Margar ástæður að baki

Vilhjálmur Þ. Vilhjálmsson, formaður Sambands íslenskra sveitarfélaga telur fá önnur úrræði við fólksfækkun en að skapa almenn skilyrði fyrir atvinnurekstur í hverju einstöku sveitarfélagi. </font />

Einmanalegt og drungalegt á vetrum

"Fólk fer burt til þess að fara í framhaldsskóla og hefur kannski ekkert mikið að sækja til þess að fara til baka," segir Guðmundur Vignir Þórðarson. Guðmundur er tæplega þrítugur og flutti á höfuðborgarsvæðið frá Hólmavík fyrir rúmlega tíu árum þegar hann hóf framhaldsskólanám.

Bílvelta á Hellisheiði í morgun

Fólksbifreið valt út af veginum í Hveradalabrekku á Hellisheiði um klukkan hálfsjö í morgun. Að sögn lögreglu virðist sem ökumaðurinn, eldri karlmaður, hafi misst stjórn á bifreiðinni og endaði hún á hvolfi utan vegar.

20 börn enn í lífshættu

Tuttugu börn, sem brunnu illa í eldsvoða í barnaskóla í smábæ á Indlandi á föstudag, berjast enn fyrir lífi sínu. Fjöldi fólks gekk þögult um götur bæjarins Kumbakonam í gær til að votta aðstandendum samúð sína og knýja á um að stjórnvöld í landinu bæti ástand skólabygginga en skólarnir eru margir starfræktir í óviðundandi húsnæði.

Niðurstöður áratugsvinnu

Formaður Alþjóða hvalveiðiráðsins leggur til að hvalveiðar í atvinnuskyni verði leyfðar á nýjan leik eftir tæplega tveggja áratuga hvalveiðibann á ársfundi ráðsins sem hefst í Sorrento á Ítalíu á morgun. Stefán Ásmundsson, formaður íslensku sendinefndarinnar í Alþjóða hvalveiðiráðinu, segir tillögurnar í raun vera niðurstöðu áratugsvinnu.

Miklir eldar í Nevada

750 slökkviliðsmenn hafa barist við elda í Nevada-ríki í Bandaríkjunum þar sem miklir skógareldar hafa geisað frá því á miðvikudag. Sextán heimili hafa orðið eldinum að bráð, tvö fyrirtæki og á þriðja tug útihúsa.

Baldur stofnar hreyfingu

Baldur Ágústsson, sem freistaði þess að verða forseti íslensku þjóðarinnar fyrir tæpum mánuði, hefur stofnað hreyfingu einstaklinga sem vilja bæta íslenskt samfélag. Hann segist hafa fundið mikinn hljómgrunn á meðal fólks um baráttumál sín í kosningabaráttunni, t.a.m. skuldasöfnun ungmenna, aðbúnað aldraðra, fátækt og fíkniefnavandann.

Haraldur heimsbikarmeistari

Haraldur Pétursson varð heimsbikarmeistari í torfæruakstri í gær en hann sigraði með glæsibrag í keppni sem fram fór við Stapafell á Reykjanesi. Haraldur er með fullt hús stiga í keppninni og enginn getur náð honum að stigum þegar fjórða og síðasta umferð heimsbikarsins fer fram á Hellu.

Dregið í opnunarleik Vísis

Búið er að draga úr skráningum sem bárust í opnunarleik Vísis sem efnt var til vegna opnunar nýs og glæsilegs vefs, www.visir.is 16. júní síðastliðinn. Samtals skráðu sig rúmlega 11.000 manns og voru fimm heppnir þátttakendur dregnir út.

Sprengihleðsla í veiðarfærunum

Sprengihleðsla úr bresku tundurdufli síðan í seinni heimsstyrjöldinni kom upp með veiðarfærum togarans Brettings í gær þar sem hann var að veiðum í Rósagarðinum út af Suðausturlandi. Sprengjusérfræðingar Landhelgisgæslunnar héldu þegar austur og nálægt miðnætti kom togarinn til Fáskrúðsfjarðar.

Tveir Danir létust í rútuslysi

Tveir létust og á sjötta tug eru slasaðir, þar af tíu alvarlega, eftir að tveggja hæða langferðabifreið ók fram af brú á hraðbraut við Köln í Þýskalandi í morgun.

Aflífaður fyrir nauðgunartilraun

Maður sem sekur var um tilraun til að nauðga konu var hálshöggvinn í borginni Ríad í Sádi Arabíu í dag. Maðurinn hafði brotist ölvaður inn á heimili konunnar, stungið hana hnífi í hálsinn og hótað að myrða börnin hennar. Konan veitti manninum mótþróa og tókst honum ekki að koma fram vilja sínum við hana.

Rússneskur ritstjóri myrtur

Ritstjóri rússnesks menningartímarits fannst myrtur í miðborg Moskvu, höfuðborgar Rússlands, í gær. Maðurinn, <span class="frettatexti">Pail Peloyan að nafni,</span> hafði verið stunginn nokkrum sinnum í brjóstið og bar þess merki að hafa verið sleginn ítrekað í andlitið.

Barði unnustuna með krókódíl

Rúmlega fertugur karlmaður var handtekinn í gær í Flórída í Bandaríkjunum fyrir að berja unnustu sína með þriggja feta krókódíl. Maðurinn hélt krókódílinn sem gæludýr í baðkarinu sínu í hjólhýsinu þar sem skötuhjúin búa.

Treysta Blair ekki í annað stríð

Meirihluti breskra kjósenda treystir Tony Blair forsætisráðherra ekki lengur til að leiða land sitt í stríð samkvæmt niðurstöðum skoðanakönnunar sem birtist í Sunday Times. 57 prósent segjast ekki myndu treysta Blair ef kæmi til annars stríðs og aðeins 31 prósent sagðist treysta honum til að leiða landið í öðru stríði.

Eilíf barátta

Iðnaðarráðherra segir eilífa baráttu að verjast því að ungt fólk flytji búferlum af landsbyggðinni. Þingmaður Samfylkingar gagnrýnir stjórnvöld fyrir aðgerðaleysi í byggðamálum. Bæði eru þó sammála um að baráttan sé hvergi nærri töpuð.</font /></strong /><b><font face="Helv" color="#008080"></font></b>

Breskur ráðherra til landsins

Dr. Denis MacShane, Evrópumálaráðherra Bretlands, mun flytja opinn fyrirlestur sem ber yfirskriftina „Hin nýja Stjórnarskrá Evrópu - Álitamál og áhrif á EES löndin“ í Norræna húsinu nk. fimmtudag.. Auk þess mun  hann ræða stuttlega varnarmálastefnu Evrópusambandsins, stöðu smærri Evrópulanda innan og utan ESB og hugsanlega aðild Íslands og Noregs að sambandinu.

6 látnir og 40 slasaðir í bílslysi

Að minnsta kosti sex létust og um 40 slösuðust í tuttugu bíla árekstri fyrir sunnan Róm á Ítalíu í dag. Ekki er vitað um tildrög slyssins en getgátur eru uppi um að hraðakstur eigi hlut að máli, ellegar að reykur vegna bruna nálægt hraðbrautinni hafi truflað einhverja ökumenn.

Bílvelta í Ísafjarðardjúpi

Bílvelta varð í Ísafjarðardjúpi í nótt og er talið að ökumaður hafi misst stjórn á bifreiðinni í lausamöl. Þrennt var í bílnum og sakaði engan að sögn lögreglu.

Flaug kjarnorkusprengjuvélinni

Flugmaður vélarinnar, sem varpaði kjarnorkusprengjunni á Nagasakí í Japan á lokadögum síðari heimsstyrjaldarinnar, lést í fyrradag á sjúkrahúsi í Boston í Bandaríkjunum. Hann hét Charles W. Sweeney og var 84 ára gamall.

Mótmæla málsmeðferð

Mannréttindahópar hafa lýst áhyggjum af því hver verður framgangur réttarhalda yfir írönskum fangaverði sem er sakaður um að hafa myrt íransk-kanadískan ljósmyndara.

Aftur í faðm fjölskyldunnar

Tæpum fjórum áratugum eftir að bandaríski hermaðurinn Charles Jenkins hvarf frá herdeild sinni í Suður-Kóreu og birtist í Norður-Kóreu er hann í fyrsta skipti kominn í land þar sem Bandaríkjamenn eiga möguleika á að fá hann framseldan.

Glæpamaður verður borgarstjóri

Sögulegum borgarstjórakosningum í rússnesku borginni Vladivostok við Kyrrahafið lauk í gær með sigri Vladimir Nikolayev. Nikolayev var legið á hálsi í kosningabaráttunni fyrir að reyna að hylja yfir glæpsamlega fortíð sína. Hann var handtekinn árið 1998 ásakaður um fjárkúganir og ofbeldisverk en náðaður ári síðar.

Kveikt í skrifstofum á Gasa

Liðsmenn Fatah-hreyfingar Jassers Arafats, forseta Palestínu, kveiktu í skrifstofum heimastjórnar Palestínumanna á Gasasvæðinu í dag.Mikil reiði er meðal Palestínumanna vegna þeirra breytinga sem Arafat gerði á öryggissveitum heimastjórnarinnar. Stjórnarkreppa er í landinu og neyðarástand ríkir í Gasaborg. 

Hefðu átt að vita betur

Fyrrum vopnaeftirlitssérfræðingur Bandaríkjanna, David Kay, segir að George W. Bush og Tony Blair hefðu átt að gera sér grein fyrir því áður en þeir hófu stríðið í Írak að upplýsingar um gjöreyðingavopn Íraka hefðu verið byggðar á veikum grunni og að ekkert benti til að Saddam Hussein ógnaði öryggi Vesturlanda.

Náttúruhamfarir víða um heim

Manntjón hefur orðið í náttúruhamförum víðs vegar um veröldina undanfarna daga. Slökkviliðsmenn hafa barist við skógarelda í Bandaríkjunum, fimmtán hafa látist í flóðum í Japan og að minnsta kosti sex hafa týnt lífi í ofsaveðri í Síberíu.

Hart sótt að Arafat

Staða Jasser Arafats, leiðtoga Palestínumanna, er erfiðari en hún hefur verið um margra ára skeið. Mikillar óánægju gætir með spillingu sem þykir hafa vaðið uppi innan heimastjórnarinnar auk þess sem hópar Palestínumanna keppast nú um að tryggja sér áhrif í aðdraganda þess að Ísraelar draga sig á brott frá Gazasvæðinu.

Fella lögin úr gildi

Framsóknarmenn sjá þá einu lausn í fjölmiðlamálinu að fella lögin úr gildi. Allsherjarnefnd kemur saman til fundar klukkan tíu í fyrramálið.

Missti stjórn á bifreið

Umferðaróhapp varð við Fornahvamm í gærmorgun. Ökumaður bifreiðar missti stjórn á honum með þeim afleiðingum að hann fór út af vegi og lenti í Norðurá.

Sundgarpur í borginni

Rétt fyrir sjö í gærmorgun var lögreglunni í Reykjavík tilkynnt um mann sem hafði hent sér í sjóinn við Reykjavíkurhöfn.

Vatn lak milli hæða

Tveir vatnslekar voru tilkynntir til Slökkviliðs höfuðborgarsvæðisins um hálf átta leytið í gærmorgun.

Sprengihleðsla eyðilögð

Skipstjórinn á togaranum Brettingi hafði samband við stjórnstöð Landhelgisgæslunnar um hálf fimm leytið á laugardaginn eins og kemur fram í fréttatilkyningu frá Landhelgisgæslunni. Tilkynnti skipstjórinn um hlut sem hafði komið upp með veiðarfærunum og gæti hugsanlega verið tundurdufl.

Auðlindir á afsláttarverði

"Mér líst auðvitað ekkert á þessar framkvæmdir. Þetta eru ferleg vinnubrögð og Landsvirkjun hefur yfirleitt komist upp með svona lagað í gegnum tíðina," segir Guðmundur Ármannsson, bóndi á Vaði í Skriðdal.

Viðræður um lyfjaverð

Nú standa yfir viðræður á milli félags íslenskra stórkaupmanna og heilbriðgðisráðuneytisins um lækkun á lyfjaverði. Félag íslenskra stórkaupmanna vill afnema svokallað viðmiðunarverð á lyfjum og koma nýju kerfi á laggirnar.

Hvalveiðar verði leyfðar á ný

Formaður Alþjóða hvalveiðiráðsins ætlar að leggja til að hvalveiðar í atvinnuskyni verði leyfðar á ný á ársfundi ráðsins sem hefst á morgun. Formaður íslensku sendinefndarinnar segir þetta stærsta skrefið í baráttunni fyrir hvalveiðum í áratug. Samtök ferðaþjónustunnar fagna því ef sátt næst um hvalveiðar.

Veiðigjaldið hafi ekki slæm áhrif

Friðrik Már Baldursson hagfræðingur segir að veiðigjald sem lagt verður á útgerðir sé ekki svo íþyngjandi að það hafi slæm áhrif á afkomu þeirra. Ari Edwald, framkvæmdastjóri Samtaka atvinnulífsins, segir hins vegar að álögur á borð við veiðigjaldið hljóti að þrengja að starfsskilyrðum greinarinnar.

Landsvirkjun þvingar ekki bændur

Landsvirkjun mótmælir því að fyrirtækið neyði bændur á Austurlandi til samninga þrátt fyrir að til standi að óska eftir eignarnámi á jörðum þeirra. Talsmaður fyrirtækisins segir eðlilega staðið að málum.

Mesta framþróun í áratug

Tillaga um að halda áfram vinnu í átt að samkomulagi um hvalveiðar í atvinnuskyni verður lögð fyrir Alþjóðahvalveiðiráðið á morgun. Formaður sendinefndar Íslands segir meiri framþróun í málinu síðustu tíu mánuði en áratuginn þar á undan.

Lögreglan hæfilega bjartsýn

Lögreglan er hæfilega bjartsýn á að leysa Stórholtsmálið innan skamms. Hún mun óska eftir framlengingu á gæsluvarðhaldi yfir fyrrverandi sambýlismanni Sri Rhamawati sem saknað hefur verið í tvær vikur. Niðurstöður úr DNA-rannsóknum liggja fyrir í þessari viku. 

Kafarar fengnir til leitar

Kafarar verða að öllum líkindum fengnir í dag til þess að leita að Sri Rahmawati, 33 ára gamalli konu sem saknað hefur verið í rúmar tvær vikur.

Krytur við upphaf viðræðna

Tveir stærstu stjórnmálaflokkar Ísraels hafa sett sér tveggja vikna tímamörk fyrir því að ná samkomulagi um aðkomu Verkamannaflokksins að ríkisstjórn. Frammámenn í báðum flokkum ítrekuðu þó í gær að mörg ljón væru í veginum fyrir samkomulagi.

Næst flytji fatlaðir fíkniefni

Jóhann R. Benediktsson, sýslumaður á Keflavíkurflugvelli, kveðst óttast að næstu burðardýr fíkniefnakónga verði fatlaðir og blindir. Hann segir smyglhringi nýta sér fjölbreytnina, þannig að ólíklegasta fólk hefur á sér fíkniefni í Leifsstöð.

Útvarpsstjóri gagnrýnir Skjá einn

Ég hygg að það verði að grípa í taumana," segir Markús Örn Antonsson útvarpsstjóri um ákvörðun sjónvarpsstöðvarinnar Skjás eins að nota enskar lýsingar á leikjum ensku knattspyrnunnar í vetur. <font face="Helv"></font>

Stúlka datt af baki

Ung stúlka slasaðist er hún datt af hestbaki síðdegis í gær í Heydal í Mjóafirði í Ísafjarðardjúpi.

"Ég ætlaði ekki að drepa hann"

25 ára gömul kona sem stakk félaga sinn í kviðinn aðfararnótt laugardags segist ekki hafa ætlað að drepa vin sinn. "Ég ætlaði ekki að drepa hann. Vildi bara hefna mín. Ég læt ekki brjóta á mér höndina og brosi," segir konan í viðtali við DV í dag.