Tökum náð á eldinum í Athenu

Tekist hefur að ná tökum á eldinum um borð í færeyska risatogaranum Athenu undan ströndum Cornwall í Bretlandi. Tæplega hundrað manns var bjargað úr skipinu sem nú siglir fyrir eigin vélarafli í átt til Bretlands. 13 meðlimir úr áhöfninni urðu eftir um borð til að slökkva eldinn og stýra skipinu til hafnar.

Tuttugu og níu sagt upp hjá Símanum

Síminn hefur sagt upp 29 starfsmönnum. Forsvarsmenn fyrirtækisins kynntu fyrr í dag nýtt skipulag Símans á fundi með starfsfólki. Deildir eru sameinaðar og stjórnendum og starfsfólki fækkar en áhersla er lögð á að þjónusta við viðskiptavini skerðist ekki við þessar breytingar.

Tólf kærur vegna vörslu barnakláms

Tólf kærur vegna vörslu á barnaklámi bárust til lögreglu á fyrstu níu mánuðum ársins. Þetta er svipaður fjöldi og á síðasta ári þegar tíu kærur voru lagðar fram vegna barnakláms fyrir septemberlok. Árið þar á undan var fjöldi kæra hins vegar tæplega helmingi meiri, eða nítján.

Guðríður opin fyrir sameiningarviðræðum

Guðríður Arnardóttir, oddviti Samfylkingarinnar í Kópavogsbæ, tekur vel í þær hugmyndir Jóns Gnarr borgarstjóra Reykjavíkurborgar um sameiningu Kópavogs og Reykjavíkurborgar. Hún segir þó eðlilegt að huga að auknu samstarfi áður en hægt sé að ræða sameiningu.

Ljósmæður vilja leiðbeiningar

Ljósmæður kalla eftir leiðbeiningum heilbrigðisráðuneytisins við forgangsröðun heilbrigðisþjónustu. Verði fæðingarþjónusta skorin niður á heilbrigðisstofnunum víða á landsbyggðinni, þá versni hún, auk þess sem hún verði dýrari, bæði fyrir verðandi foreldra og heilbrigðiskerfið í heild.

Jón Steinsson: Fyrningafrumvarp mun ekki gagnast mörgum

Frumvarp ríkisstjórnarinnar um fyrningu skulda við gjaldþrot á tveimur árum mun ekki gagnast mörgum að mati Jóns Steinssonar, lektors í hagfræði. Alltof auðvelt sé fyrir lánadrottna að endurnýja kröfur.

Fengu verðlaun fyrir Inspired by Iceland herferðina

Ráðstefnuskrifstofa Íslands (RSÍ) og Inspired By Iceland verkefnið báru sigur úr bítum í úrslitum markaðsverðlauna ICCA-samtakanna fyrir Inspired by Iceland herferðina.

Forstjóri Barnaverndarstofu: Ánægjuleg þróun

Bragi Guðbrandsson, forstjóri Barnaverndarstofu segir áhugavert hversu mjög kærum vegna nauðgana á börnum hefur fækkað milli ára. „Það er vissulega ástæða til að gleðjast ef þarna er um raunverulega fækkun að ræða," segir hann. Að mati Braga er fækkunin svo mikil að honum þykir líklegra en hitt að þarna hafi átt sér stað raunveruleg fækkun broga. „Þetta er ánægjulegur viðsnúningur frá síðustu árum þar sem málum hefur fjölgað ár frá ári,“ segir hann.

Ökuníðingur á Öldugötu: Klessti fimm bíla

Fimm bifreiðar voru skemmdar í nótt eða snemma í morgun á Öldugötu þegar ekið var á þær. Tjónvaldurinn forðaði sér af vettvangi en vitni segja að hann hafi verið á gráum japönskum bíl, Toyota eða Nissan, sem kominn er til ára sinna. Hann er skemmdur á hægra framhorni eftir árekstrana.

Danir sökkva sjóræningjaskipi

Danska herskipið Esbern Snare hefur sökkt móðurskipi sjóræningja undan ströndum Sómalíu. Esbern Snare var á eftirlitsferð við stendur landsins þegar það rakst á móðurskipið.

Barnaníð: Kærum fækkar gríðarlega

Mun færri kærur hafa borist lögreglunni vegna nauðgana á börnum það sem af er ári en á sama tíma í fyrra. Á fyrstu níu mánuðum ársins bárust embættinu átta kærur vegna nauðgana á börnum undir fimmtán ára en í lok september á síðasta ári voru kærurnar 32. Fyrstu níu mánuði ársins þar á undan voru kærurnar 26. Þetta kemur fram í samantekt Ríkislögreglustjóra og eru þar teknar tölur af landinu öllu.

Flutningabíllinn tættist í sundur

Það þykir með ólíkindum að vöruflutningabílstjóri skuli hafa sloppið lifandi eftir að bíll hans tættist bókstaflega í sundur þegar hann lenti á kletti við innanvert Ísafjarðardjúp seint í gærkvöldi.

Dýraverndarsinnar fangelsaðir

Fimm dýraverndarsinnar hafa verið dæmdir til fangelsisvistar í Bretlandi fyrir margra ára látlausar árásir á starfsmenn líftæknifyrirtækis sem gerir tilraunir á dýrum.

Færeyskur togari í björtu báli

Tíu þúsund tonna Færeyskur verksmiðjutogari stendur í björtu báli undan ströndum Cornwall í Bretlandi. Um borð eru 111 manns, áhöfn og fiskverkafólk.

Klofningur í rauðgrænum

Rauðgræna bandalagið, sem er bandalag stjórnarandstöðuflokkanna þriggja í Svíþjóð, hefur klofnað. Fulltrúar bæði Sósíaldemókrata og Umhverfisflokksins hafa staðfest það í viðtölum við sænska fjölmiðla.

Ólína í hálkuslysi: „Úff þetta er orðið stjórnlaust“

Þingmaður Samfylkingarinnar, Ólína Þorvarðardóttir, komst í hann krappan í gær þegar bifreið sem hún ók snérist í hringi á ísilögðum veginum í Borgarfirði, nærri Munaðarnesi.

Enn lækkar verðbólgan

Ársverðbólgan mælist 3,3% í október og lækkar um 0,4 prósentustig milli mánaða. Verðbólgan mældist 3,7% í september. Lækkunin nú er nokkuð minni en sérfræðingar höfðu spáð fyrir um.

Fékk líflátsdóm fyrir ofsóknir

Tariq Aziz, sem lengi var utanríkisráðherra Saddams Hussein, hefur verið dæmdur til dauða í Írak fyrir hlutdeild sína í ofsóknum gegn sjía-múslimum á valdatíma Saddams.

Mánuður síðan Herjólfur sigldi síðast til Landeyjahafnar

Nú eru liðnar fjórar vikur síðan Herjólfur gat síðast siglt til Landeyjahafnar og sanddæluskip urðu að hætta dælingu á sunnudag vegna veðurs.

Alþjóðlegi bangsadagurinn í dag

Alþjóðlegi bangsadagurinn er í dag og af því tilefni býður Lýðheilsufélag læknanema öllum börnum á aldrinum 3 til 6 ára að heimsækja Bangsaspítalann með bangsann sinn á laugardag. Bangsaspítalinn verður á göngudeild Barnaspítalans komandi laugardag og verður opinn milli klukkan 10 og 16.

Bandaríkjamenn „týndu“ 50 kjarnaflaugum

Allt samband rofnaði við tíu prósent af öllu kjarnorkuvopnabúri Bandaríkjamanna á laugardaginn var.

Soros blandar sér í baráttuna um lögleiðingu maríjúana

Fjárfestirinn George Soros, sem rætt hefur verið um hér á landi undanfarna daga í sambandi við skortstöður og íslensku krónuna, hefur gefið eina milljón bandaríkjadala í kosningasjóð þeirra sem vilja lögleiða maríjúana í Kaliforníu.

Kosið um tillögur Sarkozy í dag

Neðri deild franska þingsins tekur í dag fyrir tillögur Sarkozy forseta um að stytta eftirlaunaaldurinn í landinu um tvö ár. Gríðarleg mótmæli hafa verið í Frakklandi vegna tillögunnar og hafa milljónir manna staðið í verkfallsaðgerðum til þess að fá stjórnvöld til þess að falla frá áætlunum sínum.

Mótmæla niðurskurði hjá lögreglunni

Félagsfundur Lögreglufélags Vestfjarða, sem haldinn var í gærkvöldi, mótmælir harðlega fyrirhuguðum niðurskurði á lögregluliðinu, sem muni hafa í för með sér lakari þjónustu við íbúa og ferðamenn á svæðinu.

Á slysadeild eftir bílveltu

Þrír voru fluttir á Slysadeild Landsspítalans eftir að jeppi valt á Biskupstungnabraut um eitt leitið í nótt. Engin mun þó alvarlega slasaður.

Valt í Ísafjarðardjúpi

Ökumaður á stórum flutningabíl slapp ótrúlega lítið meiddur, að sögn lögreglu, þegar bíll hans fór út af veginum við innanvert Ísafjarðardjúp seint í gærkvöldi.

Niðurskurður í Reykjanesbæ

Bæjarráð Reykjanesbæjar samþykkti á síðasta fundi sínum að takmarka umönnunargreiðslur á árinu 2011. Þá verði greitt með hverju barni til 15 mánaða aldurs en eftir það verði greiðslur takmarkaðar við niðurgreiðslu vegna dagforeldra með börnum til leikskólaaldurs.

Athygli vakin á lausum tíðnum

Viðskipti Póst- og fjarskiptastofnun (PFS) vekur á því athygli í síðustu ákvörðun sinni að enn sé nokkuð af lausum tíðnum fyrir FM útvarpssendingar á höfuðborgarsvæðinu.

Alþingi trassar útboðsskyldu

Alþingi hefði átt að bjóða út framkvæmd í kringum þing Norðurlandaráðs sem haldið verður hér á landi í nóvember, að mati Ríkisendurskoðunar. Í ábendingu stofnunarinnar er Alþingi hvatt til að endurskoða verklag sitt við verðfyrirspurnir og útboð.

Ísland í fjórða sæti yfir gæði nettenginga

Ísland er meðal þeirra fimm landa heims þar sem nærri 100 prósent heimila hafa háhraðatengingu við internetið. Hin löndin eru Hong Kong, Suður-Kórea, Lúxemborg og Malta.

Brjóstamjólkin varð græn eftir neyslu á íþróttadrykk

„Ég hef aldrei séð jafn óhugnanlegan lit á móðurmjólkinni. Hún var skærgræn," segir Ingibjörg Gunnarsdóttir, prófessor í næringarfræðum við Háskóla Íslands.

Breiðband Símans er barn síns tíma

Kostnaður við Ljósnetsvæðingu Símans er tæpur milljarður króna. Ljósleiðarinn á að leysa af hólmi breiðbandið, fimmtán ára gamla tækni sem átti þó að vara til framtíðar. Kostnaður Símans við breiðbandið var einnig tæpur milljarður, að sögn Margrétar Stefánsdóttur, forstöðumanns samskiptasviðs Símans.

Ætla að hafna tillögu Mannréttindaráðs

Fulltrúar Sjálfstæðisflokksins í mannréttindaráði lýsa því yfir að tillaga meirihlutans sé óþarfi og flokkurinn muni greiða atkvæði gegn henni í óbreyttri mynd.

Tíu þorp skoluðust á haf út

Yfir eitt hundrað manns eru látnir og 500 er saknað eftir að flóðbylgja skall á eyjaklasa í Indónesíu á mánudag. Flóðbylgjan fylgdi jarðskjálfta sem mældist 7,7 stig á Richter-kvarða.

Ráðherra þverneitar færslu hringvegarins

Umhverfisráðherra hafnaði fyrr í mánuðinum hugmyndum bæjaryfirvalda í Mýrdalshreppi um nýja veglínu þjóðvegar 1 um sveitarfélagið. Það er í samræmi við tillögur Skipulagsstofnunar, sem gerði athugasemd við að ekki hafi verið gerð úttekt á umhverfisáhrifum fyrirhugaðra framkvæmda.

Eftirliti erlendis lokið að sinni

Flugvél Landhelgisgæslunnar, TF-SIF, kom heim eftir að hafa sinnt eftirliti við strendur Senegal fyrir Frontex, landamærastofnun Evrópusambandsins, í tvo mánuði. Um tuttugu starfsmenn Landhelgisgæslunnar hafa skipst á að sinna eftirliti TF-SIF. Einnig hafa fjölmargir starfsmenn á Íslandi komið að verkefninu með einum eða öðrum hætti.

Norðmenn birta upplýsingar um skatta á netinu

Upplýsingar um skattamál einstaklinga eru víðar þrætuepli en hér á landi, en í síðustu viku birtu skattayfirvöld í Noregi allar upplýsingar um skattgreiðslur norskra borgara á vefnum.

Vilja kjósa um aðild Tyrklands að ESB

Flokkar utarlega á hægri væng evrópskra stjórnmála hyggjast efna til undirskriftasöfnunar til að þrýsta á um almenna þjóðar­atkvæðagreiðslu innan Evrópusambandsins (ESB) til að koma í veg fyrir aðild Tyrklands að sambandinu.

Bandaríkjamenn falla fyrir teboðinu

Örlög demókrata virðast þegar ráðin fyrir þingkosningarnar í næstu viku. Repúblikanar njóta mikils meðbyrs, og þakka það ekki síst hinni umdeildu Teboðshreyfingu, sem hefur vakið athygli fyrir skrautlegan málflutning á köflum.

Barði í bifreið með hjólabretti

Karlmaður lamdi með hjólabretti utan í bifreið á Akranesi á sunnudag, en bíllinn var í akstri.

Ráðherrabíllinn fundinn

Forláta Benz bifreiðin sem var stolið úr bílageymslu Sólvallagötu í Reykjavík síðastliðna nótt er kominn í leitirnar.

Ungabörn sofa lengur vegna súrefnisskorts

Súrefnisskortur gæti verið ástæða þess hversu vært íslensk börn sofa úti við í vögnunum sínum. Þetta segir forstöðumaður Forvarnarhúss.

Fimleikastelpurnar gætu fengið fálkaorðuna

Orðunefnd mun á næstunni ræða hvort Gerplukonum, sem urðu Evrópumeistarar í hópfimleikum á dögunum, verði veitt fálkaorðan. Þeim var fagnað í heimabænum Kópavogi í dag.

Vill refsa óheiðarlegum rjúpnaskyttum

Formaður Skotveiðifélags Íslands telur nauðsynlegt að refsa þeim sérstaklega sem brjóta gegn sölubanni með rjúpur. Tæplega áttatíu og fimm þúsund rjúpur veiddust á síðasta ári en þar af voru tveir veiðimenn með sextán hundruð rjúpur.

Borgin má losa jarðveg á Hólmsheiðinni

Reykjavíkurborg var sýknuð af kröfu sumahúsaeiganda sem krafðist þess að samþykkt borgarráðs um samþykki varðandi losunarstað á Hólmsheiði fyrir jarðvegsefni yrði felld úr gildi og að Reykjavíkurborg yrði gert skylt að stöðva jarðvegslosun á svæðinu að viðlögðum dagsektum.