Kýldi mann af engu tilefni fyrir framan lögregluna

Klukkan hálf sex í morgun var maður handtekinn við stjórnarráðið í Lækjargötu eftir að lögreglumenn horfðu á hann kýla annan mann af engu tilefni. Tekin verður skýrsla af honum í dag. Sá sem varð fyrir árásinni leitaði sér aðstoðar á slysadeild.

Rappar gegn kvenfyrirlitningu

Þórdís Nadia Semichat sendi frá sér sitt fyrsta lag og myndband, Passaðu þig, í síðustu viku. Hún segir íslenska hipphoppheiminum vera stjórnað af karlmönnum og vill veg kvenna meiri í dægurmenningunni. Kjartan Guðmundsson ræddi við hana.

Orkídea sem óx upp úr kolabing

Bryan Ferry er rokkari sem sagt er að líklegri sé til að endurinnrétta hótelherbergi en rústa því. Eftir 40 ár í bransanum sækir hann Ísland heim fyrsta sinni í tilefni Listahátíðar í Reykjavík. Sif Sigmarsdóttir hitti hann fyrir í London þar sem hún komst að eigin raun að ástæðum þess að hann telst enn kvennagull og hvers vegna hann myndi sóma sér vel sem konungur Frakklands.

Fékk ævilangt fangelsi í Kína

Dómstóll í Kína hefur dæmt Lai Chanxing í ævilangt fangelsi. Lai var framseldur frá Kanada til Kína á síðasta ári, eftir að kínversk stjórnvöld höfðu lofað Kanadamönnum því að hann yrði ekki tekinn af lífi.

Getur ekki gert upp á milli Clapton og Simon: "Ég elska þá alla"

Heimsþekktur trommuleikari ráðleggur upprennandi trommurum að fylgja hjarta sínu og ástríðu. Hann vill ekki gera upp á milli Eric Clapton og Paul Simon.

Enginn með fyrsta vinning

Enginn var með allar lottótölurnar réttar í útdrætti kvöldsins. Fimm voru þó með fjórar jókertölur í réttri röð og fá þeir 100 þúsund krónur í sinn hlut.

Gunnar Bragi: Ríkisstjórnin er að hita upp fyrir kosningar

Þingflokksformaður Framsóknarflokksins segir ríkisstjórnina nota nýja fjárfestingaráætlun til að hita upp fyrir kosningar. Markmið hennar sé að safna að sér smáframboðum til stuðnings við mikilvæg mál.

Vonast til að samningaviðræðum verði lokið á mánudag

Þór Saari þingmaður Hreyfingarinnar vonast til að samningaviðræðum við ríkisstjórnina um stuðning í ákveðnum málum verði lokið á mánudaginn. Ríkisstjórnin sé með tilboð á borðinu.

Búinn að vera í björgunarsveitinni síðan 1979 - aldrei lent í öðru eins

Mikill viðbúnaður var á Keflavíkurflugvelli í gær en hátt í tvö hundruð björgunarsveitarmenn og viðbragðsteymi voru kölluð út. Farþegar héldu þó ró sinni og aðeins örfáir þurftu á áfallahjálp að halda.

Banaslys í Skorradal

Banaslys varð á malarveginum á milli Indriðastaða og Hreppslaugar í Skorradal um klukkan þrjú í dag þegar að jepplingur valt. Öldruð hjón voru í bílnum og var ökumaðurinn, konan, úrskurðuð látin á slysstað.

Elfa Dögg verður áfram í meirihlutanum - allir sáttir og sælir

Sjálfstæðismenn í Árborg náðu samkomulagi í dag um að Elfa Dögg Þórðardóttir, bæjarfulltrúi flokksins, starfi áfram með meirihlutanum. Helgi S. Haraldsson, fulltrúi B-listans, kemur þá ekki inn í meirihlutann eins og stóð til á tímabili.

Sigmund látinn

Uppfinningamaðurinn og skopmyndateiknarinn Sigmund Jóhannsson Baldvinsen lést í morgun, áttatíu og eins árs að aldri eftir erfið veikindi. Þetta kemur fram á vef eyjafrétta. Sigmund fæddist í Noregi árið 1931 og kom til Íslands þriggja ára gamall. Sigmund var einna þekktastur fyrir skopmyndir sínar í Morgunblaðinu en hann var menntaður vélstjóri og fann meðal annars upp sjálfvirkan sleppibúnað fyrir gúmmíbjörgunarbáta. Sigmund lætur eftir sig eiginkonu, Helgu Ólafsdóttur, og þrjá syni, þá Ólaf Ragnar, Hlyn og Björn Braga.

Kristbjörg kemur til hafnar - myndir

Neta- og dragnótabáturinn Kristbjörg VE kom til hafnar í Vestmannaeyjum í hádeginu í dag en báturinn varð vélarvana við Meðallandsbugt við Skarðsfjöruvita á tíunda tímanum í gærkvöldi og rak í átt að landi.

Oft auðvelt að brjótast inn

Oft er auðvelt fyrir þá sem kunna til að brjótast inn í tölvukerfi sem stýra eftirlitsmyndavélum. Þannig má nálgast upptökur úr vélunum og dreifa þeim, eða stöðva upptökur tímabundið, að því er fram kemur í nýjasta eintaki Vírsins, fréttabréfi áhættuþjónustu Deloitte.

Kanadískur ferðamaður krotaði á hurðir og veggi

Klukkan hálf sex í morgun var 38 ára gamall kanadískur ferðamaður stöðvaður af við eignaspjöll í miðbæ Reykjavíkur. Samkvæmt upplýsingum frá lögreglu gekk maðurinn á milli húsa við Laugaveg og nágrenni og krotaði á hurðir og veggi. Hann var með farsíma meðferðis og sýndi lögreglumönnum nokkuð margar myndir af eignaspjöllunum en ekki hefur tekist að staðsetja allt krotið. Málið er í rannsókn hjá lögeglu.

Þýska ferðakonan fundin

Ferðakonan sem björgunarsveitir voru að leita að er fundin. Björgunarmaður á sexhjóli fann konuna rétt við Rauðasand og amaði ekkert að henni. Konan er frá Þýskalandi en búsett hér á landi. Björgunarsveitir voru komnir á svæðið og leit var hafin af göngumönnum, leitarmönnum á sexhjóli og á sjó.

Erlend ferðakona týnd á Vestfjörðum

Björgunarsveitir Slysavarnafélagsins Landsbjargar á sunnanverðum Vestfjörðum voru kallaðar út um eittleytið til leitar að erlendri ferðakonu.

Útsýnið stórkostlegt í fyrstu fjallgöngunni

Viktor Theodórsson er tíu ára gamall hreyfihamlaður drengur sem gekk í fyrsta sinn á Akrafjall í síðustu viku með samnemendum sínum á útivistardegi Grundaskóla á Akranesi. Gangan gekk vel þrátt fyrir fötlun hans og segir hann hana hafa verið skemmtilega.

Myndband af lendingunni

Flugmenn urðu ekki varir við neitt þegar hjól undan farþegþotu Icelandair á leið til Orlando í gærkvöld fór af í flugtaki. Búið er að skikpta um lendingarbúnað á vélinni sem fer aftur í notkun seinna í dag.

Árleg vorhátíð Austurbæjarskóla haldin í morgun

Árleg vorhátíð Austurbæjarskóla hófst í morgun með skrúðgöngu frá skólanum. Í göngunni voru tveir trommuvagnar og var þeim ekið út úr gömlu spennistöðinni áður en gangn hófst. Á heimasíðu skólans segir að í stað orku til heimilisnota streymdi orka hrynsins út úr þessu gamla gímaldi og knúði gönguna áfram. Nemendur í 1. til 4. bekkjar voru með uppblásnar blöðrur, gular, rauðar, grænar og bláar í stíl við einkennisliti þessara árganga. Að lokinni göngu var dagskrá í skólaportinu þar sem boðið var upp á grill, basar og kaffihús. Á meðfylgjandi mynd hér til hliðar má sjá krakkana á Skólavörðustígnum.

Kristbjörg komin til Vestmannaeyja

Neta- og dragnótabáturinn Kristbjörg VE kom til hafnar í Vestmannaeyjum nú í hádeginu.

Lög gegn barnaníði hert til muna

Bannað verður með lögum að framleiða klámfengið efni þar sem leikendur herma eftir barni, þó þeir hafi náð átján ára aldri. Einnig verður bannað að mæla sér mót við barn undir 15 ára aldri í kynferðislegum tilgangi, hvort sem það er á Netinu eða utan þess.

"Ekki boðlegt að búið sé að taka Alþingi Íslendinga í gíslingu"

Þingflokksformaður Samfylkingarinnar segir sjálfstæðismenn og framsóknarmenn halda þinginu í gíslingu vegna umræðu um þjóðatkvæðagreiðslu um nýja stjórnarskrá. Umræðan hefur nú staðið í tæpar 37 klukkustundir en sjálfstæðismenn segja að ekki sé um málþóf að ræða.

Örfáir farþegar þurftu áfallahjálp

Aðeins örfáir farþegar þurftu á áfallahjálp að halda eftir lendinguna í gær. Fréttastofa náði tali af Guðmundi Þór Ingólfssyni, formanni Neyðarnefndar Suðurnesjadeildar Rauða Krossins, á Keflavíkurflugvelli stuttu eftir að vélin lenti.

Jóhanna á leið til Chicago

Forsætisráðherra, Jóhanna Sigurðardóttir, fer um helgina til Chicago þar sem haldinn verður fundur leiðtoga NATO ríkjanna. Í sendinefnd Íslands eru utanríkisráðherra, fastafulltrúi Íslands gagnvart NATO, og embættismenn frá forsætis- og utanríkisráðuneytum.

Draumur um barn í lausu lofti vegna tafa

"Mér finnst fáránlegt að einhverjir karlar í jakkafötum, án þess að ég sé með einhverja fordóma, geti stjórnað því hvort ég fái minn æðsta draum uppfylltan,“ segir Tinna Rúnarsdóttir, sem sér fram á að geta ekki eignast barn ef Íslensk ættleiðing fær ekki fjárveitingar frá ríkinu til að halda nauðsynleg námskeið fyrir verðandi kjörforeldra.

Blindi andófsmaðurinn á leið til Bandaríkjanna

Chen Guangcheng kínverski andófsmaðurinn sem flúði úr stofufangelsi og leitaði griða í bandaríska sendiráðinu í Peking í síðasta mánuði, er nú á leið til Bandaríkjanna. Nýlegur flótti hans skapaði mikla spennu í samskiptum Kínverja og Bandaríkjamanna en nú virðist sem lausn sé komin í málið. Chen, sem er blindur, fékk nýlega vegabréfsáritun og fór í morgun út á flugvöll ásamt eiginkonu sinni og tveimur börnum. Hann hyggst fara til NewYork og hefja nám.

Búið að mynda nýjan meirihluta í bæjarstjórn Árborgar

Nýr meirihluti hefur verið myndaður í bæjarstjórn Árborgar. Samkvæmt heimildum fréttastofu hafa Sjálfstæðismenn og Framsóknarmenn náð saman um að bæjarfulltrúi Framsóknar, Helgi S. Haraldsson, gangi til liðs við hreinan meirihluta sjálfstæðismanna.

Kristbjörg VE á leið til Vestmannaeyja

Neta- og dragnótabáturinn Kristbjörg VE er nú í togi á leið til Vestmannaeyja. Báturinn varð vélarvana á Meðallandsbugt norðan við Skarðsfjöruvita á tíunda tímanum í nótt og rak í átt að landi.

Pissuðu á styttur fyrir framan Stjórnarráðið

Mikið var um útköll hjá lögreglu í nótt bæði vegna ölvunar og hávaða. Um 20 fíkniefnamál komu upp og tveir aðilar voru kærðir í nótt fyrir brot á lögreglusamþykkt er þeir köstuðu af sér vatni á styttur fyrir framan Stjórnarráðið.

Þjófur í Austurbænum - stal bensíni af sláttuvél

Um klukkan hálf fjögur í nótt fékk lögreglan tilkynningu um mannaferðir í garði við íbúðarhús í austurbænum í Reykjavík. Þegar lögreglan kom á vettvang var þar maður að stela bensíni af sláttuvél en stuttu áður hafði hann farið inn á heimili í nágreninu og stolið þaðan munum og bifreið. Samkvæmt upplýsingum frá lögreglu varð stolna bifreiðin síðan benínlaus og var maðurinn að stela bensíninu af sláttuvélinni til þess að setja á bifreiðina. Maðurinn, sem var ölvaður, var handtekinn og vistaður í fangageymslu en hann er einnig grunaður um ölvunarakstur.

Sextán ára ökumaður ölvaður undir stýri

Á Selfossi var sextán ára ökumaður tekinn ölvaður undir stýri innanbæjar nú í morgunsárið og á Akureyri var annar ökuleyfislaus ökumaður tekinn grunaður um ölvunarakstur.

Fundarsköp bæjarstjórnar í Garði kærð til ráðuneytis

Nýkjörinn forseti bæjarstjórnarinnar í Garði, Jónína Holm, lokaði bæjarstjórnarfundi þegar umræða um fundargerð skólanefndar bæjarins var til umræðu á aukafundi á miðvikudag.

Fimm fangar dánir á níu árum

Maður á fimmtugsaldri lést í fangelsinu Litla-Hrauni um áttaleytið á fimmtudagskvöld. Hann hafði verið úrskurðaður í gæsluvarðhald fyrir síbrot þann 16. maí síðastliðinn og var nýbúið að færa hann til fangelsisins þegar hann lést. Samkvæmt heimildum Fréttablaðsins byrjaði maðurinn mjög fljótlega að kasta upp eftir að komið var á Litla-Hraun og hné meðvitundarlaus niður á ganginum. Sjúkrateymi reyndi endurlífgunartilraunir án árangurs og lést maðurinn skömmu síðar.

Vonar að biðin fari að styttast

Vinna við gerð ívilnunarsamnings íslenskra stjórnvalda við fyrirtæki í eigu kínverska athafnamannsins Huangs Nubo er enn í gangi. Vonir standa til þess að niðurstaða fáist í málið innan skamms.

Þóra mælist með mest fylgi

Þóra Arnórsdóttir er með rúmlega átta prósentustiga forskot á Ólaf Ragnar Grímsson forseta í nýrri skoðanakönnun Félagsvísindastofnunar Háskóla Íslands. Könnunin var gerð dagana 8. maí til 18. maí.

Ómögulegt að veita öllum starf

Dagur B. Eggertsson, formaður borgarráðs segir ómögulegt fyrir borgina að ætla sér að tryggja öllum í Reykjavík störf. Ekki hafa verið færri sumarstörf í boði hjá borginni í mörg ár og var 66 prósent umsækjenda hafnað í ár. Ráðið var í 1.384 störf, en umsækjendur voru 4.446. Þeir voru 5.116 í fyrra og ráðið var í 1.949 stöður.

Þriggja ára áætlun skapar 4.000 störf

Stjórnvöld áforma að leggja ríflega 39 milljarða króna í uppbyggingu í atvinnumálum á næstu þremur árum. Stjórnvöld telja að þetta átak muni skapa um 4.000 bein störf á tímabilinu og minnka atvinnuleysi um 0,4 til 0,6 prósentustig.

Obama tekur undir hugmyndir Hollandes

Barack Obama Bandaríkjaforseti tekur undir hugmyndir Francois Hollande Frakklandsforseta um að nú þurfi ríki heims að einbeita sér að hagvextinum frekar en að horfa eingöngu á sparnað og aðhald í ríkisfjármálum.

Byssum beitt á mótmælendur

Herinn í Sýrlandi beitti bæði skotvopnum og táragasi gegn mótmælendum í Aleppo, sem er fjölmennasta borg landsins.

Samhæfingarstöð Almannavarna áfram starfandi vegna vélarvana báts

Landhelgisgæslunni barst kl. 21:25 í kvöld aðstoðarbeiðni frá neta- og dragnótabát, með tíu manns í áhöfn sem var vélarvana á Meðallandsbug norðan við Skarðsfjöruvita og rak í átt að landi eins og greint var frá á Vísi fyrr í kvöld.

Rekinn úr skóla vegna hárklippingar

Umdeild hárklipping sem varð til þess að tólf ára gamall piltur í Bandaríkjunum var rekinn úr skólanum hefur nú vakið hrifningu meðal körfuboltamanna.

Horfði á bíómynd á meðan flugstjórinn brenndi eldsneyti

Örfáir farþegar nýttu sér áfallahjálp Rauða Krossins í kvöld samkvæmt upplýsingum frá fulltrúum áfallateymisins. Farþegi sem fréttastofa ræddi við saqðist hafa horft á bíómynd á meðan beðið var eftir því að lenda.

Flugvél með hala í eftirdragi leitar olíu frá Egilsstöðum

Norsk flugvél sem dregur hala á eftir sér hóf í dag flugsegulmælingar á Jan Mayen-hryggnum og hefur hún bækistöð á Egilsstöðum næstu fjórar vikur. Þá er rannsóknarskip væntanlegt á Drekasvæðið í næsta mánuði til hljóðbylgjumælinga. Þessar myndir tók Nikulás Bragason á Egilsstaðaflugvelli í morgun þegar áhöfn vélarinnar var að leggja upp í fyrsta flugið.

Bátur í nauðum við Skarðsfjöru

Bátur er í nauðum við Skarðsfjöru rétt hjá Hjörleifshöfða. Þetta staðfestir Landhelgisgæslan. Búið er að kalla til þyrlu Landhelgisgæslunnar og björgunarsveitarmenn. Tíu manns eru í bátnum, en samkvæmt upplýsingum frá lögreglunni er ekki hætta á manntjóni. Frekari upplýsingar um málið hafa ekki borist.