Flaug kjarnorkusprengjuvélinni

Flugmaður vélarinnar, sem varpaði kjarnorkusprengjunni á Nagasakí í Japan á lokadögum Síðari heimsstyrjaldarinnar, lést í fyrradag á sjúkrahúsi í Boston í Bandaríkjunum. Hann hét Charles W. Sweeney og var 84 ára gamall. Sweeney var 25 ára þegar hann, ásamt áhöfn sinni á B-29 sprengjuflugvél, sveimaði nokkra hringi yfir Nagasakí áður en þeir létu fimm þúsund kílóa kjarnorkusprengjuna falla á borgina þann 9. ágúst 1945. 70.000 manns létust í og eftir sprenginguna. Sonur Sweeneys segir að faðir sinn hafi alltaf litið svo á að þetta verkefni hafi verið afar mikilvægt en Síðari heimsstyrjöldinni lauk stuttu seinna.