Jón Ásgeir segir skaðabótamál koma til greina

Jón Ásgeir Jóhannesson, forstjóri Baugs, sagði á Fréttavaktinni eftir hádegi, að sýknudómur Héraðsdóms í baugsmálinu í dag, sýni að málið allt sé mikill áfellisdómur yfir þeim sem stóðu að því og sóttu. Það væri sorglegt að ríkið þyrfti að standa í þeim mikla kostnaði sem fylgdi því að sækja þetta mál, á sama tíma og ekki væru til peningar til að halda björgunarþyrlum Landhelgisgæslunnar á lofti. Jón Ásgeir sagði einnig að til greina kæmi að fara í skaðabótamál við ríkið vegna málaferlanna.

Segir flokkinn verða að skoða stöðu sína

Stjórn Sambands ungra Framsóknarmanna harmar og hafnar hugmyndum Kristins H. Gunnarssonar í þá veru að huga að sameiningu Framsóknarflokks og Samfylkingar og líkir hugmyndinni við pólitíska hryðjuverkastarfssemi. Kristinn segir sama mann standa að ályktun um að reka hann úr flokknum og boði sérframboð gegn flokknum á Akureyri.

Gætum minnkað eldsneytisneyslu um helming á tíu árum

Þorkell Helgason orkumálastjóri segir að Íslendingar gætu minnkað eldsneytisneyslu ökutækja um helming á tíu árum með því að breyta samsetningu bílaflotans á Íslandi. Þetta kom fram í máli hans á aðalfundi Orkumálastofnunar í dag.

Starfsfólk bíður þess að fá að fara í vinnu á ný

Starfsfólk frystihússins Fossvíkur á Breiðdalsvík fundaði á öðrum tímanum í dag um stöðu mála og framtíð frystihússins. Allt starfsfólk frystihússins mætti á fundinn.

Málsvarnarlaun og sakarkostnaður nema á sjötta tug milljóna

Þau málsvarnarlaun og sakarkostnaður sem greiðast úr ríkissjóði vegna sýknudóms í Baugsmálinu sem féll í dag nema vel á sjötta tug milljóna króna.

Sýknað í öllum ákæruliðum í Baugsmálinu

Héraðsdómur Reykjavíkur hefur sýknað alla sakborninga í Baugsmálinu af öllum ákæruliðum. Dómurinn var kveðinn rétt um klukkan þrjú í dag. Settur saksóknari í málinu segir ekki ákveðið hvort dómnum verði áfrýjað til Hæstaréttar og heldur ekki ákveðið hvort kært verði á ný í þeim 32 ákæruliðum málsins sem Hæstiréttur hefur vísað frá dómi.

Forseti Íslands vottar ekkju Meri samúð sína

Forseti Íslands, herra Ólafur Ragnar Grímsson, hefur sent frú Helle Meri og forseta Eistlands, Arnold Rüütel, samúðarkveðjur vegna andláts Lennart meri, fyrrverandi forseta Eistlands.

Dóms að vænta í Baugsmálinu

Dómur verður kveðinn upp í Baugsmálinu klukkan korter í þrjú í dag. NFS mun sýna beint frá héraðsdómi í dag og hefst útsendingin skömmu áður en dómurinn verður kveðinn upp.

Engin ákvörðun um hvort frystihús verður endurbyggt

Engin ákvörðun hefur verið tekin um það á þessari stundu hvort frystihúsið á Breiðdalsvík, sem stórskemmdist í eldi í gærkvöldi, verður endurbyggt. Það hefur verið langfjölmennasti vinnustaðurinn í plássinu.

Engin niðustaða enn

Rússar og Kínverjar neita að samþykkja tillögu Bandaríkjamanna, Frakka og Breta um að beita Írana refsiaðgerðum vegna kjarnorkuáætlana þeirra. Öryggisráðið mun ræða málið í dag.

Samráð Bandaríkjanna, Ísraela og Breta

Framkvæmdastjóri Arababandalagsins, segir Bandaríkjamenn og Breta bera ábyrgð á árás Ísraelsmanna á fangelsi Palestínumanna í Jeríkó og þeim átökum sem urðu í kjölfarið. Hann segir ljóst að einhverskonar samráð hafi átt sér stað milli þeirra og Ísraela.

Forsetahjón til Hornafjarðar í lok apríl

Forsetahjónin eru væntanleg í opinbera heimsókn til Hornafjarðar í síðustu viku apríl. Frá þessu greinir á Hornafjörður.is. Þar segir að forsetinn hafi óskað eftir að koma þangað í opinbera heimsókn og var þeim óskum vel tekið. Áætlað er að forsetinn og fylgdarlið hans komi með flugvél til Hornafjarðar 27. apríl og fari til baka 28. apríl.

Segir Morgunblaðið spinna pólitískan lopa á kostnað framsóknarmanna

Morgunblaðið er farið að spinna pólitískan lopa til að reyna að koma að fulltrúa frjálslyndra í borgarstjórn á kostnað framsóknarmanna og tryggja þannig sjálfstæðismönnum öll völd í málefnum Reykvíkinga. Þetta segir Björn Ingi Hrafnsson, oddviti framsóknarmanna fyrir borgarstjórnarkosningarnar í vor, á heimasíðu sinni.

Neytendaverðlaunin veitt í dag

Neytendaverðlaun Bylgjunnar og Neytendasamtakanna fyrir árið 2006 verða veitt í dag klukkan fjögur í tilefni af alþjóðadegi neytendaréttar. Það voru neytendur sjálfir sem völdu fyrirtæki ársins með netkosningu á vegum Bylgjunnar.

Íslendingum ekki fjölgað meira í um hálfa öld

Íbúum á Íslandi fjölgaði meira í fyrra en mörg undanfarin ár og reyndar hefur þeim ekki fjölgað jafnmikið á einu ári í hátt í hálfa öld. Þetta kemur fram í nýjum tölum sem Hagstofan birti í dag.

Þungatakmarkanir á öllum hringveginum

Þungatakmarkanir eru nú á öllum hringveginum og ýmsum leiðum út frá honum og eru það óvenju víðtækar takmarkanir af hálfu Vegagerðarinnar. Gripið er til þessa þar sem klaki er að fara úr jörðu og þá verður undirlag veganna veikt.

Fuglaflensa komin upp í Danmörku

Fuglaflensan er komin upp í Danmörku. Yfirvöld þar í landi tilkynntu í morgun að veira af H5 stofni hefði fundist í dauðum villtum fugli. Ekki er ljóst hvort veiran er af stofninum H5N1, sem getur borist í menn, en boðað hefur verið til blaðamannafundar síðar í dag þar sem frekari upplýsingar verða gefnar.

Tugmilljóna tjón í bruna í Garðinum

Slökkviliði Brunavarna Suðurnesja tókst á áttunda tímanum að slökkva eld sem kviknaði í stóru atvinnuhúsi í svonefndum Kothúsum í Garðinum á Reykjanesi um klukkan hálf fjögur í nótt. Enn er er þó verið að slökkva í glæðum á nokkrum stöðum. Ljóst er að þar hefur orðið tuga milljóna tjón því hluti hússins er rústir einar.

Samkomulag um vatnalagafrumvarp

Samkomulag náðist um afgreiðslu vatnalagafrumvarps iðnaðarráðherra skömmu fyrir miðnætti í gærkvöld. Þá höfðu samningafundir stjórnar og stjórnarandstöðu staðið yfir klukkutímunum saman. Samkomulagið felur í sér að stjórnarandstæðingar hætta málþófi gegn því að lögin taka ekki gildi fyrr en haustið 2007.

Dómur kveðinn upp í Baugsmáli um miðjan dag

Dómur verður kveðinn upp í Baugsmálinu klukkan korter í þrjú í dag. Um er að ræða átta ákæruliði um brot sem vógu ekki þungt í meintu heildarbroti 40 ákæruliða.

Lík af 90 mönnum finnast í Bagdad

Lík um níutíu manna fundust í Bagdad, höfuðborg Íraks, í morgun en allir höfðu þeir verið skotnir í höfuðið. Talið er að mennirnir hafi verið myrtir í tengslum við sprengjuárás sem gerð var á hverfi sjía á sunnudag en þá létu 58 lífið og yfir 200 særðust.

Ofsaakstur á Sæbraut í nótt

Lögreglan í Reykjavík stöðvaði ökumann á tæplega 150 kílómetra hraða á Sæbraut í nótt þar sem hámarkshraði er 6o kílómetrar, þannig að hann var á umþaðbil 90 kílómetra hraða umfarm löglegan hámarkshraða. Auk þess kom í ljós að hann hafði áður verið sviftur ökuréttindum og var því próflaus. Hann var einn í bílnum og ódrukkinn

Pólitísk hryðjuverkastarfsemi

Stjórn Sambands ungra framsóknarmanna harmar og hafnar hugmyndum Kristins H. Gunnarssonar í þá veru að huga að sameiningu Framsóknarflokks og Samfylkingar og líkir hugmyndinni við pólitíska hryðjuverkastarfssemi. Í ályktun sambandsins frá í gærkvöldi, segir að stanslausar árásir Kristins á eigin flokksfélaga og málefnastarf séu fyrir margt löngu komnar út fyrir öll velsæmismörk og ekki verði sérstök eftirsjá af Kristni þótt hann hverfi úr félagaskrá Framsóknarflokksins.

Milosevic jarðsettur í Belgrad

Háttsettir menn í flokki Slobodans Milosevic, fyrrverandi leiðtoga Júgólsavíu, tilkynntu í gærkvöld að Milosevic yrði jarðsettur í Belgrad, höfuðborg Serbíu. Lík Milosevic, sem lést í Haag í síðustu viku, er nú á Schipholflugvelli í Hollandi en verður væntanlega flutt á leiðarenda í dag. Eiginkona Milosevic, Mira Markovich og sonur þeirra vildu að hann yrði jarðsettur í Moskvu

Bandaríkjamenn reiðubúnir fyrir kvenforseta

Bandaríska þjóðin er reiðubúin fyrir kvenforseta en það þyrfti þó að vera repúblikani. Þetta sagði Laura Bush, forsetafrú í Bandaríkjunum þegar hún heimsótti Kvennalistasögusafnið í Washington ásamt forsetafrú í Mexíkó og forsetafrú í Perú. Laura Bush hefur lýst því yfir að hún styðji Condoleezzu Rice, utanríkisráðherra Bandaríkjanna, í forsetaembættið, en Rice hefur aftur á móti margoft sagt að hún hafi engan áhuga á þeirri stöðu.

Fimm lögreglumenn slösuðust

Fimm lögreglumenn slösuðust þegar til átaka kom á milli lögreglu og námsmanna í París í gær. Námsmennirnir voru að mótmæla fyrirhugaðri setningu laga um breytingu á lögum sem fjalla um starfssamninga fólks undir 26 ára aldri með ákvæðum um möguleika á uppsögn án útskýringa. Þeim er ætlað að hvetja vinnuveitendur til að ráða ungt fólk án þess að þeir þurfi að óttast að sitja uppi með starfsmenn sem ekki standa sig.

Rændu í það minnsta níu útlendingum

Vopnaðir Palestínumenn rændu að minnsta kosti níu útlendingum á götu í Jenín á Vesturbakkanum í gær vegna umsáturs Ísraelsmanna. Nokkrum hefur verið sleppt en þó er enn í haldi bandarískur háskólaprófessor og segja Palestínumennirnir hann verða drepinn, verði Ahmed Saadat og fylgismönnum hans gert mein.

Gáfust upp eftir daglangt umsátur

Palestínumennirnir sex sem gáfust upp fyrir ísraelska hernum eftir daglangt umsátur um fangelsið sem þeir sátu í, verða kvaddir fyrir ísraelskan dómstól og látnir svara til saka fyrir morð á ísraelskum ráðherra. Frá þessu greindi ísraelskur embættismaður í gærkvöld. Einn mannanna, Ahmed Saadat, er leiðtogi Alþýðufylkingar til frelsunar Palestínu

Ósamkomulag innan Öryggisráðs SÞ

Fulltrúar þeirra ríkja í Öryggisráði Sameinuðu þjóðanna sem hafa þar neitunarvald, Kína, Frakklands, Rússlands, Bandaríkjanna og Bretlands, hittust í gær til að ræða stöðu Írans. Engin niðustaða fékkst að þessu sinni en á meðan Kínverjar og Frakkar vilja ekki beita refsiaðgerðum vilja Frakkar, Bretar og Bandaríkjamenn það ólmir.

Lík Milosevic flutt frá Haag

Lík Slóbódans Milosevic, fyrrverandi forseta Júgóslavíu, var flutt frá Haag í Hollandi á flugvöllinn í Amsterdam síðdegis í kvöld. Marko Milosevic sótti lík föður síns. Serbneskur dómstóll hefur dregið til baka handtökuskipun á hendur Mirjönu Markovic, ekkju Milosevic, og hafa líkur aukist á að hann verði grafinn í heimalandi sínu.

Fór sjálfur á slysadeild

Umferðaróhapp varð á gatnamótum Kringlumýrarbrautar og Laugavegs á fjórða tímanum í dag. Ökumaður annars bílsins kenndi eymsla í baki og hálsi og fór sjálfur á slysadeild til rannsókna. Fleiri sakaði ekki.

Reynt að höggva á hnútinn

Forystumenn stjórnarandstöðuflokkanna gengu rétt fyrir kl. 22 í kvöld inn á skrifstofu forseta Alþingis þar sem gerð er tilraun til að leysa þann hnút sem kominn er á umræður um vatnalagafrumvarp iðnaðarráðherra. Stöðugir fundir hafa staðið yfir í Alþingishúsinu í kvöld.

Franskir stúdentar mótmæla enn

Umsátursástand var í fjölmörgum háskólum víðsvegar um Frakkland í dag þegar mörg þúsund háskólanemar mótmæltu nýrri vinnulöggjöf stjórnvalda. Stúdentar segjast fullvissir að mótmælin hafi tilætluð áhrif og hætt verði við gildistöku laganna. Ekkert virðist þó benda til þess.

Ný reglugerð um vigtun og skráningu sjávarafla

Sjávarútvegsráðuneytið gaf í dag út reglugerð um vigtun og skráningu sjávarafla. Í reglugerðinni eru margvísleg nýmæli sem miða fyrst og fremst að því að fella vigtunina betur að vinnslu og viðskiptaferlum í atvinnugreininni.

Baugsdómur á morgun

Dómur verður kveðinn upp í átta ákæruliðum í Baugsmálinu á morgun. Dómsniðurstaðan kann að hafa áhrif á ákvörðun um það hvort ákært verði að nýju í veigamestu ákæruliðunum þrjátíu og tveimur sem vísað var frá dómi.

70 börn á gjörgæsluna árlega

Um sjötíu börn þarf að flytja, ár hvert, af Barnaspítalanum á gjörgæslu, sem er í næsta húsi. Hágæsluherbergi var ekki á forgangslista spítalans, enda talið brýnna að bæta við tækjum og fullmanna stöður fyrir almenna þjónustu.

Þriggja akreina vegur hannaður milli Reykjavíkur og Hveragerðis

Undirbúningur er hafinn að breikkun Suðurlandsvegar milli Reykjavíkur og Hveragerðis. Stefnt er að því að vegurinn verði þriggja akreina og að framkvæmdir hefjist á næsta ári.

Óeðlileg fréttamennska sögð hafa lækkað hlutabréfaverð

Framkvæmdastjóri VBS Fjárfestingarbanka segir að neikvæð umræða fjölmiðla sé aðalástæða niðursveiflu hlutabréfa síðustu daga. Hann sakar Morgunblaðið sérstaklega um að hampa neikvæðustu umsögnum erlendra matsfyrirtækja umfram það sem eðlilegt geti talist.

Handtökuskipunin dregin til baka

Serbneskur dómstóll hefur dregið til baka handtökuskipun á hendur Mirjönu Markovic, ekkju Slobodans Milosevic. Þar með hafa líkurnar á að forsetinn fyrrverandi verði grafinn í heimalandi sínu, aukist. Marko, sonur þeirra, kveðst fullviss um að faðir sinn hafi verið ráðinn af dögum.

Ólga á herteknu svæðunum eftir árás Ísraela

Ófremdarástand hefur ríkt á Gaza-ströndinni og Vesturbakkanum í dag eftir að Ísraelsher réðst á fangelsi í Jeríkó þar sem grunaðir hermdarverkamenn voru í haldi. Kveikt var í húsakynnum bandarískra og breskra stofnana og nokkrum Vesturlandabúum var rænt.

Nýr sendiherra Íslands gagnvart Slóveníu

Kristinn F. Árnason, sendiherra, afhenti í dag Janez Drnovsek, forseta Slóveníu, trúnaðarbréf sitt sem sendiherra Íslands gagnvart Slóveníu, með aðsetur í Genf. Athöfnin fór fram í forsetahöllinni í Ljubljana, höfuðborg landsins.

Líffæragjafir komi fram í ökuskírteinum

Þingmál um að upplýsingar um líffæragjafir komi fram í ökuskírteinum einstaklinga hefur verið lagt fram á Alþingi. Fyrsti flutningsmaður er Ágúst Ólafur Ágústsson, varaformaður Samfylkingarinnar.

Íþróttavætt Ísland

Allir eiga að hreyfa sig, í stórátaki stjórnvalda, félagasamtaka og atvinnulífs. Menntamálaráðherra kynnti sérstaka íþróttastefnu fyrir Ísland, með pompi og prakt, í Kópavogi í dag.

Intrum innheimtir fyrir Borgarbókasafnið

Borgarbókasafn Reykjavíkur hefur samið við innheimtufyrirtækið Intrum Justitia um innheimtu á efni safnsins sem er í vanskilum.

Krónan réttir sig lítillega af

Krónan rétti sig lítillega af í dag, í gríðarmiklum viðskiptum. Alþýðusambandið hvetur neytendur til að vera á tánum og veita kaupmönnum aðhald svo hækkandi gengi fari ekki beint út í verðlag.