Palestínumenn flæða yfir til Egyptalands

Þúsundir Palestínumanna á Gaza hafa farið yfir til Egyptalands eftir að grímuklæddir uppreisnarmenn eyðilögðu hluta af landamæravegg sem skilur að löndin tvö. Íbúar Gaza fara til Egyptalands til að kaupa mat, eldsneyti og aðrar vörur sem eru orðnar fátíðar eftir að Ísraelar ákváðu að stöðva flutning á eldsneyti og öðrum vörum til Gaza.

Aðgerðir Ísraelsmanna miða að því að stöðva tíðar eldflaugaárásir frá Gaza, en mannúðarsamtök hafa varað við afleiðingum aðgerðanna. Óttast hefur verið að hörmungarástand muni skapast á Gaza ströndinni innan fárra daga vegna skorts á matvælum og rafmagni.