Gular veðurviðvaranir í kortunum

Klukkan sex á sunnudagsmorgun fer í gildi gul veðurviðvörun í Breiðafirði þar sem spáð er þrettán til tuttugu metrum á sekúndu og hviður í kringum þrjátíu metra á sekúndu. Klukkan sjö tekur einnig gul veðurviðvörun gildi á Vestfjörðum.

Þá verður einnig í gildi gul veðurviðvörun á Norðurlandi vestra og Ströndum frá klukkan tíu á sunnudagsmorgun. Viðvararnirnar verða í gildi allan daginn.

Fyrst fellur úr gildi viðvörunin í Breiðafirði, klukkan ellefu að kvöldi til og þar á eftir á Vestfjörðum á miðnætti. Loks fellur viðvörunin á Norðurlandi vestra og Ströndum úr gildi klukkan eitt eftir miðnætti.