Kvartar til umboðsmanns Alþingis vegna ákvörðunar ráðherra

Einn af fimm umsækjendum um embætti dómara við Héraðsdóm Norðurlands Eystra hefur lagt fram kvörtun til Umboðsmanns Alþingis vegna ákvörðunar setts dómsmálaráðherra að skipa Þorstein Davíðsson í embættið.

Ástþór Magnússon boðar til blaðamannafundar

Friðarsinninn og fyrrum forsetaframbjóðandinn Ástþór Magnússon hefur boðað til blaðamannafundar á morgun.

N1 hækkar bensín og dísilolíu um 2.50 krónur á lítra

N1 hækkaði í gær bensín og dísilolíu um 2.50 krónur á lítra. Sama dag hækkaði Skeljungur hjá sér og árla í morgun var Olís búið að hækka hjá sér um sömu upphæð.

Flugvöllur eða íbúabyggð í Vatnsmýri?

Það var líklega tvennt sem vakti mesta athygli við málefnaskrá nýja meirihlutans í borginni. Í fyrsta lagi að reynt verði að varðveita 19. aldar götumynd Laugavegarins. Í öðru lagi og efst á lista meirihlutans er hins vegar Vatnsmýrin, að ekki verði hróflað við Reykjavíkurflugvelli á kjörtímabilinu.

Skiptir ekki máli í hvað kosningasjóðir fara - Svo lengi sem það sé í þágu flokksins

Stjórn Félags ungra Framsóknarmanna á Akureyri sendi fjölmiðlum í kvöld ályktun þar sem félagið lýsir yfir undrun sinni yfir framgöngu fjölmiðla í hinu svokallaða fatakaupamáli.

Gætu átt yfir höfði sér allt að sex til níu ára fangelsisdóm

Tollverðirnir tveir sem grunaðir um að hafa stolið veski af ungri konu á skemmtistað í Reykjavík um síðustu helgi gætu átt yfir höfði sér sex til níu ára fangelsisdóm.

Ógilt hjúskaparvottorð Fischers og Watai

Bobby Fischer var bandarískur ríkisborgari allt þar til bandarísk yfirvöld ógiltu vegabréf hans árið 2003. Guðjón Ólafur Jónsson, lögfræðingur systursona Fischers segir að samkvæmt hjúskaparvottorði því sem Watai hefur framvísað komi fram að þau gengu í það heilaga í ágúst 2004.

Aurora velgerðarsjóður úthlutar 210 milljónum

Stjórn Aurora velgerðasjóðs kynnti í dag þá ákvörðun sína að ráðstafa alls 210 milljónum króna til fyrstu styrktarverkefna sjóðsins. Það eru hjónin Ingibjörg Kristjánsdóttir landslags-arkitekt og Ólafur Ólafsson, stjórnarformaður Samskipa sem stofnuðu velgerðasjóðinn fyrir réttu ári á fimmtugsafmæli Ólafs, 23. janúar 2007. Þá var einn milljarður króna lagður í sjóðinn og nú hefur verið veitt úr honum í fyrsta sinn.

Passið ykkur á ísnum!

Í hlákunni síðustu daga er ís á vötnum og ám víða orðinn ótraustur og full ástæða til að vara fólk við því að fara út á hann. Erfitt getur verið að meta hvort ís sé nægjanlega traustur til að fara út á hann og mismunandi eftir vatni hvernig ísalög eru. En regla númer eitt er að snúa alltaf við ef einhverjir brestir heyrast.

Skipar starfshóp um aðgerðir gegn mansali

Jóhanna Sigurðardóttir félags- og tryggingamálaráðherra hefur skipað sérstakan starfshóp sem hefur það hlutverk að fjalla um með hvaða hætti standa megi að gerð og framkvæmd heildstæðrar áætlunar um aðgerðir gegn mansali á Íslandi.

Mótmælalisti afhentur á morgun

Þeir sem hafa staðið fyrir undirskriftasöfnun þar sem nýjum meirihluta í Reykjavík er mótmælt hafa boðað þá Vilhjálm Þ. Vilhjálmsson og Ólaf F. Magnússon til fundar í Tjarnarsal Ráðhússins klukkan 11:30 á morgun. „Þúsundir borgarbúa hafa nú þegar undirritað mótmæli vegna ótrúlegra vinnubragða við myndun þessa nýja meirihluta," segir í tilkynningu frá hópnum.

Tryggja starfsemi Kolaportsins í Tollhúsinu næstu 10 árin

Reykjavíkurborg og fjármálaráðuneytið vilja tryggja framtíðarstaðsetningu Kolaportsins í Tollhúsinu næstu tíu árin með því að breyta fyrirliggjandi hugmyndum um breytingar á Tollhúsinu í Reykjavík.

Könnun Reykjavík síðdegis: Samfylkingin með 44% í Reykjavík

Könnun sem dægurmálaþáttur Bylgunnar, Reykjavík síðdegis, framkvæmdi hér á Vísi sýnir að 44% þeirra sem tóku þátt myndu kjósa Samfylinguna ef kosið yrði nú.

Björgvin leitar til ESB um ráðleggingar í samkeppnismálum

Björgvin G. Sigurðsson viðskiptaráðherra lýkur í dag heimsókn sinni til Brussel og Lúxemborgar þar sem hann hefur fundað með þremur framkvæmdastjórum Evrópusambandsins.

Samið við Katara um samstarf á fjölmörgum sviðum

Össur Skarphéðinsson iðnaðarráðherra og Yousef Kamal, fjármálaráðherra Katars, skrifuðu í dag undir samning um samstarf Íslands og Katars á sviði efnahags-, viðskipta- og tæknimála.

ESB fyrsta hagkerfið gegn gróðurhúsaáhrifum

Jose Manuel Barroso forseti framkvæmdastjórnar Evrópusambandsins hefur kynnt áform um að gera Evrópu „fyrsta hagkerfið með takmarkaðan útblástur gróðurhúsalofttegunda." Hann segir Evrópubúa vilja framtíðarsýn og aðgerðaráætlun gegn loftslagsbreytingum. Áætlunin muni kosta hvern Evrópubúa þrjár evrur á viku, eða sem svarar 293 krónum.

Engar ákvarðanir verið teknar um breytt hlutverk Íbúðalánasjóðs

Deilt var um það á Alþingi í dag hvort sjálfstæðismenn hefðu horn í síðu Íbúðalánasjóðs og hver staða hans yrði til frambúðar.

Ólafur í byrjun desember: Megum ekki verða að örflokki

“Ég tel mjög mikilvægt að þessi borgarstjórnarflokkur og þeir sem að honum standa starfi vel saman og reyni að hafa breidd í málunum þannig að við stöndum undir þessu umboði og verðum ekki að einhverjum örflokki í lok kjörtímabilsins,” sagði Ólafur F Magnússon verðandi borgarstjóri í Silfri Egils þann 2.desember síðastliðin.

Rúmlega áttatíu prósent vantreysta Ólafi F.

Yfirgnæfandi meirihluti þeirra sem tóku þátt í skoðanakönnun Vísis bera ekki traust til Ólafs F. Magnússonar, verðandi borgarstjóra.

Guðrún Jónsdóttir valin Ljósberi ársins

Guðrún Jónsdóttir, félagsráðgjafi og talskona Stígamóta, var valin Ljósberi ársins 2007. Verðlaunin eru veitt fyrir áralanga, ötula og skelegga baráttu hennar gegn kynferðisofbeldi og klámvæðingu hér á landi í forsvari fyrir Stígamót.

Fatafíaskó framsóknarmanna ekki komið til skattstjóra

Skattstjórinn í Reykjavík hefur ekki tekið fatamál Björns Inga Hrafnssonar og Óskars Bergssonar til afgreiðslu, samkvæmt upplýsingum frá Gesti Steinþórssyni skattstjóra.

Samkomulag um fyrrverandi hús ÁTVR á Seyðisfirði

Samkomulag hefur náðst á milli fjármálaráðuneytiosins, Minjaverndar og Seyðisfjarðarkaupstaðar um málefni fyrrverandi verslunarhúsnæðis ÁTVR á Seyðisfirði. Þetta kom fram í fyrirspurn Árna Mathiesen fjármálaráðherra við fyrirspurn flokkssystur sinnar, Arnbjargar Sveinsdóttur.

Þak sett á lyfjakostnað allra sjúklinga

Þak verður sett á lyfjakostnað allra sjúklinga á þessu ári og síðar einnig á aðra kostnaðarþætti sjúklinga í heilbrigðisþjónustu. Nefnd um greiðsluþátttöku almennings í heilbrigðisþjónustu vinnur að því að einfalda það kerfi sem nú er við lýði.

Sjálfstæðismenn sakaðir um tvöfeldni í útrásarmálum

Sjálfstæðismenn voru gagnrýndir fyrir tvöfeldni í orkumálum og öðrum málum í umræðum um fyrirspurn Valgerðar Sverrisdóttur, varaformanns Framsóknarflokksins, á Alþingi.

Allir efstu menn á F-lista í Íslandshreyfingunni

Helstu trúnaðarmenn Íslandshreyfingarinnar funduðu um borgarmálin í gærkvöld. Allir efstu menn á F-listanum eru félagar í Íslandshreyfingunni.

Söguleg heimsókn Grikkja til Tyrklands

Costas Karamanlis forsætisráðherra Grikklands fór í opinbera heimsókn til Tyrklands í dag, fyrstu opinberu heimsókn grísks leiðtoga í næstum fimm áratugi. Heimsóknin þykir táknræn og til marks um bætt samskipti landanna.

26 þúsund börn deyja á dag af völdum auðlæknanlegra sjúkdóma

Nærri tíu milljón börn deyja á ári hverju áður en þau ná fimm ára aldri - tuttugu og sex þúsund börn á dag. Banamein getur verið allt frá lungnabólgu til malaríu.

Annan reynir að miðla málum í Kenía

Kofi Annan, fyrrverandi framkvæmdastjóri Sameinuðu þjóðanna, kom til Afríkuríkisins Kenía í gærkvöldi til að miðla málum milli deilenda þar.

Óska eftir fundi með þingmönnum vegna uppsagna hjá HB Granda

Bæjarstjórn Akraness ákvað á fundi sínum í gær að óska þegar í stað eftir fundi með þingmönnum Norðvesturkjördæmis í kjölfar þess að stjórnendur HB Granda hafa ákveðið að segja upp öllu starfsfólki fyrirtækisins, sem vinnur við fiksvinnslu á Akranesi.

Eyjagoss minnst með viðburðum í allan dag

Þrjátíu og fimm ár eru í dag liðin frá því að eldgos hófst í Vestmannaeyjum og Eyjamenn sigldu allir sem einn til lands á fiskiskipaflota sínum.

Fimm mánaða tafir á tvöföldun Reykjanesbrautar?

Framkvæmdir við tvöföldun Reykjanesbrautar gætu frestast um allt að fimm mánuði náist ekki samkomulag við undirverktaka um framhald þeirra. Fulltrúar Vegagerðarinnar, Jarðvéla og undirverktaka þeirra funda um framtíð verkefnisins í dag.

Vilhelm Þorsteinsson að slá botninn í síldarvertíðina

Áhöfnin á fjölveiðiskipinu Vilhelm Þorsteinssyni EA er þessa stundina að slá botninn í síldarvertíðina, sem kennd er við sumargotssíld.

Hátt í 50 skjálftar við Grindavík

Jarðskjálftahrina hófst í Grindavík laust fyrir klukkan tvö í nótt með skjálfta upp á fjóra á Richter. Skjálftarnir í hrinunni eru að nálgast 50.

Var ekki boðinn borgarstjórastóllinn

Svandís Svarasdóttir, oddviti Vinstri grænna í borgarstjórn, segir rangt að sjálfstæðismenn hafi boðið henni borgarstjórastóllinn eins og Ólafur F. Magnússon, verðandi borgarstjóri, fullyrti í gær.

Þorbjörg Helga: Björn Ingi gaf tóninn

Þorbjörg Helga Vigfúsdóttir, borgarfulltrúi Sjálfstæðisflokksins, segir það skref Björns Inga Hrafnssonar, borgarfulltrúa Framsóknarflokksins, að slíta samstarfi við sjálfstæðismenn í haust hafa fært pólitíkina í borginni á nýjan stað.

Farþegar í sjokk þegar að flugvél nauðhemlaði á Kastrup

Flugvél frá Iceland Express þurfti að hætta við flugtak á síðustu stundu í Kaupmannahöfn í gærkvöldi vegna bilunar. Farþegar um borð urðu nokkuð skelkaðir að sögn eins þeirra.

Steingrímur formaður jafnréttisnefndar Evrópuráðsþings fyrstur karla

Steingrímur J. Sigfússon var í gær valinn formaður jafnréttisnefndar Evrópuráðsþingsins, fyrstur karla.

Rúmlega 45 skjálftar hafa mælst í Grindavík

Um 45 minni skjálftar hafa mælst eftir að skjálfti upp á fjóra á Richter skók Grindavík með þeim afleiðingum að hlutir féllum úr hillum. Skjálftarnir eru flestir á milli einn og tveir á Richter en þó mældist annar skjálfti upp á fjóra rétt fyrir klukkan sex í morgun. Veðurstofan reiknar með að skjálftarnir haldi eitthvað áfram en fjari út á næstu klukkustundum.

Hefur efasemdir um sannsögli Björns Inga

,,Björn Ingi segir hvað? Og hver hafði samband við Björn Inga? Ég fullyrði að þetta er rangt að honum hafi verið boðið upp í dans að þessu sinni vegna þess að hann spilaði sig út úr pólitíkinni með því sem hann gerði í haust,“ sagði Agnes Bragadóttir, blaðamaður Morgunblaðsins, í spjalli við Heimi og Kollu í morgunþætti Bylgjunnar, Í bítið, í morgun.

Palestínumenn flæða yfir til Egyptalands

Þúsundir Palestínumanna á Gaza hafa farið yfir til Egyptalands eftir að grímuklæddir uppreisnarmenn eyðilögðu hluta af landamæravegg sem skilur að löndin tvö. Íbúar Gaza fara til Egyptalands til að kaupa mat, eldsneyti og aðrar vörur sem eru orðnar fátíðar eftir að Ísraelar ákváðu að stöðva flutning á eldsneyti og öðrum vörum til Gaza.

„Ónotatilfinning að vera rifinn upp á náttfötunum"

Í dag eru liðin 35 ár frá upphafi eldgossins á Heimaey, stærstu eyju Vestmannaeyjaklasans. Elliði Vignisson bæjarstjóri segist muna vel eftir þessum degi þrátt fyrir að hafa verið aðeins fjögurra ára gamall þegar gosið hófst.

Ræður ráðamanna á erlendri tungu liggi fyrir á íslensku

Samfylkingarmennirnir Mörður Árnason og Karl V. Matthíasson hafa lagt fram þingsályktunartillögu á Alþingi þar sem því er beint til forseta Íslands og ráðherra að ræður og ávörp sem þeir flytja á erlendri tungu liggi fyrir á íslensku samtímis eða svo skjótt sem auðið er.

Allir eiga að geta skráð sig á heilsugæslustöð

Allir eiga að geta skráð sig á heilsugæslustöðvar og ekki er gert ráð fyrir að hægt sé að loka fyrir skráningar á stöðvarnar.

Flóttamenn frá Tjetjeníu flæða yfir Danmörku

Ný bylgja af flóttamönnum skellur nú á Danmörku í framhaldi af því að landamærin til Austur-Evrópu hafa verið opnuð.

Evrópubandalagið hundsar Hugo Chavez

Evrópubandalagið mun áfram hafa Farc-skæruliðasamtökin í Kólombíu á lista sínum yfir hryðjuverkasamtök þrátt fyrir beiðni Hugo Chavez forseta Vesesúela um að Farc verði tekin af þessum lista.