Svifryk yfir mörkum í borginni

Líkur eru á að styrkur svifryks verði yfir mörkum í Reykjavík í dag. Áfram er spáð hægum vindi og þurrviðri í vikunni og líkur eru á svifryksmengun næstu daga. Sökum hlýviðris er ekki hægt að rykbinda umferðagötur, að fram kemur á vef umhverfis- og samgöngusviðs Reykjavíkurborgar. Þeir sem eru með viðkvæm öndunarfæri er ráðlagt að taka tillit til þessa og forðast helstu umferðargötur.

Árásarvopn selst eins og heitar lummur

Silvio Berlusconi forsætisráðherra Ítalíu hefur sent stuðningsmönnum sínum orðsendingu þar sem hann þakkar þeim fyrir hlýhug eftir árásina sem hann varð fyrir í Milanó um síðustu helgi.

RÚV rannsakar ekki bullundirskriftir

Bjarni Guðmundsson, framkvæmdastjóri Ríkisútvarpsins, segir að ljósi þess að þrjár eða fjórar „bullundirskriftir“ á undirskriftalista Indefence gegn Icesave frumvarpinu komu frá IP-tölum stofnunarinnar sjái RÚV ekki ástæðu til að aðhafast í málinu.

British Airways vill lögbann á verkfall

British Airways hefur farið framá að lögbann verði sett á tólf daga verkfall sem flugfreyjur þess hafa boðað frá 22 desember til annars janúar.

Geir Sveinsson vill annað sætið

Geir Sveinsson, fyrrverandi landsliðsfyrirliði í handbolta, hefur ákveðið að gefa kost á sér í prófkjöri Sjálfstæðisflokksins í Reykjavik. Geir sem er tengdasonur Vilhjálms Þ. Vilhjálmssonar borgarfulltrúa Sjálfstæðisflokksins, sækist eftir 2. sæti listans.

Á fjórða tug fiskvinnslufólks sagt upp

Fiskverkunarfyrirtækið Tor ehf. í Hafnarfirði hefur ákveðið að segja upp 35 manns frá og með áramótum. Um er að ræða sérhæft fiskvinnslufólk. „Fyrirtækið mun ekki hætta en spurning hvort við förum niður það að vera 6 til 8 manna fyrirtæki," segir Aðalsteinn Finsen, forstjóri Tor.

Vilja ódýrari frístundastarf

Samfylkingin lagði til á fundi borgarstjórnar í dag að gengið verði til viðræðna um að ná niður kostnaði fjölskyldna og barna við íþróttir, listir og ýmis konar frístundir. Að mati borgarfulltrúa flokksins er um að ræða stóra kostnaðarliði í heimilisbókhaldi barnamargra fjölskyldna. Lagt er til að allt að hundrað milljónir verði nýttar til þessa af liðinum ófyrirséð.

Tugþúsundir flýja eldfjall á Filipseyjum

Yfirvöld á Filipseyjum byrjuðu í dag að flytja um fimmtíu þúsund manns í Albay héraði þar sem eldfjallið Mayon er talið um það bil að gjósa. Það er um 500 kílómetra sunnan við höfuðborgina Manila.

Hundrað fjölskyldur fá gefins hamborgarhrygg

Hjónin Benedikt Eyjólfsson og Margrét Beta Gunnarsdóttir, eigendur fyrirtækisins Bílabúð Benna, afhentu í morgun 100 hamborgarhryggi til sameiginlegrar jólaaðstoðar Mæðrastyrksnefndar Reykjavíkur, Hjálparstarfs kirkjunnar og Reykjavíkurdeildar RKÍ. Hryggjunum verður úthlutað til fjölskyldna á næstu dögum í aðstöðu jólaaðstoðarinnar á Norðlingabraut 12.

Sýna almenningi fingurinn

„Það er með öllu óþolandi að útrásarvíkingar og tengd fyrirtæki fái afskriftir skulda sinna þegar bílalántakendum er boðið að súpa höfuðstólshækkanir fjármálafyrirtækjanna. Krafa er um ríflegar leiðréttingar eða stuðst verði við undirritaða greiðsluyfirlit lánanna, að öðrum kosti verði bílamótmælum haldið áfram um ókomna tíð,“ segir Guðrún Jóhanna Ólafsdóttir, hjá samtökunum Nýtt Ísland, í tilkynningu. Hún segir stjórnvöld sýna almenningi í landinu fingurinn.

Varað við hálku

Umferðarstofa vill vara ökumenn á höfuðborgarsvæðinu við hálku sem að er víða á götum. Ökumenn í Fossvogi, Breiðholti og í efri byggðum höfuðborgarsvæðisins hafa orðið varir við hættulegar aðstæður vegna hálku.

Skattleggjum okkur ekki útúr kreppunni

Hanna Birna Kristjánsdóttir, borgarstjóri, segir að íslenskt samfélag muni ekki skattleggja sig út úr kreppunni. Síðari umræða um frumvarp að fjárhagsáætlun Reykjavíkurborgar fyrir árið 2010 fer fram í borgarstjórn í dag.

Björn Herbert kjörinn í bankaráð Seðlabankans

Björn Herbert Guðbjörnsson var í dag kjörinn í bankaráð Seðlabanka Íslands í stað Ágústs Einarssonar sem hætt hefur í ráðinu. Björn Herbert var áður varamaður og í hans stað var Gunnar Svavarsson kjörinn varamaður.

Flautað á Íslandsbanka

Á fjórða tug bifreiðaeigenda tók þátt í mótmælum sem hófust fyrir utan höfuðstöðvar Íslandsbanka við Kirkjusand í hádeginu. Safnast verður saman fyrir utan fjögur önnur fyrirtæki sem lána til bifreiðakaupa og flautað stanslaust í þrjár mínútur.

Ráðstefnugestir úti í kuldanum

Þáttakendur á loftslagsráðstefnu Sameinuðu þjóðanna í Kaupmannahöfn eru ekki allir hrifnir af skipulagi hennar.

Lögreglan leitar að vitnum

Lögreglan á höfuðborgarsvæðinu óskar eftir vitnum að umferðarslysi sem varð á Birkimel við Hringbraut í Reykjavík fimmtudagskvöldið 10. desember síðastliðinn. Ekið var á gangandi vegfaranda á fyrrnefndum stað þetta áðurnefnda kvöld klukkan 22.37. Lögreglan biður þá sem urðu vitni að slysinu vinsamlegast um að hafa samband í síma 444-1000.

Samfylking vill banna innihaldslaus yfirboð

Borgarstjórnarflokkur Samfylkingarinnar hefur lagt fram tillögu þess efnis að bann verði lagt við „innihaldslausum yfirboðum“ í aðdraganda kosninganna í vor.

Átak gegn ölvunarakstri: Rúmlega 500 stöðvaðir

Rúmlega fimm hundruð ökumenn voru stöðvaðir á ýmsum stöðum á höfuðborgarsvæðinu um helgina í sérstöku umferðareftirliti sem lögreglan heldur nú úti í umdæminu. Í tilkynningu frá lögreglu segir að ökumenn hafi almennt tekið þessum afskiptum mjög vel en öflug sveit lögreglumanna var á vettvangi og því gekk eftirlitið að mestu snuðrulaust fyrir sig.

Fjölskyldan er númer eitt sagði Tiger þá

Sky fréttastofan breska hefur ákveðið að flýta birtingu viðtals við kylfinginn Tiger Woods þar sem hann segir að fjölskyldan sé númer eitt hjá honum og golfið í öðru sæti.

Gamlir farsímar nýtast í hjálparstarfi

Græn framtíð og Síminn hvetja fólk til að styðja Hjálparstarf kirkjunnar fyrir jólin með því að koma með gamla og notaða GSM síma í verslanir Símans. GSM símarnir verða sendir í endurnýtingu og mun andvirði þeirra renna til innanlandsaðstoðar Hjálparstarfs kirkjunnar, að fram kemur í tilkynningu.

Færri sjúkraflutningar skýra breytingarnar

Færri sjúkraflutningar fyrstu átta mánuði þessa árs borið saman við sömu mánuði undanfarin ár skýrir af hverju stöðugildum sjúkraflutningamanna á Suðurlandi er fækkað. Þetta kemur fram í tilkynningu frá Heilbrigðisstofnun Suðurlands vegna sjúkraflutninga í Árnessýslu en sjúkraflutningamenn hafa gagnrýnt fyrirhugaðan niðurskurð.

Eymdarvísitala Moody's: Ísland í sjöunda sæti

Lánsmatsfyrirtækið hefur tekið upp á því að birta vísitölu sem þeir kalla „Misery Index“ sem þýða mætti sem Eymdarvísitölu. Þar er fjárlagahalli ríkis lagður saman við atvinnuleysi í viðkomandi landi og ríkjum raðað eftir því. Ísland lendir samkvæmt þessu viðmiði í sjöunda sæti með eymdarvísitölu upp á rúmlega tuttugu prósent.

Ágúst hættir í bankaráði Seðlabankans

Alþingi kýs nýjan aðalmann í bankaráð Seðlabankans í stað Ágústs Einarssonar, rektors Háskólans á Bifröst, á þingfundi í dag. Fimm bankaráðsmenn auk Ágústs hafa sagt af sér frá bankahruninu.

Kviknaði í ofni á Flókagötu

Eldur kom upp í íbúð við Flókagötu á tíunda tímanum í dag. Slökkviliðið mætti á vettvang og í ljós kom að kviknað hafði í bakaraofni. Eldurinn var slökktur og er nú unnið að reykræstingu. Íbúum varð ekki meint af.

Þúsundir fluttir vegna sprengihættu

Þúsundir manna hafa verið fluttir frá heimilum sínum í Columbus í, Ohio í Bandaríkjunum vegna gasleka sem óttast er að geti valdið gífurlegri sprengingu.

Kyoto verður áfram leiðarljós í Kaupmannahöfn

Þróunarlöndin hafa snúið aftur að samningaborðinu í Kaupmannahöfn en fulltrúar þeirra gengu út af loftslagsráðstefnunni í gær.

Síðari umræða um fjárhagáætlun borgarinnar

Síðari umræða um fjárhagsáætlun Reykjavíkurborgar fyrir árið 2010 fer fram á fundi borgarstjórnar í dag. Áætlunin var lögð fram í byrjun mánaðarins en til stendur að spara yfir þrjá milljarða króna. Í áætluninni er gert ráð áframhaldandi samdrætti í tekjum borgarinnar. Meirihluti Sjálfstæðis- og Framsóknarflokks segir að honum verði mætt með hagræðingu í stjórnsýslu og rekstri, en skattar og gjöld fyrir grunnþjónustu verði ekki hækkuð. Fundur borgarstjórnar hefst klukkan tíu.

„Flögudíler“ rekinn úr skóla

Tólf ára gömlum dreng hefur verið vikið tímabundið úr skóla í Liverpool fyrir að selja skólafélögum sínum kartöfluflögur. Breska blaðið Liverpool Echo greinir frá þessu en strákurinn seldi flögupokann með fimmtíu pensa álagningu.

Fimm létust í sprengingu í Kabúl

Fimm eru látnir hið minnsta og tugir særðir eftir að maður sprengdi sjálfan sig í loft upp í Kabúl höfuðborg Afganistan í morgun. Á meðal þeirra sem létust voru lífverðir fyrrverandi varaforseta landsins Ahmed Zhia Massoud. Sprengingin varð rétt áður en forseti landsins Hamid Karzai átti að halda opnunarræðuna á þriggja daga ráðstefnu sem ætlað er að fjalla um spillingu í landinu.

Forskot íhaldsmanna minnkar

Ný könnun sýnir að forskot breska Íhaldsflokksins á Verkamannaflokkinn hefur ekki verið minna í heilt ár. Breska blaðið Guardian lét fyrirtækið ICM gera könnunina og kemur í ljós að forskot íhaldsmanna er aðeins níu prósent, en minni munur hefur ekki mælst í könnunum frá því í desember 2008. Blaðið telur ljóst að þetta auki líkurnar á því að Gordon Brown forsætisráðhera Breta boði til kosninga fyrr en seinna.

Þrír stútar teknir í nótt

Þrír menn voru teknir úr umferð á höfuðborgarsvæðinu í nótt vegna ölvunaraksturs. Þetta er óvenju mikið í upphafi viku og með tilliti til þess að lögregla var ekki með sérstakt átak við eftirlit í nótt. Enginn þeirra reyndi að komast undan þegar lögregla gaf þeim stöðvunarmerki.

Datt af mótorhjóli

Ökumaður bifhjóls meiddist, en þó ekki alvarlega, þegar hann féll á hjóli sínu í Hafnarfirði í gærkvöldi. Hann var í hópi vélhjólamanna þegar hann féllog er óhappið ekki rakið til hraðaksturs. Margir vélhjólamenn hafa dustað rykið af vélfákum sínum síðustu dagana, enda ákjósanlegt færi í blíðviðrinu.

Miklar hækkanir á fóðri

Verð á fóðri til fiskeldis er að hækka um allt að tuttugu prósent og aðrar fóðurblöndur, með fiskimjöli, eru líka að hækka umtalsvert. Hækkunin er rakin til mikillar hækkunar á fiskimjöli hér innanlands, sem hækkar í takt við fiskimjöl á heimsmarkaði. Það hefur hækkað um tugi prósenta það sem af er árinu, sem meðal annars má rekja til lítilla loðnuveiða hér við land og aflabrests á ansjóvetuveiðum í Suður Ameríku. Vaxandi fiskeldi í heiminum hefur líka aukið spurn eftir fiskimjöli.-

Árásarmaður Berlusconis fyrir rétt í dag

Maðurinn sem henti styttu af dómkirkjunni í Mílanó í andlitið á Silvio Berlusconi forseta Ítalíu verður dreginn fyrir rétt síðar í dag. Massimo Tartaglio er ákærður fyrir að valda opinberum embættismanni skaða og gæti hann átt yfir höfði sér fimm ára fangelsi. Atvikið vakti mikla athygli en Berlusconi blóðgaðist nokkuð þegar styttan kom fljúgandi auk þess sem tvær tennur brotnuðu. Hann verður frá vinnu um tíma vegna þessa.

Verkfall yfirvofandi hjá British Airways

Flugliðar hjá British Airways hafa samþykkt með yfirgnæfandi meirihluta að fara í verkfall fyrir jól náist ekki samkomulag í vinnudeilu þeirra við fyrirtækið. Tekist er á um niðurskurðaráætlanir sem gera ráð fyrir fækkun flugmanna og breytingum á launasamningum.

Hitabeltisstormurinn Mick fór yfir Fiji

Þrír eru látnir í það minnsta á eyjunni Viti Levu, sem er stærsta eyja Fiji eyjaklasans í Kyrrahafinu, eftir að hitabeltisstormurinn Mick fór þar um. Rafmagnslaust er á eyjunum og þurftu þúsundir eyjaskegga að flýja heimili sín og í sérstök stormskýli. Miklir vatnavextir fylgdu veðrinu en Mick er fyristi stormur sumarsins sem er nýgengið í garð á þessum slóðum. Mick stefnir nú hraðbyri að eyjunni Tonga þar sem menn búa sig undir hið versta.

Sprengt í Bagdad

Nokkrar bílsprengjur sprungu með stuttu millibili í Bagdad, höfuðborg Íraks í nótt. Að minnsta kosti fjórir eru látnir og tugir slasaðir en sprengjurnar sprungu allar fyrir utan hið vígvarða Græna svæði. Ofbeldisverk hafa aukist í borginni upp á síðkastið og í síðustu viku létust 127 í svipaðri árás þar sem margar sprengjur sprungu með skömmu millibili og í október féllu 155 manns, einnig í röð sprengjuárása.

Fiskvinnslufólk fær ríflega jólabónusa

Vinnslustöðin í Vestmannaeyjum ætlar að greiða hverjum starfsmanni 150 þúsund krónur til viðbótar desemberuppbótinni, Ísfélagið í Vestmannaeyjum ætlar að tvöfalda jólabónusinn til sinna starfsmanna og Samherji ætlar að greiða sínu landverkafólki hundrað þúsund krónur aukalega nú í desember. Þetta kemur fram á heimasíðum fyrirætkjanna og öll skýra fyrirtækin þetta með góðri rekstrarafkomu , meðal annars vegna lágs gengis krónunnar.

Átök í Kristjaníu

Til nokkura átaka kom á milli lögreglu og mótmælenda í Kaupmannahöfn í nótt þar sem Loftslagsráðstefna Sameinuðu þjóðanna stendur nú sem hæst. Mest voru lætin í Kristjaníu og beitti lögreglan táragasi gegn fólki og sveimuðu þyrlur yfir hverfinu sem í gegnum tíðina hefur oft verið vettvangur átaka á milli lögreglu og íbúa þess.

Lögreglan náði innbrotsþjófum á hlaupum

Tveir sautján ára piltar voru handteknir í nótt eftir að þeir höfðu brotist inn í bílasölu við Nethyl í Reykjavík. Athugull vegfarandi sá til þeirra þegar þeir voru þar innandyra. Þegar lögregla kom á vettvang tóku þeir til fótanna, en lögreglumenn hlupu þá uppi og gista piltarnir nú fangageymslur.

Fjárreiður Álftaness á borði ríkisstjórnar

Vonlítil fjárhagsstaða sveitarfélagsins Álftaness er á dagskrá fundar ríkisstjórnarinnar í dag.

Vilhjálmur ekki með í prófkjöri

„Þessi ár hafa verið mér mikils virði og í raun ómetanleg,“ segir Vilhjálmur Þ. Vilhjálmsson, forseti borgarstjórnar, í yfirlýsingu þar sem hann kynnir þá ákvörðun að bjóða sig ekki fram í prófkjöri Sjálfstæðisflokksins vegna borgarstjórnarkosninganna næsta vor.

Vill rannsókn á undirskriftum

Þorgerður Katrín Gunnarsdóttir alþingismaður vill að ríkisstjórnin láti rannsaka ógildar undirskriftir á lista Indefence sem rekja megi til opinberra stofnana. „Það er óeðlilegt í jafn mikilvægu máli að svona undirskriftir séu raktar til RÚV eða Stjórnarráðsins, hvort sem það var gert í einkapósti eða ekki.“

Ísinn á Grænlandi bráðnar enn hraðar

Vísindamenn á vegum heimskautaráðsins hafa sent frá sér skýrslu sem sýnir að heimskautaísinn á Grænlandi bráðnar mun hraðar en áður var talið. Tilvikum þar sem ísjakar brotna frá massanum hefur fjölgað um 30 prósent á áratug, úr 330 milljörðum tonna í 430 milljarða tonna.

Indefence ber ásökun til baka

Forsvarsmenn Indefence-hópsins hafa borið til baka ásakanir um að starfsmenn Fréttablaðsins hafi verið meðal þeirra sem staðið hafi að árás á undirskriftasöfnun hópsins á föstudag.