Seðlabankafrumvarp fer í viðskiptanefnd

Jóhanna Sigurðardóttir forsætisráðherra hefur dregið frumvarp sitt um breytingar á lögum um Seðlabankann til baka. Tvö frumvörp komu fram sem voru samhljóða utan þess að frumvarp Jóhönnu gerði ráð fyrir því að málið færi fyrir efnahags- og skattanefnd en frumvarp þriggja þingmanna Frjálslynda flokksins gerir ráð fyrir að málið fari fyrir viðskiptanefnd.

Skráir sig í Frjálslynda flokkinn - og á atvinnuleysisbætur

Vörubílstjórinn Sturla Jónsson, sem fór fremstur í flokki vörubílstjóra sem mótmæltu háu bensínverði síðasta sumar, er búinn að missa öll vinnutækin sín, auk þess sem hann skráði sig í Frjálslynda flokkinn og hyggur þar á pólitískan frama. Flokkurinn er þó ekki það eina sem hann er búinn að skrá sig í - Sturla er líka búinn að skrá sig á atvinnuleysisbætur. Sturla ekki á sjö daganna

Loðnutorfan ekki nógu stór

Loðnan sem fannst út af Ingólfshöfða gefur því miður ekki tilefni til að gefa út loðnukvóta. Þetta segir Sveinn Sveinbjörnsson, leiðangursstjóri um borð í Árna Friðrikssyni.

Bréf Eiríks og Ingimundar birt

Seðlabankinn hefur nú birt svarbréf þeirra Eiríks Guðnasonar og Ingimundar Friðrikssonar til Jóhönnu Sigurðardóttur, en svarbréf Davíðs Oddonar hefur þegar verið birt eins og flestir vita. Í bréfunum eru bankastjórarnir að svara tilmælum forsætisráherra um að þeir láti sjálfviljugir af störfum. Þeir Eiríkur og Davíð hyggjast ekki verða við þeirri bón en Ingimundur ætlar sér að hætta.

Fundu gríðarstóra loðnutorfu við Ingólfshöfða

Áhöfnin á Lundey NS sigldi nú undir morguninn fram á gríðarstóra loðnutorfu suður af Ingólfshöfða. Torfan var 14 mílna löng, um 600 til 1000 metra breið og þykkt hennar var um 10 til 30 faðmar.

Össur tekur við Stoltenberg skýrslunni

Össur Skarphéðinsson utanríkisráðherra tók í dag, fyrir hönd norrænna starfsbræðra sinna, við skýrslu Thorvald Stoltenberg, fyrrverandi utanríkis- og varnarmálaráðherra Noregs, um norrænt samstarf í utanríkis- og öryggismálum. Í tilkynningu frá utanríkisráðuneytinu segir að skýrslan hafi verið kynnt á fundi fundi norrænu utanríkisráðherrana sem haldinn var í Ósló í dag.

Mótmælandinn búinn að kæra hagfræðinginn

Hermann Valsson mótmælandi hefur kært Ólaf Klemensson hagfræðing hjá Seðlabankanum fyrir árás. Hermann segir Ólaf hafa bakkað á sig í morgun fyrir utan bankann en Ólafur hefur kært Hermann fyrir að skemma bíl sinn. Vitni að atvikinu segir Ólaf hafa bakkað á Hermann.

Von á bráðabirgðaniðurstöðum krufningar í dag

Vonast er til að bráðabirgðaniðurstöður krufningar í tengslum við andlát konu sem fannst í dúfnakofa í Hafnarfirði fyrir helgi liggi fyrir síðdegis. Sambýlismaður konunnar var úrskurðaður í tveggja vikna gæsluvarðhald vegna gruns um að hann hefð átt aðild að láti hennar.

IKEA endurgreiðir alla dúnvöru

IKEA í Svíþjóð hefur ákveðið að bjóða viðskiptavinum um allan heim að skila dúnvörum sem þeir hafa keypt í búðum keðjunnar gegn endurgreiðslu. Þetta kemur fram í tilkynningu frá IKEA í Svíþjóð. Þar segir að fyrirtækið geti ekki lengur fullyrt að dúnn í vörum þeirra sé ekki af lifandi fuglum.

Lögreglumenn: Metnaðarleysi fjárveitingarvaldsins

Landsamband lögreglumanna segir það lýsa metnaðarleysi fjárveitingarvaldsins gagnvart lögreglunni, að ekki séu til brynvarðar bifreiðar eins og til stóð að fá lánaðar frá dönsku lögreglunni vegna óeirða við opinberar byggingar á dögunum.

Þrjú frumvörp um Seðlabanka lögð fram

Svo gæri farið að forsætisráðherra verði undir í atkvæðagreiðslu á Alþingi í dag, þegar ákveðið verður í hvaða nefnd frumvarp hennar um Seðlabankann verður sent. Greidd verða atkvæði um tvö frumvörp um Seðlabanka Íslands á Alþingi í dag, að lokinni fyrstu umræðu um þau. Annars vegar er frumvarp forsætisráðherra og hins vegar frumvarp þriggja þingmanna Frjálslynda flokksins.

Davíð á Landspítalanum

Ekkert hefur sést til Davíðs Oddssonar við Seðlabankann í morgun. Fréttamaður fréttastofu sá hinsvegar til Davíðs þar sem hann ók bíl sínum að Landspítalanum við Hringbraut.

Ólafur Ragnar og Dorrit rífast í blaðaviðtali

Forsetafrúin Dorrit Moussiaeff segist hafa varað við efnahagshruninu á Íslandi lengi vel í viðtali við glanstímaritið Condé Nast Portfolio.

Innbrot í Rauða húsið

Brotist var inn í veitingastaðinn Rauða húsið á Eyrarbakka aðfaranótt laugardags. Þaðan var stolið sjóðvél og skjávarpa. Hluti þýfisins fannst í sandnámu vestan við Eyrarbakka.

Díselolía lækkar

Vegna lækkunar á heimsmarkaðsverði á dieselolíu síðustu daga hefur Bensínorkan ákveðið að lækka verð á Orkustöðvunum um 5 krónur. Almennt verð á diesel verður eftir breytingu 159,1 króna.

Hagfræðingur Seðlabankans hyggst kæra mótmælanda

„Hann var að lemja bílinn með hnefa og kylfu," segir hagfræðingurinn Ólafur Klemensson, en mótmælandi lamdi í bílinn hans og dældaði að sögn Ólafs þegar hann var á leið til vinnu í Seðlabankanum í morgun. Aðspurður segist Ólafur ætla að kæra mótmælandann fyrir að hafa unnið skemmdarverk á grárri Nissan bifreið sem hann ekur um á.

Segir starfsemi Seðlabankans ganga sinn vanagang

Stefán Jóhann Stefánsson ritstjóri hjá Seðlabankanum segir starfsemi bankans ganga sinn vanagang. Um hundrað mótmælendur haf nú tekið sér stöðu við bílageymslu bankans sem og aðalinngang. Stefán segist ekki geta tjáð sig um það hvort Davíð Oddsson sé mættur til vinnu en mótmælendur vilja Davíð úr Seðlabankanum.

Um hundrað mótmæla Seðlabankastjórum - myndir

Um það bil hundrað manns eru nú að mótmæla fyrir utan Seðlabanka Íslands vopnuð búsáhöldum. Það var Hörður Torfason, forsprakki Radda Fólksins, sem boðaði mótmælin á Laugardaginn.

Allt að 50.000 unglingar í klíkum

Allt að 50.000 breskir unglingar tilheyra einhvers konar glæpagengjum og -klíkum. Þetta kemur fram í skýrslu breskra félagsmálayfirvalda sem krefjast aðgerða yfirvalda þegar í stað til þess að stemma stigu við þróuninni.

Segir bónusa ekki vera til að verðlauna feigðarflan

Alistair Darling, fjármálaráðherra Bretlands, hvetur banka landsins til að hætta þegar í stað að greiða stjórnendum sínum ofurbónusa og svimandi há laun fyrir að sigla fjármálakerfinu í strand.

Jacqui Smith hlaut húsnæðisstyrk á vafasömum forsendum

Breski innanríkisráðherrann Jacqui Smith hefur viðurkennt að hafa skráð lögheimili sitt heima hjá systur sinni í London í þeim tilgangi að hljóta styrki úr ríkissjóði vegna reksturs annars heimilis utan London en hún býr með fjölskyldu sinni í Redditch.

Minnst 130 látnir í kjarreldum

Nú er talið að minnst 130 manns séu látnir af völdum kjarrelda sem geisað hafa í Ástralíu síðustu daga, einkum við suðausturströndina.

Að minnsta kosti 13 skip við gulldepluveiðar

Fjölveiðiskipin eru aftur byrjuð gulldepluveiðar suður af landinu eftir brælu í gær. Að minnsta kosti þrettán skip eru nú á Grindavíkurdýpi og fara brátt að berast aflatölur.

Lyfjuræningi grunaður um fleiri en eitt rán

Maðurinn, sem var handtekinn síðdegis í gær eftir að hafa framið vopnað rán í Lyfju við Lágmúla í Reykjavík með því að hóta starfsfólkinu með öxi, er enn í gæslu lögreglu, grunaður um að hafa sitthvað fleira misjafnt á samviskunni.

Brotist inn í dýraspítalann í Víðidal

Brotist var inn í dýraspítalann í Víðidal um klukkan fjögur í nótt og þaðan stolið ýmsum lyfjum. Annað var látið eiga sig.

Höfuðborgarbúar í víking til Selfoss

Tvívegis kom til átaka á Hótel Selfossi í gærkvöldi og í nótt, þar sem starfslið af tveimur veitingahúsum af höfuðborgarsvæðinu héldu sameiginlega árshátíð.

Hyggjast varna Davíð inngöngu í Seðlabankann

Mótmæli við Seðlabankann hófust núna klukkan átta og eru um þrjátíu mótmælendur á staðnum enn sem komið er. Segjast þeir stefna að því að varna Davíð Oddssyni seðlabankastjóra inngöngu í bankann.

Bankastjórar víkja með nýjum lögum

Ólíklegt er talið að Jóhanna Sigurðardóttir forsætisráðherra víki seðlabankastjórunum Davíð Oddssyni og Eiríki Guðnasyni úr starfi, samkvæmt heimildum Fréttablaðsins. Þeir hafa báðir ákveðið að sitja áfram í Seðlabankanum þrátt fyrir tilmæli forsætisráðherra um hið gagnstæða. Líklegasta niðurstaða málsins, samkvæmt heimildum, er að þeir sitji fram að þeim tíma að ný lög um bankann taki gildi. Óljóst er hvenær það verður.

Lúðvík var ekki inni í myndinni

Jóhanna Sigurðardóttir forsætisráðherra hafnar því að fjármál Lúðvíks Bergvinssonar, formanns þingflokks Samfylkingarinnar, hafi komið í veg fyrir að hann fengi úthlutað embætti dóms- og kirkjumálaráðherra í ríkisstjórn undir hennar forsæti. Þetta var fullyrt í sunnudagsblaði Morgunblaðsins.

Milljarðar í ónýttum lögnum í mannlausum hverfum

Orkuveita Reykjavíkur hefur fjárfest fyrir um 2,6 milljarða króna í lögnum í hverfum sem fáir eða engir búa í. Þetta telst vannýtt, eða ónýtt, fjárfesting, þar sem litlar sem engar tekjur skila sér á móti. Þetta þykir dæmi um þá efnahags­lægð sem þjóðin er í, en ekki síst um það skipulagsleysi sem ríkt hafi á höfuðborgar­svæðinu.

Setja milljarða í bankakerfið

Norska ríkisstjórnin samþykkti í gær að leggja fram frumvarp um stofnun sjóðs sem í verði eitt hundrað milljarðar norskra króna, jafnvirði 1.700 milljarða íslenskra króna. Fjármunirnir verða nýttir til að hleypa nýju blóði í norskt efnahagslíf.

Mun ekki skila Gólanhæðum

Benjamin Netanyahu, leiðtogi Likudflokksins sem flest bendir til að vinni þingkosningarnar sem fram fara í Ísrael í vikunni, lýsti því yfir í gær að ríkisstjórn undir sinni forystu myndi ekki taka í mál að skila Sýrlandi Gólanhæðum til að liðka fyrir friðarsamningum. Ísraelar hafa haldið hæðunum hernumdum síðan í stríðinu 1967.

Gálgafrestur frystra myntlána

Talsmenn helstu fjármögnunarfyrirtækja, sem hafa lánað til bílakaupa síðustu ár, segjast enn ekki hafa þurft að taka marga bíla aftur af skuldurum í vandræðum. Verst stöddu skuldunautarnir hafi kosið að frysta lán sín um tíma.

Málamiðlun í öldungadeild

Barack Obama Bandaríkjaforseti gerir sér vonir um að Bandaríkjaþing afgreiði á morgun, þriðjudag, tillögur sínar að aðgerðum gegn efnahagskreppunni vestra. Flokksbræður hans í öldungadeildinni náðu málamiðlun við kollega sína úr röðum repúblikana um að samþykkja áætlunina með vissum breytingum.

Frumvarp lagt fram fljótlega

Jóhanna Sigurðardóttir forsætisráðherra hefur sett á fót ráðgjafarhóp til að vinna tillögur um breytingar á stjórnarskránni. Björg Thorarensen, prófessor við lagadeild Háskóla Íslands, mun leiða ráðgjafarhópinn, sem undirbýr frumvarp til stjórnarskipunarlaga sem lagt verður fram á Alþingi á næstu vikum. Aðrir í hópnum eru Bryndís Hlöðversdóttir, forseti lagadeildar Háskólans á Bifröst, og Gísli Tryggvason, talsmaður neytenda.

Eigum ekki annarra kosta völ

„Niðurskurður í heilbrigðiskerfinu er lögþvingaður. Honum verður ekki breytt nema fjárlög verði tekin upp á ný. Þetta er ekki ljúft verk en við eigum ekki annarra kosta völ en að draga saman seglin,“ segir Ögmundur Jónasson heilbrigðis­ráðherra.

15.000 óbreyttir Tamílar á flótta

Fleiri en fimmtán þúsund óbreyttir borgarar á átakasvæði stjórnarhersins og Tamílatígranna nyrst á Srí Lanka hafa lagst á flótta undanfarna daga, að því er talsmaður stjórnvalda í höfuðborginni Colombo greindi frá.

Afstaða Davíðs olli Jóhönnu vonbrigðum

Brýnt er að frumvarp það sem ríkisstjórnin hefur lagt fram á Alþingi um endurskipulagningu á stjórnskipulagi Seðlabanka Íslands fái eins skjóta afgreiðslu og unnt er, segir Jóhanna Sigurðardóttir forsætisráðherra í yfirlýsingu sem hún hefur sent frá sér vegna bréfs sem hún fékk frá Davíð

Segir seðlabankastjóra ekki hugsa um hag þjóðarinnar

Viðbrögð Davíðs Oddssonar seðlabankastjóra við óskum forsætisráðherra um að hann víki úr bankanum eru afar slæm að mati Höskuldar Þórhallssonar, þingmanns Framsóknarflokksins.

Davíð neitar að hætta

Davíð Oddsson formaður bankastjórnar Seðlabankans ætlar ekki að láta af störfum í bankanum eins og Jóhanna Sigurðardóttir forsætisráðherra hefur farið fram á. Davíð skýrði frá þessu í bréfi til forsætisráðherra sem birt var á vef Seðlabankans rétt í þessu.

Björn tekur undir orð Davíðs

Björn Bjarnason tekur undir gagnrýni Davíðs Oddssonar seðlabankastjóra á bréf sem Jóhanna Sigurðardóttir forsætisráðherra sendi seðlabankastjórunum.

Persónuleg fjármál voru ekki það sem hindraði Lúðvík

Það var lög áhersla á að fá utanaðkomandi fagaðila til þess að gegna embætti ráðherra bankamála og dómsmálaráðherra frá upphafi stjórnarmyndunarviðræðna

Ásta Möller gefur kost á sér í 3. sæti

Ásta Möller, alþingismaður, hefur ákveðið að bjóða sig fram í 3. sætið í prófkjöri Sjálfstæðisflokksins Í Reykjavík sem haldið verður 14. mars næstkomandi vegna Alþingiskosninga á vordögum.

Minnst sjö þingmenn draga sig í hlé

Sjö af sitjandi þingmönnum hyggjast draga sig í hlé kosningunum í vor. Fleiri gætu bæst í hóp þeirra á næstunni.

Tugir hafa brunnið lifandi í kjarreldunum

Tugir manna hafa brunnið lifandi í bílum sínum þegar þeir reyndu að flýja kjarreldana í Ástralíu. Um eitthundrað manns hafa farist um helgina og heilu þorpin hafa fuðrað upp á nokkrum mínútum.