Stefán Jón formaður borgarráðs

Stefán Jón Hafstein var í dag kjörinn formaður borgarráðs og mun hann gegna embættinu til loka kjörtímabilsins. Hann tekur við af Alfreð Þorsteinssyni sem hefur verið formaður ráðsins frá árinu 2003. Björk Vilhelmsdóttir var kjörinn varaformaður. Stefán Jón var kjörinn í borgarstjórn 2002 og er hann formaður Menntaráðs og Menningar- og ferðamálaráðs Reykjavíkurborgar.

Ný skattlagning á bíleigendur

Nýupptekin bílastæðisgjöld við Leifsstöð eru að mati Félags íslenskra bifreiðareigenda ekkert annað en nýr skattur á bíleigendur.

Pólverjarnir með atvinnuleyfi

"Ég er komin með alla pappíra og leyfi og þessir menn eru nú starfandi fyrir mig á löglegan hátt," segir Sverrir Pétur Pétursson, málarameistari og eigandi SPP Málunar ehf.

Engar bætur fyrir kaup í deCode

Héraðsdómur Reykjavíkur sýknaði á miðvikudag Landsbanka Íslands af skaðabótakröfu manns sem hélt því fram að bankinn hefði ekki upplýst hann um áhættuna sem því fylgdi að kaupa hlutabréf í deCode Genetics.

Faldi kókaín í brókinni

23 ára gamall maður var dæmdur í 300.000 króna sekt í Héraðsdómi Reykjaness í gær, en hann var tekinn í nóvember í fyrra á skemmtistað með 0,6 grömm af amfetamíni; í janúarbyrjun ók hann bíl án réttinda og svo aftur fullur mánuði síðar.

Sektir gætu orðið tvöföld vanskil

Vanskil virðisaukaskatts og opinberra gjalda átta fyrirtækja sem tíu einstaklingar tengdir Frjálsri fjölmiðlun eru ákærðir fyrir nema yfir 104 milljónum króna. Að auki eru tveir úr hópnum ákærðir fyrir heimildarlausan yfirdrátt upp á tæpar 24 milljónir króna þegar þeir færðu peninga á milli fyrirtækja.

Tveggja ára dráttur á kæru

27 ára gömul kona var í Héraðsdómi Reykjavíkur í gær dæmd til tveggja mánaða fangelsisvistar fyrir að misnota debetreikning sumarið 2002 þannig að innistæðulaus skuldfærsla nam rúmri hálfri milljón.

Situr inni í eitt og hálft ár

Í dómi Héraðsdóms Reykjavíkur á þriðjudag var 33 ára gamall maður dæmdur í 18 mánaða fangelsi, áréttuð var ævilöng ökuréttarsvipting yfir honum og einnig gert upptækt bitvopn og tæplega eitt og hálft gramm af amfetamíni sem á honum fannst.

1000 dagar án slysa á Grundartanga

Starfsmenn Íslenska járnblendifélagsins á Grundartanga fögnuðu þeim áfanga í gær að þúsund dagar höfðu liðið án alvarlegra vinnuslysa sem leiddu til fjarveru starfsmanns úr vinnu.

Dufl kom í dragnót

Sprengjusérfræðingar Landhelgisgæslunnar fóru á björgunarbát út í Aðalbjörgu RE-5 út af Þorlákshöfn á miðvikudagsmorgun vegna torkennilegs hlutar sem kom í dragnót skipsins. Reyndist þetta vera sprengjuefnistunna úr tundurdufli frá síðari heimsstyrjöld.

Sigurður Flosason bæjarlistamaður

Sigurður Flosason var á þjóðhátíðardaginn útnefndur bæjarlistamaður Garðabæjar árið 2005. Sigurður er saxófónleikari og tónskáld og þó hann hafi víða komið við í íslenskri tónlist á jazzinn hug hans allan.

Hefur náð tökum á rekstrarvandanum

Menntaskólinn í Kópavogi hefur náð tökum á langvarandi rekstrarhalla sem rekja má allt aftur til ársins 1996 og hefur síðustu ár verið afgangur af rekstri skólans. Þetta kemur fram í greinargerð Ríkisendurskoðunar um fjárlög ársins 2004.

Hús við Grettisgötu brann

Hús við Grettisgötu 54b var alelda þegar slökkviliðsmenn komu að því klukkan rúmlega eitt í fyrrinótt. Að sögn slökkviliðsmanna er það nú líklegast ónýtt. Verið var að endurgera húsið og því bjó enginn í því að sögn lögreglunar í Reykjavík og var það mannlaust þegar atburðirnir áttu sér stað.

Drap kind og faldi

Ökumaður ók yfir kind skammt frá bænum Eyvindarstöðum við Hellisheiði eystri um klukkan tíu í fyrradagsmorgun. Í stað þess að borga sektina sem þessu fylgir fór hann með kindina fjögurra kílómetra leið og faldi hana þar um tuttugu metra frá veginum.

700 neitað í Verzlunarskólanum

Fjórir framhaldsskólar hafa þegar lokið nýskráningum. Metaðsókn var að Verzlunarskólanum og Kvennaskólinn þurfti að vísa frá yfir helmingi umsækjenda. Nýtt rafrænt skráningarkerfi virðist gefa góða raun.

Seltirningar ánægðir

Seltirningar eru mjög ánægðir með þá þjónustu sem bærinn veitir samkvæmt nýrri viðhorfskönnunn Gallups. Þar kemur fram að 85 prósent aðspurðra telja þjónustu bæjarins í heild vera góða og níu af hverjum tíu eru ánægðir með viðmót og framkomu bæjarstarfsmanna.

Tímamótakosningar á Seltjarnarnesi

Niðurstöður kosninganna á Seltjarnarnesi sem fara fram á morgun um skipulagsmál við Suðurströnd og Hrólfsskálamel eru bindandi fyrir bæjarstjórnina. Jónmundur Guðmarsson bæjarstjóri segir þetta vera tímamót hér á landi þar sem ekki hafi þekkst að stjórnvöld hafi gengið svo langt að leggja skýra valkosti í hendur bæjarbúa og bjóða þeim að taka bindandi ákvörðun um niðurstöðu máls.

Vilja stöðva Ólínu

Félag framhaldsskólakennara hefur lagt fram stjórnsýslukvörtun við menntamálaráðuneytið fyrir hönd Ingibjargar Ingadóttur, enskukennara við Menntaskólann á Ísafirði.

Seltirningar takast harkalega á

Seltirningum gefst á morgun kostur á að kjósa á milli tveggja skipulagstillagna, H- og S-tillögu, um Hrólfsskálamel og Suðurströnd. Munurinn á tillögunum felst aðallega í því að svokölluð H-tillaga gerir ráð fyrir því að knattspyrnuvöllurinn við Suðurströnd verði færður að Hrólfsskálamel, þar sem Ísbjörninn stóð þar til hann var rifinn í fyrra.

Tvö vopnuð rán í röð

Vopnað rán og tilraun til annars slíks voru gerð á höfuðborgarsvæðinu í fyrrinótt og í gærdag handtók lögreglan í Reykjavík konu um tvítugt sem grunuð er um ránið en lögreglan vill ekki gefa upp að svo stöddu hvort hún sé einnig grunuð um ránstilraunina.

Meiri lausatök í góðu árferði

Þegar vel árar eru meiri lausatök á fjármálastjórn en ella að mati Davíðs Oddssonar, starfandi forsætisráðherra, sem telur margt til í gagnrýni Ríkisendurskoðunar á framkvæmd fjárlaga.

Refsingar fyrir framúrkeyrslu

Ríkisendurskoðun leggur til að greiðslur til ríkisstofnana sem fara verulega fram úr fjárheimildum verði frystar þar til gripið hafi verið til viðeigandi ráðstafana. Fjármálaráðherra er þessu ósammála.

Vill stöðva greiðslur

Ríkisendurskoðun leggur til í nýrri skýrslu um framkvæmd fjárlaga að fjármálaráðuneytið stöðvi greiðslur til stofnana sem fara yfir fjögurra prósenta mörkin í fjárheimildum eða þar til gripið hafi verið til viðeigandi ráðstafana.

Afgangur en ekki halli

Guðni Ágústsson landbúnaðarráðherra mótmælir harðlega framsetningu Fréttablaðsins síðastliðinn þriðjudag þar sem sagði í fyrirsögn að ráðuneyti hans hefði farið alls um þrjá miljarða króna fram úr fjárlögum árin 1999 til 2003.

Forseti hafi beitt úreltu ákvæði

Ólafur Ragnar Grímsson, forseti Íslands, með sín sérstöku tengsl við Stöð 2, beitti úreltu lagaákvæði í þágu fyrirtækja tengdum Baugi og vann eitthvert mesta skaðaverk sem unnið hefur verið íslenskum almenningi, segir Davíð Oddsson. Pólitíkin hér á landi hafi þannig ekki reynst Jóni Ásgeiri Jóhannessyni illa líkt og skilja megi af viðtali við <em>BBC</em>.

Tíu ár frá komu TF-LÍF

Í dag eru tíu ár síðan björgunarþyrlan TF-LÍF kom til landsins. Landhelgisgæslan fagnar mörgum stórafmælum í ár.

Skammar norræna ráðherra

Utanríkisráðherrar Norðurlandanna hittust í Brussel á þriðjudag vegna ráðstefnu Evrópusambandsins um ástandið í Írak. Í kjölfar fundarins skrifuðu utanríkisráðherrarnir grein í Svenska Dagbladet þar sem þeir lýstu sameiginlegri skoðun sinnu um að standa skuli mynduglega að uppbyggingu lýðræðis í Írak

Eitt tjald við Kárahnjúka

Tveir einstaklingar í einu tjaldi mynda nú mótmælendabúðirnar sem andstæðingar Kárahnjúkavirkjunar eru að koma þar upp. Fimm til viðbótar bætast við fyrir nóttina.

Stuðmenn og Bubbi stíga á stokk

Á fimmtudagskvöld í næstu viku verða haldnir íslenskir góðgerðartónleikar í miðborg Reykjavíkur undir nafninu 8 Líf til að vekja athygli á bágri stöðu þjóða í þriðja heiminum.

Sjö mættir á svæðið

Enn hafa fáir látið sjá sig í alþjóðlegum tjaldbúðum sem til stendur að halda úti á virkjanasvæðinu við Kárahnjúka í sumar.

Þrýst á um Vaðlaheiðargöng

Ákveðið hefur verið að breyta undirbúningsfélagi vegna Vaðlaheiðarganga í framkvæmdafélag og stórauka hlutafé. Aðstandendur verkefnisins segja fjármálastofnanir áhugasamar um fjármögnun en eftir á að semja við samgönguyfirvöld.

Sárnar að fá ekki viðbrögð

Stuðningsmenn Arons Pálma Ágústssonar, hinn svokallaði RJF-hópur, ætlar að halda út til Bandaríkjanna um miðjan júlí ef engin viðbrögð hafa þá borist frá Náðunar- og reynslulausnanefnd Texas-ríkis vegna erinda hópsins.

Fundað um ágreiningsmál

Forsvarsmenn Geymis ehf. og ASÍ funduðu í gær vegna máls pólska verkafólksins sem dvalið hefur hér á landi við störf að undanförnu og telur sig hlunnfarið.

Skjólstæðingum sagt að fara annað

Það ætti enginn að þurfa að vera án heimilislæknis og heilsugæslustöðvar að mati Guðmundar Einarssonar, forstjóra Heilsugæslunnar í Reykjavík. Hann segir að reiknað sé með að allir fái þjónustu í sínu hverfi þótt það sé ekki hægt að standa við það alls staðar.

Tíuþúsundföld eyðing

Samhliða því að flutningar á sjó hafa aflagst smám saman undanfarin ár hafa þungaflutningar um þjóðvegi landsins margfaldast. Viðmiðunartölur gera ráð fyrir að vegslit af völdum þungs bíls á borð við vöruflutningabíl sé um það bil 10 þúsund sinnum meira en af völdum fólksbíls.

Grípa verður til aðgerða

Öldrun þjóða í Evrópu og Bandaríkjunum getur komið af stað alvarlegum þrengingum í efnahagskerfinu ef ekki veður gripið til viðeigandi aðgerða að mati Gylfa Magnússonar.

Eldur kviknaði í rútu

Eldur kviknaði í rútubíl upp úr klukkan fjögur í nótt þar sem hann stóð á athafnasvæði skammt frá Helguvíkurhöfn á Reykjanesi. Slökkviliðið í Keflavík var kallað á vettvang til að slökkva eldinn og gekk það vel. Grunur leikur á að kveikt hafi verið í bílnum en ekki er vitað hverjir brennuvargarnir kunna að vera.

Jarðskjálftahrina við Kleifarvatn

Jarðskjálftahrina hófst rétt vestan við Kleifarvatn á fimmta tímanum í nótt. Sterkasti skjálftinn mældist klukkan korter fyrir átta í morgun og var um 3,4 á Richter samkvæmt sjálfvirkum mælingum en eftir er að reikna styrkinn út nákvæmlega. Skjálftarnir fundust í Hafnarfirði, Reykjavík og víðar.

Kynferðisbrotum fækkaði um 25%

Tilkynningum um kynferðisbrot í Reykjavík fækkaði um fjórðung í fyrra, innbrotum fækkaði um 12%, en fíkniefnabrotum fjölgaði um 3%. Karlar voru rúm áttatíu prósent þeirra sem handteknir voru. Þetta kemur fram í nýrri ársskýrslu lögreglustjórans í Reykjavík fyrir árið 2004.

Festu bílinn í á

Nokkrir útlendingar lentu í vandræðum þegar þeir festu bíl sinn í lítilli á uppi á Hrunamannaafrétti í gær og kölluðu eftir aðstoð. Björgunarsveit var send þeim til hjálpar og náði bílnum upp og sluppu útlendingarnir því með skrekkinn, heilir á húfi.

Engin tjöld enn á Kárahnjúkum

Enn virðast engin tjöld mótmælenda farin að rísa á Kárahnjúkasvæðinu. Lögreglan á Egilsstöðum fór í eftirlitsferð um svæðið í morgun og ætlar að vera þar fram eftir degi.

Grasspretta stutt á veg komin

Grasspretta á túnum bænda er víða tveimur til þremur vikum skemur á veg komin en verið hefur undanfarinn áratug og dæmi eru um að bændur hafi orðið heylausir í vor þar sem þeir þurftu að hafa fé lengur á húsum en undanfarin ár.

Sjálfsvígum karla hefur fækkað

Sjálfsvígum karla hefur fækkað undanfarin þrjú ár en ekki sjálfsvígum kvenna. Landlæknir kynnti í dag átakið „Þjóð gegn þunglyndi“.

Skyndilokanir vegna kolmunnaveiða

Hafrannsóknastofnun hefur nú í fyrsta sinn þurft að grípa til skyndilokana vegna kolmunnaveiða þar sem óheyrilega mikið af þorski hefur veiðst með kolmunnanum, utan allra kvóta. Auk þess endar eðalþorskurinn svo í bræðslu eins og hver annar skítfiskur.

Bændur fá 70% tekna frá ríkinu

Íslenskir bændur fá hærra hlutfall tekna sinna frá hinu opinbera en bændur í öðrum löndum OECD. Nærri sjötíu prósent tekna íslenskra bænda koma frá hinu opinbera og aðeins bændur í Sviss og Noregi fá viðlíka hátt hlutfall tekna sinna frá ríkinu.