Flogið frá Keflavík og Reykjavík

Keflavíkurflugvöllur verður opnaður eftir rúma klukkustund og innanlandsflug um Reykjavíkurflugvöll hefst um og upp úr klukkan tíu, en völlurinn var lokaður í morgun vegna ösku í háloftunum. Fjöldi flugfarþega er á leið til Akureyrar og þangað eru einhverjar vélar komnar eða a leiðinni þangað. Ekki liggur fyrir hvort þeim verði snúið til Keflavíkur.

Brown stígi til hliðar

Það skýrist að öllum líkindum í dag hvort að Frjálslyndir demókratar og Íhaldsflokkurinn myndi nýja ríkisstjórn á Bretlandi. Áhrifamenn innan Verkamannaflokksins vilja að Gordon Brown stígi til hliðar.

Sat í fangelsi fyrir morð á manni sem er á lífi

Kínverskur karlmaður sem setið hefur í tæp 10 ár í fangelsi fyrir morð í heimalandi sínu hefur verið sleppt úr eftir að fórnarlamb hans fannst á lífi. Maðurinn átti í harðvítugum deilum við nágranna sinn sem síðar hvarf. Skömmu síðar fannst höfuðlaust lík sem talið var að væri lík nágrannans. Í framhaldi var maðurinn ákærður og fundinn sekur um morð.

Reiknað með töluverðri umferð um Akureyri

Millilandaflugvélar komu og fóru frá Akureyrarflugvelli fram á nótt, en hlé varð undir morgun. Umferðin er aftur að fara í fullan gang og er reiknað með töluverðri umferð um völlinn í dag. Verulegt álag hefur verið á starfsliði vallarins og aukaliði frá Reykjavík og Keflavík, en engin alvarleg vandamál hafa komið upp, að sögn starfsmanna í morgun. Nánari upplýsingar um flugið er á heimasíðum flugfélaganna.

Lögguofbeldi fest á filmu

Myndbandsupptaka sem sýnir handtöku ræningja hefur vakið hörð viðbrögð í Seattle í Bandaríkjunum. Á upptökunni sem nýverið var gerð opinber sjást lögreglumenn standa yfir tveimur mönnum af spænskumælandi ættum og ausa yfir þá svívirðingum. Þá sjást lögreglumenn sparka ítrekað í annan manninn og traðka á höfði hans.

Innilokaðir í kolanámunni í Rússlandi

Enn eru um 80 verkamenn innilokaðir í stærstu kolanámu Rússlands eftir að tvær sprengingar urðu þar síðast liðið laugardagskvöld. Alls voru 359 starfsmenn neðanjarðar þegar fyrri sprengingin varð í námunni sem er staðsett í vesturhluta Síberíu. Í kjölfarið voru björgunarmenn sendir af stað og voru þeir komnir niður í námuna þegar seinni sprengingin varð. Búið er að finna 30 lík og um 70 eru slasaðir þar af nokkrir lífshættulega. Talið er að um metansprengingu hafi verið að ræða.

Hefja friðarviðræður

Palestínumenn hafa ákveðið að hefja óbeinar friðarviðræður við ráðamenn í Ísrael en þær hafa legið niðri í rúmt eitt og hálft ár. Eitt helsta deilumálið sem kemur í veg fyrir að formlegar viðræður hefjist er bygging 1600 nýrra íbúða gyðinga í austurhluta Jerúsalem en þar vilja Palestínumenn að verði höfuðborg sjálfstæðrar Palestínu. Ísraelar hafa tilkynnt að hægt verði á framkvæmdunum en Mahmoud Abbas, leiðtoga Palestínumanna, krefst þess að þeim verði slegið á frest.

Þýska ríkisstjórnin fékk skell

Ríkisstjórn Angelu Merkel hefur ekki lengur hreinan meirihluta í efri deild þýska þingsins. Flokkur hennar fékk mikinn skell í fylkiskosningum sem fram fóru í gær.

Verðmætum stolið úr gistiheimili

Brotist var inn í herbergi í gistiheimili í Reykjavík í nótt og þaðan stolið verðmætum frá erlendum ferðamanni sem ekki var í herberginu. Þjófurinn komst undan, meðal annars með farsíma og fartölvu.

Tóku ekki ákvörðun um fækkun ráðuneyta

Engin endanleg ákvörðun um breytingar á stjórnarráðinu og fækkun ráðuneyta, var tekin á tæplega fimm klukkustunda lögnum ríkisstjórnarfundi, sem hófst í Ráðherrabústaðnum klukkan sex síðdegis og stóð til klukkan að verða ellefu í gærkvöldi.

Krókódíll át boltann

„Þegar ég kom að boltanum sá ég að hann hafði ekki lent í tjörninni eins og hélt. Hann hafði stoppað á hryggnum á krókódíl sem lá þarna í makindum sínum,“ segir Guðlaug K. Pálsdóttir, sem nýlega var við golfleik á Providence-golfvellinum í Flórída í Bandaríkjunum. „Ég fullyrði að krókódíllinn glotti í áttina til mín þegar hann tók boltann í kjaftinn og stakk sér í tjörnina.“

Kaupþingsstjórar yfirheyrðir um helgina

Starfsmenn á vegum sérstaks saksóknara yfirheyrðu þá Hreiðar Má Sigurðsson, fyrrverandi forstjóra Kaupþings, og Magnús Guðmundsson, fyrrverandi bankastjóra Kaupþings í Lúxemborg, um helgina. Magnús var jafnframt bankastjóri Banque Havilland, sem reistur var á rústum

Fá 5.200 milljarða neyðaraðstoð

Stjórn Alþjóðagjaldeyrissjóðsins hefur samþykkt að veita Grikkjum 40 milljarða dollara neyðaraðstoð, eða um 5.200 milljarða íslenskra króna. Stjórnin fundaði í Washington í gær þar sem hún samþykkti

Matið lægst á Patreksfirði

Fasteignamat er lægst á Patreksfirði, samkvæmt samanburði Fasteignaskrár Íslands. Fasteignaskrá reiknaði út fasteignamat og fasteignagjöld á sams konar fasteign víðs vegar um landið að beiðni Byggðastofnunar.

Fjármál og velferð í forgrunni

Kosningabaráttan í Hafnarfirði mun að mestu snúast um fjármálin, að mati flestra heimildarmanna Fréttablaðsins. Þau munu verða Samfylkingunni, sem er með hreinan meirihluta í bæjarstjórn, skeinuhætt, en tromp hennar eru vinsældir Lúðvíks Geirssonar bæjarstjóra.

Rænulitir laxar eftir veturinn

Bræðurnir Viktor og Hannes Arnar gengu fram á níu dauða laxa í Elliðaánum í gær þar sem þeir voru á labbi með pabba sínum. Einn laxanna var lifandi þegar feðgana bar að en drapst fljótlega.

Hafa sannanir fyrir þátttöku talibana

Bandarísk stjórnvöld segjast hafa sönnunargögn þess efnis að talibanar hafi staðið á bak við hina misheppnuðu sprengjuárás á Times Square-torginu í New York. „Við vitum að þeir veittu aðstoð vegna árásarinnar

Afhöfðaðir í Afganistan

Fjórir meðlimir í varnarliði á vegum afganska innanríkisráðuneytisins voru afhöfðaðir í bardaga við skæruliða í Herat-héraði í Afganistan.

Áfram flogið um Akureyri

Flugsamgöngur víðs vegar um Evrópu komust í uppnám vegna eldgossins í Eyjafjallajökli um helgina. Flugvöllum var meðal annars lokað um tíma í Frakklandi, Sviss, Þýskalandi, Spáni, Ítalíu og Írlandi í gær. Um 24.500 flug fóru um Evrópu í gær, en það er 500 færri flug en venja er. Þá urðu talsverðar seinkanir þar sem fljúga þurfti lengri leiðir til að forðast öskuský.

Umræður um bætt samfélag

Fátækt rædd á jafnræðisgrundvelli var yfirskrift fundar sem haldinn var á Grand Hóteli í gær. Fundurinn var haldinn í tilefni af Evrópu­ári gegn fátækt og félagslegri einangrun, en þar var stefnt saman stjórnmálamönnum, fagfólki í félagsþjónustu og fólki sem upplifað hefur fátækt og félagslega einangrun sjálft.

Vaxtarsprotinn til Nox Medical

Fyrirtækið Nox Medical hlaut fyrir helgi Vaxtarsprotann. Hann er viðurkenning sem veitt er árlega á vegum Samtaka iðnaðarins, Rannsóknarmiðstöðvar Íslands og Háskólans í Reykjavík til sprotafyrirtækja.

Afnám verðtryggingar ekki lausn á vanda skuldugra

Ólíklegt er að breytingar á fyrirkomulagi verðtryggingar gætu á þessu stigi mála leitt til snöggs viðsnúnings hjá einstaklingum í skuldavanda, segir í niðurstöðum nýrrar skýrslu sem nefnist „Verðtrygging á Íslandi: kostir og gallar“. Hverfi verðtryggingin hækka vextir á móti.

Chavez slær í gegn á Twitter

Hugo Chavez hinn litríki en umdeildi leiðtogi Venesúela hefur stofnað Twitter síðu. Á aðeins hálfum mánuði hefur hann skotist í fyrsta sætið yfir mest lesnu Twitter síðurnar í Venesúela og hafa 237 þúsund manns skráð sig sem vini forsetans. Það færir honum fyrsta sætið í landinu en áður var vinsælasta Twitter síðan sú sem Globovision sjónvarpsstöðin heldur úti en stöðin hefur haldið uppi harðri gagnrýni á störf forsetans.

Cameron og Clegg hittust á fundi í kvöld

Þeir David Cameron leiðtogi íhaldsmanna í breska þinginu og Nick Clegg leiðtogi Frjálslyndra hittust í þinghúsinu í London í kvöld á tæplega klukkustundarlöngum fundi. Áður höfðu áhrifamenn innan flokkanna fundað í allan dag um mögulegt stjórnarsamstarf.

Eyjafjallajökull: Skólahaldi aflýst í Vík á morgun

Vegna þess mikla öskufalls sem gekk yfir Vík í Mýrdal um helgina verður allt skólahald í grunn-, leik- og tónskóla bæjarins fellt niður mánudaginn 10. maí.

Jóhanna: Ljóst að fjárlögin verða mjög erfið

Ríkisstjórnin ætlar að funda fram á kvöld í ráðherrabústaðnum en á fundinum verða horfur í ríkisfjármálum og sameining ráðuneyta verða í forgrunni.

Eyjafjallajökull: Álag á starfsfólki Akureyrarflugvallar

Mikið álag hefur verið á starfsfólki Akureyrarflugvallar en þar er nú miðstöð fyrir millilandaflug. Flugvallastjórinn segir að þær aðstæður sem þar hafi skapast undanfarnar vikur sýni að stækka þurfi flugvöllinn. Flugsamgöngur til og frá landinu eru aftur í uppnámi með tilheyrandi óþægindum fyrir þúsundir Íslendinga.

Lítil mengun í fiski á Íslandsmiðum

Mengun í fiski á Íslandsmiðum er lítil miðað við niðurstöður nýrrar skýrslu frá Matís. Ekkert hafsvæði í heiminum er laust við mengun en afleiðingar hennar í sjávarfangi geta til dæmis haft áhrif á þroska heila í fóstrum.

Ríkisstjórnarfundur hafinn

Ríkisstjórn Íslands hittist á fundi sem hófst klukkan sex í dag í ráðherrabústaðnum. Horfur í ríkisfjármálum og sameining ráðuneyta verða til umræðu.

Kosningar 2010: VG með félagslegt réttlæti að leiðarljósi

Vinstri grænir í Reykjavík, undir forystu Sóleyjar Tómasdóttur, kynntu stefnumál sín síðdegis í dag. Sóley sagði kosningarnar snúast um hugmyndafræði en Vinstri grænir hefðu félagslegt réttlæti að leiðarljósi. Flokkurinn boðaði fleiri úrræði í húsnæðismálum með leigu- og kaupleigumarkaði, fjölbreyttari atvinnusköpun á vegum borgarinnar, strætó sem grunnþjónustu og sorpflokkun við heimili fólks.

Kosningar 2010: H - listinn kynnti framboð sitt í dag

H-listi Ólafs F. Magnússonar, fyrrverandi borgarstjóra, sem kallar sig framboð um heiðarleika og almannahagsmuni, kynnti frambjóðendur og stefnumál á heimili Ólafs í Fossvogi nú síðdegis.

Fundað gegn fátækt

Í dag var haldinn fundur á Grand Hótel þar sem fólk úr ýmsum hópum samfélagsins ræddi um fátækt og félagslega einangrun og hvaða leiðir séu færar til að vinna gegn slíkri stöðu. Fundurinn, sem var með þjóðfundarsniði, var haldinn í tilefni af Evrópuári gegn fátækt og félagslegri einangrun og er skipulagður af stýrihópi á vegum félags- og tryggingamála-ráðuneytisins.

Eyjafjallajökull: Iceland Express flýgur frá Akureyri á morgun

Vélar Iceland Express til London, Kaupmannahafnar og Berlínar fara frá Akureyrarflugvelli á morgun sökum öskufalls frá Eyjafjallajökli. Vélarnar til London og Kaupmannahafnar fara um og eftir hádegi, en sú til Berlínar annað kvöld. Sætaferðir verða frá BSÍ norður í land.

Sprengja á Times torgi: Sannanir fyrir aðild talíbana

Bandaríkjamenn segjast nú hafa sannanir fyrir því að talíbanar í Pakistan hafi staðið á bakvið hryðjuverkið sem fór út um þúfur á Times torgi í New York á dögunum. Dómsmálaráðherrann Eric Holder staðfesti þetta í dag en áður höfðu bandarísk stjórnvöld vísað yfirlýsingum talíbana í Pakistan um að þeir bæru ábyrgð á ódæðinu á bug.

Breskir hermenn marseruðu um Rauða torgið

Breskir hermenn marseruðu um Rauða torgið í Moskvu í fyrsta sinn í sögunni í dag. Tilefnið var að í dag fagna Rússar lokum Síðari heimstyrjaldarinnar en 65 ár eru liðin frá lokum stríðs. Rúsnesskar hersveitir marseruðu því um torgið ásamt kollegum sínum frá Bretlandi, Frakklandi, Póllandi og Bandaríkjunum.

Hjálmar: Engin slagsíða gegn konum í BÍ

Hjálmar Jónsson formaður Blaðamannafélags Íslands gerir athugasemdir við ályktun Félags fjölmiðlakvenna sem sagt var frá hér á Vísi í gær. Í ályktuninni sagði að konur væru í minnihluta í stjórnum og nefndum Blaðamannafélagsins.

Eyjafjallajökull: Framleiðsla gosefna fer hægt dvínandi

Framleiðsla gosefna virðist hafa farið hægt dvínandi í eldgosinu í Eyjafjallajökli ef mið er tekið af síðustu sjö dögum. Gosvirknin hefur þó gengið í bylgjum og búast jarðfræðingar á Veðurstofu Íslands við því að þær sveiflur haldi áfram. Ekkert bendir þó til þess að gosinu sé að ljúka að því er fram kemur í stöðuskýrslu frá Veðurstofunni og Jarðfræðistofnun Háskóla Íslands.

Landstjórinn tók rútuna norður

Það vakti athygli farþega sem þurftu að taka rútuna norður til Akureyrar í nótt að Franek Rozwadowski, sendifulltrúi Alþjóðagjaldeyrissjóðsins var á meðal farþega. Franek, sem af gárungum hefur stundum verið kallaður Landstjóri Íslands, hefur því gert sér að góðu sama ferðamáta og „þegnar“ hans.

Eyjafjallajökull: Icelandair breytir áætlun fyrir morgundaginn

Icelandair hefur tilkynnt breytingar á flugi á morgun, mánudaginn 10. maí, vegna áframhaldandi óvissu um hvort Keflavíkurflugvöllur verður opinn fyrir flugumferð.

Ríkisstjórn líklega kölluð á fund í dag

Búist er við að ríkisstjórnin verði kölluð saman til aukafundar síðar í dag eða í kvöld þar sem lagðar verði meginlínur um ríkisfjármál og fækkun ráðuneyta.

Eyjafjallajökull: Drunurnar heyrast í Dölunum

Drunurnar úr Eyjafjallajökli hafa heyrst víða um land í dag. Fólk í Dölunum segist heyra drunur og sprengingar mjög greinilega og þá hafa lætin í gosinu heyrst vel til Vestmannaeyja.

Manndráp: Hinn grunaði í gæsluvarðhald

Maðurinn sem Lögreglan á Suðurnesjum handtók í gær vegna rannsóknar á ætluðu manndrápi í Reykjanesbæ var úrskurðaður í gæsluvarðhald í Héraðsdómi Reykjaness klukkan 10 í morgun. Hann mun því sitja í gæsluvarðhaldi til mánudagsins 17. maí hið minnsta.

Truflanir á útsendingu Bylgjunnar á Suðurlandi

Truflanir eru á útsendingum Bylgjunnar á hluta Suðurlands. Sendir í Vestmannaeyjum var uppfærður í nótt og er bilunin rakin til þess. Unnið er að viðgerð og ætti útsendingin að komast í samt lag á næsta klukkutímanum.

Fundað um fátækt á Grand Hótel

Fundur um fátækt er að hefjast nú klukkan tíu á Grand Hótel Reykjavík og verður haldinn með þjóðfundarsniði. Fundurinn er á vegum félags- og tryggingamálaráðuneytisins og er haldinn í tilefni af Evrópuári gegn fátækt. Áformað er að hann standi til klukkan fjögur í dag.

Ellefu létust í sprengingu í rússneskri kolanámu

Ellefu eru látnir og 41 slasaður eftir að tvær sprengingar urðu í stærstu kolanámu Rússlands í gærkvöldi. Að minnsta kosti 84 eru enn í námunni sem er staðsett í Kemerovo héraði í vesturhluta Síberíu. Alls voru 359 starfsmenn neðanjarðar þegar fyrri sprengingin varð, en talið er að um hafi verið að ræða metansprengingu.