Vargöld í Mexíkó: Þrjú höfuðlaus lík fundust í Acapulco

Mexíkanska lögreglan rannsakar nú morð á þremur mönnum í ferðamannaborginni Acapulco en líkin fundust í dag. Mennirnir höfðu greinilega verið pyntaðir og að lokum hálshöggnir.

Aldrei eins mikil umferð á íslenska flugstjórnarsvæðinu

Mikill straumur flugvéla hefur verið inn á íslenska flugstjórnarsvæðið í dag og síðustu nótt, búist er við áframhaldandi mikilli umferð í nótt og á morgun. „Vegna umferðarinnar sem er í meira lagi óvenuleg vegna umfangs og flækjustigs hefur mönnun á flugumferðarstjórum tvöfaldast í dag og voru tuttugu og tveir á vaktinni í þegar mest var að gera,“ segir í tilkynningu frá Isavia (áður Flugstoðir).

Bumbur barðar á Austurvelli

Í dag var Alþjóðlegur dagur sanngjarnra viðskipta haldinn hátíðlegur um allan heim. Í fyrra tóku um 8 milljónir manna þátt og létu Íslendingar að sjálfsögðu ekki sitt eftir liggja og í ár var gert enn betur. Markmiðið er að berjast gegn fátækt, ósanngirni og barnaþrælkun, félagafrelsi og lýðræði og styðja lífræna ræktun með jákvæðum aðferðum. Fairtrade samtökin stuðla að réttæti og sanngirni í viskiptaháttum við þriðja heiminn og er Fairtrade vottunin trygging fyrir því að bændurnir sem framleiddu vöruna hafi fengið lágmarksverð sem dugir þeim til að lifa af.

Heitavatnslaust í Reykárhverfi

Í kjölfar rafmagnsbilunar í gærkveldi bilaði hraðastýring á dælu sem þjónar Reykárhverfi sem ollu truflunum í rekstri dreifikerfis á svæðinu. Í dag varð síðan bilun í stofnæð sem veldur því að heitavatnslaust er í Reykárhverfi að því er fram kemur í tilkynningu frá Norðurorku.

Clegg fær umboð til áframhaldandi viðræðna

Nick Clegg, leiðtogi Frjálslyndra, fundaði með forystu flokksins í dag og fékk umboð til áframhaldandi viðræðna. Fulltrúar flokkana funda á morgun en búist er við því að viðræður taki nokkra daga.

Fjármagnsflutningar til Lúx meðal annars til rannsóknar

Hundrað milljarðar króna voru millifærðir úr sjóðum Kaupþings inn á erlenda bankareikninga skömmu fyrir hrun. Fjármagnsflutningarnir frá móðurfélagi bankans hér á landi til Lúxemborgar og annarra landa teygja anga sína inn í rannsókn sérstaks saksóknara. Yfirheyrslur hafa staðið yfir í dag.

Eyjafjallajökull: Iceland Express flýgur frá Akureyri á morgun

Iceland Express hefur ákveðið að vélar félagsins sem fara til London og Kaupmannahafnar á morgun fara frá Akureyrarflugvelli. Vélin til Kaupmannahafnar fer klukkan 13:00 og sú til London klukkan 15:00. Sætaferðir verða til og frá Akureyri.

Manndráp í Keflavík: Liðlega tvítugur maður í haldi

Lögreglan á Suðurnesjum hefur nú staðfest að maður sé í haldi, grunaður um að hafa orðið öðrum manni að bana í bænum. Hinn handtekni er liðlega tvítugur og verður hann yfirheyrður síðar í dag. Ekki er unnt að greina frá nafni hins látna að svo stöddu en borin hafa verið kennsl á hann. Hann var á sextugsaldri.

Kópavogsdagar hófust í dag

Kópavogsdagar, árleg menningarhátíð Kópavogsbæjar, hófust í dag með opnun sýningarinnar, Fúsi á ýmsa vegu, sem sett hefur verið upp í Tónlistarsafni Íslands á Kópavogsholti til heiðurs listamanninum Sigfúsi Halldórssyni.

Lottó: Tveir með allar tölur réttar

Tveir heppnir Lottóspilarar voru með allar tölur réttar í útdrætti kvöldsins. Þeir skipta því með sér fyrsta vinningi og koma rúmar fimm milljónir króna í hlut hvors. Annar vinningsmiðinn var áskriftarmiði en hinn var keyptur í verslun Samkaupa-Úrvals á Selfossi. Þá var einn heppinn þáttakandi með Jókertölurnar réttar og fær sá tvær milljónir í sinn hlut. Sá miði var keyptur í Skýlinu í Vestmannaeyjum.

Félagsmálaráðherra: Lögreglan taki á stórfelldum bótasvikum

Félagsmálaráðherra segir að það sé lögreglunnar en ekki Tryggingastofnunar að taka á stórfelldum bótasvikum. Hins vegar þurfi að einfalda almannatryggingakerfið og skýra betur réttindi fólks til að koma í veg fyrir misskilning.

Starfshópur leggur til fækkun ráðuneyta

Breytingar gætu orðið á ráðherraliði ríkisstjórnarinnar í lok sumars en frumvarp um fækkun ráðuneyta verður væntanlega lagt fram á yfirstandandi þingi.

Svifrykið vel undir mörkum í Reykjavík

Styrkur svifryks var vel undir heilsuverndarmörkum í Reykjavík í dag. Styrkurinn mældist l8 míkrógrömm á rúmmetra á mælistöðinni á Grensásvegi klukkan 16.00 og 12 í Fjölskyldu- og húsdýragarðinum að því er fram kemur í tilkynningu frá borginni.

Eyjafjallajökull: Kröftugt sprengigos enn í gangi

Enn er kröftugt sprengigos í gangi í Eyjafjallajökli að því er fram kemur í stöðuskýrslu frá Veðurstofunni og Jarðfræðistofnun Háskólans. Lítið sem ekkert hraunrennsli er niður Gígjökul og gufuvirkni þar í lágmarki. Dregið hefur úr sprengivirkni og gosið líkist nú því sem var fyrir aukninguna að kvöldi 5. maí og 6. maí.

Kosningar 2010: Tvö ný framboð í Kópavogi og eitt í Garðabæ

Tvö ný framboð litu dagsins ljós í Kópavogi í dag en frestur til að lýsa yfir framboði til sveitarstjórnakosninga rann út í dag. Eitt framboð kom einnig fram í Garðabæ.

Eyjafjallajökull: Mjög slæmt skyggni á Sólheimasandi

Mjög slæmt skyggni er nú á Sólheimasandi sökum öskufalls auk þess sem askan úr Eyjafjallajökli sem þegar er fallin fýkur mikið upp. Að sögn lögreglunnar á Hvolsvelli er því í raun ekkert ferðaveður á svæðinu en þrátt fyrir það hefur umferð um sandinn verið töluverð.

Mannslát: Lögreglan staðfestir ekki handtöku

Lögreglan verst enn allra frétta af rannsókn á mannsláti í Keflavík í morgun. Vefmiðillinn Víkurfréttir segist hafa heimildir fyrir því að einstaklingur hafi verið handtekinn í tengslum við málið en í samtali við fréttastofu vildi Jóhannes Jensson yfirmaður rannsóknardeildar lögreglunnar á Suðurnesjum hvorki játa því né neita. Von er á yfirlýsingu frá lögreglunni um málið síðar í dag.

Eyjafjallajökull: Icelandair breytir áætlunum fyrir morgundaginn

Icelandair hefur tilkynnt breytingar á flugi á morgun, sunnudaginn 8. maí, vegna áframhaldandi óvissu um hvort Keflavíkurflugvöllur verður opinn fyrir flugumferð.

BÍ: Konur vilja aukaaðalfund

Félag fjölmiðlakvenna hefur sent frá sér ályktun þar sem átök innan Blaðamannafélags Íslands eru hörmuð. „Félag fjölmiðlakvenna harmar átök í stjórn Blaðamannafélagi Íslands sem leiddu til þess að þrjár þungavigtarkonur í blaðamennsku hurfu úr stjórninni,“ segir meðal annars og bætt við að í þeirra stað hafi verið valin nærri hrein karlastjórn.

Kosningar 2010: Frestir framlengdur í Mývatnssveit og á Súðavík

Frestur til að skila inn framboði í Mývatnssveit vegna komandi sveitarstjórnarkosninga hefur verið framlengdur um tvo daga.

Skemmdir unnar á leiðum

Skemmdarvargar hafa verið á ferð í kirkjugarðinum við Suðurgötu í nótt eða í morgun. Krossar hafa verið rifnir upp á tveimur leiðum auk þess sem blómaker hefur verið mölbrotið. Leiðin sem um ræðir eru í vesturenda garðsins. Lögregla kannaðist ekki við málið þegar fréttastofa hafði samband en ætlaði að kanna málið.

70 þúsund lentu í rafmagnsleysi

Áætla má að um 70 þúsund íbúar landsbyggðarinnar, allt frá Vesturlandi og norður til Austfjarða, hafi mátt þola rafmagnsleysi í allt að tvær klukkustundir í gærkvöldi. Bilunin var það víðtæk að Almannavarnir og Fjarskiptamiðstöð lögreglu sáu ástæðu til að koma að málum.

Steingrímur leiðréttir fréttaflutning

Steingrímur J. Sigfússon fjármálaráðherra hefur sent frá sér tilkynningu í tilefni af því að í gær tóku einhverjir fjölmiðlar spurningu blaðamanns að loknum ríkisstjórnarfundi og gerðu að orðum Steingríms. Steingrímur segir að þó málið sé ekki stórt sé mikilvægt að koma réttum upplýsingum á framfæri.

Kosningar 2010: Ólafur F. leiðir H-listann

Ólafur F. Magnússon, læknir og fyrrverandi borgarstjóri, mun skipa fyrsta sæti H-listans fyrir borgarstjórnarkosningarnar í Reykjavík. Ólafur mun leggja fram lista skipaðan 30 frambjóðendum á fundi kjörstjórnar í dag en frestur til að skila inn framboðum rennur út á hádegi. Bryndís H. Torfadóttir, framkvæmdastjóri, skipar annað sæti listans og Katrín Corazon Surban það þriðja.

Enn fundað í Bretlandi

Enn liggur ekki fyrir hvort ný samsteypustjórn Íhaldflokks og Frjálslyndra demókrata taki við völdum í Bretlandi. Fulltrúar flokkanna funduðu í alla nótt en viðræðum var slitið í morgun. Fram kemur á vef breska ríkisútvarpsins, BBC, að Nick Clegg, leiðtogi Frjálslyndra demókrata ætlar að funda með þingmönnum flokksins í dag til að fara yfir tilboð íhaldsmanna. Ekki er búist við niðurstöðu í dag.

Keflavík: Maður fannst látinn

Lögreglan í Reykjanesbæ rannsakar nú lát manns sem fannst undir berum himni um klukkan sex í morgun. Að sögn rannsóknarlögreglumanns hjá embættinu er talið að andlát mannsins hafi ekki borið að með eðlilegum hætti og er rannsókn á frumstigi.

Reyndi að brjótast inn til sinnar fyrrverandi

Karlmaður gistir nú fangageymslu á Selfossi en hann var handtekinn í nótt þegar hann reyndi að brjóta sér leið inn á heimili fyrrverandi eiginkonu sinnar og núverandi sambýlismanns hennar.

Eyjafjallajökull: Gosmökkurinn minni en í gær

Dregið hefur úr skjálftavirkni við eldstöðina í Eyjafjallajökli og þar hefur engin skjálfti mælst síðan í gær. Gosmökkurinn er einnig minni en í gær en hann nær nú 5 kílómetra hæð. Hann stefnir í suð-austur og því er búist við öskufalli á Sólheimasandi, í Vík í Mýrdal og jafnvel vestar.

Skjálftahrina á Reykjaneshrygg

Nokkrir skjálftar hafa riðið yfir á Reykjaneshrygg frá því í gær. Hrinan hófst með skjálfta sem mældist 3,1 stig um klukkan þrjú í gær og strax í kjölfarið fylgdu skjálftar sem mældust nokkru minni eða um 2,5 stig. Skjálftarnir eiga upptök sín nálægt Eldey og Geirfuglaskeri og frá því klukkan þrjú í gær hafa sex skjálftar mælst stærri en tvö stig á svæðinu, þar á meðal einn sem náði þremur stigum, auk nokkurra minni.

Rannsóknin í fullum gangi um helgina

Rannsókn sérstaks saksóknara á meintum lögbrotum Kaupþings verður í fullum gangi um helgina og eru fjölmargar yfirheyrslur framundan. Sérstakur saksóknari hyggst nýta tímann sem Hreiðar Már Sigurðsson og Magnús Guðmundsson, fyrrverandi bankastjórar Kaupþings sitja í gæsluvarðhaldi, til að yfirheyra þá sem tengjast meintum lögbrotum bankans.

Eyjafjallajökull: Öllu flugi aflýst í Keflavík - Lokanir í Evrópu

Öllum flugferðum til og frá Keflavíkurflugvelli hefur verið aflýst vegna öskunnar úr Eyjafjallajökli. Þá er truflun á öllu innanlandsflugi og er athugun klukkan 11:15. Nokkrar vélar fóru af stað frá Keflavíkurflugvelli í morgun en nú hefur brottför fimm véla í dag og komu níu véla síðdegis og í kvöld verið aflýst.

Tugir starfsmanna ráðnir til sérstaks saksóknara

Ragna Árnadóttir dómsmála­ráðherra hyggst leggja fram tillögu fyrir ríkis­stjórn í vikunni um að embætti sérstaks saksóknara verði eflt til muna. Þetta segir hún í viðtali við Fréttablaðið í dag. Nefnd þriggja ráðuneyta, dómsmála-, fjármála- og forsætisráðuneyta, fer nú yfir rekstraráætlun. Samkvæmt heimildum Fréttablaðsins verður tugum starfsmanna bætt við embættið.

Vík í Mýrdal eins og draugabær í gærdag

Vík í Mýrdal var eins og draugabær yfir að líta í gær vegna mikils öskufalls frá sprengigosinu í Eyjafjallajökli. Svifryksmælingar í Vík og nágrenni fóru langt yfir heilsuverndarmörk og Rauði krossinn opnaði fjöldahjálparstöðvar í Vík og á Kirkjubæjarklaustri síðdegis vegna þessa.

Fjármálin eru sitjandi meirihlutum erfið

Erfið staða í fjármálum sveitar­félaga gæti valdið sitjandi meirihlutum vandræðum í komandi sveitarstjórnarkosningum, og valdið þeim fylgistapi, segir Grétar Þór Eyþórsson, prófessor í stjórnmálafræði við Háskólann á Akureyri.

Hvítar flugur sækja í tóbakið

„Ég veit ekki hvort við eigum nóg af þessu,“ segir Guðbjörg Kristjánsdóttir, garðyrkjumaður í Garðheimum, um fræ af villitóbaksplöntunni sem þar eru í sölu. Hún segir fjölda manns hafa lagt leið sína í verslunina í leit að fræjum eftir að greint var frá því í Fréttablaðinu í gær að þau væru þar í sölu.

Yfirheyra þarf tugi manna áður en varðhaldinu lýkur

Sérstakur saksóknari hyggst nýta tímann sem Hreiðar Már Sigurðsson og Magnús Guðmundsson, fyrrverandi bankastjórar Kaupþings, sitja í gæsluvarðhaldi til að yfirheyra alla þá sem tengjast meintum lögbrotum tvímenninganna.

Stóraukin framlög þarf til tækjakaupa

Fyrrverandi yfirlæknir hjartadeildar telur að tækjamál Landspítalans séu helsti veikleiki hans. Mörg stærri lækningatæki hefa hærri meðalaldur en ásættanlegt getur talist. Sambærilegar stofnanir á Norðurlöndunum eru margfalt betur settar, og vart hægt að bera saman íslenskan raunveruleika í því samhengi.

Lífeyrissjóður eignast golfvöll

Lífeyrissjóður starfsmanna sveitarfélaga eignaðist Svarfhólsvöll við Ölfusá á uppboði hjá sýslumanninum á Selfossi á miðvikudag. Greint er frá þessu í Sunnlenska fréttablaðinu. Þar segir að auk þess eignaðist sjóðurinn um 200 hektara lands í landi Laugardæla í Flóa og skika úr landi Uppsala. Eignin var slegin á 290 miljónir króna, en áhvílandi skuldir námu um 1,5 milljörðum króna.

Fríða Á. Sigurðardóttir látin

Fríða Áslaug Sigurðardóttir rithöfundur lést í Reykjavík í gær. Fríða fæddist á Hesteyri í Sléttuhreppi á Hornströndum 11. desember 1940.

Clegg vill sjá hvað Cameron býður

Nick Clegg, leiðtogi Frjálslyndra demókrata, er kominn í þá stöðu að geta valið með hverjum hann vill stjórna. David Cameron, leiðtogi Íhaldsflokksins, hefur gefið loforð um að helstu kosningamálum frjálslyndra verði gert hátt undir höfði í stjórnarsáttmála samsteypustjórnar þeirra.

Skemmtiferðaskipum fjölgar

„Það stefnir allt í enn frekari fjölgun á komum skemmtiferðaskipa til Reykjavíkur í sumar. Við erum með bókaðar um 120 viðkomur skemmtiferðaskipa til landsins, þar af um 40 til Reykjavíkur,“ er haft eftir Birni Einarssyni, framkvæmdastjóra TVG-Zimsen, í tilkynningu fyrirtækisins.

Voru samstiga í námi og inn í Kaupþing

Hreiðar Már Sigurðsson, fyrrverandi forstjóri Kaupþings Group, og Magnús Guðmundsson, sem áður stýrði Kaupþingi í Lúxemborg, eru jafnaldrar og luku báðir stúdentsprófi árið 1990. Hreiðar er stúdent frá Verzlunarskóla Íslands og Magnús frá Menntaskólanum við Sund. Þeir hófu á sama tíma nám við viðskiptaskor Háskóla Íslands á endurskoðunarsviði og útskrifuðust saman árið 1994. Báðir voru svo ráðnir til Kaupþings í maí 1994. Hreiðar Már var ráðinn framkvæmdastjóri Rekstrarfélags Hávöxtunarfélagsins hjá Kaupþingi og Magnús forstöðumaður hjá Kaupþingi, að því er fram kemur í Viðskipta- og hagfræðingatalinu. - óká

Elite vill halda lokakeppni hér í haust

Lokakeppni alþjóðlegu fyrirsætukeppninnar Elite Model Look World 2010 verður haldin hér á landi í nóvember gangi allar áætlanir eftir. „Ég get staðfest að við viljum skipuleggja lokakeppni Elite Model Look World á Íslandi," skrifar Bernard Hennet, forstjóri Elite, í bréfi til Jóns Ólafssonar vatnsútflytjanda, sem löngum er kenndur við Skífuna. Hennet segir Ísland verða tilvalinn stað fyrir keppnina.

Bestu samningarnir fást hér

Ísland er öruggt land. Við höfum staðreyndir til að sanna það en verðum að sýna umheiminum fram á það, að sögn Þorvaldar E. Sigurðssonar, ráðgjafa og fyrrum framkvæmdastjóra Verne Holding, sem vinnur að byggingu gagnavers að Ásbrú á Reykjanesi.

Rannsaka þarfar breytingar

Frestur til aðildar að rannsóknarnefnd Rauðs vettvangs hefur verið framlengdur til 15. maí. Nefndinni er ætlað að rannsaka nauðsynlegar breytingar á íslensku samfélagi í kjölfar efnahagshruns.