Úthlutað úr Guðrúnarsjóði

Hanna Birna Kristjánsdóttir, borgarstjóri, úthlutaði í föstudaginn átta námsstyrkjum úr Guðrúnarsjóði. Sjóðurinn var stofnaður með samþykkt borgarráðs í mars 2005 í samstarfi við Eflingu- stéttarfélag. Sjóðurinn er nefndur eftir Guðrúnu Halldórsdóttur, fyrrverandi forstöðumanni Námsflokka Reykjavíkur, en hún vann mikið brautryðjendastarf við uppbyggingu námsflokkanna, þar sem boðið var upp á fjölbreytta fullorðinsfræðslu.

Markmið sjóðsins er að styðja við verkefni eða starf félagasamtaka á þeim sviðum sem Guðrún Halldórsdóttir lét mest til sín taka og lýsa má með þremur einkunnarorðum; jafnrétti, fræðsla og fjölmenning. Námsstyrkirnir eru að upphæð 75.000 krónur hver. Þeir eru veittir einstaklingum sem sýnt hafa dugnað og elju í námi sínu þrátt fyrir ýmsar hindranir.

Að þessu hlutu eftirtaldir styrkinn: Guðlaug Erlendsdóttir, Guðný Soffia Sigvaldadóttir, Jóhann Kristinn Jóhannsson, Katrín Ósk Adamsdóttir, Mary Luz Suarez Ortiz, Steinunn Ósk Óskarsdóttir, Svava Jóhannesdóttir

og Tsewang Namgyal.