Mikið manntjón í eldsvoða

Að minnsta kosti 59 manns biðu bana í miklum eldsvoða sem kom upp í bænarhúsi í Teheran í Íran í gærkvöldi. Eldurinn virðist hafa kviknað þegar slæða konu sem var við bænir lenti í gasolíuhitara. Meira en fjögur hundruð manns voru inni í moskunni þegar eldurinn kom upp og greip þegar um sig mikil skelfing.

Slapp vel eftir hátt fall

Iðnaðarmaður féll hátt á fjórða metra ofan af húsi á Ísafirði í gær en slapp ótrúlega vel. Hann var fluttur á sjúkrahúsið og kom þá í ljós að hann var ekkert brotinn en síðan hefur hann gengist undir rannsóknir til að kanna hvort hann hafi meiðst eitthvað innvortis.

Margir stöðvaðir fyrir hraðakstur

Lögreglan í Kópavogi stöðvaði hátt í þrjátíu ökumenn í gærkvöldi og í nótt fyrir of hraðan akstur í bænum. Sá sem hraðast fór mældist á 130 kílómetra hraða þar sem hámarkshraðinn er 70 kílómetrar. Auk þessa voru nokkrir ökumenn sektaðir fyrir annars konar umferðalagabrot. Sektir vegna hraðabrotanna hlaupa að líkindum á hundruðum þúsunda króna.

Hálf milljón kemst ekki til vinnu

Hálf milljón manna í Madríd kemst ekki til vinnu sinnar vegna bruna í Windsor-háhýsinu í borginni í fyrradag. Enn liggja samgöngur í næsta nágrenni við háhýsið niðri, götur eru lokaðar fyrir umferð og engin starfsemi er í fyrirtækjum í nærliggjandi götum. Efstu hæðir byggingarinnar hafa þegar fallið á næstu hæðir fyrir neðan og enn er talið líklegt að háhýsið hrynji algerlega.

Aðeins búið að veiða helming kvóta

Þrátt fyrir góða loðnuveiði eru loðnuskipin ekki búin að veiða nema um það bil helming af 780 þúsund tonna kvóta á þessari vertíð. Ótíð og fremur dræm veiði upp á síðkastið hefur dregið kraftinn úr veiðunum en sjómenn vonast til að nýjar göngur komi upp á landgrunnið sem hægt verði að veiða.

Yfir 200 létust í námuslysi í Kína

Meira en tvö hundruð manns létust í sprengingu í námu í norðurhluta Kína í gær. Rúmlega tuttugu slösuðust og þrettán eru enn fastir inni í námunni. Óhöpp af þessu tagi eru gríðarlega algeng í Kína og þannig létust meira en 4000 manns í sambærilegum sprengingum á síðasta ári í landinu.

Enn fækkar fólki á Vestfjörðum

225 manns fluttu af höfuðborgarsvæðinu til Vestfjarða í fyrra, sem er mun meira en áður. Það nægði þó ekki til að stöðva fólksfækkun á Vestfjörðum því 346 Vestfirðingar fluttu á höfuðborgasvæðið. Ef aðeins er litið á brottflutninginn frá Vestfjörðum þá lætur nærri að tíu prósent Vestfirðinga hafi flutt í aðra landshluta í fyrra.

Vita ekki hvað mjólkin kostar

Nærri átta af hverjum tíu unglingum í Bretlandi hafa ekki hugmynd um hvað mjólkurpottur kostar en flestir þekkja þeir þó verðið á nýjum MP-3 spilara. Þetta eru niðurstöður nýrrar könnunar þar sem einnig kemur fram að meira en helmingur breskra ungmenna hefur meiri áhyggjur af útliti sínu en fjárhag.

Sementsskip strandar í Álaborg

Norskt sementsflutningaskip, skráð á Marshall-eyjum, strandaði með fullfermi á leið út úr höfninni í Álaborg í nótt og situr þar fast. Tólf manna áhöfn skipsins, sem að öllum líkindum var á leið til Íslands, er ekki í hættu en göt munu hafa komið á skrokk skipsins og er óttast að olía kunni að fara að leka úr því ef það næst ekki brátt á flot aftur.

Ríflega 200 týndu lífi

Rúmlega tvö hundruð námaverkamenn fórust í mikilli gassprengingu í kínverskri kolanámu í fyrrakvöld. Auk hinna látnu slösuðust tugir manna og í það minnsta þrettán eru enn fastir í jörðinni.

Innflytjendur HIV-prófaðir

Ef tillögur breskra íhaldsmanna ná fram að ganga munu allir innflytjendur sem koma til Bretlands frá löndum utan Evrópu undirgangast sjúkdómapróf.

Tíu þúsund börn munaðarlaus

Allt að tíu þúsund börn í Aceh-héraði í Indónesíu eru munaðarlaus í kjölfar flóðbylgjunnar annan dag jóla. Þetta er mat sérfræðinga Sameinuðu þjóðanna. Þetta er mun lægri tala en óttast var í upphafi, en alls fórust um 240 þúsund íbúar í héraðinu eða er enn saknað. Lítill hluti munaðarlausu barnanna á engan að þar sem heilu ættirnar þurrkuðust út.

Ánægjulegir endurfundir

Örvæntingarfullri leit indónesískrar konu að tíu ára gömlum syni sínum sem týndist eftir hamfaraflóðin á annan dag jóla er loksins lokið. Tilviljun réði því að mæðginin sameinuðust á ný.

Annar maður með nýtt HIV-afbrigði?

Óttast er að nýtt afbrigði HIV-veirunnar, sem greint var í New York í síðustu viku, hafi fundist í karlmanni í San Diego á vesturströnd Bandaríkjanna. Heilbrigðisyfirvöld þar segja líkur á að hann sé með sama stofn og maður sem greindist HIV-jákvæður í New York.

Einn lést í sprengingu í Írak

Einn bandarískur hermaður lést og þrír særðust við eftirlit þegar sprengja sprakk nærri þeim í Bakúba í Írak í gærkvöld. Talið er að skæruliðar hafi komið sprengjunni fyrir, en alls hafa rúmlega 1100 bandarískir hermenn fallið í valinn í Írak frá því að ráðist var inn í landið fyrir tæpum tveimur árum.

Kreppa og reiði í stað friðar

Líbanski herinn er í viðbragðsstöðu eftir morðið á Rafik Hariri, fyrrverandi forsætisráðherra í gær. Þar sem áður ríkti friður og uppbygging var áberandi er í dag stjórnmálakreppa og reiði.

Sökk undan ströndum Sómalíu

Einn Íslendingur og tveir Norðmenn eru í haldi í Sómalíu, þar sem borgarastyrjöld og vargöld geisa, eftir að bátur þeirra sökk úti fyrir ströndum landsins á miðvikudag í síðustu viku. Ekki er vitað hver Íslendingurinn er en mennirnir hafa ítrekað þurft að mæta fyrir rétt.

Ákærð fyrir stórfellt smygl

Sjö manns, fimm karlmenn og tvær konur, eru ákærðir fyrir smygl á eitt þúsund e-töflum og 130 grömmum af kókaíni í janúar í fyrra. Efnið kom með pósti til landsins.

Þorskhængar syngja og dansa

Norskir fiskifræðingar hafa komist að því að þorskhængar syngja og dansa til að laða til sín hrygnur, sem vilja að þeir svilji hrogn þeirra.

Rætt um endurkomu Kristins

Stjórn þingflokks Framsóknarflokksins hefur átt í viðræðum við Kristin H. Gunnarsson að undanförnu um að hann endurheimti fyrri stöðu í nefndum Alþingis. Búist er við að það dragi til tíðinda á sérstökum þingflokksfundi í kvöld. Formaður þingflokksins segir þó eingöngu um reglubundinn kvöldverðarfund þingflokksins að ræða.

Kristall Plús fer á markað

Umhverfisstofnun hefur leyft Ölgerðinni Agli Skallagrímssyni að setja vítamínbætt sódavatn á markað, en Lýðheilsustöð hafði gert athugasemdir við það.

Þjóðin syrgir látinn leiðtoga

Ekki er vitað með vissu hverjir réðu Rafik Hariri bana í Beirút í fyrradag en ekki er útilokað að sýrlensk stjórnvöld eða skjólstæðingar þeirra beri þar ábyrgð. Þjóðarsorg ríkir í Líbanon.

60 manns fórust í moskubruna

Í það minnsta sextíu manns fórust í eldsvoða í mosku í Tehran í fyrrakvöld og slösuðust 350 til viðbótar.

Benda á fjármálaráðherra

Verð á áfengi hér á landi er ekki svo hátt vegna hárrar álagningar heildsala heldur vegna ofurskattlagningar á áfengi. Þetta segir Félag íslenskrar stjórkaupmanna í yfirlýsingu sem send hefur verið út vegna ummæla Geirs H. Haarde fjármálaráðherra 11. febrúar þar sem hann hvatti áfengisheildsala til að lækka álagningu á áfengi.

Mistök í útkalli á Vestfjörðum

Sjúkrabíll frá Ísafirði var kallaður til fyrir mistök þegar óskað var eftir aðstoð eftir að 73 ára maður í Bolungarvík hafði hnigið niður meðvitundarlaus. Sjúkrabíllinn frá Ísafirði var fimmtán mínútur á leiðinni en það hefði tekið sjúkrabíl úr Bolungarvík mun styttri tíma að komast á staðinn. Þegar sjúkrabíllinn kom að var maðurinn látinn. Greint er frá þessu á vefsíðu Bæjarins besta á Ísafirði.

Áfengisgjald skýrir ekki hátt verð

Hátt áfengisgjald hér á landi skýrir ekki eitt og sér hátt verð á léttvíni og bjór á íslenskum veitingahúsum heldur er álagning veitingamanna á bilinu 130 til 360 prósent. Samgönguráðherra lét taka saman skýrslu um verð á áfengi vegna umræðu um það að áfengisgjaldið skekki samkeppnisstöðu Íslands sem ferðamannalands.

Leitað að námumönnum á lífi

Björgunarmenn leita nú að eftirlifendum eftir að gasprenging í kolanámu í Kína varð 203 námumönnum að bana í gær. Þetta er mannskæðasta námuslys í Kína eftir að kommúnistar komust til valda árið 1949. Tólf námumenn lokuðustu niðri í námunni og 22 fengu alvarleg brunasár. Yfirvöld segja að allt verði reynt til að bjarga þeim sem eftir lifa.

Aukafjárveiting vegna hamfara

Ríkisstjórnin hefur samþykkt sérstaka aukafjárveitingu til Alþjóðaheilbrigðismálastofnunarinnar vegna náttúruhamfaranna við Indlandshaf. Framlagið er tíu milljónir króna og er í samræmi við það sem aðrar Norðurlandaþjóðir hafa reitt af hendi samkvæmt upplýsingum frá heilbrigðisráðuneytinu.

Atvinnuleysi minnkar á landinu

Samkvæmt nýjum tölum frá Vinnumálastofnun fjölgaði atvinnulausum örlítið í janúar frá því í desember. Þegar búið er að leiðrétta atvinnuleysistölur fyrir árstíðabundnum sveiflum sést hins vegar að atvinnuleysi er í raun að minnka um þessar mundir og hefur árstíðaleiðrétt atvinnuleysi ekki verið minna síðan í júlí 2002.

Bannað að auglýsa lægra verð

Áfrýjunarnefnd samkeppnismála hefur staðfest úrskurð samkeppnisráðs um að Orkunni sé óheimit að auglýsa að hún bjóði lægra eldsneytisverð en aðrar bensínstöðvar. Atlantsolía, Ego og Olíuverzlun Íslands kvörtuðu til Samkeppnisstofnunar vegna auglýsinga Orkunnar. Í úrskurði áfrýjunarnefndar segir að Orkunni hafi ekki tekist að sanna þær fullyrðingar að fyrirtækið bjóði jafnan lægra eldsneytisverð en aðrir.

Ósakhæf vegna geðveilu

Dómarar í Texas hafa úrskurðað 36 ára gamla móður, sem var ákærð fyrir að hafa höggvið hendurnar af tíu mánaða barni sínu, ósakhæfa vegna geðhvarfasýki. Bæði ákæruvaldið og verjendur konurnnar mæltu með því að hún yrði úrskurðuð ósakhæf svo hún mætti fá viðeigandi meðferð á geðsjúkrahúsi.

Hreint og klárt lögbrot

Þær aðstæður sem föngum í fangelsinu á Akureyri er gert að búa við eru hreint og klárt lögbrot að áliti Margrétar Frímannsdóttur alþingismanns. Hún segir að úrbótum í málefnum fanga hafi lítið miðað, en nú kveði við nýjan tón hjá nýjum fangelsismálastjóra. </font /></b />

Bóndi beri ekki skít á freðna jörð

Umhverfisráð hefur veitt neikvæða umsögn um beiðni hænsnabónda á Kjalarnesi um að fá að dreifa húsdýraáburði á freðna jörð.

Hátt í 100 miltisbrandsstaðir

Hátt í hundrað tilkynningar um staði sem taldir eru miltisbrandssýktir hafa borist Sigurði Sigurðarsyni dýralækni sauðfjár- og nautgripasjúkdóma hjá yfirdýralæknisembættinu.

Átök vegna samkynhneigðra mörgæsa

Tvær karlkyns mörgæsir í dýragarði í Bremerhaven í Þýskalandi hafa vakið harðar deilur um réttindi samkynhneigðra þar í landi. Mörgæsakarlanir urðu ástfangnir og mega nú ekki hvor af öðrum sjá. Yfirmenn dýragarðsins hafa brugðist við með þeim hætti að fá kvenmörgæsir frá dýragarði í Svíþjóð til að freista karlanna.

Prestur dæmdur fyrir kynferðisbrot

Dómari dæmdi í dag fyrrverandi kaþólskan prest sem starfaði í Boston í Bandaríkjunum í 12 ára fangelsi fyrir að hafa nauðgað ungum dreng og beitt hann kynferðisofbeldi á níunda áratugnum. Málið er angi af miklu kynlífshneyksli innan kaþólsku kirkjunnar sem komst í hámæli árið 2002, en þá voru margir prestar í erkibiskupsdæminu í Boston sakaðir um að hafa beitt unga drengi kynferðisofbeldi.

Ráðist á Sýrlendinga í Líbanon

Æstur múgur réðst að sýrlenskum verkamönnum í Suður-Líbanon í dag. Þá réðst annar hópur með grjótkasti að sýrlenskri skrifstofu og endaði með því að bera eld að henni, en stjórnvöldum í Damaskus í Sýrlandi er kennt um morðið á Rafik Hariri, fyrrverandi forsætisráðherra Líbanons, í gær.

Sakfelldir fyrir kynlífsþrælkun

Átta menn voru dæmdir í fangelsi í héraðsdómi í Osló í dag fyrir að hafa haft tvær konur frá Rússlandi og Litháen í kynlífsþrælkun. Konurnar voru neyddar til að stunda vændi í Osló og haldið sem þrælum. Höfuðpaurinn sem er frá Georgíu fékk ellefu ára fangelsisdóm fyrir mannrán og þrælahald og yngri bróðir hans fjögurra og hálfs árs dóm.

Dæmdur fyrir margvísleg brot

Tuttugu og sex ára karlmaður var dæmdur í tíu mánaða fangelsi í Héraðsdómi Reykjavíkur í dag fyrir margvísleg auðgunarbrot og brot a fíkniefnalöggjöfinni. Frá fangelsisdómnum dregst gæsluvarðhald í tvo og hálfan mánuð. Maðurinn hefur komið við sögu lögreglu vegna ótal fíkniefnabrota og áður fengið skilorðsbundna fangelsisdóma fyrir þjófnaði og fíkniefnabrot.

Tónlist hlaðin niður í farsíma

Innan tíðar verða gemsar færir um að leika tónlist eins og mp-3 spilarar. Nokia, Microsoft og Loudeye greindu í gær frá því að þau hygðust hefja samstarf um þróun næstu kynslóðar farsíma. Sú kynslóð mun gera farsímafyrirtækjum fært að bjóða áskrifendum sínum tónlist sem hægt er að hlaða niður.

Búa í hjólhýsum eða á loftum

Halldór Grönvold, aðstoðarframkvæmdastjóri Alþýðusambands Íslands, segir að upplýst hafi verið að fyrirtæki "geymi" erlenda verkamenn, sem komið hafa ólöglega til starfa á Íslandi, í hjólhýsum, ósamþykktu húsnæði í verksmiðjuhverfum, uppi á loftum yfir verkstæðum þar sem þeir hafa verið starfandi eða jafnvel á byggingarstað.

Kaupa heilu blokkirnar

Ný stétt fasteignaheildsala hefur myndast upp á síðkastið. Fjárfestar hafa komið auga aukin tækifæri á húsnæðismarkaði og séð sér hag í því að kaupa húsnæði og selja á tímapunkti þar sem þeir telja sig fá mest fyrir snúð sinn.

Pólitísk tíðindi við Tjörnina?

Pólitískra tíðinda gæti verið að vænta úr tólf manna matarveislu við Tjörnina í kvöld. Þingmenn Framsóknarflokksins ætla að snæða saman og ræða málefni flokksins, þar á meðal stöðu Kristins H. Gunnarssonar sem útilokaður var frá nefndarstarfi í haust. Sáttatónn virðist vera kominn í menn.

Þjóðleikhúsið hriplekt

"Það er misjafnt hvar lekur mest, þetta fer allt eftir veðri og vindum," segir Ásdís Þórhallsdóttir, umsjónarmaður Smíðaverkstæðis Þjóðleikhússins, en leikmynd á Smíðaverkstæðinu er á floti eftir talsverða úrkomu undanfarna daga.

Kostar 620 milljónir

Á fundi borgarstjórnar á þriðjudag sögðu sjálfstæðismenn að kostnaður við landnámsbæinn væri kominn 170 til 263 milljónum fram úr áætlunum. Kostnaður væri nú 620 milljónir.