Neitar að borga 4,6 milljarða fyrir styttur

Kínverskur maður sem bauð hæsta verð í tvær styttur sem seldar voru úr dánarbúi tískukóngsins Yves Saint Lauren neitar nú að borga fyrir þær.

Hnefaleikasambandið ræðir mál barnaboxarans

„Við erum að ræða þetta innan nefndarinnar," segir Ágústa Hera Birgisdóttir, nefndarmaður í Hnefaleikanefnd ÍSÍ en málefni ungs boxara sem réðist á samnemanda sinn í Sandgerði er til skoðunar.

Gott skíðafæri í Bláfjöllum

Skíðasvæðið í Bláfjöllum er opið og þar verða lyftur í gangi til klukkan 21 kvöld. Að mati Ingimundar Sigfússonar, starfsmanns í Bláfjöllum, er skíðafærið mjög gott.

Snjóflóðahætta í Súðavíkurhlíð

Vegna snjóflóðahættu á Súðavíkurhlíð eru vegfarendur beðnir um að sýna aðgát og ekki vera á ferðinni að nauðsynjalausu. Þetta kemur fram í tilkynningu frá Vegagerðinni og tekur lögreglan á Vestfjörðum undir þau varnaðarorð..

Barnaboxari ósakhæfur

Boxarinn og félagi hans sem gengu í skrokk á samnemanda sínum, eru ósakhæfir sökum aldurs samkvæmt upplýsingum sem fengust frá lögreglunni á Suðurnesjum. Um er að ræða stórfellda líkamsárás sem átti sér stað á fimmtudaginn í síðustu viku í grunnskólanum á Sandgerði. Það var RÚV sem greindi fyrst frá málinu.

Gísli undrast lýðræðið í Samfylkingunni

,,Er einhver sem telur að þá 20 mánuði sem Samfylkingin sat í ríkisstjórn með Sjálfstæðisflokknum, hefði ekki verið hægt að grípa til ráðstafana sem hefði forðað algeru hruni eða lágmarkað skaðann fyrir venjulegt fólk? Auðvitað var tími til að gera það," segir Gísli Marteinn Baldursson, borgarfulltrúi Sjálfstæðisflokksins.

Jóhanna: Þingið þarf lengri tíma

Jóhanna Sigurðardóttir forsætisráðherra segir alveg ljóst að þingið þarf lengri tíma en til 12. mars næstkomandi til þess að klára þau mál sem fyrir liggja. Hún sagði á þingi í dag í svari við fyrirspurn frá Geir Haarde formanni Sjálfstæðisflokksins, að engin ákvörðun hafi verið tekin um þingrof og kjördag en að sú ákvörðun verði að liggja fyrir sem allra fyrst.

Tvö hundruð prósent fleiri umsóknir um aðstoð

Beiðnum um aðstoð frá Hjálparstarfi kirkjunnar hefur fjölgað afar mikið fyrstu mánuðina á nýju ári. Umsóknum fjölgaði um 200% í febrúar. Í febrúar í fyrra bárust 139 beiðnir en í nýliðnum mánuði voru þær 410. Í janúar var fjölgunin 152% miðað við sama mánuð árið 2008. Haft er eftir Jónasi Þóri Þórissyni, framkvæmdastjóra Hjálparstarfs kirkjunnar, að mjög margir séu að sækja um í fyrsta sinn.

Úthlutað úr Guðrúnarsjóði

Hanna Birna Kristjánsdóttir, borgarstjóri, úthlutaði í föstudaginn átta námsstyrkjum úr Guðrúnarsjóði. Sjóðurinn var stofnaður með samþykkt borgarráðs í mars 2005 í samstarfi við Eflingu- stéttarfélag. Sjóðurinn er nefndur eftir Guðrúnu Halldórsdóttur, fyrrverandi forstöðumanni Námsflokka Reykjavíkur, en hún vann mikið brautryðjendastarf við uppbyggingu námsflokkanna, þar sem boðið var upp á fjölbreytta fullorðinsfræðslu.

Ólga meðal framsóknarmanna í Norðausturkjördæmi

Talsverðrar ólgu gætir meðal framsóknarmanna í Norðausturkjördæmi vegna staðsetningar og fyrirkomulags kjördæmaþings þar sem frambjóðendur flokksins í komandi þingkosningum verða valdir. Flokksfélagi hefur dregið framboð sitt til baka og segir stjórn ráðsins reyna að tryggja stöðu Birkis Jóns Jónssonar og frambjóðanda á Austurlandi umfram aðra frambjóðendur.

Á tvöhundruð með soninn á aftursætinu

Breskur mótorhjólamaður var á dögunum dæmdur í sex mánaða fangelsi fyrir að aka á 196 kílómetra hraða með 14 ára gamlan son sinn á aftursætinu. Maðurinn játaði brotið fyrir dómi enda náðist atvikið á hraðamyndavél.

Sunnlendingar lemja konur

Tvær líkamsárásir voru tilkynntar til lögreglunnar á Selfossi síðustu helgi en í báðum tilvikum var um karlmenn að ræða sem réðust að konum. Annað tilvikið átti sér stað á skemmtistaðnum Hvíta húsinu á Selfossi. Maðurinn sló konu hnefahöggi í andlitið með þeim afleiðingum að tönn brotnaði.

Japanskeisari heimsækir Pearl Harbour

Japanskeisari mun að öllum líkindum heimsækja Pearl Harbour á Hawaii eyjum í sumar. Árás Japana á höfnina í desember árið 1941 kom Bandaríkjunum inn í síðari heimsstyrjöldina.

Flótti úr Framsókn

Pétur Gunnarsson hefur sagt sig úr Framsóknarflokknum. Hann er þá þriðji framsóknarmaðurinn sem segir sig úr flokknum á stuttu tímabili, fyrir eru það þeir Þráinn Bertelsson rithöfundur og Sævar Cesielski.

Ekki búið að ákveða laun seðlabankastjóra

Laun nýrra yfirstjórnenda hjá Seðlabanka Íslands hafa enn ekki verið ákveðin. Svein Harald Öygard seðlabankastjóri og Arnór Sighvatsson aðstoðarbankastjóri voru settir í embættin á föstudaginn. Á blaðamannafundi við það tilefni vísaði Svein Harald á forsætisráðuneytið þegar hann var spurður út í launakjör sín.

Ákvörðun Seðlabankans órökstudd og skaðleg

Gjaldeyrishöft verða ekki afnumin næsta hálfa árið. Samtök atvinnulífsins segja ákvörðunina skaðlega og brýnt að losað verði um höftin hið fyrsta.

Forseti Gíneu Bissau myrtur

Forseti Afríkuríkisins Gíneu Bissau var myrtur í dag. Það voru hermenn úr stjórnarhernum sem myrtu Joao Bernardo Vieira þegar hann reyndi að flýja af heimili sínu. Skömmu áður var yfirmaður herafla landsins myrtur á skrifstofu sinni. Forsetinn og hershöfðinginn voru svarnir fjandmenn og höfðu lengi tekist á um völd í landinu.

Úrslit í forvali VG tilkynnt annað kvöld

Talning vegna forvals Vinstrihreyfingarinnar græns framboðs í Norðausturkjördæmi fer fram á morgun. Drífa Snædal, framkvæmdstýra flokksins, segir að kosningaþátttaka hafi verið einstaklega góð en tilkynnt verður um úrslitin annað kvöld. 21 flokksfélagi gáfu kost á sér í forvalinu.

Leit ekki borið árangur

Björgunarsveitir funda um áframhaldandi leit á Aldísi Westergren, en lýst var eftir henni um miðja síðustu viku. Leitin hefur ekki borið árangur og því er fundað um áframhaldið eftir að hafa leitað hafi verið að henni sleitulaust síðan á fimmtudaginn síðasta.

Tveir milljarðar greiddir út í dag vegna bóta

Vinnumálastofnun greiðir út tæpa tvo milljarða í atvinnuleysistryggingar í dag til um 14.000 einstaklinga. Greitt er fyrir tímabilið 20. janúar til 19. febrúar 2009. Fyrir mánuði síðan greiddi stofnunin atvinnuleysistryggingar til um 9500 einstaklinga.

Straumsvík: Þrjár milljónir vinnustunda án alvarlegra slysa

Þann 14. febrúar síðastliðinn náðu starfsmenn álversins í Straumsvík þeim einstaka árangri að unnar hafa verið þrjár milljónir vinnustunda án þess að orðið hafi alvarlegt vinnutengt slys. Leiðtogi öryggismála og eldvarna hjá ISAL, Halldór Halldórsson, segir að árangurinn megi einkum rekja til þrotlausrar vinnu starfsmanna og vilja þeirra til að gera stöðugt betur þegar kemur að öryggismálum.

Dagpeningar ríkisstarfsmanna lækka

Ferðakostnaðarnefnd hefur ákveðið að lækka dagpeninga ríkisstarfsmanna á ferðalögum erlendis um rúmlega 10%. Steingrímur J. Sigfússon, fjármálaráðherra, hafði áður beint þeim tilmælum til nefndarinnar að greiðslurnar yrðu lækkaðar. Dagpeningar skiptast í greiðslur vegna gistingar og annars kostnaðar.

Tuttugu vilja á þing fyrir Samfylkinguna í Reykjavík

Framboðsfrestur í prófkjöri Samfylkingarinnar í Reykjavík, sem hefst mánudaginn 9. mars og lýkur laugardaginn 14. mars, rann út á laugardaginn. Alls bárust framboð frá 20 frambjóðendum.

Persónuvernd úrskurðar gegn Versló

Persónuvernd úrskurðaði að Verslunarskóla Íslands hafi ekki verið heimilt að upplýsa foreldra nemanda sem voru orðnir tvítugir um mætingu þeirra við skólann. Alls kvörtuðu 37 nemar við skólann til Persónuverndar vegna málsins en skólinn hafði sent upplýsingar um mætingu þeirra til foreldra þeirra.

Fiskiskipum fækkaði um 113 í fyrra

Í lok árs 2008 voru 1.529 fiskiskip á skrá hjá Siglingastofnun og hafði þeim fækkað um 113 frá árinu áður.

Eru að fá sig fullsadda af ofbeldi

Einn er látinn og fjórir særðir eftir skotbardaga á Amager í gærkvöldi og eru Kaupmannahafnarbúar að fá sig fullsadda af skálmöldinni.

Tölvuleikur meira ávanabindandi en kókaín

Fimmtán ára gamall Svíi var fluttur á sjúkrahús með heiftarleg krampaköst eftir að hafa spilað tölvuleikinn World of Warcraft í einn sólarhring samfleytt og hafa sumir sérfræðingar látið þau orð falla að leikurinn sé meira ávanabindandi en kókaín.

Ákærð fyrir að smygla 10 tonnum af hassi

Tíu tonn af hassi, sem smyglað var til Danmerkur, er meðal þess sem kona og tveir karlmenn eru ákærð fyrir við héraðsdóm Kaupmannahafnar í máli sem þingfest verður í dag. Í ákæru segir að smyglið hafi farið fram í 38 ferðum frá ársbyrjun 2007 og sé andvirði efnisins um 80 milljónir danskra króna, jafnvirði um 1.600 milljóna íslenskra króna.

Varað við fannfergi á austurströnd Bandaríkjanna

Veðurstofur í Bandaríkjunum vara við blindöskubyl sem búist er við að skelli á austurströnd landsins hvað úr hverju og geti staðið í allt að 18 klukkustundir.

Stéttarfélagsformaður lá í lúxus

Derek Simpson, formaður stærsta stéttarfélags Bretlands, á undir högg að sækja eftir að upp komst að hann dvaldi fjórum sinnum á Waldorf Hilton-hótelinu í London, þar sem nóttin kostar tæp 499 pund, jafnvirði 64.000 króna.

Reyndi að brjótast inn á Litla-Hraun

Maður, sem handtekinn var í fyrrinótt við að reyna að brjótast inn í fangelsið að Litla-Hrauni með því að klippa gat á girðinguna, gat litlar haldbærar skýringar gefið á athæfi sínu við yfirheyrslur hjá lögreglu í gær.

Þrír slasaðir eftir árekstur

Þrír slösuðust og voru tveir þeirra fluttir á slysadeild Landspítalans í Reykjavík eftir að tveir bílar lentu í hörðum árekstri undir Hafnarfjalli í gærkvöldi. Enginn þeirra mun vera alvarlega meiddur.

Vélarbilun í fiskibáti

Aðalvél bilaði í fiskibáti, sem var að veiðum undan Suðurströndinni í gær og kallaði skipstjórinn eftir aðstoð. Nálægur fiskibátur kom á vettvang, tók hann í tog og dró hann inn til Vestmannaeyja, þar sem gert verður við vélina. Ferðin gekk vel og voru skipverjar ekki í hættu, enda veður þokkalegt.

Lukkan loks með Lucky Star

Tíu daga hrakningum línuskipsins Lucky Star hér við land lauk loks í gærkvöldi þegar skipið hélt inn í lögsögu Færeyja og er væntanlegt til hafnar þar með morgninum.

Fjölmenni á skíðum við Akureyri

Óvenjumargir sóttu skíðasvæðið í Hlíðarfjalli við Akureyri um helgina. Talið er að yfir tvö þúsund manns hafi verið í Fjallinu á laugardag, þar af fjöldi aðkomufólks. Sumir aðkomumannanna komu án skíðabúnaðar og á laugardag voru hvert einasta skíði, stafur og galli í útleigu. Margir gestanna gistu í íbúðum stéttarfélaga í bænum og fór allt vel fram.

Banaslys skammt frá Akranesi

Karlmaður, sem var einn í bíl sínum, beið bana þegar bíllinn fór út af veginum á milli Akraness og Hvalfjarðarganga laust fyrir klukkan átta í gærkvöldi og valt þar nokkrar veltur. Ökumaðurinn kastaðist út úr bílnum og er talinn hafa látist samstundis. Hann var fæddur árið 1963. Lögreglan á Akranesi lýsir eftir vitnum að slysinu.

Nefndin hlustaði á sumt en annað ekki

„Fyrst vil ég minna á að upphafleg lagasetning um Seðlabankann og allar veigamiklar breytingar á lögunum síðan hafa verið rækilega undirbúnar og um þær hefur því ætið náðst þverpólitísk samstaða á þingi,“ sagði Jóhannes Nordal, fyrrverandi seðlabankastjóri, í áliti sínu til viðskiptanefndar Alþingis um frumvarp ríkisstjórnarinnar um bankann. Jóhannes varð seðlabankastjóri við stofnun bankans 1961 og gegndi embætti til 1993.

Vilja nýtt tæki

Landssöfnun Hjartaheilla hófst í gær en markmið hennar er að safna fé til styrktar hjartalækningadeild Landspítala - háskólasjúkrahúss.

Greinir ekki á um sáttmálann

Þingmenn Vinstri grænna munu ekki greiða atkvæði með frumvarpi Össurar Skarphéðinssonar iðnaðarráðherra um álver í Helguvík. Þetta segir Steingrímur J. Sigfússon, formaður flokksins.

Hröð bráðnun hækkar í sjó

Jöklar Suðurskautslandsins eru að bráðna hraðar en áður var talið og það gæti leitt til meiri hækkunar sjávarborðs í heiminum en spáð hefur verið.

Ókeypis bækur í þessari viku

Vefbókasafnið Snara býður almenningi upp á ókeypis aðgang að 72 verkum í þessari viku, frá og með deginum í dag.

Norskir til liðs við ESB-flota

Norsk yfirvöld greindu frá því fyrir helgina að eitt af nýjustu herskipum norska flotans muni slást í lið með herskipum Evrópusambandslanda á „sjóræningjavakt“ undan ströndum lögleysulandsins Sómalíu.

Fimm sinnum brotist inn í sama bílinn

Bjarki Hermannsson er eigandi Subaru Impreza bifreiðar sem búið er að brjótast fimm inn í frá því síðasta vor. Síðast var brotist inn í bílinn í þessum mánuði en hann hefur staðið á lóð rétt fyrir utan Selfoss. Bjarki biður þá sem eitthvað vita um málið að hafa samband við sig.

Meirihluti landsmanna andvígur ESB-aðild

Meirihluti landsmanna er andvígur því að Íslands sæki um aðild að Evrópusambandinu samkvæmt könnun Stöðvar 2 og Fréttablaðsins. Stuðningur við aðild er mestur meðal kjósenda Samfylkingar en minnstur meðal sjálfstæðismanna.

Umfangsmikil leit að flugvél Amundsen

Norski herinn undirbýr nú umfangsmikla leit að flugvél sem pólfarinn Roald Amundsen hvarf með fyrir áttatíu og einu ári. Amundsen var þá í björgunarleiðangri.