Hvalhræ urðað við Ásbúð

Ekki hefur verið tekin ákvörðun um hvað gert verði við hræið af Steypireyði sem rak á land við eyðibýlið Ásbúð á Skaga fyrir skömmu. Líklegt er þó að það verði urðað í fjörunni.

Árni Friðriksson í olíuleit á Drekasvæðinu

Hafrannsóknaskipið Árni Friðriksson er komið í olíuleit á Drekasvæðinu. Skipið safnar borkjarnasýnum úr efstu botnlögum til að kanna hvort í þeim leynist olía eða gas. Fréttir af gasfundi við Grænland gætu skipt Íslendinga máli.

Eigum ekki að óttast EFTA-dómstólinn

Lagaprófessor við Háskóla Íslands segir að íslensk stjórnvöld eigi ekki að óttast að láta EFTA-dómstólinn dæma í Icesave-málinu, en fjármálaráðherra segir að það yrði skelfileg niðurstaða af Íslendingar töpuðu málinu þar og vill frekar semja.

Kirkjuráð biðst fyrirgefningar

Kirkjuráð biður fórnarlömb Ólafs Skúlasonar biskups fyrirgefningar. Þetta kemur fram í yfirlýsingu frá kirkjuráði. Þar kemur fram að Kirkjuráð trúi frásögnum þeirra Sigrúnu Pálínu Ingvarsdóttur og Guðrúnu Ebbu Ólafsdóttur og fyrir hönd þjóðkirkjunnar biðji kirkjuráð þær og aðra þá sem brotið hefur verið á af hálfu starfsmanna og þjóna kirkjunnar fyrirgefningar.

Lögreglan lýsir eftir Jóni Helga

Lögreglan á höfuðborgarsvæðinu lýsir eftir Jóni Helga Lindusyni. Hann er fæddur þann 24.07.1993, er um 168 sm á hæð og 60 kg. Hann er með dökkt hár og ljósar strípur. Hann fór frá Hamarskoti í Flóa þann 12. ágúst. Talið er að hann dvelji í Reykjavík og ábendingar hafa borist um að hann hafi sést á ferð í Breiðholti. Þeim sem geta gefið upplýsingar um ferðir Jóns Helga er bent á að hafa samband við lögregluna á höfuðborgarsvæðinu í síma 444 1180.

Nýjar vísbendingar um tengsl mígrenis og hjartaáfalla

Fólk á miðjum aldri sem þjáist af mígrenihöfuðverkjum ásamt undanförum þeirra, sem geta verið sjóntruflanir, svimi og dofi, deyja frekar vegna hjarta og æðarsjúkdóma en þeir sem ekki þjást af slíkum höfuðverk

Biskup ræddi við Pétur Hafstein um sannleiksnefnd

Karl Sigurbjörnsson biskup fundaði i dag með Pétri Kr. Hafstein um að sá síðarnefndi taki að sér að kanna möguleika á skipun nefndar til þess að fara yfir mál Ólafs Skúlasonar heitins biskups. Tillögur að nefndinni eiga að vera tilbúnar fyrir næsta kirkjuþing sem haldið er síðar á árinu.

Kynungabók komin út

Mennta- og menningarmálráðuneytið hefur gefið út Kynungabók, upplýsingarit fyrir ungt fólk um jafnrétti kynja. Markmið með útgáfu Kynungabókar eru að veita raunsæja mynd af stöðu kynjanna í samfélaginu

Fullnægjandi lyktir í máli Geirs

Niðurstaða fundar Karls Sigurbjörnssonar, biskups Íslands, og Geirs Waage, sóknarprests í Reykholti, í morgun er fullnægjandi að mati Guðbjargar Jóhannesdóttur, formanns Prestafélags Íslands. Geir hafði verið gagnrýndur fyrir að segja í blaðagrein að hann teldi þagnaskyldu presta vera algera. Eftir fund hans og biskups í morgun lýsti sá síðarnefndi því yfir að Geir myndi hlýða tilkynningaskyldu.

Ögmundur: Jón er ekki einn

Ögmundur Jónasson, þingmaður VG, segir menn fara hamförum gegn samflokksmanni hans, Jóni Bjarnasyni sjávarútvegs- og landbúnaðarráðherra, og líkja megi því við einelti. Ögmundur segir að Jón sé ekki einn í afstöðu sinni að vera andvígur aðildarviðræðum við Evrópusambandið.

Lögreglan sýnilegri við skólana á næstunni

Framhaldsskólar og grunnskólar á höfuðborgarsvæðinu eru teknir til starfa að loknum sumarleyfum og má því búast við að umferð þyngist á álagstímum. Í tilkynningu biður lögreglan ökumenn um að hafa þetta í huga og gera ráð fyrir að ferðatími til og frá vinnu kunni að aukast nokkuð frá því sem verið hefur.

Fundur um makrílveiðar smábáts mikilvægari

Jón Bjarnason, sjávarútvegs- og landbúnaðarráðherra, kaus á funda með eigendum lítils sjávarútvegsfyrirtækis á Rifi á Snæfellsnesi, um reynslu af makrílveiðum smábáts, fremur en að sitja ríkisstjórnarfund í gærmorgun.

Peningar í óskilum

Peningar, sem fundust í vesturbæ Reykjavíkur, eru í óskilum hjá lögreglunni á höfuðborgarsvæðinu. Eigandinn getur vitjað þeirra í afgreiðslu lögreglunnar á Hverfisgötu 115, Reykjavík, sem er opin virka daga frá kl. 8-16. Afhending fer fram gegn staðfestingu á eignarhaldi, segir í tilkynningu frá lögreglunni.

Grænland datt í lukkupottinn

Fréttir í gær um að gas hefði fundist undan ströndum Grænlands og vísbendingar um olíu eru taldar auka áhuga alþjóðlegra olíufyrirtækja að hefja olíuleit allt í kringum þetta næsta nágrannaríki Íslands.

Enginn í haldi lögreglu vegna morðsins

Enginn er nú í haldi lögreglu vegna morðsins á Hannesi Þór Helgasyni að sögn rannsóknardeildar lögreglunnar á höfuðborgarsvæðinu. Rannsókn er enn í fullum gangi og voru nokkrir aðilar yfirheyrðir í gærkvöldi. Yfirheyrslum verður framhaldið í dag að sögn Friðriks Smára Björgvinssonar yfirlögregluþjóns. Tíu dagar eru nú liðnir síðan Hannes fannst myrtur á heimili sínu við Háaberg í Hafnarfirði.

Þjófagengi í Árbæ: Tveimur sleppt

Lögreglan á höfuðborgarsvæðinu handtók fimm karlmenn í Árbæjarhverfi í gærmorgun vegna rannsóknar á innbrotum í Árbæ og á Ártúnshöfða að undanförnu. Samkvæmt lýsingum sjónarvotta þusti hópur lögreglumanna inn í íbúð í hverfinu og leiddi hina grunuðu út í járnum.

Ágreiningur leystur í Svíþjóð vegna ákvæða í samningi

Norðurál hefur stefnt HS Orku fyrir gerðardóm í Svíþjóð vegna ágreinings um magn og verð á raforku fyrir álver í Helguvík. Ástæða þess að ágreiningurinn verður leystur í Svíþjóð er ákvæði í samningi HS Orku og Norðuráls og hefur ekkert með eignarhaldið á HS Orku að gera.

Síra Geir hlýðir tilkynningaskyldu

Síra Geir Waage, prestur í Reykholti, mun hér eftir sem hingað til hlýða þeirri tilkynningaskyldu og samsvarandi ákvæðum sem kveðið er á um í siðareglum þjóðkirkjunnar. Þetta kemur fram í tilkynningu frá Biskupsstofu. Síra Geir fundaði með Karli Sigurbjörnssyni biskupi Íslands í morgun.

Týr aðstoðar vélarvana togara

Varðskipið Týr kom um klukkan fjögur í nótt að erlendum togara sem hann var vélarvana um 490 sjómílur vestsuðvestur af Reykjanesi. Varðskipið lagði úr höfn síðdegis á mánudag til aðstoðar togaranum sem er 60 metra langur. Þegar varðskipið kom að togaranum í nótt var dráttarlínu skotið yfir og gekk aðgerðin vel, að því er fram kemur í tilkynningu frá Landhelgisgæslunni. Hagstæða veðurskilyrði eru á svæðinu og standa vonir til að varðskipið verði komið í Faxaflóa á laugardag.

Starfsmenn Gæslunnar fræddir um Senegal

Starfsmenn Landhelgisgæslunnar sem héldu til Afríkuríksins Senegals um síðustu helgi fengu áður færðslu um landið. Fram í október mun TF-SIF, flugvél Gæslunnar flaug sinna landamæraeftirliti fyrir Frontex, landamærastofnun Evrópusambandsins. Varðskipið Ægir hefur sinnt sama verkefni frá byrjun maí.

Biskup fundar með síra Geir

Karl Sigurbjörnsson, biskup Íslands, og síra Geir Waage, sóknarprestur í Reykholti, funda nú saman á Biskupsstofu. Biskup boðaði Geir til fundarins vegna blaðagreinar sem hann skrifaði um helgina. Þar sagði Geir að þagnaskylda presta gagnvart þeim sem skrifta væri alger.

Eyjafjallaaskan braut náttúrulögmál

Askan úr Eyjafjallajökli fauk mun lengri vegalengd en mögulegt ætti að vera. Þýskir vísindamenn hafa rannsakað öskuna frá fjallinu.

Biskup biðjist afsökunar

Séra Þórhallur Heimisson, sóknarprestur í Hafnarfjarðarkirkju, segir vaxandi stuðning meðal presta við að skipuð verði sannleiksnefnd til að rannsaka meint kynferðisbrot Ólafs Skúlasonar, fyrrverandi biskups. Hann segist skilja gremju almennings til Þjóðkirkjunnar sem telji að ekki sé verið að gera málin upp. Þórhallur vill að Karl Sigurbjörnsson, biskup, biðjist afsökunar fyrir hönd kirkjunnar.

Ölvaðir ökumenn greiða tryggingafélögum milljónir

Vátryggingafélag, sem greitt hefur bætur vegna tjóns af völdum ökutækja, á endurkröfurétt á hendur þeim, sem veldur tjóni af ásetningi eða stórkostlegu gáleysi. Slíkar endurkröfur á tjónvalda í umferðinni hafa aldrei verið fleiri en í fyrra, samkvæmt tilkynningu sem endurkröfunefnd sendi frá sér í morgun.

Ólafur Skúlason hlaut fálkaorðuna fjórum sinnum

Ólafur Skúlason, fyrrverandi biskup Íslands, hlaut fálkaorðuna fjórum sinnum á meðan að hann lifði. Orðustigin sem forseti Íslands veitir eru fimm og hlaut Ólafur þau öll nema æðsta stigið sem er keðja ásamt stórkrossstjörnu.

Vargöld í Mexíkó: Fundu 72 lík

Tugir líka fundust í Mexíkó í gær. Talið er að fólkið hafi verið myrt í tengslum við átök um fíknefnamarkaðinn í landinu.

Wikileaks: CIA skjölin birt í dag

Forsvarsmenn vefsíðunnar Wikileaks gáfu það út í gærkvöldi að þær hyggist birta leyniskjöl frá bandarísku leyniþjónustunni CIA í dag. Ekki er gefin upp nákvæm tímasetning. Skjölin eru síðari hluti af skjalasafni sem varðar aðfarir bandaríska hersins í Afganistan.

Sakar yfirvöld í S-Afríku um þjóðarmorð

Suður-afrískur maður sakar þarlend stjórnvöld um þjóðarmorð í erindi sem hann hefur sent Sameinuðu þjóðunum. Hann segir 40 þúsund hvíta bændur hafa verið myrta í landinu á undanförnum árum.

Meintur njósnari fannst látinn í poka

Talið er að maður sem fannst myrtur í miðborg Lundúna á mánudag hafi verið njósnari á vegum bresku utanríkisleyniþjónustunnar MI6. Lík mannsins fannst í poka í baðhergi íbúðar skammt frá höfuðstöðvðum leyniþjónustunnar sem verst allra fregna af málinu. Lundúnalögreglan fer með rannsókn málsins enn sem komið er.

Vill 40 þyrlur

Sameinuðu þjóðirnar þurfa mun fleiri þyrlur til að geta sinnt neyðaraðgerðum á flóðasvæðunum í Pakistan. Samtökin hafa yfir að ráða tíu þyrlum í dag en John Holmes, yfirmaður mannúðarmála hjá Sameinuðu þjóðanna, segir brýnt að fjölga þeim upp í 50.

Fleiri smitast í Bretlandi

Um hálf milljón manna smitaðist af kynsjúkdómi í Bretlandi á síðasta ári en það er nærri 12 þúsund fleiri en árið 2008. Þetta sýna nýjar tölur breskra heilbrigðisyfirvalda sem segja mikilvægt að reka aukinn áróður fyrir notkun smokks.

Sex ráðherrar vilja aðskilnað ríkis og kirkju

Helmingur ríkisstjórnarinnar vill aðskilnað ríkis og kirkju. Jóhanna Sigurðardóttir forsætisráðherra sagðist íhuga að segja sig úr þjóðkirkjunni á blaðamannafundi að loknum ríkisstjórnarfundi í gær en vildi þó ekki gefa upp hvort það væri í ljósi atburða síðustu daga.

Fimm manna þjófagengi handtekið

Lögreglan á höfuðborgarsvæðinu handtók fimm karlmenn í Árbæjarhverfi í gærmorgun vegna rannsóknar á innbrotum í Árbæ og á Ártúnshöfða að undanförnu. Samkvæmt lýsingum sjónarvotta þusti hópur lögreglumanna inn í íbúð í hverfinu og leiddi hina grunuðu út í járnum. Mennirnir voru í haldi síðdegis í gær og stóðu yfirheyrslur þá enn yfir.

Olíufundur þar ýtir undir áhuga á rannsóknum hér

Fundur skoska olíufélagsins Cairn Energy á gasi og olíu í sandlagi á hafsbotni undan vesturströnd Grænlands kann að ýta undir áhuga á olíurannsóknum á íslenska landgrunninu. Cairn upplýsti í gær að fundist hefðu vísbendingar um olíu í fyrstu tilraunaborholu félagsins á Baffinsflóa. Í umfjöllun Berlingske Tidende í gær var félagið sagt hafa fengið „bingó“ eftir sex vikna leit.

Erum neðst Vestur-Evrópuríkja

Ísland er staðsett á milli Egyptalands og Papúa Nýju-Gíneu á lista yfir lönd þegar borinn er saman hagvöxtur í þeim síðustu tvo áratugi.

Bannað að selja heitt vatn til Hvergerðinga

Fyrirtækið Ræktunarmiðstöðin sf. sem verið hefur í rekstri gróðrarstöðvar og jarðverktöku fær ekki að selja Hvergerðingum heitt vatn og gufu.

Eyjamenn vilja fleiri ferðir Herjólfs

Vestmanneyingar vilja að ferðum Herjólfs milli Eyja og Landeyjahafnar verði fjölgað. Einungis er mánuður frá því að ný Landeyjahöfn var tekin í notkun og ferðum var fjölgað verulega en bæjarstjóri Vestmannaeyja segir að skipið anni ekki eftirspurn að óbreyttu.

Stærsta laxi sumarsins var sleppt

„Hann var eins og fallegt, feitt konulæri,“ segir Geir Gunnarsson, forstjóri Honda-umboðsins, sem í gær veiddi stærsta lax sumarins, 110 sentimetra langan og 51 sentimetra að ummáli.

Kýldi mann og kinnbeinsbraut

Karlmaður á þrítugsaldri hefur verið ákærður fyrir líkamsárás.

Sló og sparkaði í fangavörð

Ríkissaksóknari hefur ákært konu á fimmtugsaldri fyrir brot gegn valdstjórninni.

Ráðherrar hitta iðnaðarnefnd

Iðnaðarnefnd Alþingis ætlar að fá umhverfisráðherra og iðnaðarráðherra á sinn fund á morgun til þess að ræða stækkun friðlandsins í Þjórsárverum og áhrif þeirrar stækkunar á áform um Norðlingaölduveitu.

Skáru göt á sextíu heyrúllur

Skorið var á 62 heyrúllur við bæinn Vatnsleysu í Biskupstungum í síðustu viku. Lögreglan á Selfossi hefur málið til rannsóknar en skemmdarverkin voru unnin fimmtudagskvöldið 19. ágúst eða aðfaranótt föstudagsins.

Nærri helmingur bjargaðist

Kínversk farþegaþota brotlenti í aðflugi að flugvelli við borgina Yichun, sem er milljón manna stórborg í Heilongjiang-héraði í norðanverðu Kína.

Lítið skeytt um Pakistan?

Hjálparstofnanir segja að alþjóðasamfélagið sýni óvenjulítinn áhuga á að styðja við fórnarlömb flóðanna í Pakistan.

Búið að slökkva eldinn

Eldur kviknaði í íbúð að Jörfabakka í Breiðholti fyrir stundu. Um er að ræða fjölbýlishús. Samkvæmt varðstjóra var eldurinn ekki kominn á gang hússins og þurfti ekki að flytja aðra íbúa út úr húsinu vegna eldsins.