Íbúar norðurlanda 0,4 prósent af jarðarbúum

Norðulandabúar eru orðnir rúmar 25 milljónir.

Samkvæmt tölum frá norrænu hagstofunum búa rúmlega 9 milljón manns í Svíþjóð, í Danmörku og Finnlandi rúmlega 5 milljónir og tæplega 5 milljónir í Noregi. Rúmlega 300 þúsund manns búa á Íslandi, á Grænlandi búa rúmlega 50.000 manns og tæplega 50.000 í Færeyjum. Á Álandseyjum búa 27.000 manns.

Íbúar norðurlandanna eru um 0,4 prósent af íbúafjölda heimsins. Þeir eru einungis 2 prósent af íbúafjölda fjölmennasta lands heims, Kína, og um tíu milljónum færri íbúar en búa á stærsta borgarsvæði heims, en í Tokyo og úthverfum búa um 35 milljónir manna.

Íbúar Íslands eru hinsvegar ekki nema 0,005 prósent af íbúafjölda heimsins, en það eru um það bil jafn margir og látast úr offitu í Bandaríkjunum á hverju ári.