Sum barnatannkrem veita ónóga vernd

Borið hefur á því að tannkrem sem markaðssett eru sérstaklega fyrir börn hafi minni flúorstyrk en almennt er mælt með. Veita þau því minni vernd fyrir tannskemmdum en ráðlagt er.

Árásin ekki tilkynnt til lögreglu

Lögreglan á höfuðborgarsvæðinu rannsakar nú árás á sex ára dreng síðastliðinn föstudag. Lögreglumenn lásu um það í Fréttablaðinu í gærmorgun að þrír piltar hefðu ætlað að stela bolta af dreng í Breiðholti og ráðist á hann. Þeir hefðu sparkað í kvið hans og andlit.

Ósáttir við breytingar í Heiðmörk

Stjórn Fáks blæs nú til sóknar gegn fyrirhuguðum breytingum á deiliskipulagi Heiðmerkur. „Þar eru hestamenn settir til hliðar og ekki virt áratuga hefð hestamanna um notkun svæðisins til útivistar,“ segir stjórn Fáks í ákalli til félagsmanna.

Farsímar meira notaðir í útlöndum

Netnotkun Íslendinga á ferðalögum erlendis í gegnum farsíma hefur aukist gríðarlega á síðustu misserum.

Þurfa að lágmarki 28 metra á sekúndu

„Það þarf einfaldlega kolvitlaust veður,“ segir Hrafnkell Sigtryggsson, sem annast mál Red Bull Storm Chase-seglbrettakeppninnar hér á Íslandi.

Ríkisendurskoðun skortir fé til að kanna styrki til flokka

Styrkveitingar sjávarútvegsfyrirtækja til stjórnmálaflokka verða teknar fyrir á fundi stjórnskipunar- og eftirlitsnefndar Alþingis eftir þingsetningu í næstu viku. Enn á eftir að finna dagsetningu fyrir fundinn.

Sigurvíma sundkappans Jóns Margeirs

Jón Margeir fagnaði vel og innilega eftir að hafa tryggt sér gullið í 200 metra skriðsundi. Þetta eru fyrstu verðlaun Íslendings á Ólympíumóti síðan í Aþenu 2004. Íslenska þjóðin samfagnaði Jóni Margeiri Sverrissyni þegar hann tryggði sér gullverðlaunin í 200 metra skriðsundi í flokki hreyfihamlaðra með nýju heimsmeti á Ólympíumóti fatlaðra í London á sunnudag.

Fleiri námuverkamenn urðu fyrir skotum lögreglu

Fjórir námuverkamenn í Suður-Afríku særðust í gær þegar lögregla beitti bæði táragasi og gúmmískotum. Einn þeirra er alvarlega særður.

Telur verkið nánast ómögulegt

Sýrlenski herinn varpaði í gær sprengjum á bæinn al Bab, sem er skammt frá tyrknesku landamærunum. Árásirnar kostuðu að minnsta kosti 19 manns lífið. Átökin í landinu hafa kostað meira en 23 þúsund manns lífið frá því þau hófust snemma á síðasta ári.

Handverksbrugg í stöðugum vexti

Lítil brugghús spretta fram hvert á fætur öðru hér á landi. Brugghúsin eru nú sex á landinu og starfrækja öll svonefnt handverksbrugg að meira eða minna leyti, en það felst í því að prufa eitthvað nýtt og þróa sérkenni í sínum afurðum.

Leita manns sem féll í Jökulsá

Björgunarsveitir voru kallaðar út í kvöld til að leita að manni sem féll í Jökulsá í Lóni fyrr í kvöld. Eins og stendur eru björgunaraðgerðir í hámarki. Þyrla Landhelgisgæslunnar er á svæðinu auk leitarhunda og fjölmennra björgunarsveita frá Höfn í Hornafirði, Djúpavogi og Fáskrúðsfirði.

Ótrúlegt hve hratt Google lærði íslensku

Í síðasta mánuði gátu Íslendingar byrjað að tala íslensku við Google leitarvélina. Fyrrverandi starfsmaður fyrirtækisins og lektor við Háskólann í Reykjavík eru mennirnir á bakvið hugmyndina, sem þeir segja í upphafi hafa verið líkasta draumi. Í raun sé ótrúlegt hversu fljótt þeir náðu að kenna íslenskuna.

Lögregluforingjar kvöddu Geir Jón

Lögregluforingjar af höfuðborgarsvæðinu heimsóttu í dag samstarfsmann sinn til margra ára, Geir Jón Þórisson, til Vestmannaeyja og kvöddu hann. Þeir eyddu deginum í Eyjum, fóru í siglingu og eyddu kvöldinu á veitingastaðnum Einsa kalda á Hótel Þórshamri.

Harry grínast með sundlaugarpartíið

Harry Bretaprins tekur sjálfan sig augljóslega ekki of hátíðlega því þegar hann kom í dag fram opinberlega í fyrsta sinn síðan myndir af honum berum í sundlaugarpartíi í Las Vegas fóru eins og eldur í sinu um fjölmiðla heimsins gerði hann grín að uppátækinu.

Ósáttur við hvernig jafnréttislögin eru túlkuð

Ögmundur Jónasson, innanríkisráðherra, sagði í Kastljósi fyrr í kvöld að hann væri ósáttur við hvernig jafnréttislögin eru túlkuð. Fram kom einnig að nú væri til skoðunar í ráðuneytinu hvort höfða bæri mál til að fá úrskurði kærunefndar jafnréttismála hnekkt.

Ögmundur þarf að bregðast við úrskurðinum

Ögmundur Jónasson innanríkisráðherra verður að víkja úr embætti ef dómstólar komast að sömu niðurstöðu og kærunefnd Jafnréttisstofu. Þetta segir, formaður þingflokks Vinstri grænna. Lögmaður konunnar segir að enn hafi ekki verið ákveðið hvort krefjast eigi skaðabóta, en konan hafi bæði orðið fyrir fjárhagstjóni og miska.

Herjólfur siglir í kvöld

Stefnt er að því að Herjólfur sigli síðustu ferð í dag, þ.e. frá Eyjum kl 20:30 og frá Landeyjahöfn 22:00.

Einstaka kennarar virðast gera lítið úr nemendum

15% nemenda í 5.-7. bekk í grunnskóla telja að kennarar geri oft eða stundum lítið úr einhverjum nemanda í skólastofunni. Hlutfallið hefur aukist á einu ári. Þetta kemur fram í skýrslu sem Umboðsmaður barna vann um starfsemi sína árið 2011.

Tvær létust af völdum leghálskrabbameins

Tvær ungar konur létust af völdum leghálskrabbameins á síðasta ári. Forstjóri Krabbameinsfélagsins segir það mikið áhyggjuefni að dregið hafi úr því að konur komi í krabbameinsleit.

Óskað eftir umsögnum um frumvarp til náttúruverndarlaga

Umhverfis- og auðlindaráðuneytið óskaði í dag eftir umsögnum um ný drög að frumvarpi til náttúruverndarlaga. Drögin byggja á Hvítbók um löggjöf til verndar náttúru Íslands, sem fól í sér heildarúttekt á lagaumhverfi náttúruverndar á Íslandi. Tekið hefur verið tillit til athugasemda um Hvítbókina sem bárust.

Reglubundin leghálskrabbameinsleit bjargar mannslífum

Kona sem greindist með leghálskrabbamein segir það bjarga lífi kvenna að fara nógu snemma í krabbameinsleit. Hún hafi verið kærulaus og dregið það enda hafi henni fundist fráleitt að jafn ung kona og hún gæti fengið slíkt krabbamein.

Unglingar eyða meiri tíma með foreldrum sínum

Fjöldi þeirra unglinga sem eyða miklum tíma með foreldrum sínum utan skóla hefur aukist töluvert síðustu fimmtán ár. Þetta kemur fram í nýju riti sem unnið var fyrir menntamálaráðuneytið og nefnist

Yndislestur unglinga eykst

Sífellt fleiri börn í 9. og 10. bekk í grunnskóla lesa sér til skemmtunar utan skólatíma. Þetta er meðal þess sem kemur fram í nýju riti sem unnið var fyrir menntamálaráðuneytið, Ungt fólk 2012, sem birtist í dag.

Níu dæmdir á níu dögum

Á níu daga tímabili dæmdi Héraðsdómur Reykjaness níu erlenda einstaklinga í þrjátíu daga fangelsi fyrir að framvísa röngu eða fölsuðu vegabréfi í Leifsstöð. Dómarnir féllu frá 21.-29. ágúst en voru birtir í dag.

Brutust tvívegis inn hjá golfklúbbi Þorlákshafnar

Brotist var inn í vélageymslu við hlið golfskálans í Þorlákshöfn aðfaranótt laugardags og þaðan stolið handverkfærum og fleiru. Auk þess voru skemmdir unnar á húsnæðinu. Nóttina á eftir var svo brotist inn í golfskálann sjálfann og þaðan stolið sjónvarpi, áfengi og nokkru magni af golfhönskum.

Makrílviðræðurnar skiluðu engum árangri

Viðræður sem fram fóru í dag í London milli Íslands, Færeyja, Noregs og Evrópusambandsins um makríl skiluðu ekki árangri. Þetta kemur fram í yfirlýsingu á vefsíðu atvinnuvegaráðuneytisins. Of mikið ber í milli í deilunni um skiptingu kvótans.

Skógareldar við Los Angeles

Slökkviliðsmenn í Los Angeles í Bandaríkjunum berjast nú við mikla skógarelda sem blossuðu upp í gær. Rúmlega 1.600 hektara svæði hefur orðið eldi að bráð en slökkviliðsmönnum hefur aðeins tekist að hemja um fimm prósent eldanna.

Ríkiskaup vilja ógilda úrskurð kærunefndar og segja upp rammasamningi

Ríkiskaup hafa ákveðið að höfða mál til ógildingar úrskurðar kærunefndar útboðsmála sem komst að þeirri niðurstöðu í ágúst að Ríkiskaup hafi brotið gegn lögum um opinber innkaup þegar tilboði Icelandair í útboði um flugsæti til og frá Íslandi í mars á síðasta ári var tekið.

Mannfall í Norður-Kóreu eftir fellibyl

Hátt í fimmtíu manns létust þegar fellibylurinn Bolaven gekk yfir Norður-Kóreu um helgina. Þá eru rúmlega fimmtíu sárir og margir af þeim lífshættulega slasaðir.

Lögreglan leitar að gerendum og þolanda í árásarmálinu

"Okkur hefur ekki tekist að finna út hverjir þetta eru sem þarna eiga hlut að máli,“ segir Gylfi Sigurðsson, lögreglumaður á lögreglustöðinni í Kópavogi um árás þriggja pilta á sex ára gamlan dreng fyrir helgi. Gylfi segir í samtali við Vísi að málið sé rannsakað af fullri alvöru.

Skriðdrekinn verður endurbyggður

Til stendur að byggja nýjan skriðdreka í stað þess sem brann í skemmtigarðinum við Gylfaflöt í Grafarvogi. Það voru óprúttnir aðilar sem lögðu eld að skriðdrekanum sem var þó ekki hefðbundið hertól heldur smíðaður úr keflum, símastaur og tréi.

Ljósanótt fór vel fram

Nýafstaðin Ljósanótt í Reykjanesbæ fór vel fram og gekk þáttur löggæslu í bænum vel að því er fram kemur í tilkynningu frá lögreglunni á Suðurnesjum. Hátíðin hófst á fimmtudagsmorgun og náði hámarki á laugardagskvöld þegar um tuttugu þúsund gestir voru saman komnir, meðal annars til að fylgjast með flugeldasýningu.

Facebook-morðingi í ársfangelsi

Fimmtán ára gamall piltur í Hollandi hefur verið dæmdur til eins árs betrunarvistar fyrir að hafa orðið 14 ára stúlku að bana. Aðdraganda morðsins má rekja til rifrildis á samskiptamiðlinum Facebook.

Barnavernd Reykjavíkur hefur ekki fengið tilkynningu um árásina

Barnavernd Reykjavíkur hefur ekki verið látin vita af því atviki þegar piltar á aldrinu 12-13 ára réðust á sex ára gamlan dreng fyrir helgi. Drengurinn var með bolta sem þeir ásældust. Halldóra Dröfn Gunnarsdóttir, framkvæmdastjóri barnaverndar Reykjavíkur, býst þó fastlega við því að barnavernd verði gert viðvart um málið að því gefnu að gerendurnir séu með lögheimili í Reykjavík.

Dæmi um að börn þori ekki út vegna óvæginnar umfjöllunar á netinu

Umboðsmanni barna bárust margar ábendingar um umfjöllun fjölmiðla og birtingu mynda og upplýsinga um börn og hagi þeirra að því er fram kemur í ársskýrslu Umboðsmanns barna sem birtist í dag. Umboðsmaður telur að fjölmiðlar, og stundum foreldrar, gangi of langt með umfjöllun um einkamálefni barna sem ættu í raun að njóta friðhelgi.

Klettamyndanir á botni Eystrasaltsins - ekki geimskip

Fyrirbærið sem hafrannsóknarmenn fundu á botni Eystrasaltsins í maí árið 2011 hefur heillað marga. Sumir halda því fram að aldagamalt geimskip liggi þar á hafsbotni meðan aðrir telja hlutinn vera leynivopn nasista frá seinni heimsstyrjöld. Hluturinn, sem er disklaga, er á stærð við Boeing 747 breiðþotu.

Börn oft send til ofbeldisfulls foreldris - vilja betri lög

Umboðsmaður barna telur óumdeilt að ofbeldi ætti að hafa mun meira vægi þegar teknar eru afdrifaríkar ákvarðanir um aðstæður barna fyrir dómsstólum. Í ársskýrslu embættisins fyrir síðasta ár kemur meðal annars fram að dregið sé í efa að börnum sé tryggð fullnægjandi vernd gegn ofbeldi í íslenskri réttarframkvæmd.

Lést í sjóslysi á leið frá Íslandi

Tæplega sjötugur karlmaður lést eftir að hann féll af skútu sinni vestur af strönd Nýfundnalands á laugardag. Maðurinn, sem var skurðlæknir og prófessor við Harvard háskóla, var á siglingu frá Íslandi til Bandaríkjanna þegar slysið varð, að því er fram kemur á vef CBC fréttastofunnar. Stormur og mikill öldugangur var þegar slysið varð. Fjölskylda mannsins, sem hét Ned Cabot, segir að hann hafi verið vanur siglingamaður og hafi oft ferðast milli Norður Ameríku og Evrópu og hafi þekkt strendur Nýfundnalands og Labrador mjög vel.

Russell Crowe bjargað af strandgæslunni

Strandgæsla Bandaríkjanna kom Íslandsvininum Russell Crowe til bjargar um helgina. Leikarinn var á kajaksiglingu ásamt félaga sínum við Long Island í New York þegar þeir villtust af leið.

Sífellt fleiri konur greinast með leghálskrabbamein

Sífellt fleiri konur greinast með leghálskrabbamein á alvarlegra stigi en áður. Þannig þurfa tvöfalt fleiri konur að fara í geisla- eða lyfjameðferð vegna krabbameinsins nú en fyrir áratug. Yfirlæknir segir ástæðuna þá að færri konur mæti reglulega í krabbameinsleit.

Átök harðna í Sýrlandi

Að koma á friði milli stríðandi fylkinga í Sýrlandi er gífurlega erfitt verkefni. Þetta segir Lakhdar Brahimi, nýr erindreki Sameinuðu Þjóðanna og Arabandalagsins í Sýrlandi. Hann heimsækir landið á næstu dögum mun þá reyna að miðla málum milli uppreisnarmanna og stjórnvalda í Sýrlandi.

Drengurinn ekki beinbrotinn heldur alvarlega tognaður

Drengurinn sem ráðist var á í Bökkunum í Breiðholti um helgina er ekki jafn illa slasaður og í fyrstu var talið. Fjórir piltar á aldrinum 12 - 13 ára réðust á hann á fótboltavelli þar sem þeir ætluðu að taka af honum fótbolta. Fréttablaðið greindi frá því í morgun að drengurinn hefði beinbrotnað í árásinni. Í ljós hefur komið að drengurinn tognaði alvarlega á hendi og fékk að auki miklar blóðnasir.

Þór Saari segist hafa verið skilinn útundan

Þór Saari þingmaður Hreyfingarinnar segir formann atvinnuveganefndar Alþingis hafa skilið sig útundan í störfum trúnaðarmannahóps um fiskveiðifrumvarpið með því að boða hann ekki á fundi hópsins í ágúst. Formaður nefndarinnar segir Þór Saari hafa gefið í skyn að hann vildi ekki mæta á fundina.

Bruce Willis íhugar málshöfðun gegn Apple

Bandaríski stórleikarinn Bruce Willis íhugar nú að höfða mál á hendur tæknirisanum Apple og vefversluninni iTunes. Willis, sem er mikill tónlistarunnandi, krefst þess að hann fái að ánafna fjölskyldu sinni tónlistarsafni sínu þegar hann geispar loks golunni.

Wessman og félagar náðu öðru sætinu í hálfum Járnkarli

Lið þeirra Steins Jóhannssonar, Róberts Wessmans og Friðleifs Friðleifssonar náði 2. sæti af 41 í liðakeppni í hálfum Járnkarli í Þríþrautarkeppninni í Köln í gær að því er fram kemur í tilkynningu.