja er saknað eftir að skemmtibátur fórst á Viðeyjarsundi í nótt. Leit stendur yfir að karlmanni og konu, björgunarsveitarmenn ganga fjörur og kafarar leita í sjónum og hefur flak bátsins fundist.

Fimm handtekin með fíkniefni

Fimm ungmenni voru handtekin á Akureyri í gærkvöldi eftir að lögregla fann fíkniefni í bíl þeirra. Lögregla stöðvaði bílinn við hefðbundið eftirlit og kom þá í ljós að fólkið hafði kannabisefni undir höndum en þó lítilræði, samkvæmt upplýsingum lögreglu.

Lík af konu fundið

Lík af rúmlega fimmtugri konu sem saknað var eftir að lítill skemmtibátur fórst á Viðeyjarsundi í nótt er fundið. Rúmlega þrítugs karlmanns er enn saknað og stendur leit yfir. Þriggja var bjargað af kili bátsins sem maraði í hálfu kafi. Það voru lögreglumenn á bát sem fundu fólkið við Skarfasker utan við Laugarnestanga.

Ný gatnamót opnuð í dag

Ný gatnamót Snorrabrautar og Hringbrautar í Reykjavík verða opnuð umferð á ný í dag eftir breytingar. Snorrabraut milli Eiríksgötu og Hringbrautar hefur verið lokuð frá því snemma í sumar vegna framkvæmda við nýju Hringbrautina.

Báturinn nýkominn til landsins

Báturinn sem fórst á Viðeyjarsundi í nótt hét Harpa og var nýkominn til landsins. Að sögn Magnúsar Jóhannssonar hjá svæðisstjórn Landsbjargar var skyggni lélegt á slysstað í nótt en báturinn virðist hafa strandað á Skarfaskeri og sokkið í kjölfarið.

Ný húsakynni Félags eldri borgara

Félag eldri borgara fagnar nýjum húsakynnum um helgina með opnu húsi að Stangarhyl 4 á Ártúnsholti í Reykjavík, milli klukkan tvö og fjögur, bæði í dag og á morgun. Þar fer fram formleg opnun á nýju og glæslegu húsnæði félagsins og eru eldri borgarar hvattir til að mæta og taka með sér gesti til að kynna sér starf félagsins.

Hvetja til að hafna sameiningu

Samtök sem ætla að hvetja landsmenn til að hafna sameiningu sveitarfélaga í kosningum í næsta mánuði eru að verða til í Svarfaðardal. Bitur reynsla heimamanna af sameiningu norðanlands veldur því að forsvarsmenn sjá ástæðu til að vara aðra landsmenn við.

Sigldi undir breskum fána

Skemmtibáturinn sem fórst á Viðeyjarsundi í nótt sigldi undir breskum fána og var nýkeyptur til landsins að því er fram kemur í tilkynningu frá Landhelgisgæslunni. Báturinn var 9,9 metra langur af gerðinni Skilsö, smíðaður í Noregi.

Mannsins enn saknað

Skemmtibáturinn sem fórst á Viðeyjarsundi í nótt var dreginn á land upp úr hádegi í dag. Lík af rúmlega fimmtugri konu sem var í bátnum fannst í morgun en rúmlega þrítugs karlmanns er enn saknað og hefst þriðja lota leitarinnar um hálf fjögur að sögn Jónas Guðmundssonar hjá Landsbjörgu.b-

VG átelja ríkisstjórnina

Flokksráð Vinstrihreyfingarinnar – græns framboðs telur óumflýjanlegt og brýnt að gripið verði til samræmdra aðgerða til að tryggja efnahagslegan stöðugleika og átelur ríkisstjórnina fyrir háskalegt andvaraleysi. Þetta kemur fram í ályktun flokksráðsfundar Vinstri - grænna sem lýkur í dag.

Spenna fyrir kosningarnar í Noregi

Mikil spenna ríkir fyrir þingkosningar í Noregi sem fara fram á mánudaginn. Nýjar skoðanakannanir benda til þess að ríkisstjórn Kjells Magne Bondeviks bæti við sig fylgi og nú virðist fylgi hennar og bandalags stjórnaranstöðuflokkanna nærri hnífjafnt.

Leitað á meðan aðstæður leyfa

Rúmlega þrítugs manns er enn saknað eftir að lítill skemmtibátur fórst á Viðeyjarsundi í nótt. Þremur var bjargað en rúmlega fimmtug kona fannst látin í bátnum. Fram eftir kvöldi verður haldið áfram leit með tveimur neðansjávarmyndavélum eða eins lengi og aðstæður leyfa.

Eldur í húsnæði Hreinsitækni

Eldur kviknaði í húsnæði Hreinsitækni við Stórhöfða á sjötta tímanum. Enginn var inni í húsinu þegar eldurinn kom upp. Rétt fyrir fréttir voru slökkviliðsmenn við það að ráða niðurlögum eldsins.

Enginn greiddi atkvæði á móti

Enginn þriggja fulltrúa stjórnarandstöðunnar í bankaráði Seðlabankans greiddi atkvæði gegn því að bankastjórar hækkuðu í launum um tuttugu og sjö prósent í þremur áföngum fram til ársins 2007. Þeir segjast allir telja að það hefði átt að standa öðruvísi að ráðningu nýs seðlabankastjóra en enginn þeirra íhugar þó að hætta í ráðinu í mótmælaskyni.

Bundið slitlag til Ísafjarðar

Tignarleg stálbogabrú verður byggð yfir Mjóafjörð í Ísafjarðardjúpi en með þverun fjarðarins styttist vetrarleiðin milli Ísafjarðar og Reykjavíkur um 33 kílómetra. Með nýjustu ákvörðun ríkisstjórnarinnar stefnir í að bundið slitlag verði komið á veginn til Ísafjarðar eftir þrjú ár.

Ekkert neyðarástand á Sogni

Jón Kristjánsson heilbrigðisráðherra segir að ráðuneytið ætli ekki að vetia aukafjármagni til réttargeðdeildarinnar á Sogni. Í frétt Fréttablaðins í gær kom fram að réttargeðdeildin er full og hefur verið brugðið á það ráð að vista einn sjúkling í vinnuherbergi.

Umferð hleypt á Snorrabraut

Umferð hefur verið hleypt aftur á Snorrabraut en gatan hefur verið lokuð við gatnamót Hringbrautar frá því í lok júní. Að sögn Höskuldar Tryggvasonar hjá framkvæmdasviði Reykjavíkurborgar er framkvæmdum við gatnamótin ekki að fullu lokið og því fyllsta ástæða til að aka með varúð.

Prófkjörið fer of hratt af stað

Júlíus Vífill Ingvarsson hefur enn ekki tilkynnt um framboð sitt til prófkjörs sjálfstæðisflokksins. Í samtali við Fréttablaðið sagðist Júlíus mjög fljótlega gera grein fyrir því hvaða sæti hann hyggðist taka.

Mikilvægt að koma á jafnvægi

Flokksráð Vinstrihreyfingarinnar - græns framboðs telur brýnt að gripið verði til samræmdra aðgerða til að tryggja efnahagslegan stöðugleika og átelur ríkisstjórnina fyrir andvaraleysi. Þetta er meðal þess sem fram kom á flokksráðsfundi vinstri grænna dagana 9. til 10. september.

Vill eitt af efstu sætunum

Sóley Tómasdóttir hefur ákveðið að gefa kost á sér í prófkjöri Vinstri hreyfingarinnar græns framboðs vegna sveitarstjórnarkosninganna í Reykjavík næsta vor og sækist eftir einu af efstu sætunum. Sóley segist leggja áherslu á jafnréttismál, dagvistarmál, menntamál og íþrótta- og tómstundamál.

Árni gefur ekki kost á sér

Árni Mathiesen, sjávarútvegsráðherra, ætlar ekki að bjóða sig fram til embættis varaformanns Sjálfstæðisflokksins. Að því er fram kemur í Morgunblaðinu í dag segist Árni ætla að styðja Þorgerði Katrínu Gunnarsdóttur, menntamálaráðherra í varaformannskjörinu enda komi það sér best fyrir flokkinn.

Biðu í rúma klukkustund í sjónum

Hátt í hálf önnur klukkustund leið frá því að fólkið á skemmtibátnum Hörpu fór í sjóinn þar til því var bjargað. Bið var á að þyrla Landhelgisgæslunnar væri kölluð út þar sem mönnum var alvara málsins ekki ljós.

Neyðarkall tíu ára drengs

Þrennt bjargaðist, hjón og tíu ára sonur þeirra, þegar skemmtibátur steytti á Skarfaskeri við Viðey og sökk um klukkan tvö í fyrrinótt. Rúmlega fimmtug kona lést og rúmlega þrítugs karlmanns er enn saknað. Talið er að hann hafi reynt að kafa undir bátinn eftir konunni sem lést.

Mátti ekki tæpara standa

"Miðað við aðstæður var það rauninni hrein hending að við römbuðum á bátinn," segir Bogi Sigvaldason, einn fjögurra lögregluþjóna sem bjargaði fjölskyldunni af kili bátsins sem steytti á skeri á Viðeyjarsundi í fyrrinótt."

Setja met nánast daglega

"Við setjum met nánast á hverjum degi. Það stefnir í það að okkur berist yfir þúsund tonn af fötum á þessu ári. Við settum líka met í sölu í ágústmánuði en við seldum fyrir yfir eina milljón í búðinni á Laugavegi", segir Örn Ragnarsson, starfsmaður Rauða krossins.