Söguleg heimsókn Grikkja til Tyrklands

Costas Karamanlis forsætisráðherra Grikklands fór í opinbera heimsókn til Tyrklands í dag, fyrstu opinberu heimsókn grísks leiðtoga í næstum fimm áratugi. Heimsóknin þykir táknræn og til marks um bætt samskipti landanna.

Síðasta opinbera heimsókn forsætisráðherra Grikklands var árið 1959. Ekki er hins vegar ljóst hversu mikil áhrif þessi heimsókn mun hafa. Hvorki Grikkir né Tyrkir gera sér miklar væntingar um að langvarandi deilur milli landanna leysist í heimsókninni. Þar á meðal eru málefni aðgreindu eyjarinnar Kýpur og deilur um yfirráð í Eyjahafi sem urðu næstum til þess að stríð braust út milli landanna.

Samskipti landanna hafa þó batnað nokkuð á síðustu tíu árum.