Boltinn hjá ráðuneytinu

Hvorki talsmenn né yfirmenn Varnarliðsins á Keflavíkurflugvelli vilja tjá sig um ummæli Kristjáns Gunnarssonar, formanns Verkalýðs- og sjómannafélags Keflavíkur og nágrennis, um meint kjarasamningsbrot gagnvart íslenskum starfsmönnum sínum.

Skemmdur Svali innkallaður

"Ég hafði keypt einhverjar fjórar pakkningar af þessu og einn þeirra sprakk upp úr þurru í ísskápnum," segir viðskiptavinur sem var ekki sáttur með framleiðandann Vífilfell vegna mengaðs Svala sem sonur hans neytti og veiktist af. Svalinn var innkallaður frá verslunum í júní en þá höfðu þó nokkrir keypt vöruna í grandaleysi.

Tunglför fagnað á morgun

Sigri Bandaríkjamanna í kapphlaupinu til tunglsins verður fagnað í geimferðastofnuninni NASA á morgun, þegar liðin verða 35 ár síðan Neil Armstrong steig fyrstur manna á tunglið. George Bush, Bandaríkjaforseta, langar til að senda aðra ferju til tunglsins en mörgum þykir það vera bæði of dýrt og skorta tilgang.

Nýir sporvagnar í Aþenu

Skipuleggjendur Ólympíuleikanna í Grikklandi anda léttar eftir að sporvagnar voru teknir í notkun í Aþenu í morgun. Þeir eiga að létta á umferðarþunganum og er ætlað að flytja áhorfendur á leikvanga Ólympíuleikanna. Allur floti NATO verður á vakt meðan á leikunum stendur en öryggisgæsla í tengslum við þá hefur aldrei verið meiri.

Skýstrókur veldur tjóni

Skýstrókur olli tjóni í Ruhr-héraði í Þýskalandi í gærkvöld. Skýstrókurinn gekk yfir þrjá bæi og var svo öflugur að flutningagámar hófust á loft og lentu úti í á skammt frá. Strókurinn skildi eftir sig slóð eyðileggingar og nokkrir slösuðust. Stór hluti bæjanna varð rafmagnslaus, ár flæddu yfir bakka sína og almenningssamgöngur lágu niðri fram eftir degi.

Grafa upp Gásakaupstað

Einar merkustu rústir miðaldakaupstaðar hérlendis er að finna rétt fyrir utan Akureyri, þar sem fornleifafræðingar eru að grafa upp Gásakaupstað hinn forna.

Vill láta athuga rekstrarleyfi

Framkvæmdastjóri Samtaka ferðaþjónustunnar botnar ekkert í því að gististöðum með óviðunandi brunavarnir sé veitt rekstrarleyfi og vill láta rannsaka hvernig standi á því. Brunavarnir eru í slæmu ástandi á hartnær helmingi gististaða í landinu.

Hóta að segja sig úr ráðinu

Japanir hóta að segja sig úr Alþjóðahvalveiðiráðinu verði banni við hvalveiðum í atvinnuskyni ekki aflétt. Þeir segjast ennfremur ætla að auka vísindaveiðar sínar til muna. Líkur hafa aukist á að hvalveiðar í atvinnuskyni verði leyfðar á ný, eftir átján ára bann.

Kafarar leita í sjó

Kafarar leituðu í sjó við Geldinganes í Reykjavík í dag vegna hvarfs hinnar indónesísku Sri Ramawati fyrir tveimur vikum. För eftir jeppa fundust á svæðinu sem gætu verið eftir jeppa mannsins sem grunaður er um að vera valdur að hvarfi hennar.

Forstjóri ávítar mótmælendur

Náttúruvaktin flaggaði í hálfa stöng við Landsvirkjun í dag í tilefni af því að tvö ár eru liðin síðan viljayfirlýsing um álver á Reyðarfirði var undirrituð. Forstjóri Landsvirkjunar ávítaði mótmælendur fyrir að nota eignir annarra í mótmælaskyni.

Dæmd fyrir eiturlyfjasmygl

Ekki hefur tekist að upplýsa um samverkamenn nígerískrar konu, sem var í dag dæmd í átján mánaða fangelsi fyrir að smygla hálfu kílói af kókaíni til landsins. Bæði var ákært og dæmt í málinu í dag, um leið og gæsluvarðhald yfir konunni rann út, enda lá fyrir játning hennar.

Meðferð málsins skrípaleikur

Stjórnarandstaðan í Allsherjarnefnd Alþingis segir meðferð fjölmiðlamálsins skrípaleik. Fundur nefndarinnar hófst klukkan fimm í dag, en var frestað í morgun. Meirihluti nefndarinnar kynnti ekki niðurstöðu stjórnarformannanna en sagði að hún yrði kynnt á fundi nefndarinnar á morgun.

Ákvörðun kynnt í ríkisstjórn

Formenn stjórnarflokkanna hafa komist að niðurstöðu í fjölmiðlamálinu. Þeir vildu þó ekki staðfesta að ákveðið hefði verið að bakka með fjölmiðlafrumvarpið. Hún verður kynnt í ríkisstjórn á morgun. Forsætisráðherra segist reikna með að Allsherjarnefnd ljúki málinu á morgun.

Halli á ríkisendurskoðun

Ríkisendurskoðun fór rúmlega fjörutíu milljónir króna fram úr fjárlögum í fyrra, á sama tíma og embættið gagnrýndi aðrar ríkisstofnanir fyrir agaleysi í fjármálum. Ríkisendurskoðandi segir ekki hægt að stemma uppgjör nákvæmlega upp á krónu sem úthlutað er á fjárlögum.

Filippseyingar heim á morgun

Filippseysk stjórnvöld segja að hermenn þeirra yfirgefi Írak á morgun til að lífi filippseyska gíslsins sem er í haldi írakskra mannræningja verði þyrmt. Ræningjarnar hafa hótað að afhöfða manninn verði hermennirnir ekki kvaddir heim fyrir 20. júlí.  

Arafat uppræti spillingu

Palestínskir mótmælendur hafa gengið um götur Gasaborgar og krafist þess að Jasser Arafat forseti uppræti spillingu. Valdabarátta milli palestínskra afla verður æ meira áberandi eftir því sem nær dregur áætlunum Ariels Sharons, forsætisráðherra Ísraels, um að kalla hersveitir sínar af svæðinu og leggja niður landnemabyggðir á næsta ári.

Þungaðar konur með anorexíu

Æ fleiri þungaðar konur og nýbakaðar mæður eru lagðar inn til meðferðar við átröskunarsjúkdómum á Ríkisspítalann í Kaupmannahöfn. Yfirlæknir spítalans segir þetta verulegt áhyggjuefni og segir afleiðingarnar geta verið hræðilegar fyrir bæði móður og barn.

Danir vilja hvalveiðar að nýju

Danir ætla að leggja fram tillögu í Alþjóða hvalveiðiráðinu sem á að liðka fyrir því að hvalveiðar í viðskiptaskyni geti hafist að nýju eftir tæplega tveggja áratuga hvalveiðibann. Samkvæmt fréttum á vefsíðu Politiken í Danmörku hefur tillögu þar að lútandi verið dreift til aðildarríkja ráðsins fyrir fund þess sem fram fer síðar í vikunni.

Myrti a.m.k. 19 manns

Lögregla í Suður-Kóreu hefur handtekið 34 ára gamlan mann sem grunaður er um að hafa myrt a.m.k. 19 manns og yrði, ef rétt reynist, mesti raðmorðingi í sögu landsins. Lögreglan segir rökstuddan grun um að hann hafi myrt 15 manns á innan við ári, aðallega konur, en einnig roskið fólk í hverfi velstæðs fólks í höfuðborginni.

11 látast í árás Bandaríkjamanna

Bandaríkjaher felldi ellefu Íraka í loftárás á hús í Fallúja í morgun. Upplýsingar um tölu fallinna komu frá lækni á aðalsjúkrahúsi borgarinnar og Bandaríkjaher hefur staðfest að hafa staðið fyrir loftárásinni. 

Fjórtán teknir fyrir hraðakstur

Nokkur erill var hjá lögreglunni á Akureyri í nótt. Eitthvað var um ryskingar og skemmdarverk í miðbænum og fjórtán ökumenn voru teknir fyrir of hraðan akstur, flestir utanbæjar.

Máttarstólparnir fara

Ungu fólki hefur fækkað mun hraðar en því eldra á landsbyggðinni síðustu árin. Þróunin er sú sama víða um land og veldur stjórnendum sveitarfélaganna áhyggjum. Erfiðara að reka sveitarfélögin og skuldirnar skiptast milli færri greiðenda. Félagsmálaráðherra segir ríkisstjórnina með aðgerðaáætlun í undirbúningi.

Íþróttafélögin fá 176 milljónir

Akureyrarbær mun styrkja nokkur íþróttafélag í bænum um 176,5 milljónir á næstu fjórum árum. Fyrir helgi voru undirritaðir samningar þar að lútandi í anddyri sundlaugar Akureyrar þar sem viðstaddir voru fulltrúar íþróttafélaganna sem styrkt verða ásamt fulltrúum Akureyrarbæjar.

Neikvæð þróun

"Almennt séð finnst mér þetta vera neikvæð þróun," segir Árni Magnússon félagsmálaráðherra. "Það verður auðvitað erfitt að halda landinu í byggð ef yngra fólkið flyst þaðan."

Margar ástæður að baki

Vilhjálmur Þ. Vilhjálmsson, formaður Sambands íslenskra sveitarfélaga telur fá önnur úrræði við fólksfækkun en að skapa almenn skilyrði fyrir atvinnurekstur í hverju einstöku sveitarfélagi. </font />

Einmanalegt og drungalegt á vetrum

"Fólk fer burt til þess að fara í framhaldsskóla og hefur kannski ekkert mikið að sækja til þess að fara til baka," segir Guðmundur Vignir Þórðarson. Guðmundur er tæplega þrítugur og flutti á höfuðborgarsvæðið frá Hólmavík fyrir rúmlega tíu árum þegar hann hóf framhaldsskólanám.

Bílvelta á Hellisheiði í morgun

Fólksbifreið valt út af veginum í Hveradalabrekku á Hellisheiði um klukkan hálfsjö í morgun. Að sögn lögreglu virðist sem ökumaðurinn, eldri karlmaður, hafi misst stjórn á bifreiðinni og endaði hún á hvolfi utan vegar.

20 börn enn í lífshættu

Tuttugu börn, sem brunnu illa í eldsvoða í barnaskóla í smábæ á Indlandi á föstudag, berjast enn fyrir lífi sínu. Fjöldi fólks gekk þögult um götur bæjarins Kumbakonam í gær til að votta aðstandendum samúð sína og knýja á um að stjórnvöld í landinu bæti ástand skólabygginga en skólarnir eru margir starfræktir í óviðundandi húsnæði.

Niðurstöður áratugsvinnu

Formaður Alþjóða hvalveiðiráðsins leggur til að hvalveiðar í atvinnuskyni verði leyfðar á nýjan leik eftir tæplega tveggja áratuga hvalveiðibann á ársfundi ráðsins sem hefst í Sorrento á Ítalíu á morgun. Stefán Ásmundsson, formaður íslensku sendinefndarinnar í Alþjóða hvalveiðiráðinu, segir tillögurnar í raun vera niðurstöðu áratugsvinnu.

Miklir eldar í Nevada

750 slökkviliðsmenn hafa barist við elda í Nevada-ríki í Bandaríkjunum þar sem miklir skógareldar hafa geisað frá því á miðvikudag. Sextán heimili hafa orðið eldinum að bráð, tvö fyrirtæki og á þriðja tug útihúsa.

Baldur stofnar hreyfingu

Baldur Ágústsson, sem freistaði þess að verða forseti íslensku þjóðarinnar fyrir tæpum mánuði, hefur stofnað hreyfingu einstaklinga sem vilja bæta íslenskt samfélag. Hann segist hafa fundið mikinn hljómgrunn á meðal fólks um baráttumál sín í kosningabaráttunni, t.a.m. skuldasöfnun ungmenna, aðbúnað aldraðra, fátækt og fíkniefnavandann.

Haraldur heimsbikarmeistari

Haraldur Pétursson varð heimsbikarmeistari í torfæruakstri í gær en hann sigraði með glæsibrag í keppni sem fram fór við Stapafell á Reykjanesi. Haraldur er með fullt hús stiga í keppninni og enginn getur náð honum að stigum þegar fjórða og síðasta umferð heimsbikarsins fer fram á Hellu.

Dregið í opnunarleik Vísis

Búið er að draga úr skráningum sem bárust í opnunarleik Vísis sem efnt var til vegna opnunar nýs og glæsilegs vefs, www.visir.is 16. júní síðastliðinn. Samtals skráðu sig rúmlega 11.000 manns og voru fimm heppnir þátttakendur dregnir út.

Sprengihleðsla í veiðarfærunum

Sprengihleðsla úr bresku tundurdufli síðan í seinni heimsstyrjöldinni kom upp með veiðarfærum togarans Brettings í gær þar sem hann var að veiðum í Rósagarðinum út af Suðausturlandi. Sprengjusérfræðingar Landhelgisgæslunnar héldu þegar austur og nálægt miðnætti kom togarinn til Fáskrúðsfjarðar.

Tveir Danir létust í rútuslysi

Tveir létust og á sjötta tug eru slasaðir, þar af tíu alvarlega, eftir að tveggja hæða langferðabifreið ók fram af brú á hraðbraut við Köln í Þýskalandi í morgun.

Aflífaður fyrir nauðgunartilraun

Maður sem sekur var um tilraun til að nauðga konu var hálshöggvinn í borginni Ríad í Sádi Arabíu í dag. Maðurinn hafði brotist ölvaður inn á heimili konunnar, stungið hana hnífi í hálsinn og hótað að myrða börnin hennar. Konan veitti manninum mótþróa og tókst honum ekki að koma fram vilja sínum við hana.

Rússneskur ritstjóri myrtur

Ritstjóri rússnesks menningartímarits fannst myrtur í miðborg Moskvu, höfuðborgar Rússlands, í gær. Maðurinn, <span class="frettatexti">Pail Peloyan að nafni,</span> hafði verið stunginn nokkrum sinnum í brjóstið og bar þess merki að hafa verið sleginn ítrekað í andlitið.

Barði unnustuna með krókódíl

Rúmlega fertugur karlmaður var handtekinn í gær í Flórída í Bandaríkjunum fyrir að berja unnustu sína með þriggja feta krókódíl. Maðurinn hélt krókódílinn sem gæludýr í baðkarinu sínu í hjólhýsinu þar sem skötuhjúin búa.

Treysta Blair ekki í annað stríð

Meirihluti breskra kjósenda treystir Tony Blair forsætisráðherra ekki lengur til að leiða land sitt í stríð samkvæmt niðurstöðum skoðanakönnunar sem birtist í Sunday Times. 57 prósent segjast ekki myndu treysta Blair ef kæmi til annars stríðs og aðeins 31 prósent sagðist treysta honum til að leiða landið í öðru stríði.

Eilíf barátta

Iðnaðarráðherra segir eilífa baráttu að verjast því að ungt fólk flytji búferlum af landsbyggðinni. Þingmaður Samfylkingar gagnrýnir stjórnvöld fyrir aðgerðaleysi í byggðamálum. Bæði eru þó sammála um að baráttan sé hvergi nærri töpuð.</font /></strong /><b><font face="Helv" color="#008080"></font></b>

Breskur ráðherra til landsins

Dr. Denis MacShane, Evrópumálaráðherra Bretlands, mun flytja opinn fyrirlestur sem ber yfirskriftina „Hin nýja Stjórnarskrá Evrópu - Álitamál og áhrif á EES löndin“ í Norræna húsinu nk. fimmtudag.. Auk þess mun  hann ræða stuttlega varnarmálastefnu Evrópusambandsins, stöðu smærri Evrópulanda innan og utan ESB og hugsanlega aðild Íslands og Noregs að sambandinu.

6 látnir og 40 slasaðir í bílslysi

Að minnsta kosti sex létust og um 40 slösuðust í tuttugu bíla árekstri fyrir sunnan Róm á Ítalíu í dag. Ekki er vitað um tildrög slyssins en getgátur eru uppi um að hraðakstur eigi hlut að máli, ellegar að reykur vegna bruna nálægt hraðbrautinni hafi truflað einhverja ökumenn.

Bílvelta í Ísafjarðardjúpi

Bílvelta varð í Ísafjarðardjúpi í nótt og er talið að ökumaður hafi misst stjórn á bifreiðinni í lausamöl. Þrennt var í bílnum og sakaði engan að sögn lögreglu.

Flaug kjarnorkusprengjuvélinni

Flugmaður vélarinnar, sem varpaði kjarnorkusprengjunni á Nagasakí í Japan á lokadögum síðari heimsstyrjaldarinnar, lést í fyrradag á sjúkrahúsi í Boston í Bandaríkjunum. Hann hét Charles W. Sweeney og var 84 ára gamall.

Mótmæla málsmeðferð

Mannréttindahópar hafa lýst áhyggjum af því hver verður framgangur réttarhalda yfir írönskum fangaverði sem er sakaður um að hafa myrt íransk-kanadískan ljósmyndara.