Innlent

Barnavernd Reykjavíkur hefur ekki fengið tilkynningu um árásina

Jón Hákon Halldórsson skrifar
Myndin, sem er sviðsett, er af barni á svipuðum aldri og drengurinn sem ráðist var á.
Myndin, sem er sviðsett, er af barni á svipuðum aldri og drengurinn sem ráðist var á. mynd/ getty.
Barnavernd Reykjavíkur hefur ekki verið látin vita af því atviki þegar piltar á aldrinum 12-13 ára réðust á sex ára gamlan dreng fyrir helgi. Drengurinn var með bolta sem þeir ásældust. Halldóra Dröfn Gunnarsdóttir, framkvæmdastjóri barnaverndar Reykjavíkur, býst þó fastlega við því að barnavernd verði gert viðvart um málið að því gefnu að gerendurnir séu með lögheimili í Reykjavík.

„Að öllu jöfnu hefði maður átt von á því að neyðarvaktin okkar hefði verið kölluð til," segir Halldóra Dröfn. Það gerðist hins vegar ekki og eins og fram kom í fréttum í morgun fékk lögreglan á höfuðborgarsvæðinu ekki veður af málinu fyrr en að fréttir bárust af því í Fréttablaðinu í morgun. Þá hóf lögreglan strax sjálfstæða rannsókn á því.

„Áhyggjuefnið hlýtur að vera fyrst og fremst gerendurnir, að það náist einhvern veginn að vinna með þá af því að þeir eru ekki orðnir fimmtán ára gamlir, samkvæmt þessari lýsingu, og ekki sakhæfir," segir Halldóra Dröfn. Hún segir að um leið og nöfn þessara drengja liggja fyrir muni barnavernd koma að þessum málum með foreldrum þeirra og finna lausn á því hvernig hægt er að uppræta þessa hegðun.


Tengdar fréttir

Barnavernd skoði mál piltanna þriggja sem réðust á litla drenginn

"Við erum búin að vera að ræða þetta hér," segir Margrét María Sigurðardóttir, umboðsmaður barna, um mál piltanna þriggja sem réðust á sex ára gamlan dreng um helgina og beinbrutu hann. Piltarnir eru tólf til þrettán ára gamlir en þeir viltu ná í bolta sem litli drengurinn var með.

Drengurinn ekki beinbrotinn heldur alvarlega tognaður

Drengurinn sem ráðist var á í Bökkunum í Breiðholti um helgina er ekki jafn illa slasaður og í fyrstu var talið. Fjórir piltar á aldrinum 12 - 13 ára réðust á hann á fótboltavelli þar sem þeir ætluðu að taka af honum fótbolta. Fréttablaðið greindi frá því í morgun að drengurinn hefði beinbrotnað í árásinni. Í ljós hefur komið að drengurinn tognaði alvarlega á hendi og fékk að auki miklar blóðnasir.

Þriggja pilta leitað eftir hrottalega árás á barn

"Þetta var alveg hræðilegt. Þegar ég kom á svæðið liggur drengurinn blóðugur á jörðinni og þeir hlupu í burtu," segir Þórarinn Engilbertsson knattspyrnuþjálfari. Hann varð vitni að fólskulegri árás fjögurra 12 til 13 ára pilta á sex ára dreng.

Foreldrar reyna að ná sáttum í fólskulegu líkamsárásarmáli

Unnið er að því að finna lausn á alvarlegu líkamsárásarmáli á milli foreldra barna sem í hlut eiga, en Fréttablaðið greindi frá því í morgun að fjórir 12- 13 ára piltar hafi gengið í skrokk á sex ára dreng um helgina, með þeim afleiðingum að hann handleggs- og kinnbeinsbrotnaði. Samkvæmt upplýsingum frá lögreglunni í Kópavogi hefur málið ekki borist embættinu enn þá.

Mest lesið


Fleiri fréttir

Sjá meira


×

Mest lesið