Beint frá minningarathöfn um Díönu prinsessu

Bein útsending verður á Vísi klukkan 11 frá minningarathöfn um Díönu prinsessu af Wales en í dag eru tíu ár síðan hún lést í bílslysi í París. Minningarathöfnin þar sem synir Díönu, þeir Harry og Vilhjálmur verða viðstaddir ásamt Karli Bretaprins fer fram í Guards Chapel í Lunúnum.

Útgjöld til menntamála hafa aukist um 70% á níu árum

Á milli áranna 1998 og 2007 hafa árleg útgjöld til menntamála aukist um 15 milljarða króna og er þá tekið tillit til verðlagsbreytinga. Það jafngildir tæplega 70% aukningu. Til samanburðar hafa útgjöld til heilbrigðismála á sama tímabili aukist um 57%.

Dagur B. fær Björn til að brosa

Björn Bjarnason, dómsmálaráðherra, segir á heimasíðu sinni að sér finnist broslegt að sjá Dag B. Eggertsson, borgarfulltrúa Samfylkingarinnar, telja hlutafélagsáform Orkuveitunnar til stórtíðinda. Björn minnir á að samfylkingarfólk í borgarstjórn hafi á sínum tíma barist fyrir því að gera fyrirtækið að hlutafélagi.

Ellefu látnir að minnsta kosti í lestarslysi í Ríó

Að minnsta kosti ellefu létu lífið og 63 slösuðust þegar yfirfull lest skall á aðra í úthverfi brasilísku borgarinnar Rio de Janeiro í dag. Yfir hundrað björgunarmenn voru á staðnum og óttast slökkviliðsmenn að fleiri hafi látist.

Tekist á um bæjarskrifstofur í Reykjanesbæ

Minnihluti bæjarstjórnar í Reykjanesbæ gagnrýnir harðlega þá ákvörðun meirihlutans að fela Fasteign hf. að vinna að tillögum að nýjum bæjarskrifstofum. Á heimasíðu Víkurfrétta er sagt frá því að minnihluti hafi lagt fram bókun vegna málsins. Sjálfstæðismenn segja um miskilning að ræða.

Vildi láta lögguna hræða strákinn

Lögregla var kölluð að heimili í borginni í gær vegna ófriðar sem orsakaðist af því unglingnum á heimilinu var meinað fara í tölvuna. Að sögn lögreglu hefur tilfellum af þessu taginu fjölgað. Móðir unglingsins bað lögregluna um að „hræða“ soninn, en við því var ekki orðið enda ekki í verkahring embættisins að sögn lögreglu.

Tveir fluttir á slysadeild eftir fjögurra bíla árekstur

Fjórir bílar lentu í harðri aftanákeyrslu á Höfðabakkabrú klukkan sex í dag. Tveir voru fluttir með sjúkrabíl á slysadeild og sá þriðji fór þangað af sjálfsdáðum. Tvo bíla þurfti að flytja á brott með dráttarbíl. Þá urðu tvö önnur óhöpp á höfuðborgarsvæðinu um svipað leyti.

Skipverji sem var í haldi sjóræningja íhugaði sjálfsmorð

Einn skipverjanna fimm sem eru nýkomnir til Danmerkur aftur, eftir að hafa verið á valdi sjóræningja í þrjá mánuði, segist oft hafa íhugað að fremja sjálfsmorð þennan tíma. Útgerðin hefur lítið viljað koma til móts við skipverjana en hefur boðist til að endurnýja farsíma þeirra.

Undirverðlagning og ólögmætt verðsamráð helst til athugunar

Fimmtungur allra mála Samkeppniseftirlitsins síðasta árið varða matvörumarkaðinn. Undirverðlagning og ólögmætt verðsamráð eru helst til athugunar.

80 ára gamlar skipulagshugmyndir til skoðunar

Akureyrarbær er að skoða 80 ára hugmyndir Guðjóns Samúelssonar um breyttan miðbæ Bæjarstjóri vísar því á bug að ákvarðanafælni sé vandamál í skipulagsmálum.

Öflugt eftirlit ÍTR með íþrótta-tómstundafélögum

Öflugt eftirlit er með þeim níutíu íþrótta-og tómstundafélögum sem eiga aðild að frístundakortakerfi Reykjavíkurborgar af ótta við að þau hækki þátttökugjöldin með tilkomu kortanna. Á morgun geta rúmlega tuttugu þúsund börn byrjað að nota frístundakortin.

Segir lyfjarisa standa í vegi fyrir Pharmartica

Talsmaður lyfjafyrirtækisins Pharmartica á Grenivík segir að stóru lyfjarisarnir á Íslandi standi í vegi fyrir því að fyrirtækið fái að dafna. Erfitt sé að fá inni í apótekum með nýja vöru.

Skógareldarnir í Grikklandi í rénun

Svo virðist sem skógareldarnir í Grikklandi séu í rénun. Yfirvöld eru þó viðbúin því að eldurinn kunni að glæðast á ný á svæðum þar glatt hefur logað síðustu daga. Að minnsta kosti sextíu og fjórir hafa látist í skógareldunum.

Blóðugar deilur mafíugengja

Deilur ítalskra mafíugengja eru taldar ástæða þess að sex Ítalar voru myrtir í Þýskalandi fyrr í mánuðinum. Lögreglan á Ítalíu handtók í dag á fjórða tuga manna í tengslum við morðin.

Þrjú umferðaróhöpp á höfuðborgarsvæðinu á svipuðum tíma

Þrjú umferðaróhöpp urðu á höfuðborgarsvæðinu á svipuðum tíma nú fyrir skömmu síðan. Tvær litlar rútur skullu saman í Lönguhlíð, Fjórir bílar rákust saman á Höfðabakkabrú og á Strandgötu í Hafnarfirði varð árekstur og er sjúkralið á leið á staðinn.

Íslenska IKEA dýrara en það sænska

Handahófsúrtak fréttastofu úr nýjum vörulista IKEA sýnir að verðið á Íslandi er allt að sjötíu prósentum hærra en hjá IKEA í Svíþjóð. Í aðeins einu tilviki af sjö var lægra verð á Íslandi. Framkvæmdastjóri IKEA segir fjölmargt skýra verðmuninn.

Viðbrögðin of hæg

Fórnarlömb fjöldamorðanna við Virginía Tech-háskólann í Bandaríkjunum hefðu hugsanlega orðið mun færri ef yfirvöld hefðu brugðist skjótar við, samkvæmt nýrri rannsókn.

Orkuveita Reykjavíkur verði hlutafélag

Orkuveitu Reykjavíkur verður breytt í hlutafélag, nái tillögur meirihlutans í borgarstjórn fram að ganga. Afgreiðslu málsins var frestað á stjórnarfundi orkuveitunnar í dag að ósk minnihlutans, en aðalmenn hans gátu ekki setið fundinn.

Hættuleg eiturefni fundust í höfuðstöðvum SÞ

Nokkur glös með eiturefnum hafa fundist í höfuðstöðvum Sameinuðu Þjóðanna í New York. Á meðal efna sem fundust var taugagasið phosgene en talið er að efnin hafi verið flutt frá Írak þegar fulltrúar SÞ framkvæmdu eiturefnaleit í landinu fyrir áratug síðan.

Ný meðferð fyrir MS-sjúklinga

Vísindamenn hafa lagt til að ný meðferð verði notuð gegn heila og mænusigg-sjúkdómnum (MS) sem felur í sér notkun á hormóninu estrógen. Meðferðin felst í því að estrógen-hormónið er notað til að bægja frá eða jafnvel snúa við einkennum sjúkdómsins án þess að til komi þær algengu hliðarverkanir sem hormónameðferðum fylgja.

Nýr 50 milljarða eignasjóður borgarinnar

Stefnt er að stofnun nýs Eignarsjóðs Reykjavíkurborgar til að fara með allar fasteignir borgarinnar. Þá verður búið til nýtt umhverfis- og samgöngusvið sem tryggja á að umhverfismál verði í fyrirrúmi við hönnun samgöngumannvirkja í borginni.

Sjálfstæðismenn á Seltjarnarnesi lýsa yfir stuðningi við Jónmund

Bæjarfulltrúar og aðrir forystumenn Sjálfstæðisflokksins á Seltjarnarnesi lýsa fullum stuðningi sínum við bæjarstjórann, Jónmund Guðmarsson oddvita flokksins í bænum. Þeir segja DV hafa gert aðför að bæjarstjóranum og er hún hörmuð. DV hefur flutt fréttir af því að bæjarstjórnin íhugi að segja Jónmundi upp.

Rússar ólu á stríðsótta til þess að selja vopn

Rússar gerðu hvað þeir gátu til þess að ala á stríðsótta í Ísrael og Sýrlandi í sumar, til þess að auka vopnasölu sína til Sýrlands, að sögn diplomatisku öryggisþjónustunnar í Ísrael. Snemma í sumar kom upp sá orðrómur að Sýrlendingar hyggðust endurheimta Golan hæðirnar með stríði á hendur Ísrael. Jafnframt var sagt frá liðssafnaði beggja ríkjanna við landamærin.

Reykjavík verði grænasta borg veraldar

Flutningur samgöngumála til umhverfissviðs borgarinnar er liður í áætlunum borgaryfirvalda að gera Reykjavík að grænustu borg veraldar. Þetta segir Gísli Marteinn Baldursson, formaður umhverfisráðs.

Faldi nýfætt barn sitt í þvottakörfu

Sextán ára stúlka er í haldi lögreglu eftir að lík nýfædds barns hennar fannst í þvottavél á heimili hennar í borginni Frankfurt an der Oder í austurhluta Þýskalands í gær.

Gamla NATO-stöðin í Hvalfirði verður seld hæstbjóðenda

Ákveðið hefur verið að gamla NATO-stöðin í Hvalfirði verði seld hæstbjóðenda. Sveitarstjórnarmenn úr Hvalfjarðarsveit áttu fund með fulltrúum fjármálaráðuneytisins um málið fyrr í dag. Um er að ræða 100 hektara lands, stóra bryggju í góðu ásigkomulagi og fjóra risavaxna niðurgrafna olíutanka.

Valur dómari leggur fram kæru á hendur markverðinum

Valur Steingrímsson, dómari í utandeildinni, hefur lagt fram kæru á hendur manninum sem réðst fólskulega að honum eftir leik Gym80 og Vatnaliljanna á Varmárvelli síðastliðið þriðjudagskvöld. Markvörður Gym80 réðst að honum eftir leikinn með þeim afleiðingum að Valur féll og við það brotnuðu þrjú rifbein.

Ákærður fyrir að slá gervitennur úr manni

Ákæra á hendur karlmanni á sextugsaldri vegna líkamsárásar á veitingastað í miðborginni í fyrrahaust var þingfest í Héraðsdómi Reykjavíkur í dag. Manninum er gefið að sök að hafa slegið annan mann í andlitið með þeim afleiðingum að gervitennur í efri góm hans brotnuðu og mar hlaust í andliti.

Íbúar norðurlanda 0,4 prósent af jarðarbúum

Norðulandabúar eru orðnir rúmar 25 milljónir. Samkvæmt tölum frá norrænu hagstofunum búa rúmlega 9 milljón manns í Svíþjóð, í Danmörku og Finnlandi rúmlega 5 milljónir og tæplega 5 milljónir í Noregi. Rúmlega 300 þúsund manns búa á Íslandi, á Grænlandi búa rúmlega 50.000 manns og tæplega 50.000 í Færeyjum. Á Álandseyjum búa 27.000 manns.

Fresta tillögu um hlutafélagavæðingu vegna orða minnihlutans

Stjórn Orkuveitu Reykjavíkur samþykkti það á fundi sínum fyrir stundu að beina því til eigenda fyrirtækisins, Reykjavíkurborgar, Akranesbæjar og Borgarbyggðar, að hlutafélagavæða fyrirtækið. Það er nú sameignarfélag. Samþykkt var að fresta því að afgreiða tillöguna en samþykkt að senda hana fjölmiðlum þar sem fjarstaddir aðalmenn í stjórn, sem þó höfðu boðað varamenn sína, hefðu kosið að gera hana tortryggilega eins og segir í tilkynningu frá fyrirtækinu.

Kanada fordæmir samninga við Talibana

Utanríkisráðherra Kanada hefur gagnrýnt stjórnvöld í Suður-Kóreu harðlega fyrir að semja við Talibana í Afganistan um lausn gísla sem þeir tóku. Talibanar tóku 23 gísla frá Suður-Kóreu. Tveir þeirra voru myrtir en hinir hafa nú allir verið látnir lausir, eftir miklar samningaviðræður.

Meistaradeildin: Drátturinn í beinni á Vísi.is

Dregið verður í riðlakeppni Meistaradeildar Evrópu í dag klukkan 16:00 í Monte Carlo á Suðurströnd Frakklands. Vísir.is sýndi frá drættinum í beinni ústendingu. Fjögur ensk lið eru í pottinum og eru þau öll í fyrsta styrkleikaflokk. Rosenborg er eina liðið frá Norðurlöndunum.

Beljur með nafnskírteini

Bændur í Vestur-Bengal á Indlandi hafa verið skyldaðir til þess að fara með beljur sínar í myndatökur, til þess að útvega þeim nafnskírteini. Þetta er liður í því að koma í veg fyrir stórfellt smygl á þeim til Bangladesh. Meirihluti Indverja eru hindúar og samkvæmt þeirra trú eru þessir jórtrandi ferfætlingar heilagar kýr. Það er bannað að flytja þær úr landi.

Gréta Gunnarsdóttir sviðsstjóri öryggissviðs hjá utanríkisráðuneytinu

Gréta Gunnarsdóttir hefur verið ráðin sviðsstjóri alþjóða- og öryggissviðs utanríkisráðuneytisins og kemur hún til starfa í byrjun október. Fram kemur í tilkynningu frá ráðuneytinu að hún taki við starfinu af Bergdísi Ellertsdóttur sem tók í sumar við starfi aðstoðarframkvæmdastjóra EFTA í Brussel.

Ekki stendur til að einkavæða Orkuveituna

Vilhjálmur Þ. Vilhjálmsson borgarstjóri ítrekar það ekki sé ætlunin að einkavæða Orkuveitu Reykjavíkur en tillaga um hlutafélagavæðingu fyrirtækisins er til umræðu á stjórnarfundi Orkuveitunnar sem nú stendur yfir.

Rekstur ríkisins 10 milljörðum kr. hagstæðari en í fyrra

Samkvæmt greiðsluuppgjöri ríkissjóðs er rekstur sjóðsins 10 milljörðum kr. hagstæðari en í fyrra. Á fyrstu sjö mánuðum ársins jókst handbært fé frá rekstri um 46,5 milljarða kr. innan ársins á móti 36,5 milljörðum á sama tíma í fyrra.

Leggja niður framkvæmdasvið og stofna eignasjóð

Til stendur að leggja niður framkvæmdasvið borgarinnar og koma á fót umhverfis- og samgöngusviðið sem lið í breytingum á stjórnkerfi borgarinnar. Það var borgarstjórinn í Reykjavík sem kynnti breytingarnar í hádeginu.

Bretar fagna ákvörðun sjávarútvegsráðherra um hvalveiðar

Breski umhverfisráðherrann, Phil Woolas, hefur sent frá sér yfirlýsingu þar sem hann fagnar ákvörðun Einars K. Guðfinnssonar sjávarútvegsráðherra um að gefa ekki út frekari kvóta til hvalveiða. "Við fögnum þessari hugrökku og gáfulegu ákvörðun og vonum að þetta verði til að hvalveiðum verði hætt í framtíðinni," segir Woolas.

Fundu bátskuml í Aðaldal

Bátskuml fundust í Aðaldal í Þingeyjarsýslu í gær. Kumlin eru 4 kílómetra frá sjó og þykja einhver merkustu kuml sem fundist hafa, að sögn Unnsteins Ingasonar, formanns Hins þingeyska fornleifafélags.

Segja hlutafélagavæðingu OR undanfara einkavæðingar

Til stendur að taka fyrir tillögu á stjórnarfundi Orkuveitu Reykjavíkur nú eftir hádegið um að hlutafélagavæða fyrirtækið. Oddvitar minnihlutans í borginni segja um upptakt að einkavæðingarferli OR að ræða en stjórnarformaður Orkuveitunnar segir að félagið verði áfram í eigu sveitarfélaganna.

Grikkir sækja bætur vegna eldanna

Þúsundir Grikkja streymdu í banka í landinu í gær til að sækja bætur frá ríkisstjórninni vegna eldanna sem hafa geysað þar í landi undanfarna daga. Allir Grikkir geta fengið bætur, sýni þeir skilríki og skrifi undir yfirlýsingu um að þeir hafi orðið fyrir tjóni vegna eldanna.

Sparisjóður Mýrasýslu og Ólafsfjarðar máttu sameinast

Samkeppniseftirlitið hefur lagt blessun sína yfir kaup Sparisjóðs Mýrasýslu á Sparisjóði Ólafsfjarðar fyrr á árinu. Eftir því sem segir í úrskurði Samkeppniseftirlitsins mat eftirlitið það svo að kaupin fælu í sér samruna í skilningi samkeppnislaga og því beindist skoðun eftirlitsins að því hvort samruninn hindraði virka samkeppni.

Heimsótti Breiðavík 45 árum eftir dvöl sína

Gísli Már Helgason er eitt af hinu svokölluðu Breiðavíkurbörnum. Hann dvaldi þar við illan kost frá 1960 til 1962 og hafði ekki komið þangað í 45 ár þegar hann ákvað að sækja staðinn heim um verslunarmannahelgina. Það gerði hann eftir hvatningu frá sálfræðingi. Gísli Már er illa farinn á sálinni eftir dvölina á Breiðavík en hann segir ferðasögu sína hér á Vísi.

Bókasafni í Suður-Afríku gefnar Íslendingasögur

Dr. Sigríður Dúna Kristmundsdóttir sendiherra Íslands í Suður-Afríku afhenti nýlega bókasafni Háskóla Suður-Afríku Íslendingasögurnar að gjöf. Um er að ræða nýja enska útgáfu af sögunum. Það var dr. Judy Hennings háskólabókavörður sem tók á móti gjöfinni.

Ný íþrótta- og tónleikahöll tekin í notkun

Ný íþrótta- og tónleikahöll við Vallakór í Vatnsendahverfi, sem meðal annars mun hýsa Knattspyrnuakademíu Íslands, verður tekin í notkun við hátíðlega athöfn á laugardaginn kemur.